شكة دبوس - pinprick

ماذا لو وفرت توب اب في السعودية😀 ومش بس كده.. ده هيكون شوت كمان مش كبسولات🔥 والجرعات اللي فيه ضعف الجرعات اللي في توب اب بتاع مصر، ونفس الشركة ونفس الجودة بس جحييييييم ابن الكلب😀 هات ♥️ واستناني كده.. وإن شاء نوفره شوت في مصر قريبا💪🏻

خد النهاردة ميجا مالتي سبورت بخصم 25٪ من سعر السوق "ده السعر الأكثر انخفاضا في مصر على الإطلاق" بـ 412.5 بدل 550 جنيه. ميجا مالتي سبورت ينفع يتقال عليه سيكشوال مالتي فايتمن.. مكمل غذائي طبيعي 100٪ متكاااااامل بـ 27 عنصر هم الأهم لجسم الراجل، وزيادة عليهم أشواجندا علشان الهدوء النفسي وجنسنج علشان الصحة الجنسية وماكا وإلـ كارنتين علشان الخصوبة والحرق والتركيز والذاكرة.. خد قرصين كل يوم بعد الإفطار واستمر عليه 3 شهور هتشوف فرق واضح بإذن الله في طاقتك وتركيزك وصحتك وأداءك.. ▪️ينفع للسناجل والمتجوزين. ▪️مسموح بيه لكل الرجال فوق 18 سنة. ▪️التوصيل مجاني لمشتركي pinprick pro اكتب على جوجل ميجا مالتي سبورت هتلاقينا الاختيار الأول أو افتح اللينك من هنا أو خده كوبي وافتحه من كروم https://pin-prick.com/product/mega-multi-sport/ هتلاقي خدمة اسأل صيدلي متاحة على الموقع بيرد عليك صيدلي طوال ٢٤ ساعة بيساعدك لو محتاج ترشيحات أو روشتة وغيره..

