CAMBODIA NEWS KH UN

សម្រាប់បងប្អូនមានតម្រូវការដាក់ផ្សព្វផ្សាយពាណិជ្ជកម្មនាៗក្នុងឆានែល អាចទាក់ទង @lyta_922

បងប្អូននៅព្រំដែនទិស​ ប្រាសាទខ្នា​ តាក្របី​ បេីមានករណីលឺសម្លេងផ្ទុះសុំកុំមានការព្រួយបារម្មណ៍​ ព្រោះខាងប្រភពសៀមវាថាចន្លោះថ្ងៃទី ៧ ដល់ ១១ និងចន្លោះ ថ្ងៃទី ១៤ ដល់ ១៨ ខែកញ្ញានេះ វាកម្ទេចគ្រាប់មីនមិនទាន់ផ្ទុះ

មុននឹងនិយាយពី «ការផ្ទៀងផ្ទាត់ការពិត» ថៃត្រូវឆ្លើយសំណួរជាមូលដ្ឋានជាមុនសិន៖ «តើអ្នកសារព័ត៌មាន និងអ្នកពាក់ព័ន្ធផ្សេងទៀតកំពុងឈរនៅលើទឹកដីរបស់អ្នកណា? សូមកុំប្រើប្រាស់ scams online ជាវាំងននដើម្បីបិទបាំងការឈ្លានពានទឹកដីកម្ពុជា នៅថ្ងៃទី៧ ខែកញ្ញា ឆ្នាំ២០២៦ ភាគីថៃបានគ្រោងរៀបចំនាំសមាជិកក្រុមអ្នកសង្កេតការណ៍អាស៊ាន ព្រមទាំងអ្នកសារព័ត៌មានថៃ និងអន្តរជាតិទៅកាន់តំបន់ព្រំដែន រួមមានតំបន់អូរស្មាច់-ច្រកជាំ ក្រោមហេតុផលថា ដើម្បីឱ្យពួកគេអាចមើលឃើញស្ថានការណ៍ដោយផ្ទាល់ និង «ផ្ទៀងផ្ទាត់ការពិតដោយឯករាជ្យ»។ ភាគីថៃបានប្រើពាក្យដូចជា «តម្លាភាព» «ការផ្ទៀងផ្ទាត់» «ការពិត» និង «ការសន្ទនា» ដើម្បីពណ៌នាអំពីដំណើរទស្សនកិច្ចនេះ។ ប៉ុន្តែ មុននឹងពិភាក្សាអំពីអ្វីដែលមាននៅក្នុងអគារ ឯកសារ កុំព្យូទ័រ ឬសម្ភារៈផ្សេងៗដែលថៃអះអាងថាពាក់ព័ន្ធនឹង Online Scams មានការពិតជាមូលដ្ឋានមួយដែលត្រូវផ្ទៀងផ្ទាត់មុនគេ៖ តើអគារទាំងនោះស្ថិតនៅលើទឹកដីរបស់អ្នកណា? ហើយសំណួរបន្ទាប់ដែលសំខាន់មិនចាញ់គ្នាគឺ៖ តើកងកម្លាំងថៃបានចូលទៅគ្រប់គ្រងទីតាំងទាំងនោះនៅពេលណា និងដោយរបៀបណា? នេះជាសំណួរស្នូលដែលមិនអាចបង្វែរបានដោយការរៀបចំដំណើរទស្សនកិច្ចសារព័ត៌មាន ឬការបង្ហាញសម្ភារៈណាមួយឡើយ។ មុននឹងផ្ទៀងផ្ទាត់អគារ ត្រូវមានការបញ្ជាក់ពីព្រំដែនជាមុន ចំពោះទីតាំងនៅអូរស្មាច់ កម្ពុជាបានបញ្ជាក់ជាផ្លូវការជាបន្តបន្ទាប់ថា ទីតាំងដែលកងកម្លាំងថៃចូលទៅគ្រប់គ្រងស្ថិតក្នុងទឹកដីកម្ពុជា។ កម្ពុជាក៏បានតវ៉ាជាផ្លូវការចំពោះការនាំមន្ត្រីយោធា អនុព័ន្ធយោធាបរទេស និងអ្នកសារព័ត៌មានចូលទៅតំបន់ទាំងនេះដោយគ្មានការយល់ព្រមពីអាជ្ញាធរកម្ពុជា។ ដូច្នេះ ការដែលកងកម្លាំងថៃអាចចូលទៅកាន់ទីតាំងមួយ គ្រប់គ្រងទីតាំងនោះ ឬនាំភាគីទីបីចូលទៅមើលទីតាំងនោះ មិនអាចធ្វើឱ្យទីតាំងនោះក្លាយជាទឹកដីថៃបានឡើយ។ វត្តមានយោធាមិនមែនជាបង្គោលព្រំដែន។ ការដោតទង់ជាតិមិនមែនជាឯកសារកំណត់អធិបតេយ្យភាព។ ការគ្រប់គ្រងជាក់ស្តែងដោយកម្លាំងក៏មិនអាចជំនួសផែនទី សន្ធិសញ្ញា ឯកសារព្រំដែន និងមូលដ្ឋានផ្លូវច្បាប់ដែលកំណត់ទឹកដីរបស់រដ្ឋបានដែរ។ បើថៃពិតជាចង់ឱ្យអ្នកសារព័ត៌មាន «ពិនិត្យការពិតឱ្យបានគ្រប់ជ្រុងជ្រោយ» ការពិនិត្យមិនគួរចាប់ផ្តើមត្រឹមតែពីអ្វីដែលមាននៅក្នុងអគារនោះទេ។ វាត្រូវចាប់ផ្តើមពីទីតាំងភូមិសាស្ត្រ កូអរដោនេ ផែនទី សន្ធិសញ្ញា ឯកសារព្រំដែន ស្ថានភាពមុនពេលមានការប្រយុទ្ធ និងមូលដ្ឋានផ្លូវច្បាប់នៃវត្តមានកងកម្លាំងថៃនៅទីនោះ។ Online Scams មិនអាចបម្លែងការចូលទឹកដីរដ្ឋមួយទៀតឱ្យក្លាយជាសកម្មភាពស្របច្បាប់បានទេ កម្ពុជាមិនការពារ Online Scams ទេ។ កម្ពុជាប្រឆាំងឧក្រិដ្ឋកម្ម Online Scams ហើយបានអនុវត្តវិធានការបង្ក្រាបជាបន្តបន្ទាប់ ដោយសហការជាមួយដៃគូអន្តរជាតិ និងប្រទេសពាក់ព័ន្ធ។ ប៉ុន្តែការប្រយុទ្ធប្រឆាំងឧក្រិដ្ឋកម្ម និងបញ្ហាអធិបតេយ្យភាពរបស់រដ្ឋ គឺជាបញ្ហាពីរដាច់ដោយឡែកពីគ្នា។ ប្រសិនបើមានបទល្មើសនៅក្នុងប្រទេសមួយ វាត្រូវដោះស្រាយតាមរយៈការអនុវត្តច្បាប់ កិច្ចសហប្រតិបត្តិការប៉ូលិស ការចែករំលែកព័ត៌មានស៊ើបការណ៍ ជំនួយផ្លូវច្បាប់ទៅវិញទៅមក ការចាប់ខ្លួន ការបញ្ជូនជនសង្ស័យ និងយន្តការកិច្ចសហប្រតិបត្តិការអន្តរជាតិដែលមានស្រាប់។ ការសង្ស័យថាមានឧក្រិដ្ឋកម្មនៅក្នុងទឹកដីរដ្ឋមួយ មិនផ្តល់សិទ្ធិឱ្យកងកម្លាំងរបស់រដ្ឋមួយទៀតចូលទៅកាន់ កាន់កាប់ ឬអនុវត្តអំណាចលើទឹកដីនោះដោយឯកតោភាគីឡើយ។ ការផ្ទៀងផ្ទាត់ការពិតដែលគួរឱ្យជឿទុកចិត្ត ត្រូវពិនិត្យមិនត្រឹមតែអ្វីដែលថៃកំពុងបង្ហាញនៅថ្ងៃនេះទេ ប៉ុន្តែត្រូវពិនិត្យថា តើអ្វីបានកើតឡើងមុន និងអ្វីបានកើតឡើងក្រោយ។ សំណួរដែលគួរសួរគឺ៖ តើវត្តមានយោធាថៃនៅទីតាំងទាំងនេះកើតឡើងដោយសារតែប្រតិបត្តិការអនុវត្តច្បាប់ប្រឆាំង Online Scams ឬ Online Scams កំពុងត្រូវបានយកមកប្រើក្រោយមក ដើម្បីពន្យល់ និងផ្តល់ភាពស្របច្បាប់ដល់វត្តមានយោធាខុសច្បាប់លើទឹកដីកម្ពុជាដែលបានកើតឡើងរួចទៅហើយ? សំណួរនេះមានសារៈសំខាន់ ព្រោះ «ការពិត» មិនអាចត្រូវបានផ្តាច់ចេញពីកាលប្បវត្តិនៃព្រឹត្តិការណ៍បានឡើយ។ បើការគ្រប់គ្រងទីតាំងកើតឡើងជាលទ្ធផលនៃសកម្មភាពយោធា នោះការនាំយក Online Scams មកពន្យល់នៅពេលក្រោយ មិនអាចបម្លែងប្រភពនៃការគ្រប់គ្រងនោះឱ្យក្លាយជាសកម្មភាពស្របច្បាប់បានទេ។ នេះហើយជាមូលហេតុដែល Online Scams មិនត្រូវក្លាយជាលេសក្រោយហេតុការណ៍ ដែលយោធាថៃប្រើ ដើម្បីបង្កើតភាពស្របច្បាប់ឱ្យវត្តមាន ឬការគ្រប់គ្រងទឹកដីដោយកម្លាំងឡើយ។ «Fact-checking» មិនអាចជ្រើសរើសតែការពិតដែលភាគីម្ខាងចង់បង្ហាញបានទេ ការផ្ទៀងផ្ទាត់ការពិតដែលមានវិជ្ជាជីវៈ និងគួរឱ្យជឿទុកចិត្ត មិនអាចមានន័យថា អ្នកសារព័ត៌មានត្រូវបាននាំទៅមើលតែទីតាំង