Career Pathway | Orientation

كُتيّب يحوي ٢٥ مسار بعد التخرج

اخوكم وليد عماد زريق خريج جامعه السودان العالميه ٢٠٢٢ حاتكلم عن الامتياز في مصر : الإجراءات : الشهادات العلميه والتفاصيل وثقتها من التعليم العالي والقنصيله المصريه، ومشيت مصر قدمت على المعادله في المجلس الأعلى للجامعات، التقديم إلكتروني وبسيط ترفع الشهادات عليه وبعدين يطلب سداد تقريبا الان صار ٣٠٠ دولار في البنك وترفق الايصال في التقديم وبيطلبو كمان عدم ممانعه من السفاره. انت لمن تروح تطلع عدم الممانعه اعمل نسخ طبق الأصل من الشهادات في السفاره وبعد ما تنتهي من التقديم حترفق كل الشهادات اللي قدمت فيها وترسلها بالبريد للمجلس الأعلى وتنتظر شغله من شهر إلى شهرين ونص اول ما تطلع المعادله تقدر تمشي اي مستشفى جامعي وتبدأ معهم. انا بصراحه لفيت اغلب الجامعات المصريه المتوسط للسنه ٤٨٠٠ إلى ٦٠٠٠ دولار ماعدا جامعات الصعيد بدأ من بني سويف إلى أسوان كانت ٨٠٠ إلى ١٠٠٠  دولار تقريبا وتندفع بالجنيه المصري كل شهر قد تقل وقد تزيد وتبدأ سنه امتيازك، بس خلي بالك انه الامتياز في مصر يختلف جذريا عن السودان. وبالتوفيق للجميع #إمتياز_خارج_السودان #مصر

السلام عليكم لينة محمد عمر احمد ، جامعة الخرطوم اواسر ٩١ ، تخرجنا ٢٠٢١ الامتياز كان عملتو في السودان قبل الحرب فماحقدر افيدكم كتير بس ربنا يوفق وييسر الدروب للكل، كل العارفاهو انو الامتياز حاليا اسرع طريق السودان والسعودية في خيار مصر والامارات بس تقريبا بياخد زمن حبة ان شاء الله حتلقوا ناس حيفيدوكم فيهو. انا كان مشيت ع باثوي uk  امتحنت oet في ٢٠٢٢ تكلفة الامتحان ٣٥٠ دولار دخلت ليهو كورس ب١٠٠ دولار علشان كنت ماعندي زول امتحن قدامي بس عادي بعد كدا صحباتي امتحنو بدونو فاذا عندك زول امتحن قدامك بظبطك بديك التركات فترة القراية حسب الشخص بس من شهر ونص ل٣ شهور الغالب ، بعدو كان الخطة انو اطلع شهادة الامتياز واقدم لايرلندا بيهو بس الحرب قامت والامور ما اتيسرت بس دا طريق لذيذ اول ماتعمل الامتياز وال oet قدم لايرلندا لانو الرد بجي بعد ٩ شهور لسنة ، بعدها امتحنت plab1 في ٢٠٢٣ الامتحان تقريبا كان تكلفتو برضو تقريبا ٣٥٠ دولار بديت ليهو التحضير ب٣ شهور فيهو برضو ابليكيشن بتدفع ليهو علشان تقرا منو الموكات والماتيريال   ب٢٠ او ٣٠ دولار لمدة ٣ شهور، اخر واحد بداية الشهر دا امتحنت بلاب ٢ الامتحان تكلفتو تقريبا الف دولار بديت قريت ليهو ٣ شهور ونص تقريبا بس هنا لازم تسافر مانشستر للامتحان بتعمل فيزا سياحية ل uk ب١٥٠ دولار لازم تبدا اجراء الفيزا قبل ٣ شهور وشوية علشان بتاخد زمن المتطلبات بعد كدا في تذاكر السفر كل ماتحجز بدري بتلقى اسعار كويسة شدييد وتاني السكن ع حسب اذا عندك ناس او حتأجر براك بأجروا غالبا غرفة في سكن بتتراوح التكلفة وفيها كلام كتير لقدام ممكن اذا سألتو بتلقو معلومات اكتر ان شاءالله دا اسرع طريق ليو كي وومكن تعصرو في اقل من سنتين يعني اذا سنة واحدة وانت متفرغ للامتحانات بتجرهم ورا بعض عادي وان شاءالله بالتوفيق يارب اذا احتجتوا لاي معلومات زيادة انا موجودة ودا رقم الوتسب 00249923085202 #Ireland #UK

لتسهيل الوصــول إلى المنشــورات: #UK #USA #Qatar #Sudan #Ireland #CV #إمتياز_السودان #إمتياز_خارج_السودان ..

