Let's Study Together🥼🩺

🔴 #هام 👈 #وزارة_التّعليم_العالي تُعلن عن إنطلاق التسجيلات الأولية وتوجيه حاملي شهادة البكالوريا "دورة 2026" ⭕️ #التسجيلات ستكون خلال الفترة الممتدة من 15 جويلية 2026 إلى غاية 19 جويلية 2026 ⭕️ التسجيلات تتم حصريّا عبر رابط موقع التسجيلات الأولية: https://orientation-esi.dz

لي عنده جواب يجاوب الاخت

بغيت استفسر مساعد ممرض ولاية تيارت تقدر تسجل ونتا رابح الباك؟؟

ولاية برج

**دعواتكم لأمي بالشفاء العاجل متواجدة في العناية المشددة يارب اشفي امي شفاء لا يغادر سقما اللهم رب الناس اذهب الباس اشفي انت الشافي لا شفاء الا شفائك شفاء لا يغادر سقما 🥹** يارب اني استودعك امي وصحتها فيارب احفظها واحفظ صحتها انك على كل شيء قدير

🔹 تحب الراحة والهدوء؟ اختار واحد من هذو التخصصات: 🥗 مختص تغذية – 🧼 مختص حفظ الصحة – 🩺 مساعد طبي 💊 محضر صيدلاني – 🧪 مخبري –🚸☣️مختص في أجهزة التصوير الطبي 🧘‍♂️ كيني – تخصصات بلا ضغط كبير، وتنظيم يومي يخليك مرتاح البال. 😌 ⸻ 🚨 تحب الحركة، المغامرة اليومية، صوت الإسعاف، وركوب الميرسيدس؟ 📍 راهي تخصصات مليانة تحدي وخير وفضل كبير: 👨‍⚕️ ممرض – 🤱 قابلة – 👩‍⚕️ مساعد ممرض كل يوم قصة، وكل لحظة فيها إنقاذ روح ودعوة من القلب. ❤️‍🔥🚑 ⸻ 👑 تحب الهيبة والمكانة العالية؟ 🎯 عليك بـ AMAR: عون طبي للتخدير والإنعاش 🧠💉 تخصص واعر، دقيق، لكن يعطيك احترام كبير وين ما تمشي. 🕶️🏥 ترتيب أفضل التخصصات الشبه طبي 1️⃣مختص في العلاج الفيزيائي و الطبيعي للصحة العمومية ( Ksp ) . 2️⃣ مشغل أجهزة التصوير الطبي للصحة العمومية ( Mimsp ) . 3️⃣ مخبري في الصحة العمومية ( Lsp ) . 4️⃣مختص في التغذية للصحة العمومية ( Dsp ) . 5️⃣ محضر صيدلاني في الصحة العمومية ( Pphsp ) 7️⃣ مختص في حفظ الصحة في الصحة العمومية ( Hsp ) . 8️⃣ بصاريتون و نظاريتون في الصحة العمومية . 9️⃣باقي التخصصات الجديدة وغير معروفة 🔟ممرض في الصحة العمومية ( Isp ) .(فيه افاق كبيرة في الخارج مقارنة بباقي التخصصات لكن باش تقعد في الجزائر اكبر خطأ ديره) 🕰️ التخصصات دون مناوبة ليلية (عمل نهاري فقط): 🔹 مثالية لمن يفضلون الاستقرار ووقت منتظم 👌 ✅ 💊 محضر صيدلاني(يوجد احيانا) ✅ 🥗 مختص في التغذية ✅ 🧼 مختص في حفظ الصحة ✅ 😁 مرمم الأسنان ✅ 👂 مقوم السمع ✅ 👁️ مقوم البصر ✅ 🧘‍♀️ مقوم الحركة النفسية ✅ 🦿 مقومو الأعضاء الاصطناعية ✅ 🖐️ مداوون بالعمل ✅ 🧎‍♂️ مختص في العلاج الفيزيائي والطب الطبيعي ✅ 🩺 مساعد طبي (خاص بالشعب الأدبية وتسيير واقتصاد) ✅ 🤝 مساعد اجتماعي (خاص بالشعب الأدبية وتسيير واقتصاد) 🌙 التخصصات التي فيها مناوبة ليلية: ✅ 👨‍⚕️ ممرض للصحة العمومية (ISP) ✅ 🧪 مخبري للصحة العمومية ✅☣️ مشغلو أجهزة التصوير الطبي ✅ 🤰 قابلة للصحة العمومية ️ أفضل التخصصات المناسبة للبنات (مرتبة حسب الأفضلية): 1. مخبري 2🥗 مختص في التغذية. 🤰 قابلة 3. 4. 😁 مرمم الأسنان 5. 🧼 مختص في حفظ الصحة 6.محضر صيدلاني 💊 7. 🩺🤝 مساعد طبي واجتماعي (لشعب الأدبية وتسيير واقتصاد) 8. 👂👁️🧘‍♀️ مقوم السمع، البصر، والحركة النفسية

💥معدلات القبول اخر 5 سنوات فالتخصصات الطبية لشعبة علوم تجريبية ❗طب : 2025 : 16.65 2024 : 16.30 2023 : 16.52 2022 : 16.27 2021 : 15.86 ❗طب أسنان : 2025 : 16.99 2024 : 16.65 2023 : 16.42 2022 : 16.19 2021 : 15.82 ❗صيدلة : 2025 : 16.26 2024 : 15.82 2023 : 15.94 2022 : 15.78 2021 : 15.52