សម្ភារៈ ឬព័ត៌មានដែលភាគីម្ខាងបានរៀបចំឱ្យមើល ហើយបញ្ចប់ការសន្និដ្ឋានត្រឹមនោះទេ។ Online Scams មិនត្រូវក្លាយជាវាំងននបិទបាំងសំណួរអំពីអធិបតេយ្យភាពកម្ពុជា បញ្ហា Online Scams គួរត្រូវបានស៊ើបអង្កេត និងបង្ក្រាបដោយម៉ឺងម៉ាត់។ អ្នកប្រព្រឹត្តបទល្មើសត្រូវប្រឈមមុខនឹងច្បាប់។ ប៉ុន្តែមានបន្ទាត់ក្រហមមួយដែលមិនអាចឆ្លងកាត់បាន៖ ការប្រយុទ្ធប្រឆាំងឧក្រិដ្ឋកម្មមិនអាចត្រូវបានប្រើ ដើម្បីបង្កើតភាពស្របច្បាប់ឱ្យសកម្មភាពដែលរំលោភអធិបតេយ្យភាពរបស់រដ្ឋមួយទៀតបានទេ។ ការបដិសេធចំពោះវត្តមានយោធាបរទេសនៅលើទឹកដីរបស់ខ្លួន មិនមានន័យថាកម្ពុជាកំពុងការពារ Online Scams ទេ។ ការប្រឆាំងនឹងការរំលោភអធិបតេយ្យភាព មិនមែនជាការប្រឆាំងនឹងការអនុវត្តច្បាប់ទេ។ អ្នកសារព័ត៌មានអាចផ្ទៀងផ្ទាត់អ្វីដែលពួកគេបានឃើញ។ ប៉ុន្តែពួកគេក៏ត្រូវផ្ទៀងផ្ទាត់ផងដែរថា ពួកគេកំពុងឈរនៅទីណា អ្នកណាបាននាំពួកគេទៅទីនោះ និងតើវត្តមានរបស់ភាគីដែលកំពុងគ្រប់គ្រងទីតាំងនោះមានមូលដ្ឋានផ្លូវច្បាប់អ្វី។ សូមបញ្ជាក់ថា នៅថ្ងៃទី២ ខែកុម្ភៈ ឆ្នាំ២០២៦ កម្ពុជាបានតវ៉ាយ៉ាងខ្លាំងចំពោះការនាំអនុព័ន្ធយោធាបរទេស និងមន្ត្រីអនុវត្តច្បាប់ទៅកាន់សណ្ឋាគារពីរកន្លែងនៅអូរស្មាច់ ដោយក្រសួងការបរទេសកម្ពុជាបញ្ជាក់ថា ទីតាំងទាំងនោះស្ថិត ៣៩៧ ម៉ែត្រពីច្រកអន្តរជាតិអូរស្មាច់ ជាប់បង្គោលព្រំដែនលេខ១៥ ហើយថា តំបន់នោះត្រូវបានកងកម្លាំងថៃចូលគ្រប់គ្រងដោយកម្លាំងក្នុងអំឡុងការប្រយុទ្ធខែធ្នូ ឆ្នាំ២០២៥។ បន្ទាប់មក កម្ពុជាបានតវ៉ាចំពោះការដាក់កុងតឺន័ររារាំងផ្លូវ ការសាងសង់ផ្លូវ ការដាក់លួសបន្លា ការជីកទំនប់ដី និងការបង្កើតហេដ្ឋារចនាសម្ព័ន្ធផ្សេងៗនៅតំបន់អូរស្មាច់។ កម្ពុជាក៏បានតវ៉ាចំពោះការដោតទង់ជាតិថៃ និងការនាំអ្នកសារព័ត៌មានថៃ និងបរទេសទៅកាន់ទីតាំងនៅតំបន់អូរស្មាច់ ទឹកដីកម្ពុជាដោយគ្មានការអនុញ្ញាតពីកម្ពុជា។ នៅថ្ងៃទី៣០ ខែមិថុនា ក្រសួងព័ត៌មានកម្ពុជាក៏បានបញ្ជាក់ជាផ្លូវការថា ការនាំអ្នកសារព័ត៌មានបរទេសចូលអូរស្មាច់ដោយភាគីថៃ មិនអាចផ្តល់សិទ្ធិអំណាច ឬអធិបតេយ្យភាពដល់ភាគីថៃលើទីតាំងនោះបានឡើយ។ មុននឹងផ្ទៀងផ្ទាត់ថា មានអ្វីនៅក្នុងអគារ ត្រូវផ្ទៀងផ្ទាត់ជាមុនថា អគារនោះស្ថិតនៅលើទឹកដីរបស់អ្នកណា ព្រោះការនាំអ្នកសារព័ត៌មានទៅមើលទីតាំងមួយ មិនអាចបង្កើតអធិបតេយ្យភាពបានទេ។ ការគ្រប់គ្រងដោយកម្លាំងមិនអាចគូរខ្សែព្រំដែនថ្មីបានទេ។ ហើយ Online Scams មិនអាចក្លាយជាលេសក្រោយហេតុការណ៍ ដើម្បីផ្តល់ភាពស្របច្បាប់ដល់ការកាន់កាប់ទឹកដីខុសច្បាប់ដោយកម្លាំងបានឡើយ៕

