مختارات موميه الفنية

البطل اسمه «أحمد».. واختياري للاسم له دلالة مجازية؛ وهي إن تقريبا نص الشعب المصري اسمه أحمد، وقد يكون أكثر اسم مستخدم في الوطن العربي. عاوز أقول من خلال الاسم إن السؤال المطروح هو في الغالب بيشاركني فيه أغلب الناس، وإنها قضية ذاتية غالبة على المجتمع. اللي عاوز أوصله للمتفرج في نهاية الفيلم هو التشكك في قلق إثبات الذات أمام أنظار الآخرين، محتاجه يسأل نفسه: «طب وأنا؟ كام مرة عملت كده؟» أنا قفلت قوس الحكاية على إحداث شرخ في مركزية «أحمد» اللي باني عليها حياته وتعامله مع الآخرين، ومش هنعرف بعد حدوث الشرخ ده، هيتصرف إزاي، نهيت على بوابة مفتوحة، تخلي المشاهد يسأل نفس السؤال: هو إيه اللي هيحصله بعد ده؟ إيه ناتج الشرخ ده؟ عشان أوصله إنه يسأل نفسه السؤال ده لو عنده نفس أزمة «أحمد».

😂😂😂😂😂😂😂

يلا هغششكم الفيلم، عشان متقولوش إني بحرمكم من حاجة 🫶

Burnt, 2015 استدراك.. الفيلم الـ 58 من رحلة الألف فيلم.. هل يستطيع الإنسان أن يبدأ من جديد بعد أن دمَّر بنفسه المكانة التي وصل إليها؟ فيلم دراما عن الطموح والكمال والهوس بإثبات الذات داخل عالم المطاعم الراقية. تدور القصة حول آدم جونز، طاهٍ موهوب وصل سابقًا إلى قمة عالم الطهي في باريس، لكنه خسر كل شيء بسبب إدمانه وسلوكه المتعالي والمتهور. بعد سنوات من الغياب، يعود إلى لندن مصممًا على استعادة مكانته، والهدف الأكبر أمامه هو الحصول على ثلاث نجوم ميشلان. يبدأ آدم في تكوين فريق جديد حوله، ومن بينهم الطاهية الموهوبة هيلين، لكنه يواجه مشكلة أساسية: هو نفسه. فموهبته الاستثنائية يقابلها كمالية واندفاع، وعدم قدرة على الثقة بالآخرين أو السيطرة على غضبه. وفي الوقت نفسه، يطارده ماضيه وأشخاص أخطأ في حقهم، بينما يحاول منافسوه وزملاؤه معرفة ما إذا كان قد تغير فعلًا أم أنه سيعيد تدمير كل شيء. الفيلم في جوهره ليس عن الطبخ بقدر ما هو عن رجل يريد أن يصبح عظيمًا، لكنه يكتشف أن العظمة تأتي من القدرة على التعاون بعد توفر الموهبة، وتحمل المسؤولية، ومواجهة الذات. فيلم لذيذ لسهرة لطيفة.. #تحدي_موميه_أفلام ٥٨

Logline.. في حاجة اسمها لوج لاين، أو ملخص شديد الكثافة عن حدوتة الفيلم، دي لازم أقدمها وتكون معروفة عندي. أنا صيغت 3 ملخصات، بغض النظر عن الحكاية كاملة، محتاج تقولولي أنتم اتشوقتم لأي لوج لاين فيهم؛ يكفي تتفاعل على الملخص اللي شد انتباهك أكتر.. في التعليقات..

كيف تسلك أطول طريق لتقول: أحبك!

أقل دماغ في العيلة!

من المفترض إن الأستاذ هينزل ألبوم ليه الشهر ده، بعد ما أخيرا خلص عقده مع روتانا المعوقة، وأخيرا هيعمل حاجة بعيدة عن الاعلانات. متشوق ومتحمس.. 🤩