صباح الخير يا رجالة

الكلام الذي أهاج الخاطرة♥️

بالتوفيق♥️😀

بقولك😉

وردني سؤالٌ غريبٌ من سيدة لا تشعر بالمتعة أو الإثارة في لحظتها ولكن هذه المتعة مؤجلة لما بعد انتهاء الموقف -سواء في العلاقة الجنسية مع زوجها أو المواقف العاطفية كالقُبلة، وعبارات الرومانسية، أو حتى في تجاربها اليومية التي تحبها كالمطر والطعام اللذيذ- فهي تُظهر استجابتها العاطفية والجسدية لاحقًا عند تذكّر الحدث، وتتساءل إن كان لهذا تفسير نفسيٌ أو عصبي، وتطلب حلًّا. ده نمط عصبي اسمه Delayed emotional processing في ناس بتعيش مشاعرها بعد الحدث أكتر من وقت الحدث نفسه. العقل البشري عجيب التكوين بيشتغل بطريقتين، عقل اللحظة، وده بيهتم بالانتباه والبقاء والمراقبة، وعقل التذكر والتخيل ده بقى بيعيد الحدث للاستمتاع بكافة تفاصيله اللي الأولاني اتشتت فيها، بيعمل كده علشان يبني معنى للموقف وذاكرة باقية، كإنه بيمنح الدماغ جرعة إضافية من التوقع وإعادة تفعيل دوائر المكافأ. حاجة كده كإن القُبلة اللي الزوج قبَّلها مجرد بذرة ستُسقى لاحقًا لتنمو ويشتد عودها، وبالمناسبة في عدد لا بأس به من النساء الإثارة عندهم بتكون ذهنية مش حسيَّة، وده ليه سبب منطقي بالمناسبة إن الإثارة عند النساء تبدأ من الدماغ ثم تنتقل للجسد، عكسنا احنا الدنيا عندنا في البطيخ😀 الجسم شغال والدماغ شغال والشغلانة واخده هوا والله. وده اللي خلا مقولة العم جون جراي خالدة "يعطي الرجل الحبَّ ليكسب الجنس، وتعطي المرأة الجنس لتكسب الحبَّ" فـ الست هنا هتديك الجنس كوسيلة للحصول على ذِكرى رؤية الحب في عينيك لها. عند حالة أختنا الكريمة عقلها بيكون غارق في المراقبة الذاتية ومصاب بفرط تسجيل وتحليل اللحظة، وده بيعمل نوع من أنواع الـ Mild Dissociation اللي هو انفصال خفيف عن الواقع "طالما لا يصاحبه فقدان ذاكرة أو إحساس دائم بالانفصال"، كإن العقل بياخد الداتا وبيعمل مسح علشان يسجلها بشكل كافٍ للاستمتاع اللاحق، الاستمتاع المتأني وغير الملزم بتبادل المسؤولية تجاه الطرف التاني أو حتى تجاه الموقف نفسه، العقل واخد قرار مُسبق: سنستمتع لاحقًا بهذه اللحظة ونضخمها لنعيش كافة التفاصيل بروية. طبعا لو ده حال بتقدر تسيطري عليها وتعرفي تفصليها ولا يصيبك بالفراغ العاطفي، أو يُفقدك المتعة الكاملة، أو أحيانا بتحسي إنك خارج جسمك وبتتفرجي عليكي من فوق😀 فكده شكرًا تاخدي بعضك وعلى الطبيب النفسي وفورًا، وأستحضر هنا مقولة دكتورنا العظيم الرخاوي: مفيش مشكلة لو كلمت الدولاب، انت كده طبيعي وسليم، لكن أول ما يرد عليك تجيلي.😀 طبعا في تمارين تقدري تعمليها علشان تزودي استمتاعك الآني باللحظات والأحداث، زي إنك تسألي نفسك "أنا شايفة إيه؟ حاسة إيه، سامعة إيه" ده بيرجعك لـ الـ Mindfulness grounding اللحظة الحالية، ويساعد في ده تمارين النفس الطويل، مع توقيف مراقبة حالك، يعني خدي قرار إنك مش هتراقبي وتسجلي اللحظة كفيلم يمكن مشاهدته بالحركة البطيئة بعدين.. وطبعا قللي الاعتماد على المراجعة الذهنية كوسيلة وحيدة للمتعة، وزودي جرعة الحضور اللحظي لحد ما توقفي المشاهدة اللاحقة بالتدريج " وده علشان منقعش بس في سلوك قهري" والتدريج ده هيخلي العقل يجوع مشاعريا وهرمونيا ويعرف إنه إذا حُرِم من الواقع سيُحرم أيضا من لذة مراجعته.. العقل أذكى مما تتخيلي، واللاواعي يمكنه أن يدرِّب نفسه على ما يبقيه مستمتعا. وكتبه أسيم