ចប់ដោយបរិបូណ៍ បង

បង @NGINSOKHUN

ដោះស្រាយចប់​នៅរសៀល​ថ្ងៃ​ទី ៧​ ខែ​កញ្ញា​ ឆ្នាំ​ ២០២៦​ នៅ​ស្នងការ​ដ្ឋាន​នគរបាល​រាជធានី​ភ្នំពេញ​ ភាគីបង្ករ​ដែល​មាន​ឈ្មោះ​ក្នុង​ដី​កាបញ្ជាឱ្យចូលខ្លួនឈ្មោះ​ ស្រស់​ ថាវ័ន្ត​ បានទទួល​ស្គាល់​កំហុស ​និងបាន​សងសំណង​ទៅ​ក្មួយ​ស្រី​រងគ្រោះ​ (របួស​បាក់​ដៃខាងឆ្វេង)​ ខាងភាគី​ក្មួយ​ស្រី​រងគ្រោះ​បានយល់ព្រម​ឯកភាព​ទទួល​យកសំណងដោយ​ស្ម័គ្រចិត្ត​ និង​បាន​ធ្វើ​ពាក្យ​សុំ​ដកពាក្យ​បណ្តឹង​ចាប់​ពីថ្ងៃ​សម្របសម្រួល​នេះទៅ​ (០៧.០៩.២០២៦​)​

ករណីគ្រោះថ្នាក់ចរាចរណ៍រថយន្តនិងរថយន្ត នៅស្ពានស្ទឹងមានជ័យ

សូមបងប្អូនបន្តរតាមដានស្ថានការណ៍តាមបន្ទាត់ព្រំដែនទាំងអស់គ្នា។

ថ្ងៃទី 7 ខែ 9ឆ្នាំ 2026 នៅអត់ស្ងៀមមែន!!

