រដ្ឋបាលខេត្តតាកែវ

ទីស្តីការក្រសួងផែនការ៖ រសៀលថ្ងៃពុធ ទី៩ ខែកញ្ញា ឆ្នាំ២០២៦ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានអញ្ជើញចូលរួមក្នុងពិធីប្រកាសដាក់ឱ្យប្រើប្រាស់ជាផ្លូវការថ្នាលប្រព័ន្ធគ្រប់គ្រងទិន្នន័យមូលដ្ឋានឃុំ សង្កាត់ តាមអនឡាញ និងរបាយការណ៍ស្ដីពីទិន្នន័យមូលដ្ឋានឃុំ សង្កាត់ ឆ្នាំ២០២៥ ក្រោមអធិបតីភាពដ៏ខ្ពង់ខ្ពស់ ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្រ្តី តំណាងដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ប្រារព្ធធ្វើឡើងនៅទីស្ដីការក្រសួងផែនការ៕

ថ្ងៃពុធ ទី៩ ខែកញ្ញា ឆ្នាំ២០២៦ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ និងជាប្រធានគណៈកម្មាធិការ សាខាកាកបាទក្រហមកម្ពុជាខេត្តតាកែវ រួមជាមួយ លោក លោកស្រី សមាជិក សមាជិការ គណៈកម្មាធិការសាខាកាកបាទក្រហមកម្ពុជាខេត្តតាកែវ បានអញ្ជើញចុះសួរសុខទុក្ខ និង នាំយកអំណោយមនុស្សធម៌របស់សាខាមកផ្តល់ជូនគ្រួសារប្រជាពលរដ្ឋចំនួន ៥០គ្រួសារ ក្នុងនោះ ១១គ្រួសារ ជាជនចាស់ជរា ទីទ័លក្រ នៅបរិវេនវត្តត្រសក់ផ្អែម សង្កាត់បារាយណ៍ ក្រុងដូនកែវ និង ៣៩គ្រួសារទៀត នៅបរិវេនសាលាស្រុកអង្គរបូរី ខេត្តតាកែវ (ក្នុងនោះមានចាស់ជរាទីទ័លក្រងាយរងគ្រោះចំនួន ២៨គ្រួសារ និងខ្យល់កន្រ្តាក់ ១១គ្រួសារ)។ សូមបញ្ជាក់ថាអំណោយដែលបានប្រគល់ជូនក្នុងមួយគ្រួសារៗ រួមមាន៖ អង្ករ ២៥ គីឡូក្រាម ត្រីខ ១យួរ មី១កេស ប្រេងឆា ១លីត្រ នំ ១កញ្ចប់ ទឹកត្រី ៣ដប ទឹកស៊ីអ៊ីវ ៣ដប កន្ទេល១ មុង ១ ភួយ១ សារុង១ ក្រម៉ា១ ថវិកា ៥ម៉ឺនរៀល ៕

ពិធីបុណ្យដង្ហែរព្រះពុទ្ធប្បដិមាថ្មកែវតម្កល់លើបុស្បុកជាទីសក្ការៈនៅក្នុងវត្តសីហរតនារាម ថ្ងៃពុធ ទី៩ ខែកញ្ញា ឆ្នាំ២០២៦ លោកស្រី ឡុង បូណារេត អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានអញ្ជើញជា កិត្តិយសក្នុងពិធីបុណ្យដង្ហែរព្រះពុទ្ធប្បដិមាថ្មកែវតម្កល់លើបុស្បុកជាទីសក្ការៈនៅក្នុងវត្តសីហរតនារាម ស្ថិតក្នុងក្រុងដូនកែវ ខេត្តតាកែវ។