الــ CV 📍 كيفية كتابة CV https://www.facebook.com/photo.php?fbid=753766385459008&set=a.105127063656280&type=3 > 📍 نموذج لكتابة السيرة الذاتية CV https://www.facebook.com/mohamed.alsherif.5817/posts/758599908308989 > 📍 اكثر من 17 نصيحة لتطوير CV الخاص بك 🌷 https://www.facebook.com/mohamed.alsherif.5817/posts/733534534148860 > 📍 نموذج ممتاز للسيرة الذاتية CV خاصة بالدكاترة https://www.facebook.com/mohamed.alsherif.581/posts/pfbid0hysUg8uXE7SEgjoHX4u8fG8eN6cWTWHVBYePSD5J515zuxQXzaKFQqkMMB8Unanpl > 📍 بخصوص ايقاف الدراسة للسنة خامسة والإمتياز بالاخص 🌏 https://www.facebook.com/photo.php?fbid=717136755788638&set=a.105127063656280&type=3 > 📍 كيفية كتابة خطاب Personal Statement او رسالة التحفيز https://www.facebook.com/photo.php?fbid=740714283430885&set=a.105127063656280&type=3 > 📍 فرص منح دكتوراة وماجستير في امريكا 🇺🇸🇺🇸 https://www.facebook.com/photo.php?fbid=668684357300545&set=a.105127063656280&type=3 . 📍 طريق الماجستير والدكتوراة Public Health وتخصصاتها في أمريكا https://www.facebook.com/mohamed.alsherif.581/posts/pfbid0mMMhL9XCr3cf5X2N3XfW5wsUb4fFekPRS6wuz1c8LD6UMPZ7SfPBfqmfuxLxvraEl > 📍 مشروع Quality Improvement https://www.facebook.com/photo.php?fbid=662895224546125&set=a.105127063656280&type=3 > 📍 أهمية العمل على متطلبات التدريب والوظائف وتطوير CV الخاص بك كطبيب 🌸🌸 https://www.facebook.com/photo.php?fbid=655459831956331&set=a.105127063656280&type=3 > 📍 كيف تشتعل على CV وتطورها خلال فترة الإمتياز او بعد الإمتياز https://www.facebook.com/photo.php?fbid=559249208244061&set=a.485650375603945&type=3 > 📍 كيفية البحث والحصول على Research Position في أمريكا 🇺🇸🇺🇸 . https://www.facebook.com/mohamed.alsherif.5817/posts/pfbid02d4LdyvFsVDtNJTz9gwVoKwmDYTawjUs3BP91QNxntD5cbLuzifK2pZHrovT184aCl #CV

طريق امريكا USMLE: 📍 أهم بوست تقراه لو تريد تفاصيل حول طريق امريكا https://www.facebook.com/photo.php?fbid=1438473326339925&set=a.107950512725553&type=3 > 📍 كيفية التحضير لامتحان Step 1 🇺🇸🇺🇸 https://www.facebook.com/photo.php?fbid=625225838313064&set=a.105127063656280&type=3 > 📍 تكلفة امتحانات المعادلة الأمريكية USMLE https://www.facebook.com/mohamed.alsherif.5817/posts/898842670951378 📍 الإمتياز في امريكا Elective in US 🇺🇸🇺🇸 https://www.facebook.com/photo.php?fbid=593673511468297&set=a.105127063656280&type=3 > 📍 الإمتياز في امريكا 🇺🇸🇺🇸 https://www.facebook.com/photo.php?fbid=563736141128701&set=a.105127063656280&type=3 > 📍 لماذا الان هو افضل من اي وقت مضى للتحضير لامتحانات USMLE 🇺🇸🇺🇸 https://www.facebook.com/photo.php?fbid=717629739072673&set=a.105127063656280&type=3 > 📍 اكثر من 50 مستشفى في امريكا يعطوا في إمتياز للطلبة الأجانب https://www.facebook.com/photo.php?fbid=710083426493971&set=a.105127063656280&type=3 > 📍 قائمة بالمستشفيات الي في امريكا تقدم في امتياز https://www.facebook.com/photo.php?fbid=689881028514211&set=a.105127063656280&type=3&__tn__=-R > 📍 كيفية التحضير لامتحان USMLE Step 2CK 🌸🌸 https://www.facebook.com/photo.php?fbid=578049723030676&set=a.105127063656280&type=3 > 📍 إعتماد OET بديلا عن Step 2CS https://www.facebook.com/photo.php?fbid=745586632943650&set=a.105127063656280&type=3 > 📍 متطلبات التقديم على ECFMG Certification في 2021-2022 للمعادلة الامريكة 🇺🇸🇺🇸 https://www.facebook.com/mohamed.alsherif.5817/posts/730325594469754 > 📍 كيفية التسجيل وفتح اكاونت في موقع ECFMG لحماية نفسك من سحب الاعتراف في 2024 https://www.facebook.com/watch/?v=503939114979232 > 📍 بخصوص خبر Pass/Fail https://www.facebook.com/photo.php?fbid=751275225708124&set=a.105127063656280&type=3 > 📍 امتحان المعادلة الامريكية ممكن لطلبة الطب والأمور الان اسهل من ذي قبل والطريق اقصر من لما كان عليه قبل سنوات https://www.facebook.com/mohamed.alsherif.581/posts/pfbid029eqmqJxncdu1zM63STCuqEcU1W1qKy4maqsg5dPQBK3Vq2UdDhc4DCeMAYeU56q3l . 📍 موقع يساعدك في Residency اثناء التقديم على امريكا 🇺🇸 واختيار المستشفى المناسب ليك https://www.facebook.com/photo.php?fbid=620510382117943&set=a.105127063656280&type=3 . #USA

