Ibrat

Ҳофиз ибн Ҳажар роҳимаҳуллоҳ: "Ҳайит кунлари шодликни изҳор қилиш диннинг шиорларидандир", деб айтдилар. https://t.me/multinovella

​​Жубайр ибн Нуфайрдан ривоят қилинади: ㅤ Расулуллоҳ саллаллоҳу алайҳи васалламнинг саҳобалари агар ҳайит куни учрашиб қолишса "تَقَبَّلَ اللَّهُ مِنَّا وَمِنْكُمْ" "Тақоббалаллоҳу минна ва минкум", яъни Аллоҳ биз‑у сиздан (ибодатларимизни) қабул қилсин, деб бир‑бирларига айтишар эди. ㅤ Табароний ривояти. Ҳофиз ибн Ҳажар ва Суютий бунинг санади ҳасан деб айтдилар. https://t.me/multinovella

ИЙД ҚУРБОН ҲАЙИТИНГИЗ МУБОРАК БЎЛСИН! ✨ Хамиша саждага эгилиб бошлар, ✨ Аллоҳдан тилангиз энг эзгу тилак ✨ Шундай улуғ кунда дуода бўлинг ✨ Тақводор диндошим «ҚУРБОН ҲАЙИТИНГИЗ» Муборак бўлсин!!! https://t.me/multinovella

Ҳайит кунларида мотам қилиш Ассалому алайкум! Устозлар 1 ой олдин амаким вафот этдилар. Ҳозир ҳайитга озгина қолганлиги сабабли фарзандлари ҳайит қилиб худди 1-3-кунликдагидек, ҳайитда ҳам бел боғлаб туришмоқчи. Мен 3 кундан кўп мотам ҳаром ҳисобланади дедим. Катталар бу нарса урф одатга кирган дейишяпти. Умуман динимизда ҳайит қилиб туриш мумкинми? Ҳозирда кўп инсонларни обрў эътибор учун вафот этган ота ёки онасига жуда ҳам дабдаба қилиб исрофгарчиликка йўл қўйишаётганларини кўриб ҳайрон қоламан. Шоядки сизларни менга берган жавобларингизни ўқиб инсонлар тўғри йўлга қайтсалар. ЖАВОБ: - Ва алайкум ассалом! Ҳайит кунларини азага айлантириб олиш. Икки ийд кунлари мўмин-мусулмонларнинг энг улуғ байрамлари ҳисобланади. Диний манбаларимизда бу кунларни хурсандчилик, шодлик руҳида, байрам кайфиятида ўтказилиши кераклиги таъкидланган. Аммо ҳайит кунлари фотиҳахонлик қилиш ҳақида кўрсатмалар йўқ. Бугунги кунда бу одат мусибат аҳлларига ҳам кўплаб қийинчиликлар туғдираётгани ҳеч кимга сир эмас. Баъзан бу нарса азадорларнинг ярасини янгилаш, машаққатлари устига яна машаққат туғдириш бўлаётганининг ҳам гувоҳи бўлмоқдамиз. Шунинг уч учун ҳам уламоларимиз кундан кейин таъзия билдириш узоқдаги кишилар учун, бошқаларнинг мазкур муддатдан кейин таъзия билдириши мусибатни янгилаш бўлади, бу эса мусибат аҳлига оғир келади, кўзланган мақсадга зид иш бўлади, деб айтганлар. Тўғри, мусибатга учраган айрим кўнгил яқин кишиларни ҳайит муносабати билан йўқлаш мумкин. Аммо бу ҳам аза тутиш кайфиятида қилинмайди. Эҳтимол, ана шундай кўнгиловлаш шаклида йўлга қўйилган иш кейинчалик фотиҳахонликка айланиб кетгандир. Шу боис, ҳайит кунларини азага айлантириб олиш тўғри бўлмайди. Ушбу кўрсатмалардан ҳам маълум бўладики, мусулмонларнинг байрам нишонлаши ўзига хос тарзда бўлади. Аввало улар ушбу кунларга етказганининг шукронаси маъносида Аллоҳ таолога бандалик изҳор қилишади – жамоат бўлиб, ҳаммалари бир бўлиб намоз ўқишади, Аллоҳ таолога илтижолар қилишади, берган неъматлари учун У Зотга ҳамду шукрлар айтишади. Кейин бир-бирларини ҳайит билан қутлаб, зиёратлар қилишади. Бева-бечоралар, беморлар ҳолидан хабар олишади, қариндош-уруғ, қўни-қўшнилар билан ўзаро борди-келдилар қилишади. Ўйин-кулгиларини ҳам ахлоқ-одоб доирасида, Аллоҳ таолога осий бўлмаган ҳолда олиб боришади. Ана шундоқ қилиб, ҳайит кунларини фақат яхшилик билан, эзгу амаллар билан ўтказишади. Шунинг учун, уларнинг байрамларида турли тартибсизликлар, ҳар хил нохушликлар юз бермайди, балки ҳолатлари янада гўзаллашади. Зотан, мўмин банданинг ҳайити – Аллоҳга боғлиқлиги гўзал бўлган кунидир. Динимизда ҳайит кунларини нишонлашга доир керакли таълимотлар батафсил баён қилинган. Биз уларнинг асосийлари билан бир қатор танишиб чиққан ҳам бўлдик. Мўмин-мусулмонлар ушбу кўрсатмаларга риоя қилишлари лозим. Уларнинг ҳайит кунларини қаршилашда бошқа халқларнинг байрам нишонлашдаги урф-одатларига тақлид қилишга ҳожатлари йўқ, бундай қилишлари дуруст ҳам эмас. Акс ҳолда, ахлоқ-одобга, шариат кўрсатмаларига, Ислом ақидаларига зид бўлган ҳолатлар юзага келиши мумкин. Ийд кунлари Аллоҳ таоло улуғ қилган кунлардир, Исломнинг нишоналари, шиорларидандир. Бинобарин, уларни нишонлашда мана шу руҳ доимо балқиб туриши лозим. Рамазон ҳайити байрамини мазкур одобларга риоя қилган ҳолда ўтказсак, ушбу улуғ кунни муносиб нишонлаган бўламиз, кўплаб яхшиликларга, ажру савобларга эга бўламиз, халқимиз орасида эзгулик, меҳр-оқибат бардавом бўлишига ҳисса қўшган бўламиз, энг муҳими, ушбу кунларни бизга байрам қилиб берган Роббимизнинг розилигига мушарраф бўламиз. Сиз билан биз мусулмонларнинг бахтимиз шундаки, ушбу икки ҳайит кунларини байрам қилиб нишонлаш билан Аллоҳ таолога итоат қилган бўламиз, У Зотга ибодат қилган бўламиз, дунё-ю охират яхшилигига мушарраф бўламиз. Мана шу ҳақиқатни унутмаслигимиз лозим. Ҳаммаларингизга кириб келаётган Рамазон ҳайити муборак бўлсин! Валлоҳу аълам! «Зикр аҳлидан сўранг» https://t.me/multinovella