إدارة اللذة. نقمة الوفرة VS نعمة المنع. إن الله قد أحسن للإنسان إحسانًا عظيمًا لمَّا حرَّم عليه الأشياء. إنه جل وعز صانع هذه الآلة البشرية، ويعلم أنها تنعم نعيمًا لا حد له "بالمنع".. وتشقيها شقاءً لا حد له "الوفرة" "ولو بسط الله الرزق لعباده لَبَغوا" من نِعم الله علينا أن جعل الحاجة والافتقار جزء من تكويننا، لو بسط لهم الرزق، وجعل كل شيء متاحًا لأصابتهم لعنة الـ Hedonic Adaptation التكيُّف اللذائذي، لأن الإنسان يملك نظاماً للمكافأة Reward System جهاز يرتبط بالمدخلات ليُفرز كمًا دوبامينيًا يناسبها ويناسبك.. فلو أنك تستمتع بكوب شاي ساخن قد انغمس فيه فرع نعناعٍ يانعٍ على مقهىً شعبيٍ والمذياع يصدح بصوت الست.. فإن نظام المكافأة يُسجل معادلة عبقرية ليُفرز لك كمًا مدروسًا بعناية لدوبامين اللذة؛.. وهذا الجهاز يراقبك فإذا رآك تعتاد هذه الجلسة فإنه يُخفض جرعة المكافأة تبعًا لنظرية التحمل العصبي Tolerance وبعد شوية وقت معادتش القعدة ده بتديك نفس السعادة، فيصير أمامك طريقان:- الأول: أن تطوِّر شيئا يُعيد اللذة لدرجتها، صُحبة مختلفة، أو activaty مختلف فقط لتحصل على نفس الكم القديم. والثاني: أن تُدير تلك اللذة بأن تمنعها، فلا تعود للمقهى إلا مرة في الشهر، فينسى جهاز المكافأة الجرعة التي كان يُفرزها هاهنا ويعاد له ضبط المصنع. افرد لي بقى المثال ده على مستوى أكبر في كل حياتك، تجد أن اعتيادك الشيء مهما كان = يُفقدك اللذة به.. فالذي يقطن في قصرٍ على هضبة كلها خضارٌ، ونهر فراتٌ عذبٌ ماؤه، ونساءٌ حِسانٌ فإنه لا يشعر بأيٍ مما ذكرتُه لك لاعتياده إياه، ويظل هذا المسكين يطلب المزيد مما لا تناله يده.. حتى "يبغي" فيطلب شذوذات الأشياء؛ ذلك أن الأشياء الطبيعية كلها لا تُنبه نظامه المكافئي.. ولا شيء يستحث دوبامين اللذة عنده.. فإذا ما انتهت كل الشذوذات صار مكتئبًا مريضا حتى يموت أو يُميتَ نفسه. الشبع المادي يؤدي إلى الجوع الشعوري. ﴿كلا إن الإنسان ليطغى أن رآه استغنى﴾ الاستغناء يُحطم إنسانيتك ويُفسد تذوَّق المُتع؛ وقد راعى الله تعالى نظامنا الداخلي في أعظم شهوة بشرية: شهوة الجسد.. فتراه يُغلق عليك الزنا؛ ثم يبيح لك الوطء في إطار واحدٍ فقط "الزواج" وحتى تصل إلى هذا الإطار فإنك تمُر بمراحل كل مرحلة فيها تراعي نظام مكافأتِك.. يبدأ الأمر بالخِطبة التي فيها لا يجوز لك أن تلمس الفتاة.. عايز بقى تحضن وتمشي ماسك إيديها في الشارع … ننتقل لدرجة العقد الذي يحل لك أن تلمسها ولا تختليَ بها خلوة كاملة .. ازداد تحرقك لاتصال جسديٍ كامل ننتقل لمرحلة البِناء "الزواج الكامل" أجاز الله لك فيه كل شيء إلا جماع الدُبر.. وعمل لك رمضان كل سنة ومنعك الصبح من الاتصال الجسدي الكامل علشان يفكر نظامك المكافئي بالنعمة اللي في إيدك؛.. علِم الله أنك تحتاج لنقصٍ متجدد ليحفظ لك توازن العاطفة والشهوة، فمنَّ عليك بالمنع. النظام العالمي الرأسمالي يدرك تمامًا فلسفة الـ Pleasure Capitalism اقتصاد الرغبة، فالإنسان القديم كان يستمتع بالأكل والشرب والجنس والصيد والسيادة، لكن هذه المُتع ليست تضمن استمرار الشراء، وعدم استمرار الشراء يهدد بشكل واضح نماء الاقتصاد الرأسمالي.. فلابد أن نخلِق لك احتياجًا دائما.. نحن سندير لك اللذة، ونعلم يقينًا أنك ستحتاج لتطويرها كما نرغب نحن.. سنزودك بمنتجات ونُقسم لك باللاتِ والعزى أنها ربما ستهبك الرضا.. برغم إنك لو ركزت كده وغمضت عينك وقللت حجم التأثير البيعي ده.. هتلاقي نفسك راضي فعلا باللي معاك، وخصوصا لو بتعرف تُدير الالتذاذ بما تملك.. "الإنسان أسير احتياجه" لو حطَّم أصفاد الاحتياج فإنه حرٌ طليق لا يهزمه شيء. إن الله لما قال "أفرأيت من اتخذ إلهه هواه.." كان يُنبه الإنسان أن "الذي تقوده لذة سيصير عبدًا لها ولو جلس على عرش حُكم الأرض كلها" "لنفتنهم فيه". إما أن تُديرَ لذَّتك أو تديرك هي.. ولو تمكَنتْ منك شهوتك فلن تذرَكَ إلا حطامًا؛ تظلُ تلهث خلفها "ألهاكم التكاثر" تكاثر المال والولد والمناصب والشهوات والمُتع والملذات؛ "حتى زرتم المقابر" حتى الموت.. يقول سيدنا عليّ كرم الله وجهه "الناس نيام فإذا ماتوا انتبهوا" وَلَكِنْ يُنَزِّلُ بِقَدَرٍ مَا يَشَاءُ إِنَّهُ بِعِبَادِهِ خَبِيرٌ بَصِيرٌ . اللهم لا تُغنِنا غنىً يُطغينا، واكفنا بحلالك عن حرامك وأغننا بفضلك عن من سواك.. أعِد ضبط حساسية النعمة = بشُكر المُنعم. علِّم نفسك الحرمان فإن النفس لا تستطعم الشبع إلا من جوع. أن تحيا بلذة منضبطة خيرٌ لك من أن تهلَك بمتعة طاغية. مجرد شخبطة، مما تإزُّ به النفس، ولا يحتمل كتمانه الصدر. وكتبه أُسيم نصار. في السابع والعشرين من شوال لعام 1446 هـ.