طريق بريطانيا: 📍 تجربتي في امتحان OET 📝📝 https://www.facebook.com/photo.php?fbid=574050483430600&set=a.105127063656280&type=3 > 📍 تجربتي في امتحان Plab 1 ولله الحمد والمنة https://www.facebook.com/story.php?story_fbid=870164567152522&id=100024769596105 > 📍 تجربتي في امتحان PLAB 2 + كيفية التقديم للتاشيرة البريطانية  🇬🇧🇬🇧 https://www.facebook.com/mohamed.alsherif.5817/posts/1080513359450974 > 📍 طريق بريطانيا vs امريكا لحديثي التخرج او على اعتاب التخرج https://www.facebook.com/story.php?story_fbid=871444770357835&id=100024769596105 > 📍 فرص العمل والتدريب للدكاترة الليبين في بريطانيا 🇬🇧 🇬🇧 https://www.facebook.com/photo.php?fbid=592289478273367&set=a.105127063656280&type=3 > 📍 الإمتياز في بريطانيا 🇬🇧🇬🇧 https://www.facebook.com/photo.php?fbid=566853107483671&set=a.105127063656280&type=3 > 📍 خبرين بخصوص التاشيرة البريطانية: https://www.facebook.com/mohamed.alsherif.5817/posts/751292772373036 > 📍 الدخول في البرنامج التدريبي في بريطانيا 🇬🇧  UK specialty training وشرط 18 شهر (موضوع مهم) https://www.facebook.com/mohamed.alsherif.5817/posts/1009975339838110 . 📍 زمالة الكلية الملكية البريطانية VS امتحانات بلاب Plab https://www.facebook.com/mohamed.alsherif.5817/posts/910439189791726 . 📍 شرح مفصل لكل Pathway التخصصات الطبية والتدريب في بريطانيا 🇬🇧 🇬🇧 https://www.facebook.com/photo.php?fbid=764290541073259&set=a.485650375603945&type=3 > 📍 فتح التقديم على سنة التدريب Foundation Year 2 في بريطانيا 🇬🇧🇬🇧 https://www.facebook.com/mohamed.alsherif.5817/posts/1095878187914491 < 📍 الإمتياز Foundation Year في بريطانيا (بوست يجب ان يقرأه اي طالب سنة خامسة او امتياز حاليا) 👨‍🔬👩‍🔬 https://www.facebook.com/photo.php?fbid=741749746660672&set=a.105127063656280&type=3 > 📍 صور توضح Training Pathway في بريطانيا 🇬🇧🇬🇧 https://www.facebook.com/mohamed.alsherif.5817/posts/663564634479184 . أخر التحديثات في طريق العمل في بريطانيا 🇬🇧 🇬🇧 خبر جيد وخبر غير جيد (يرجى قراءته جيدا) بتاريخ ابريل 2023 https://www.facebook.com/mohamed.alsherif.581/posts/pfbid02gwux3ef67sSrrXYHQVF1zWMhkF2dEEbLHx7r7Kvzqqb29btDpWNcxEdpf4iNFQc9l > 📍 كيفية الدخول في النظام التدريبي البريطاني Foundation Year 2 لمن اكمل امتيازه https://www.facebook.com/photo.php?fbid=747401856095461&set=a.105127063656280&type=3 > 📍 كيفية التقديم على وظائف NHS في بريطانيا وكيفية عمل بروفايل فيه بياناتك https://www.facebook.com/mohamed.alsherif.5817/posts/630714417764206 > 📍 نظام التدريب في بريطانيا عن طريق WAST https://www.facebook.com/photo.php?fbid=628364751332506&set=a.105127063656280&type=3 > 📍 مستوى المنافسة على الوظائف التدريبية في بريطانيا لعام 2019 🇬🇧🇬🇧 https://www.facebook.com/photo.php?fbid=625184904983824&set=a.105127063656280&type=3 > 📍 الملف الرسمي الخاصة باختيار Core Surgical Training CT1/ST1 ✅ https://www.facebook.com/mohamed.alsherif.5817/posts/605228263646155 > 📍 متطلبات التدريب في بريطانيا Training Job Pathway 🇬🇧🇬🇧 https://www.facebook.com/photo.php?fbid=604349410400707&set=a.105127063656280&type=3 > 📍 الحصول على تدريب مكثف للتخصصات الدقيقة Fellowship في بريطانيا 🇬🇧🇬🇧 https://www.facebook.com/mohamed.alsherif.5817/posts/1144849126350730 . 📍 التقديم على التدريب في بريطانيا عن طريق Medical Training Initiative (MTI) لفترة تدريبية لمدة سنتين بدون الحاجة للبلاب وانما فقط لغة OET + أول جزء من امتحانات الزمالة البريطانية Royal College  🇬🇧🇬🇧 https://www.facebook.com/mohamed.alsherif.5817/posts/1127172474785062 . 📍 مصير امتحانات PLAB ودخول امتحانات UKMLA في سنة 2024 ✍️ https://www.facebook.com/mohamed.alsherif.5817/posts/1146157669553209 #UK

طريق قطر Hamad Medical Corporation Residency Training: > 📍 بخصوص امتحان IFOM وطريقة الحجز https://www.facebook.com/photo.php?fbid=738182973684016&set=a.105127063656280&type=3 > 📍 تجربة الدكتور محمود في قطر Mahmoud Wind https://www.facebook.com/mohamed.alsherif.5817/posts/710187429816904 > 📍كيفية التسجيل في امتحان 🌺🌺 IFOM Clinical Science Examination (CSE) الخاص بالتقديم على قطر 🇶🇦🇶🇦 https://www.facebook.com/photo.php?fbid=600796210756027&set=a.105127063656280&type=3 > 📍 كيفية التحضير لامتحان USMLE Step 2CK 🌸🌸 https://www.facebook.com/photo.php?fbid=578049723030676&set=a.105127063656280&type=3 > 📍 برنامج التدريب في قطر 🇶🇦🇶🇦 https://www.facebook.com/mohamed.alsherif.5817/posts/553423635493285 > 📍 تغييرات مهمة جدا في التقديم على البرنامج التدريبي في مستشفى حمد في قطر 🇶🇦🇶🇦  Hamad Medical Corporation Residency Program (البوست مهم جدا جدا لكل المهتمين بالتقديم ويجب عليك قراءته وفهم طريقة التقديم) 🔰✅ https://www.facebook.com/mohamed.alsherif.5817/posts/pfbid022DxWkcyaZdPqmBnBRCahg3S4qrNtoAABa9EaygadomidLEakkX3U7S6U9UuY7Qmml #Qatar