#بثينة@sbiiitar_girls

متنساوش ادعيو لوالد. زميلتنا سهى بالرحمة والمغفرة ويثبته عند السؤال

حاجة أخرى اي تخصص راه فيه سلبيات وايجابيات ومتخموش فوق قدراتكم تاع بطالة وغاشي ووووو والله غير هاذي لحاجة راهي أرزاق ومكاتيب كل واحد فينا كيفاه ربي دار رزق تاعو بالنسبة لسلبيات منها ضغط الدراسة حجم المقاييس من ذاك تقرا مقياس شارجي بزاف في وقت قليل ستراس سيرتو فترة الامتحان مؤخرا كثرة طلبة مع نقص هياكل التربص يشكل عائق وكيما كل تخصص البطالة بصح هذا لا يعني ميش راح تخدم حياتك كامل ولا الإيجابيات الطب راح يجعل منك شخص تخمم في غيرك ميش نفسك برك أكثر انسانية تدي اجر عظيم الإمام الشافعي قال لا أعلم علماً بعد الحلال والحرام أنبل من الطب، إلا أن أهل الكتاب قد غلبونا عليه". طب راح يصنع منك شخص الكل يقدروه ذو قيمة راح يغير نمط حياتك تولي انسان أكثر انضباط بزاف حوايج في الاخير نقولكم ديرو واش يخرج عليكم متشوفوش نظرة المجتمع لانو ارضاء الناس غاية لا تدرك من أراد الدنيا فعليه بالعلم ومن أراد الآخرة فعليه بالعلم ومن أراد كلاهما فعليه بالعلم اخلصو نية لربي سبحانو مراحش يخيبكم وبإذن الله الخير ياتي من حيث لا تحتسب الرزق ممدود وليس محدود

اول حاجة لازم تعرفها هي نظام دراسية طب كيما علابالكم نقراو 7 سنوات طب عام مقسومة 3 سنوات الأولى( 1/3)هاذي راح تكون مرحلة قبل عيادية او قبل سريرية او cycle pré clinique يعني نقراو نظري برك بلا تطبيقي اولا 1ere فيها نظام سوماستر يال يعني كاين S1 و S2 تقراو موديلات وتعقبوهم كاين لي تقراهم أنيال طول العام وكاين لي سوماستر برك 2eme تختلف راح تولي unitaire عندها 5 وحدات كل وحدة فيها 3 موديلات رئيسية ورابع يختلف حسب الوحدة Anato histo physio ثابتين اختلاف في biophysique et biochimie 3eme ملخطة بيناتهم في زوج كل عام راح يزيد حبك للدراسة سيرتو مع سطاج ووو من بعد عندنا مرحلة عيادية او سريرية او cycle clinique هنا راح يولي نظام موديلار نقراو بلموديلات كيما gastro pneumo cardio يعني تقرا مقياس واحد في شهر ولا وتعقب هذا سيكل من 4/6 لي راح يبدأ فيه تربص وهنا راح تولي تصنف روحك طبيب راح تتعلم تشخيص مرض حل تاعو.... تربص يكون في chu مستشفى جامعي من بعد يجي أخر عام 7 ولي نقولو انترنا هنا راح دير تربص عام كامل بلا ما تقرا في لافاك تسطاجي في chu برك بعدها راح تتحصل على شهادة خريج في الطب العام ولا كيما نقولو جينيراليست هنا راح تتفتح أمامك حياة جديدة كاين لي يخير حياة مهنية ويروح يخدم طول عند état وميكملش قراية وكاين لي يعقب امتحان تخصص ولا ريزيدانا resident هذا عبارة على امتحان على كامل واش قريت نتيجة تاعو راح تخليك تخير تخصص كيما مثلاcardiology ولا ophtalmology.. وهذا توفيق من الله لانو هاذي أرزاق سنوات تخصص تختلف تبدأ من 4 حتان 6 اذا كان تخصص جراحي مثلا واحد يدير قلب +جراحة شرايين واوردة هاذي أكل راح تكون طبيب مقيم في chu كي نخلص راح جوز عامين خدمة سيفيل في قطاع عام بعدها تدي شهادة تاعك وتحل وحدك

جماعة علاه طفيتو هكذا

🎓🇩🇿 ألف #مبروك__لأوائل_شهادة_البكالوريا 2026 المرتبة #الأولى_وطنياً: قرومي بشرى – 19.26 (تيارت) المرتبة #الثانية_وطنياً: نصر الله يقين – 19.21 (القبة) المرتبة #الثالثة_وطنياً: سعال زينب دعاء – 19.16 (العاشور) هنيئًا لهم هذا التميز المستحق، وكل الشكر والتقدير لأوليائهم وأساتذتهم على ما بذلوه من جهود. نسأل الله لهم دوام التوفيق والنجاح، وألف مبروك لجميع الناجحين في شهادة البكالوريا 2026. 🌹🎉

....

الف مبروك للادمن Amina مزيد من النجاحات ربي يوفقك فيما قادم ويدوم الأفراح عليكي 🎉🎉🎉