ផ្លូវជាតិលេខ 4 ម្ដុំអង្គស្នួលបងប្អូនយើងករណីចរាចរណ៍ ឡាន 3 គ្រឿងបុកកៀបគ្នា។

‎សប្បុរសជន លោក សួស កុសល ម្ចាស់ហាងលក់ម៉ូតូ បាននាំយកអំណោយមនុស្សធម៌ជួយសម្រាលទុក្ខលំបាកជូនលោកយាយ ស៊ុំ ហឿង ពិការជើងម្ខាង នៅខេត្តព្រៃវែង ‎ ‎(ខេត្តព្រៃវែង) ៖ លោកយាយ ស៊ុំ ហឿង រស់នៅក្នុងភូមិត្រពាំងឈូក ឃុំរំចេក ស្រុកព្រះស្ដេច ខេត្តព្រៃវែង កំពុងជួបប្រទះនូវការលំបាកយ៉ាងខ្លាំងក្នុងជីវភាពប្រចាំថ្ងៃ។ លោកយាយមានពិការភាពជើងម្ខាង គ្មានសមត្ថភាពអាចប្រកបរបរចិញ្ចឹមជីវិតបានពេញលេញ ហើយថែមទាំងខ្វះទីពឹង ធ្វើឱ្យការរស់នៅជួបការខ្វះខាតយ៉ាងខ្លាំងខ្សត់ខ្សោយទាំងម្ហូបអាហារ និងតម្រូវការចាំបាច់ប្រចាំថ្ងៃ។ ‎ ‎ដោយមើលឃើញពីទុក្ខលំបាក និងក្តីវេទនានេះ លោក សួស កុសល ម្ចាស់ហាងលក់ម៉ូតូ ដែលជាសប្បុរសជនតែងតែមានចិត្តធម៌ បានសម្តែងនូវទឹកចិត្តមេត្តាករុណា ដោយបាននាំយកជំនួយសប្បុរសធម៌ និងស្បៀងអាហារឧបត្ថម្ភជូនដល់ដៃលោកយាយ ស៊ុំ ហឿង ដោយផ្ទាល់ ដើម្បីជួយសម្រាលបន្ទុកជីវភាព និងលើកទឹកចិត្តឱ្យគាត់មានកម្លាំងចិត្តបន្តការរស់នៅ។ ‎ ‎ក្នុងបរិយាកាសប្រកបដោយក្តីរំភើប លោកយាយ ស៊ុំ ហឿង ព្រមទាំងក្រុមគ្រួសារ សូមសម្តែងនូវសេចក្តីថ្លែងអំណរគុណយ៉ាងជ្រាលជ្រៅបំផុត ចំពោះទឹកចិត្តដ៏ថ្លៃថ្លារបស់ លោក សួស កុសល និងសប្បុរសជនទាំងអស់ ដែលបានលះបង់ទ្រព្យធនផ្ទាល់ខ្លួនមកជួយសង្គ្រោះរូបគាត់ចំពេលដែលកំពុងជួបការលំបាកបំផុតនេះ។ ‎ ‎ទង្វើមនុស្សធម៌របស់លោក សួស កុសល នាពេលនេះ មិនត្រឹមតែបានឆ្លុះបញ្ចាំងពីសេចក្តីសប្បរស និងវប្បធម៌នៃការចែករំលែកនៅក្នុងសង្គមខ្មែរប៉ុណ្ណោះទេ ប៉ុន្តែថែមទាំងជាគំរូដ៏ល្អប្រពៃក្នុងការជួយជ្រោមជ្រែងប្រជាពលរដ្ឋក្រីក្រ និងជនពិការឱ្យមានកម្លាំងចិត្ត និងក្តីសង្ឃឹមក្នុងជីវិតបន្តទៀតផងដែរ៕

បើផ្លូវឆ្លងអូរព្រំដែន ខ្មែរ-ថៃ ឡើងរលោងដូចនេះ តែគេសរសេររបាយការណ៍ថាមិនមានការឆ្លងដែនទេតើថ្នាក់លើជឿទេ? ប្រភពច្បាស់ការខ្សឹបប្រាប់ថាចាប់ពីបង្គោល ៤៣ ដល់ បង្គោល៥៩ កំពុងតែសកម្មក្នុងការនាំមនុស្សឆ្លងដែន និងសាច់ក្លាសេព្រមទាំងទំនិញគ្រប់ប្រភេទចូលមកទឹកដីកម្ពុជាយ៉ាងសប្បាយរីករាយ។ សូមគោរពជូនពរមេៗដែលរកស៊ីរបរនេះ រកទទួលទានមានបាន ទិញឡានបន្ថែមថ្មី ទិញដីនៅក្រៅប្រទេសបន្ថែមទៀត និងមានសុខភាពល្អអាយុវែង បន្តរកស៊ីរបរនេះកាន់តែរីកចម្រើនទៅរីកចម្រើនទៅ🙏