كتب د. محمّد الشريف (من جمهورية ليبيا) : قبل أن تسأل ... إقرا هذه البوستات Before you ask, read these posts تصلني يوميا عشرات الرسائل لأسئلة متكررة وهذه تاخد مساحة ووقت كبير وهي شرحتها في بوستات كثيرة واعدتها عديد المرات ماهي المعادلة الامريكية ؟ شن هو امتحان البلاب؟ كيف نقرا ال OET ؟ شن هو الايلتس ؟ شن هي اليوسملي ؟ كيف نقرا ستيب 1 ؟حقا حيسحبوا الاعترف في 2024 ..... اسئلة يومية لمواضيع سابقة اسئلة إجابتها ستجدها مجمعة في هذا البوست ... فأرجوا منك قراءته قبل ان تسال واذا قرات كل هذه البوستات ولم تجد اجابته فارسلي سؤالك وساقوم بالرد عليه وذلك لانه تكرار نفس الأسئلة على مواضيع تكلمت عليها يعطل عن الاجابة عن اسئلة واستفسارات مهمة وتضيع الرسائل المهمة الي محتاجة رد سريع مني البوستات تعبر عن رأي الشخصي والذي قد يكون خطأ او صحيح لكن الله وهبك العقل لتسمع وتقرأ وتفكر وتقرر ولديك شئ اسمه Google فقط اكتب ماتريد وحتجد الجواب باسرع مما تتخيل هذه قائمة البوستات👇:

✨الخلاصة : 1- الحمدلله كسودانيين عندنا خيارات كتيرة لانه كل الجامعات بتدرس بالانجليزية وهي اللغة الاكتر انتشاراً. 2- مافي خيار واحد بيناسب كل الناس. 3- إذا عندك ميزة نسبية في اي من الدول دي ( كإقامة او جواز)  استغلها للنهاية. 4- الكلام ما في بتقبض كم و بس، الكلام بعده كلام. 5- القوانين في العالم كله بتتغير و ماف زول بيعرف بكرة حيحصل شنو. { قُل لَّاۤ أَمۡلِكُ لِنَفۡسِی نَفۡعࣰا وَلَا ضَرًّا إِلَّا مَا شَاۤءَ ٱللَّهُۚ وَلَوۡ كُنتُ أَعۡلَمُ ٱلۡغَیۡبَ لَٱسۡتَكۡثَرۡتُ مِنَ ٱلۡخَیۡرِ وَمَا مَسَّنِیَ ٱلسُّوۤءُۚ  }. 6- توكل علي الله ولا تعجز. 7- الطريق بيظهر صعب و طويل، لكن مشوار الألف ميل ببدأ بخطوة، فتوكل. 8- الداير يكون طبيب شاطر و متميز، حيكون و بيلقي طريقة بغض النظر عن مكان تواجوده. وجدت نطاسين حاذقين في السودان، ما وجدت كمثلهم أينما ذهبت. 9- الدعاء البدعوه ليك العيانين و أهلهم في السودان ما بتلقي زيو، ما بتلقي زيو، ما بتلقي زيو 10 مراااات. انت بس صلح النية و صَدّر الإبتسامة و قدم الكلمة الطيبة 🌹. 10- أخيراً و ليس آخراً: ما تبقي زي ال Big Panda الفي الصورة المرفقة، خليك زي ال Tiny Dragon. تحياتي : أخوكم/ أحمد علي أحمد عثمان.

🔥رابعاً : بريطانيا UK: قروب مفيد :  SJDA UK تجربتي: بعد حسمت اموري مع قطر، ايرلندا و أمريكا. شديت الحال الي UK في 2017، و انا مقتنع تماماً انها افضل خيار "بالنسبة لي". وصلت و استلمت عملي الجديد ك SHO General Medicine قبل معاينات تدريب الباطنية باسبوعين. و دخلت معاينات الباطنية و اخدوني في المكان النفسي فيه ولله الحمد و المنة. خلصت تدريب الباطنية العامة 'Core Medical Training 'CMT (كان مدته سنتين الزمن داك و الآن بقي 3 سنوات و تغير الاسم الي 'Internal Medicine Training 'IMT). و خلال الفترة دي طبعا الناس بتعمل امتحانات الممبرشيب MRCP. و بعدها قدمت علي الحاجة الساكيها من زمان"Radiology". و حالياً في السنة الثالثة في الراديولوجي. مزايا بريطانيا: 1- الدرب واضح. 2- التقديم للتدريب مركزي. 3- ما محتاج واسطة. درجات الانترفيو معروفة من بدري و متاحة في الانترنت و في أغلب التخصصات ممكن تحسب درجاتك في الانترفيو قبل ما تدخل. 4- كل التخصصات متاحة و المنافسة شفافة "و الحشاش يملا شبكته". 5- ساعات العمل معقولة (40-48 ساعة في الاسبوع). 6- الاجازة السنوية تقريبًا ثلاثة أضعاف إجازة امريكا. 7- فيزا الدخول متعددة. ممكن تسافر زي ما عاوز. 8- السودان قريب نسبياً. 9- في فرص عمل غير تدريبية كتييرة. بعد تكمل التسجيل الا تقول ما عاوز. 10- الدخل كافي إنه يعيشك و تأهل نفس و تفتح بيت ( ما اظن تقدر تشتري بيت في السودان لكن زي بتاع الخليج). 11- فرص التدريب أكتر بكتير مقارنة بقطر و ايرلندا، بس المنافسة أكبر برضو. 12- البلد نسبياً صغيرة ( مقارنة بامريكا) و السودانيين كتار. و عموما السودانيين متعاونين و مفيدين. 13- ما شرط تمسك برنامج التدريب من الاول زي مافي قطر و أمريكا. في نقاط دخول كتيرة علي التدريب حسب قدراتك المهنية المسبقة. 14- تعليم الأطفال مجاناً في المدارس الحكومية حتي نهاية الثانوي. 15- الرعاية الصحية بكافة اشكالها مجاناً. 16- فيزا العمل و التدريب موحدة Tier 2 visa. و من أول يوم تبدأ شغل بتحسب ليك زمن حصولك علي الاقامة الدائمة (5 سنوات) ثم الجواز (سنة واحدة بعد الاقامة الدائمة). و طبعا الفترة دي ممكن تقضيها في التدريب و تكون ضربت عصفورين بحجر واحد. 17- فرص العمل بعد ما تخلص تدريب و تبقي استشاري متوفرة داخل و خارج بريطانيا. 18- طريقة التدريب في بريطانيا Comprehensive و بتشجع ال Lateral thinking. و عموما بتخليك تكون Generalist في تخصصك اولا  حتي بعد داك تعمل تخصص دقيق و تطلع ب Dual qualification. مثلاً Consultant of gastroenterology and General Medicine. 19- اذا خلصت من البلد طبقت شهادتك و جوازك الانجليزي و مرقت تعيش خارج بريطانيا، ناس الضرائب ما عندهم سلطة عليك و ما ملزم تدفع ضرائب من الخارج علي عكس أمريكا. سلبيات بريطانيا: 1- عموما الموظِف الوحيد و كل مستشفيات التدريب حكومية تتبع لل National Health System 'NHS'. و عدم المنافسة في المشغلين و جهات التدريب بيخلي المرتبات الاساسية تكون نسبياً بسيطة و بالذات بالنسبة للاستشاريين. مرتب الاستشاري يبدأ ب 84 الف استرليني في السنة. هنالك وسائل لزيادة الدخل كالعمل لساعات اضافية "Locum" و غيرها. 2- فترة التدريب نسبياً طويلة في أغلب التخصصات. سنتين امتياز (عادة لامن تجي من السودان بيحسبوا ليك امتياز السودان). ثم فترة تدريب تتراوح مابين 3 سنوات في طب الاسرة ( General Practice) الي 7-10 سنوات في بعض التخصصات. 3- التنقل المتكرر بين المستشفيات أثناء التدريب كما هو الحال في السودان. و مرات بتحتاج ترحل من مكان لمكان كل 6 شهور الي سنة. 4- تراكم قوائم الانتظار لامتحانات التسجيل بسبب الكوفيد. بس دي بتتعالج مع الزمن ان شاء الله. 5- المرتبات ما قاعدة تزيد مع زيادة التضخم كما ينبغي. مثلاً إذا كان التضخم في المتوسط 2-3%. فعلماً بانه قيمة المرتب الاساسي ما زادت منذ العام 2012. فقيمة المرتب حتي الان نقصت بنسبة 22% علي احسن تقدير. و السنة دي نسبة التضخم مقدرة ب 7-8% اضافية. مافي اخبار انه المرتبات ماشة تزيد قريب. 6- كل ما دخلك يزيد ضرائبك بتزيد لحدي ما تصل ال 50% من دخلك. #UK