يوسف

صباح الخير .. لمدة يوم واحد - بسعر 1333 جنيه كورس مكملات طبيعية للصحة الجنسية للرجال😉 ينفع للسناجل والمتزوجين | يكفي 3 أشهر عرض آخر الشهر دوس على الكلام الأزرق ثم إضافة للسلة هتلاقي سلة فوق عا الشمال بقت مليانة دوس عليها واعمل إتمام الطلب - وتقدر تكلم خدمة اسأل صيدلي لو محتاج مساعدة 🔥

وهنا هي الكوتش😀

هنا انت الكوتش😀

حد طلب مني أوضاع الجيم😀 معرفش هيعملها فين وإزاي بس أنا مقدرش أرفض للرجالة طلب🤦🏻‍♂️

المزلقات الحميمية ليست صديقة للحيوان المنوي جالي اكثر من سؤال في الآونة الأخيرة .. ومن الواضح إن الموضوع ترند أو حد تكلم عنه فالشباب بييجوا يسألوني علشان يفهموا الموضوع بتفاصيله.. يعني إيه بقى مش صديقة للحيوانات المنوية؟ يعني لا تكافئ البيئة المريحة لسباحة الحيوانات المنوية طيب بما إنها مش صديقة هل هي عدوة؟ لا.. مش معنى إنها مش صديقة إنها تمنع الحمل أو تؤخره.. لكن لو قلنا هل وجودها أفضل لفرصة الحمل، ولا عدم وجودها، فيبقى الرد: عدم وجودها أفضل لفرصة الحمل.. لكن استخدام المزلقات الحميمية لا يمنع الحمل، ولا يؤخره. "في الغالب" وهذا الكلام يسري على كل المزلقات الحميمية إلا تلك المخصصة لزيادة فرصة الحمل، ودي سعرها غالي فعلا مش قليل. طيب يعني نستخدم المزلقات الحميمية عادي واحنا مخططين للحمل؟ آه طيب تنصح بنوع معين؟ أي حاجة التركيب بتاعها مائي والشركة المُصنعة كويسة .. وفي الموقع عندنا قسم المزلقات الحميمية مش بنضيف غير شركات موثوقة، فـ أي نوع في الموقع بفضل الله ثقة ومُجرب.. ولو هتشتري مزلق من أي صيدلية قل له عايز مزلق مائي .. إلا لو بتطول أوي والليل وآخره وجامد وكده😀 قل له عايز مزلق الأصل سيليكون.. وربنا يعينها عليك.. بالتوفيق.