في اختبار حقيقي واجهني ولا زال بيواجهني في مشهد هو قالب الفيلم.. المشهد في وورك سبيس. البطل بيكون منتظر اتنين صحابه، لغيت ما ييجيوا بيراقب الترابيزات اللي حواليه. في 3 ترابيزات. كل ترابيزة قاعد عليها ناس. هو قاعد يراقب حوارتهم وكلامهم وحركاتهم.. فالحوار وحركات جسد الأشخاص اللي على الترابيزات دي مهمة في البناء الدرامي للفيلم، مش عشوائية. فعشان أكتب ايه اللي بيحصل ويتقال في كل ترابيزة، كان لازم أكتب تاريخ كل شخصية لغيت ما وصل للمكان ده وليه. طب ليه لازم؟ عشان لما أعرف ككاتب وبعدين كمخرج الشخص الفلاني صفاته النفسية والجسدية كذا، وجي من بيئة كذا، لما يتعامل في الموقف ده هيتعامل بالطريقة الفلانية. فاللي جي من ريف غير اللي جي من مدينة؛ في نفسيته واستقباله للأمور وطريقة التعبير عنها. واللي جي من هندسة مثلا غير اللي جي من لغة عربية، والتاجر غير الموظف الحكومي، والبنت دلوعة البيت غير البنت اللي أبوها اتوفى وهي صغيرة، غير اللي أبوها ع قد حاله وهكذا.. كل واحد هيشوف العالم بطريقة مختلفة، وبالتالي هيتكلم بطريقة مختلفة، وقراراته هتكون مبررة بناء على الاستوري باك دي. صعبة ومرهقة جدا العملية دي. ومتأكد إني هحتاج درافت خامس عشان أظبطها أكتر. مشهد الحقيقة كلفت نفسي بيه فوق استطاعتي، بس القصة جات معايا كدا. سعيد إني وصلت لدرفت 3، وإن شاء الله ع آخر الأسبوع هنبدأ تصوير. أرجو بس متكلفش كتير ماديا عشان كل واحد بيعمل مشروعه ع حسابه الشخصي من تأجير كاميرا وإضاءة وأماكن. وعندي مشهدين في عربية يعني في تأجير عربية كمان وحوار.. دعواتكم..

مسا مسا 🤩

استراحة من التليجرام لمنتصف شهر 9 إن شاء الله، هتلاقوني ع الواتس.. +20 1013787678

الحمد لله كتبت معالجة أولية للفيلم القصير اللي هنشتغل عليه في شهر 8، والحقيقة أنا متأخر شوية. المفترض بعد كتابة المعالجة هشتغل عليه سيناريو، وغالبا هيكون أكتر من درافت، وبعدين هقعد مع مدير التصوير ونعمل ديكوباج ( يعني تقسيم كل مشهد إلى لقطات، وحديد حجم كل لقطة سواء لونج أو مديم أو كلوز، واختيار زاوية الكاميرا وارتفاعها. وتحديد حركة الكاميرا، وترتيب اللقطات والانتقالات بينها)، وبعدين ننقل ده كستوري بورد (يعني رسم اللقطات كأنها قصة مصورة).. كل ده قبل التحضير والتصوير، التحضير منه اختيار الممثلين والمعدات، وتصميم الملابس والديكور وجدول التصوير، وإعداد الميزانية. بعد كدا التصوير ثم المونتاج وتصميم الصوت والموسيقى.. حوار طويل لفيلم ممكن مدته من 10 : 15د ع الأكثر. والمطلوب يتنفذ من بعد اعتماد السيناريو في حدود 5 أيام عشان الميزانية أولا، وعشان في مشاريع أخرى لبقية الدفعة والوقت مش كبير. يمكن عندي رهبة شوية؛ رهبة أول فيلم قصير، ورهبة القيادة، ورهبة انك تخرج منتج جيد. عامة محتاج أفصل شوية، وأسترخي أكتر عشان أقدر أستمتع وأتعلم من أول تجربة إخراج حقيقية.

تووليت*

الواد تولييت مختلف أوي الحقيقة، حتى في استخدامه للموسيقى وتوزيعها، يمكن أكتر موسيقى منتظرها.. وألبومه حقق المستوى اللي منتظره فعلا. لسه نازل من ساعتين.

Look Back, 2024 الفيلم الـ 170 من رحلة الألف فيلم.. في إحدى المدارس الابتدائية، تعتاد فوجينو أن ترى رسوماتها المصورة منشورة في صحيفة المدرسة، وتحظى بإعجاب زملائها وثقتها بنفسها تكبر يوما بعد يوم. لكن ظهور رسومات لطالبة غائبة عن المدرسة تدعى كيوموتو يقلب هذا اليقين رأسًا على عقب؛ فالموهبة التي تختبئ خلف أبواب منزلها تبدو استثنائية إلى حد يوقظ في فوجينو مشاعر المنافسة والغيرة معًا. مدفوعة برغبتها في أن تصبح أفضل، تنغمس فوجينو في الرسم والتدريب بلا كلل، بينما تظل كيوموتو بعيدة عن الأنظار، لا يعرفها أحد إلا من خلال خطوطها ورسوماتها. ومع مرور الوقت، تجمع الصدفة بين الفتاتين، لتنشأ بينهما علاقة تتجاوز المنافسة إلى صداقة عميقة وشراكة فنية تشكل ملامح حياتهما معًا. في رحلة تمتد من مقاعد الدراسة إلى أحلام الاحتراف، يتتبع الفيلم لحظات الشغف والإحباط والنجاح، ويرصد الثمن الذي قد يدفعه الفنانون في سبيل ما يحبون. وبين دفاتر الرسم والذكريات المشتركة، ينسج حكاية مؤثرة عن الإبداع والصداقة والفقد، وعن الأثر الذي يتركه شخص واحد في حياة شخص آخر، حتى بعد أن يصبح مجرد ذكرى. فيلم رائع سيترك أثره بلا شك. #تحدي_موميه_أفلام ١٧٠