16- لو كنت نايم في كل الكلام الفات بالله اصحى ركز مع النقطة دي... بعد تاخد الجواز الامريكي، حتبقي ملزم بقانون الضرائب الامريكي. و البينص علي الآتي: "US persons are subject to US tax on all of their income, no matter where they live or where they earn the income. However, US persons living outside the United States can use the “foreign earned income exclusion” to legally avoid paying US income tax on about $100,000 per year of earned income." باختصار، حتدفع ضرائب وين ماتمشي. حتي اذا مشيت الخليج عشان "تخم القروش بالشوال" حتدفع ضرائب. و لو قنعت و رجعت اشتغلت في السودان في الغالب حتدفع ضرائب برضو. حتي حواشة جدك لو حصدتها او بعتها مفروض تفصح عن الحاجة دي. و كان جيت تفتح حساب في اي بنك ( حتي بنك الخرطوم عشان تعمل بنكك) حتملي فورمات ضرائب أمريكا دي. #USA

🔥ثالثاً : أمريكا "شيكا بيكا" US: قروب مفيد: Sudanese American Physicians Association - SAPA تجربتي: من ايرلندا مشيت امريكا في إجازة سنة 2016. امتحنت STEP2 CS، عملت اتاشمنت قصير هناك، زرت 4 ولايات مختلفة و شفت حال الاطباء السودانيين، حياتهم و همومهم. كل الزياة استمرت اسبوعين تقريبًا. فترة قصيرة لكن ادتني فكرة كويسة و ساعدتني اقرر بسهولة. و قراري كان انه "لي امريكا دي انا تاني  ما راجع، ما راجع، ما راجع 10 مرااات". مزايا أمريكا: 1- اسرع تدريب. ثلاث سنوات و تخلص General medicine و تبقي hospitalist ( مكافئ لاخصائي باطنية عامة). 2- أسرع تدريب تخصص دقيق (1-3 سنوات). 3- قروش كتيرة بعد تخلص تدريب. تبدأ من 150 الف دولار في السنة كاخصائي باطنية عامة الي مليوون دولار بلس اذا عملت تخصصات دقيقة معينة. 4- بعد الغاء امتحان STEP2 CS درب امريكا بقي أسهل. 5- عموما فترة التدريب بتقضيها في نفس المستشفي. 6- الأطباء السودانيين في امريكا متعاونين جداً ( ودي حاجة مهمة عشان بتوازن نقاط كتيرة في السلبيات أدناه). سلبيات أمريكا: 1- محصلة تكاليف عالية للامتحانات و التسجيل و التقديم للتدريب. 2- مافي فرص للعمل الاكلينيكي من غير الحصول علي فرصة تدريب. 3- التقديم للتدريب غير مركزي. يعني بتقدم لكل مستشفي براها. و كل تقديم عنده رسوم ولازم تحضر انترفيو كل مستشفي ينادوك ليه برااه. في العادة الناس بتقدم ما بين 10- 3000 تقديم في المرة الواحدة و من بينها و بتجيهم فرص معاينات ما بين 0- 10 تقريبا. و كل ما زادت عدد المستشفيات القدمت ليها زادت فرصك و زادت التكلفة. في المتوسط الناس بتنفق مابين 1000 الي 5000 دولار للتقديمات فقط. 4- ساعات العمل اثناء التدريب عموماً أكثر من 60 ساعة في الاسبوع. و دا وقت كتير. لو قلت لي صحبك من ما مشي هناك بقي ما بيخش الفيس او ما بيرد علي مكالماتك و رسائلك ولا بيسأل عنك بصدقك تب! 5- الحصول علي تدريب محتاج فيتامين "و". اي والله زي ما بقول ليك. اي حتي في امريكا. فمحتاج تمشي تقد هناك فترة علي حسابك في الغالب من غير شغل عشان تعمل علاقات وواسطات. 6- في أنواع فيزات كتيرة للتدريب. الفيزا الأكثر شيوعاً هي فيزا J-1 visa و دي Student visa و مسموح ليك بيها تدخل امريكا مرة واحدة و اذا طلعت غير مسموح ليك تدخل تاني الا تقدم لفيزا من بلدك او بلد اقامتك ( ولاغلب الناس البلد دا هو السودان) و كلنا عارفين تقديم الفيزا بياخد كم و بيكون فيه جرجرة قدر شنو.. 7- الاجازة السنوية قصيرة جداً. في الغالب 10 ايام عمل تقريباً. 8- أمريكا بعييدة. و السفر للسودان بياخد أيام، ذهاباً و اياباً. 9- لما سبق ذكره في4 و 6 و 7 و 8 عموما الاطباء البياخدوا تدريب في امريكا، ما بيرجعوا لحدي ما ياخدوا شهادة اكمال التدريب و يعملوا امتحانات البورد (3 سنوات علي اقل تقدير). مهما كنت متوكل علي الله وودعت اهلك لي الله، ما حتقدر تضمن ان احد والداك او كلاهما يمرض او يموت لاسمح الله و انت ما قادر ترجع السودان. 10- كل الفترة القضيتها ب J-1 Visa ما بتأهلك تاخد Green card و بالتالي ما بيأهلك تاخد جواز أمريكي. فبعد تخلص التدريب (3-6 سنوات حسب التخصص) حتي بعد داك تمشي تفتش شغل في مستشفي تديك فيزا عمل تأهلك تقدم لل Green Card بعد سنوات معينة و من بعدها بسنوات الجواز الامريكي. يعني خلينا نقول 10 سنوات كدا في المتوسط من غير ما تزور السودان مهما كانت الظروف البمروا بيها اهلك في السودان قاسية. 11- عموما الصحة و التعليم في امريكا ما مجان. و دا بياخد جزء كبير من قروشك الكتيرة، البتصرفها تعليم للاولاد و تأمين صحي أو علاج. و بفسر برضه ليه ماهية الطبيب عالية مقارنة ببقاي الدول، ببساطة لانك شغال في مستشفي خاص. 12- الغالبية الساحقة من المستشفيات خاصة و بالتالي المواطن الامريكي ما بيقبل الاخطاء، الشكاوي علي الاخطاء الطبية اكتر و بتكلف اكتر. و بالتالي نسبة كبيرة من دخلك مهما كبر بيمشي تجاه التأمين علي الاخطاء الطبية. 13- أمريكا كبييرة و مشرورة. مهما كنت بتعرف ناس كتار في امريكا حتكون المسافات عائق انك تلاقي ناسك و حبانك بالاضافة لزنقة الشغل. 14- نسبة الخصومات من المرتب (من ضرائب و غيره)  اثناء التدريب ما فرق كبير من باقي دول العالم الاول. و المرتب برضو ما فرق كبير. 15- بعد ما تقعد علي الاقل 10 سنوات في امريكا لحدي ما تاخد الجواز، ترجع تشوف اهلك تلقي ناس ماتت و ناس حيت. و تلقي الدنيا غير الدنيا، الناس غير الناس و الكلام غير الكلام. و تحس بالغربة الحقيقية بين ناسك و أحبابك. و بعرف ناس كتار بيرجعوا امريكا من غير رجعة.

