Astroግእዝ

❓ ለምን በካም ፈንታ ልጁ ከነአን ተረገመ ? በመጽሐፍ ቅዱስ በምዕራፍ 9 ከቁጥር 20 እስከ 27 እንዲህ ይላል :- "20 ፤ ኖኅም ገበሬ መሆን ጀመረ፥ ወይንም ተከለ። 21 ፤ ከወይን ጠጁም ጠጣና ሰከረ፤ በድንኳኑም ውስጥ ዕራቁቱን ሆነ። 22 ፤ የከነዓን አባት ካምም የአባቱን ዕራቁትነት አየ፥ ወደ ውጭም ወጥቶ ለሁለቱ ወንድሞቹ ነገራቸው። 23 ፤ ሴምና ያፌትም ሸማ ወስደው በጫንቃቸው ላይ አደረጉ፥ የኋሊትም ሄደው የአባታቸውን ዕራቁትነት አለበሱ፤ ፊታቸውም ወደ ኋላ ነበረ፥ የአባታቸውንም ዕራቁትነት አላዩም። 24 ፤ ኖኅም ከወይን ጠጁ ስካር ነቃ፥ ታናሹ ልጁ ያደረገበትንም አወቀ። 25 ፤ እንዲህም አለ። ከነዓን ርጉም ይሁን፤ ለወንድሞቹም የባሪያዎች ባሪያ ይሁን። 26 ፤ እንዲህም አለ። የሴም አምላክ እግዚአብሔር ይባረክ፥ ከነዓንም ለእነርሱ ባሪያ ይሁን። 27 ፤ እግዚአብሔርም ያፌትን ያስፋ፥ በሴምም ድንኳን ይደር፤ ከነዓንም ለእነርሱ ባሪያ ይሁን።" ታዲያ ለምን ካም ባጠፋው ከነአን ተረገመ ? ከአንድ አንድ መረጃ ያገኘሁትን ላካፍላችሁ :- 1) እግዚአብሔር የኖህን ልጆች ስለባረካቸው ፣ እግዚአብሔር የባረካቸውን ደግሞ ሰው መርገም ስለማይችል ኖህ ካምን ትቶ የካምን ልጅ ከነአንን ረገመው 2) አባት በልጅ ሲቀጣ ያማልና ። ካም በጣም የሚወደው ልጁ ከነአን ስለነበር ፣ ተስፋ ያደረገበትን ልጁን ረገመው 3) ኖህ ከነአንን በስም ጠርቶ ቢረግመውም የካምን ልጅ ከነአንን ሳይሆን ወደፊት ከነአናውያን የሚባሉትን ነገዶች ነው የረገመው 📌 ይህ ከላይ የገለጽኩላችሁ በተለያዩ ሰዎች የተነሱ ሃሳቦች እና ምልከታዎች ነው ። እናንተስ ምን ታስባላችሁ ? ወይም የትኛውን ትቀበላላችሁ ? @AstrogeezChannel