កិច្ចប្រជុំពិភាក្សាលទ្ធផលក្នុងឆ្នាំ និងផែនការសកម្មភាពលម្អិតឆ្នាំ២០២៧ ក្នុងការគ្រប់គ្រងហិរញ្ញវត្ថុសាធារណៈប្រចាំរដ្ឋបាលខេត្តតាកែវ តាកែវ៖ ព្រឹកថ្ងៃពុធ ទី៩ ខែកញ្ញា ឆ្នាំ២០២៦ លោក ម៉ម កាយ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានអញ្ជើញជាអធិបតីក្នុងកិច្ចប្រជុំពិភាក្សាលទ្ធផលក្នុងឆ្នាំ និងផែនការសកម្មភាពលម្អិតឆ្នាំ២០២៧ ដោយផ្តោតទៅលើអទិភាពការងាររបស់រដ្ឋបាលខេត្ត​ ក្រោមកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈប្រចាំរដ្ឋបាលខេត្តតាកែវ ដែលកិច្ចប្រជុំស្ថិតនៅសាលប្រជុំតូចរដ្ឋបាលខេត្តតាកែវ៕

ពិធីចុះហត្ថលេខាលើអនុស្សរណៈនៃការយោគយល់គ្នារវាងអគ្គនាយកដ្ឋានរដ្ឋបាលក្រសួងមហាផ្ទៃ និងសមាគមជប៉ុន-កម្ពុជា រាជធានីភ្នំពេញ៖ នារសៀលថ្ងៃអង្គារ ទី៨ ខែកញ្ញា ឆ្នាំ២០២៦ លោក ហែម ឬទ្ធី អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានអញ្ជើញចូលរួមក្នុងពិធីចុះហត្ថលេខាលើអនុស្សរណៈនៃការយោគយល់គ្នារវាងអគ្គនាយកដ្ឋានរដ្ឋបាលក្រសួងមហាផ្ទៃ និងសមាគមជប៉ុន-កម្ពុជា ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ពិធីចុះហត្ថលេខាស្ថិតនៅទីស្តីការក្រសួងមហាផ្ទៃរាជធានីភ្នំពេញ៕

វីដេអូស្តីពីតួនាទីភារកិច្ចរបស់ស្មៀនឃុំសង្កាត់

រាជធានីភ្នំពេញ៖ ថ្ងៃអង្គារ ទី៨ ខែកញ្ញា ឆ្នាំ២០២៦ឯកឧត្តម យស ណាស៊ី ប្រធានក្រុមប្រឹក្សាខេត្ត និងឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានអញ្ជើញចូលរួមសន្និបាតបូកសរុបសមិទ្ធផលការងាររបស់ក្រុមប្រឹក្សាឃុំ សង្កាត់ ត្រូវបានបិទបញ្ចប់ប្រកបដោយជោគជ័យ ក្រោមអធិបតីភាពដ៏ខ្ពង់ខ្ពស់ ឯកឧត្តម អភិសន្តិបណ្ឌិត ស សុខា តំណាងដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

សារលិខិតជូនពរ សូមគោរពជូន ឯកឧត្តម ហ៊ឺ បាវី ប្រតិភូរាជរដ្ឋាភិបាលកម្ពុជាទទួលបន្ទុកជាប្រធានអគ្គនាយកកំពង់ផែស្វយ័តភ្នំពេញ

កិច្ចប្រជុំសាមញ្ញលើកទី២៨ អាណត្តិទី៤ របស់ក្រុមប្រឹក្សាខេត្ត តាកែវ៖ ព្រឹកថ្ងៃអង្គារ ទី៨ ខែកញ្ញា ឆ្នាំ២០២៦ ឯកឧត្តម ឡាយ សុខា សមាជិកក្រុមប្រឹក្សាខេត្ត តំណាងដ៏ខ្ពងខ្ពស់ ឯកឧត្តម យស ណាស៊ី ប្រធានក្រុមប្រឹក្សាខេត្ត និងលោក ស៊ុត ខុន អភិបាលរងខេត្ត តំណាងដ៏ខ្ពងខ្ពស់ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានអញ្ជើញដឹកនាំកិច្ចប្រជុំសាមញ្ញលើកទី២៨ អាណត្តិទី៤ របស់ក្រុមប្រឹក្សាខេត្ត ព្រមទាំងមានការអញ្ជើញចូលរួមដោយ ឯកឧត្តម លោកជំទាវ សមាជិកក្រុមប្រឹក្សាខេត្ត លោក អភិបាលរងខេត្ត លោក នាយករងរដ្ឋបាលខេត្ត លោកនាយក នាយករងទីចាត់ការ និងមន្រ្តីរាជការចំណុះរដ្ឋបាលសាលាខេត្ត កងកម្លាំងទាំង៣ លោក លោកស្រីប្រធានមន្ទីរសាខាជំនាញជុំវិញខេត្ត។