🔥ثانياً: ايرلندا Ireland: قروب مفيد: ASPIRE (Association of Sudanese Physicians in IREland) تجربتي: تميت الامتياز في السودان + IELTS و قدمت ايرلندا. مشيت SHO عن طريق General division registration في سنة 2015. اشتغلت SHO General Medicine في Cork و Limerick. كانت فترة كويسة الواحد قدر ينضم فيها حبة انجليزي، يتعود علي السيستم و يلقي حبة قريشات بعد الفلس. من ايرلندا الفيزات ساهلة جداً، فقدمت ل UK و كملت امتحانات Plab و و سجلت في General Medical Council (GMC -UK). قدمت أمريكا و امتحنت USMLE STEP 2 CS. و بي نَفَس واحد رجعت ايرلندا و امتحنت PRES 3  و حولت من General division الي Training Division و قدمت للتدريب بتاع الباطنية Basic Speciality Training BST في نفس السنة القدمت فيها للتدريب بتاع الباطنية في UK. نتائج معاينات ايرلندا بتطلع باسابيع قبل معاينات UK تبدأ. نتائج ايرلندا طلعت و ما ادوني فرصة تدريب. في وقتها سألت عن التدريب بتاع Radiology و كل الفرص المتاحة كانت 9 فرص في السنة في كل ايرلندا و في سنوات ( في وقتها) و عدد المقدمين الايرلنديين بكون عادة اكبر بكتير من عدد الفرص المتاحة. طلبت نصيحة من واحد من استشاريي الاشعة الايرلنديين في المستشفي و كانت نصيحته بكل شفافية "اذا عندك طريقة تمشي UK اتخارج في اقرب فرصة و ما تضيع وقتك". بعد اسبوعين من كلامه طلعت من ايرلندا بوشي الي UK. مزايا ايرلندا: 1- درب ايرلندا من السودان واضح. التسجيل في General Divison ما بحتاج امتحانات كتيرة ( ايلتس، شهادة نهاية الامتياز و السلام عليكم).  و اذا انت شغال روتيشن في السودان مذكرة التفاهم بين ايرلندا و المجلس بتديك فرصة تكمل سنين تدريبك الاخيرة في ايرلندا في تخصصات كتيرة. و تكون لميت بلح الشام و عنب اليمن. 2- أول ما تطلع من السودان قروش ايرلندا بترُم عضمك و تسندك و تحسسك بالغبطة و السرور. تقدر تمتحن، تسافر، تعرس.. الخ. 3- عموماً تقديم الفيزا لأي دولة من ايرلندا مضمون و ساهل. 4- ايرلندا بتعلمك طريقة الشغل في العالم الأول. 5- فرصة ممتازة تدعم ال CV بتاعك من كورسات، امتحانات، بحوث، اوديت.. الخ. 6- الشعب الايرلندي طيب. 7- الدكاترة السودانيين كتار و مجتمعهم لطيف. في كل مستشفي حتلقي معاك عدد معتبر من سودانيين. 8- ايرلندا نسبياً قريبة من السودان و بتقدر تمشي تزور اهلك مرة مرتين في السنة. 9- الرعاية الصحية ليك ولأسرتك المقيمة معاك (تقريباً) مجاناً. 10- عموما المدارس الحكومية لاولادك ( تقريبا) مجانا. 11- الشغل معقول مقارنة ب US و UK. (مهما كنت مدروش في السودان لامن تمشي ايرلندا حتلقي إنك كنت مهبلس في السودان). 12- ممكن تقدم للجواز بعد 5 سنوات من تاريخ دخولك لايرلندا. 13- التقديم للتدريب مركزي لكل ايرلندا. و شبه مجاني. سلبيات ايرلندا: 1- فرص التدريب ضيقة. الاولوية للايلنديين ثم مواطني الاتحاد الاوروبي ثم باقي الناس، بغض النظر عن درجاتك في الانترفيو. 2- عشان تقدم للترينيق لازم تحول تسجيلك الي Training Division و دا بيتطلب تعمل امتحانات ( PRES2 and 3 او امتحانات الممبرشيب). 3- تكاليف المعيشة و الضرائب ما بسيطة مقارنة بالخليج. يعني عموما ما حتلقي طريقة تشتري بيت في السودان زي ما مغترب الخليج ممكن يعمل. 4- البلد مغرية للوهلة الأولي، لو ما كان عندك خطة واضحة و عزيمة قوية حتركلس و تقعد SHO لحدي جَنَي الجَنَي. 5- في ناس بتلقي فرصة و تدخل تدريب و تخلصه، لكن من الصعوبة بمكان انك تشتغل هناك ك Consultant نسبة لأنه الوظائف بسيطة و البلد صغيرة. #Ireland

