المهم | كلية الحاسب 445

تجربة طالبة بنظم المعلومات و تجربتها الكاملة بمشروع التخرج 👇🏻👇🏻 أول شي مشاريع التخرج تختلف شووووي بين التخصصات عندنا، بذكر اول بدايات مشروع التخرج والفرق بيننا ثم بتكلم عن مشروع التخرج نفسه والشغل بالبداية عندنا اختيار الفكرة والدكتورة، المفترض قروب التخرج يتشكل من نهاية السنة اللي قبل المشروع وكذلك الفكرة والدكتورة ممكن تبدونها من نهاية السنة، بالنسبة لتقنية المعلومات كل قروب لازم يختار فكرته ودكتورته (قد يختارون الفكرة وبعدها يدورون دكتورة بنفس المجال، او يختارون دكتورة ومعهم فكرة مبدئية ثم يتناقشون مع الدكتورة في تطوير الفكرة)، بالنسبة للعلوم دكتورات القسم هم اللي يعطون الافكار ويتنافسون عليها القروبات، اما النظم والبرمجيات فـ لهم الخيارين يا أما يختارون افكارهم ودكتورتهم بنفسهم او يتنافسون على الافكار اللي ينزلونها الدكتورات. بالنسبة لتقسيم مشروع التخرج بين الترمين، فـ كل التخصصات ما عدا التقنية الترم الاول يكون المشروع توثيق نظري للفكرة وتفصيل لها يعني بالمميزات الميثودز المتطلبات الرسمات والواجهات وغيره، والترم الثاني عملي بحت برمجة والقلييل من التوثيق النظري، بالنسبة للتقنية الترم الاول والثاني كلها فيها توثيق نظري وشغل عملي للمشروع هذا بالنسبة لبدايات المشروع والفرق بين التخصصات في بداية المسروع بنشتغل على بربوزال ثم الريبورت الصدقي، البربوزال يحتوي الفكرة الأساسية والمشكلة والحل اللي بتقدمونه ووش الفئة المستهدفة والخ، طبعًا مدة البربوزال قصيرة شوي يعني يبي لكم تشتغلون من البداية احسن عشان ما تحطون شغل اي كلام، بعد البربوزال نجي للريبورت الشابتر الاول منه ثلاث ارباعه يجي من البربوزال عشان كذا حلو لو كان شغلكم في البربوزال مضبووط يختصر لكم، وباقي التشابترات بعدها (الثاني جمع المعلومات واللي تتكلمون فيه عن استبانتكم ابحاث تدعم مشروعكم وتطبيقات مشابهة، الثالث شابتر التحليل واللي فيه الرسومات المطلوبة وتقريبًا هو اطول شابتر بتشتغلون عليه ويعتبر متتعب لكن اذا تحليلكم ممتاز برمجتكم للمشروع بتتسهههل، الرابع التصميم واللي فيه تحطون الواجهات حقت مشروعكم والغالب يصممون الواجهات في فيقما، والخامس الخاتمة) بالنسبة لاختيار القروب والدكتورات فـ تقريبًا اختيار القروب هو اهممم شي، لان الشغل متعب مررره والقروب متعاون فما بالكم لو ما كانوا متعاونين بتنجنون، دوروا بنات متعاونات وشغيلات قدر المستطاع وايضًا احرصوا تصيرون انتم شغيلات ومتعاونات عشان يدورونكم الشغيلات زيكم، المشروع حتى لو له ليدر غالبًا كلكم تحتاجون تديرون معها، بعد نقطة مهمة تغاضوا عن اي شي بيعكر الشغل بينكم قدر المستطاع وحاولوا تتقبلون الاراء وتسددون وتقاربون لأن لو كلكم تبون تمشون افكاركم ما مشى المشروع زين بالنسبة للدكتورة حاولوا تدورون دكتورات حريصات موب بس فاهمات، لأن اذا موب حريصة عليكم بتسحب عليكم بالاسابيع وتبلشون ببعض الخطوات، لكن عمومًا اذا قروبكم ممتاز ومتفاهم بتمشي اموره حتى لو ما كانت الدكتورة حريصة مره