តួនាទីភារកិច្ចនិងសមិទ្ធផលសម្រេចបានរបស់ក្រុមប្រឹក្សាឃុំ សង្កាត់

ការកែលំអរសួនច្បារនិងហេដ្ឋារចនាសម្ព័ន្ធនានាឱ្យមានសោភ័ណភាពនៅមាត់បឹងតាកែវ នៅរសៀលថ្ងៃទី០៧ ខែកញ្ញា ឆ្នាំ២០២៦ លោក ស៊ុត ខុន អភិបាលរង នៃគណៈអភិបាលខេត្តតាកែវ បានអញ្ជើញដឹកនាំកិច្ចប្រជុំពិភាក្សាវឌ្ឍភាព​នៃការ​ជួសជុល​​ផ្លូវនឹងពន្លឿនការចាក់ដីបំពេញសួនដើម្បីធ្វើការកែលំអរសួនច្បារឱ្យមានសោភ័ណភាព និងការកាយអាចម៍ដីលើផ្ទៃបឹងតាកែវ ព្រមទាំងមានការអញ្ជើញចូលរួមដោយ លោកនាយកទីចាត់ការផែនការ និងវិនិយោគខេត្ត លោកនាយកទីចាត់ការអន្តរវិស័យ លោកស្រីអភិបាលរងក្រុង លោកប្រធាន អនុប្រធានមន្ទីរសាខាជំនាញជុំវិញខេត្តដែលពាក់ព័ន្ធ និងមេឃុំ ចៅសង្កាត់ ដែលកិច្ចប្រជុំបានរៀបចំធ្វើឡើងនៅសាលប្រជុំទីចាត់ការផែនការ និងវិនិយោគខេត្តតាកែវ៕

ពិធីបើកសន្និបាតបូកសរុបសមិទ្ធផលការងាររបស់ក្រុមប្រឹក្សាឃុំ សង្កាត់ អាណត្តិទី៥ តាកែវ៖ ថ្ងៃចន្ទ ទី៧ ខែកញ្ញា ឆ្នាំ២០២៦ លោកស្រី ឡុង បូណារេត និងលោក អម សុភា អភិបាលរងខេត្តតាកែវ​ បានអញ្ជើញចូលរួមក្នុងពិធីបើកសន្និបាតបូកសរុបសមិទ្ធផលការងាររបស់ក្រុមប្រឹក្សាឃុំ សង្កាត់ អាណត្តិទី៥ ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃតាមប្រព័ន្ធអនឡាញ Zoom នៅសាលប្រជុំតូចរដ្ឋបាលខេត្តតាកែវ៕

សិក្ខាសាលាផ្សព្វផ្សាយផែនការសកម្មភាពជាតិស្តីពីការទប់ស្កាត់និងឆ្លើយតបចំពោះអំពើហិង្សាលើកុមារឆ្នាំ២០២៦-២០៣០ តាកែវ៖ ព្រឹកថ្ងៃចន្ទ ទី៧ ខែកញ្ញា ឆ្នាំ២០២៦ លោកស្រី ឡុង បូណារេត អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានអញ្ជើញចូលរួមជាកិត្តិយសក្នុងសិក្ខាសាលាផ្សព្វផ្សាយផែនការសកម្មភាពជាតិស្តីពីការទប់ស្កាត់និងឆ្លើយតបចំពោះអំពើហិង្សាលើកុមារឆ្នាំ២០២៦-២០៣០ ក្រោមអធិបតីភាពលោកជំទាវ ខៀវ បូរី រដ្ឋលេខាធិការក្រសួងសង្គមកិច្ចអតីតយុទ្ធជន និងយុវនីតិសម្បទា និងជាអនុប្រធាន ក.ជ.ក តំណាងដ៏ខ្ពង់ខ្ពស់ ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ចអតីតយុទ្ធជន និងយុវនីតិសម្បទា និងជាប្រធានក្រុមប្រឹក្សាជាតិកម្ពុជាដើម្បីកុមារ។ សិក្ខាសាលាផ្សព្វផ្សាយបានប្រារព្ធធ្វើឡើងនៅសាលប្រជុំធំរដ្ឋបាលខេត្តតាកែវ៕