كتب : أحمد علي أحمد عثمان أمشي قطر وللا ايرلندا وللا أمريكا وللا بريطانيا؟ 🤔 سؤال صعبٌ، سؤال صعبٌ، سؤال يراودني... 💡مدخل: حقيقة سؤال صعب و مهم. أي طبيب من قبال ما يخلص الجامعة بفكر و يقول ياااااربي امشي وين، و بتعدي سنة في انتظار للامتياز، و سنة الامتياز، و سنة الخدمة و سنة البنقلة من غير ما نلقي اجابة شافية للسؤال دا... و دا كان حالي.. 💡تنويه: أولاً : البوست دا كُتب نزولاً عند طلب كثير من الاصدقاء في بوست آخر في القروب. ثانياً : كاتب البوست دا ما كتبه عشان يتجدع- حاشا لله و الدنيا رمضان. لكن عشان بالجد لو كان لقي بعض المعلومات الفي البوست دا يمكن كان وفر سنين من التجربة و الخطأ. و عشان كدا انصحكم تقروا البوست للنهاية يمكن تلقوا الرايحة بين السطور و توفر عليكم حبة الوقت في درب الطب الطويل. ثالثاً: المعلومات المذكورة من تجربتي الشخصية و بحث ذاتي، المعلومات بتتغير باستمرار، و للمعلومات المحدثة انصح بمراجعة الصفحات الرسمية للجهات المعنية و قروبات السودانيين في البلدان دي ممكن تكون مفيدة (حأضيفها ليكم تحت عنوان كل بلد). و عذراً مقدماً علي أي خطأ غير مقصود. رابعاً: كلمة "عموماً" في وسط الكلام معناها في حالات استثنائية او بسيطة لا يتسع المجال لذكرها. خامساً: البوست دا طويل، بعد الفطور جيب كباية شاي و تعال 😎. 💡خلفية: أحمد اتخرج في كلية الطب سنة 2012 ( يا لطييف! تمت 10 سنوات 😱) و اشتغل خدمة و امتياز و بنقل بعد الامتياز في السودان. و قبل ما يطلع من السودان كان نفسه يعمل راديولوجي و ما عنده مشكلة يعمل باطنية. المهم خلال السنوات دي أحمد مرّ علي قطر، ايرلندا، امريكا و بريطانيا و في طريقه لكل بلد كان بيسأل عن المزايا و السلبيات قبل ما يمشي و يشوف بنفسه. خلال السنين الفاتت أحمد امتحن كمية من الامتحانات كالاتي ( الدولة المعنية بالامتحان): IELTS Twice ( UK, Ireland and Qatar) PLAB 1 (UK) PLAB 2 (UK) PRES 2 (Ireland) PRES 3 (Ireland) USMLE STEP 2 CK ( US and Qatar) USMLE STEP 2 CS (US) MRCP Part 1 (UK) MRCP Part 2 (UK) MRCP PACES (UK) Others :   Radiology related exams (UK)   Post graduate academic qualification (UK) 💡مزايا و سلبيات كل بلد: 🔥أولاً : قطر Qatar قروب مفيد : رابطة الأطباء السودانيين في دولة قطر -Sudanese Doctors Association In Qatar تجربتي: امتحنت IELTS و STEP2 CK و قدمت للتدريب في مؤسسة حمد الطبية في الدوحة، و مشيت للانترفيو سنة 2015. قدمت Public health. اي والله... زي ما بقول ليك كدا، كان في 3 فرص فاتحة و للاسف ما اختاروني و ختوني Reserve list. المهم كتر خيرهم رسلوا لينا الفيزا و سكنونا و عملوا لينا برنامج ترفيهي وودونا Aspire و هكذا.. و رجعت السودان بخفي حنين. و لي يوم الليلة مافي زول رجع لي. مزايا قطر: 1- من الدول الخليجية البسيطة ممكن توفر تدريب للسودانيين. 2- برنامج تدريب منظم و تخصصات مختلفة. 3- أفضل مرتب للمتدربين بين كل الدول المذكورة.  4- عندهم تعاون مع نظام التدريب الامريكي و انت غالباً بديت امتحانات امريكا عشان تقدم ليهم، فاذا حبيت تمشي امريكا اثناء او بعد فترة التدريب فدربك أخضر. 5- قريبة من السودان. 6- الإقامة القطرية توفر لك الدخول المتعدد لقطر، فبالتالي زيارة السودان او اي دولة اخري متاحة. 7- السودانيين كتار و متعاونين جداً 8- في فرص محدودة للفيلوشيب و إمكانية يقبلوك اكبر في التخصصات غير الجراحية. سلبيات قطر: 1- الفرص في كل تخصص بسيطة نسبياً مقارنة ببقاي الدول. 2- الأولوية في التدريب للقطريين، ثم دول مواطني دول مجلس التعاون الخليجي ثم المقيمين الاشتغلوا الامتياز معاهم ثم المقيمين ثم الدول العلاقاتها الدبلوماسية جيدة مع قطر ثم الباقين. 3- شهادة نهاية التديب هي البورد العربي ( و حديثاً بدأ البورد القطري). و بالتالي اذا ما لقيت فرصة كاخصائي في قطر فرصك في باقي الدول الخليجية ( اذا عملت البورد القطري بس) ممكن تكون ضيقة حبتين و في دول زي السعودية مثلاً بتقيم البورد السوداني بدرجة اكبر من البورد القطري، تصدق!! 4- بعد اكمال البورد العربي/ القطري و اكمال التدريب و بقيت اخصائي في مؤسسة حمد الطبية،  ممكن تتقدم الي ان تصل استشاري اما اذا في قطريين قدامك ممكن ما تتقدم عليهم. لان التسلسل هرمي و بطبيعة الحال الفرص أقل في أعلي الهرم. 5- عموماً في عدم أمان وظيفي كما في باقي دول الخليج. بمعني اذا جاء طبيب قطري مؤهل حيفنشوك و يدوا وظيفتك لولدهم، و دي حاجة طبيعية طبعاً. 6- اذا ما لقيت فرصة تدريب من الاول، عموماً مافي خيار وظائف اكلينيكية غير تدريبة #Qatar