عطفا على كلام أمس في ارتباط وثيق بين حالتك النفسية والجنس، ربنا جل وعز لما قال "المال والبنونَ زينة الحياة الدنيا" كان وصف بديع للدنيا، بخمس كلمات فقط، شيء معجز وعجيب.. كل الدنيا دي.. كل مشاكلها.. كل أوجاعها.. كل حاجة بتفرحك فيها.. منقسمة لقسمين: ▪️المال "ابتداءا من سعيك للحصول عليه، ثم مشقة الوصول إليه، ثم إنفاقه ثم ما يلي إنفاقه من فرح أو ترح لو اخترت إنفاقه في غير محله".. ▪️البنون "من أول السرير، مرورا بإن الواد جه، وكبر، وبيطلع ميتيىْك لحد ما تموت" أي مشكلة في الحياة قاطبة منبثقة من الاتنين دول، والاتنين بيرفلكتوا على بعض وبيؤثرا بالسلب والإيجاب.. قولا واحدا فلو سمحت متخليش الهمّ يركبك، فتقصَّر في حق زوجتك، وسيبها على الله.. لإن عمرك كله بطوله ربك أبدا ما خذلك، ولو تسرَّب لنفسك إحساس إنه خذلك في موقف ما، فـ على الحقيقة هو اختار لك الأفضل ولو سابك لاختيارك كنت هتلاقي الخازوق المغري اللي مش هتستحمل تبعاته إن عاجلا أو آجلا.. فـ صدقني هو أحكم منك وأعلم بالخفايا عنك وبيحوش عنك كل وحش.. فـ سلم أمرك ليه ومتقلقش.. هو المدبر وبيده خزائن الأرض ولا تغيضه النفقة، ولا يعسُر عليه رزقك.. وخليك حَسن الظن بيه فإنه والله الذي لا إله غيره " عند حسن ظنك به " خليك دايما فاكر إنك سجين احتياجاتك يعني لو عايز تركب BM X6 فـ انت مسجون في الاحتياج ده، ولما بتنفذه بتبقى مسجون في تبعاته، بتفضل في ساقية علشان تُلبي الاحتياج، وبعدين تدخل في ساقية تانيه علشان تُلبي تبعات الاحتياج.. فمتسجنش نفسك في احتياج وهمي الحياة بتتعاش بأبسط البسيط، الحياة مش هتقف على الموبايل أبو كام وعشرين ألف ولا على العربيه امو ربع ولا نص مليون، الجوازه كمان اللي انت مقبل عليها مش صح انك تبقى مربوط في الساقية زي الـ... كده، اتجوز بالبسيط الضروري وبلاش بهرجة، قلل نفقاتك بقدر الاستطاعة، اعمل الضروريات بس.. اهدى واطمن .. ربنا دايما بيختار الخير وخلي نصب عينيك دوما قول النبي صلى الله عليه وسلم "من أصبح آمنا في سربه معافى في بدنه عنده قوت يومه فقد حيزت له الدنيا بحذافيرها" خدت بالك من الكلمة؟ عنده قوت يومه.. يعني أكل النهارده مقالش أكل الشهر وشقة 3 مطارح وعفشة ميه وفراندا بحري، وعربية موديل السنة وموبايل من ابو خمسين كاميرا وحساب في البنك ومأمن السنتين اللي جايين ومشروع بيجيب فلوس.. لا هو اختصر الليلة دي كلها بإن يكون عندك أكل النهارده! آهو ده معاه الدنيا بحالها كما قال حبيبي صلى الله عليه وسلم "فقد حيزت له الدنيا بحذافيرها" وأخيرا وخذها من مُجرب تصَدق بمالك، دور على الفقير اللي محتاج في شارعك، ولا يسأل الناس إلحافا، وأنفق عليه من غير ما تجرحه، هات حبوب " فول - رز - مكرونه - فاصوليا ناشفة - لوبيا - عدس " وخلي مراتك تودي لمراته شنطة حلوة كده فيها زيت وكيسين لحم أو فراخ ومعاها الحبوب دي، بكل أدب كده حتى لو هتقول لها دي حاجات جاتلنا من عند ربنا فأخذت لنفسي كيس وجبت لك كيس .. واهو الجيران لبعضها ما أخرجته لله هو الباقي وما أنفقته لنفسك هو الفاني ربنا يرزقكم رزقا حلالا طيبا، ويجعلكم سعداء مع أهل بيتكم يارب❤️