តាកែវ៖ ព្រឹកថ្ងៃចន្ទ ទី៧ ខែកញ្ញា ឆ្នាំ២០២៦ លោក ម៉ម កាយ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានអញ្ជេីញ ដឹក នាំ កិច្ច ប្រជុំ ដេីម្បី តាមដាន ត្រួតពិនិត្យ លេីវឌ្ឍភាព នៃការ ងារ ជួសជុល ពង្រីក ផ្លូវ និង លេីក កម្ពស់ ផ្លូវ ចាក់ ដីបំពេញដីសួន ជូន រដ្ឋបាល ខេត្ត អោយ ទាន់ នឹង កម្មពិធី បុណ្យ អុំទូក បណ្តែត ប្រទីប សំពះ ព្រះ ខែ និង អក អំបុក ខេត្ត តាកែវ ឆ្នាំ ២០២៦ ដេីម្បី ចូល រួម អបអរសាទ ព្រះ រាជពិធី បុណ្យ អុំទូក បណ្ដែតប្រទីប សំពះ ព្រះ ខែ អកអំបុក នាពេលខាងមុខ។ កិច្ចប្រជុំស្ថិតនៅសាលប្រជុំទីចាត់ការផែនការ និងវិនិយោគខេត្តតាកែវ៕

ពិធីបើកសន្និបាតបូកសរុបសមិទ្ធផលការងាររបស់ក្រុមប្រឹក្សាឃុំ សង្កាត់ អាណត្តិទី៥ រាជធានីភ្នំពេញ៖ ព្រឹកថ្ងៃចន្ទ ទី៧ ខែកញ្ញា ឆ្នាំ២០២៦ ឯកឧត្តម យស ណាស៊ី ប្រធានក្រុមប្រឹក្សាខេត្ត និងឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានអញ្ជើញចូលរួមពិធីបើកសន្និបាតបូកសរុបសមិទ្ធផលការងាររបស់ក្រុមប្រឹក្សាឃុំ សង្កាត់ អាណត្តិទី៥ ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ប្រារព្ធធ្វើឡើងនៅសណ្ឋាគារ សុខា ភ្នំពេញ។

កិច្ចប្រជុំពិភាក្សាអំពីកំណត់ និងដោះស្រាយបញ្ចប់ព្រំប្រទល់រដ្ឋបាល នាថ្ងែទី១០ ខែកញ្ញា ឆ្នាំ២០២៦ នៅទីស្តីការក្រសួងមហាផ្ទៃ តាកែវ៖ ព្រឹកថ្ងៃចន្ទ ទី៧ ខែកញ្ញា ឆ្នាំ២០២៦ លោក ព្រុំ គន្ធិ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានអញ្ជើញជាអធិបតីក្នុងកិច្ចប្រជុំពិនិត្យពិភាក្សារៀបចំឯកសារត្រៀមសម្រាប់កិច្ចប្រជុំពិភាក្សាអំពីកំណត់ និងដោះស្រាយបញ្ចប់ព្រំប្រទល់រដ្ឋបាល នាថ្ងែទី១០ ខែកញ្ញា ឆ្នាំ២០២៦ ខាងមុខនេះនៅទីស្តីការក្រសួងមហាផ្ទៃ ព្រមទាំងមានការចូលរួមដោយ លោកនាយកទីចាត់ការផែនការ និងវិនិយោគខេត្ត លោកនាយកទីចាត់ការអន្តរវិស័យ លោក អភិបាល អភិបាលរងក្រុង ស្រុក លោកប្រធាន អនុប្រធានមន្ទីរសាខាជំនាញជុំវិញខេត្តដែលពាក់ព័ន្ធ។ កិច្ចប្រជុំស្ថិតនៅសាលប្រជុំជាន់ក្រោមនៃទីចាត់ការផែនការ និងវិនិយោគខេត្តតាកែវ៕