دكاترتنا الأعزاء و بوصاتنا الكرام 🌻 الســلام عليكم ورحمة الله وبركــاته تحيــة طيبــة وبعد: نحــن بعض الطــلاب من الــدفعة 94 دواســر كلية الطب، جــامعة الخــرطوم (2016 - 2024) معروف انو الخريجين الجُدد قاعد يكونو طاشين -إن صح التعبير- ومشتتين وبيضعو زمن كتير في اختيار المسار العايزين يمشو فيه بعد التخرج بسبب قلة المعلومات و التجارب عن الحياة بعد التخرج .. لهذا السبب الهدف من البوست دة هو جمع أكبر عدد من التجارب المختلفة للخريجين في المسارات المختلفة بعد التخرج؛ بحيث تكون عند الخريج الجديد رؤية شاملة لكل المسارات المتوفرة مما يمكنه من إختيار المسار المناسب معه وفقًا لظروفه ومؤهلاته ومزايا وعيوب كل مسار والخ.. فــ المطلوب كتابة التجربة متضمنة الآتــي: 1) تعريف بسيط عن نفسك: الاسم (اختياري)، الجامعة، سنة التخرج، أي معلومة مفيدة أخرى 2) تجربة الامتيــاز: الدولة، التكلفة -إن وجدت-، المشاكل، الخ 3) رحلتك مع البــاثواي الــ مشيت فيه (UK, USA, SUDAN, الخ ) بالتفصيل: الاستعدادات للامتحانات، التكلفة الكلية والتفصيلية، المدة الكلية للتجهيز، العوائق، المسهلات، المؤهلات، مزايا وعيوب الباثواي من حيث طبيعة العمل، المرتب، المجتمع، المعيشة، الدين، الاكل و الشرب والخ، بيئة العمل، الفرص بعد نهاية التخصص، الخ بالإضافة لأي معلومة تحس انها مفيدة سواء سلبية او إيجابية 4) نصــائح لمن هم في بداية الطريق ويرغبون في اللحاق بنفس الباثواي و أخطاء وقعت فيها لو رجعك بيك الزمن ح تصلحها، الخ تُرسل التجارب إلى الرابط: https://t.me/B9Bot?start=326075981 رابط القنــاة الــ ح تنزل فيها التجــارب: https://t.me/Careerpathorient024 لتسهيل الوصــول إلى المنشــورات المعينة ح يتم عمل هاشتاقــات مثلا: #UK .. #USA .. #Qatar .. #CV .. #Sudan .. #Ireland .. #إمتياز_السودان .. #إمتياز_خارج_السودان .. الخ و جــزاكم الله خيرًا .. ربنا يعظم اجــركم .. اكتبــوا واحتسبــوا .. ولكــم الأجــر في إرشــاد وتــوجيه أي خــريج جــديد 🌻