Õzbek oilalarida arafa kunining odatlaridan biri bo'lib qolgan Osh yoki chalpak qilib qo'shnilarga tarqatish udumi bor. Bu odat Islom dinining hech qanday ruknlariga hos bo'lmay, balki insonlar tomonidan o'ylab chiqarilgan BID'ATdir. Har bid'atning oxiri bu Jahannam ekanligi hammamizga sir emas. Bir qaraganda bu tarqatishlik zamirida hech qanday yomonlik yoki boshqa g'arazlik yo'q. Qo'ni qo'shnida boshqa qo'shnini haqqi borligi, taomidan ovqat ulashishligi oddiy holat. Ko'p hadislarda ham qo'shnichilikka targ'ib qilishliklar bor. Ammo masalani bir jihati bu arafa kunini hoslab, qo'shniga yegulik chiqarishlikdir. Hoslangan ishlarni oyat va hadislarda bor bo'lsagina bajarishlik mumkin. Ammo Payg'ambarimiz sallollohi alayhi va sallam yoki sahoblar yoki tobeinlarni hech birlari Arafa kunida qo'shnilariga osh yoki chalpaklar tarqatmaganlar. Arafa kunida ro'za tutishlikni bir yil oldingi va keyingi gunohlarni kechirishlik fazilati bor. Shu sunnatga ergashgan insonlarni iftorliklarida savobga sherik bo'lish, bir ro'zador insonni iftorligini qilib bergan darajasiga chiqishlik, yon atrofdagi kambag'al insonlarni iftorlik bilan ko'ngillariga hursandchilik ulashishlik maqsadi yotgan bu Tarqatishlikni bugungi kunda Arafa kunining hos odatlariga chiqarib olgan insonlarni ishlarida g'arizlik borligini bildirish maqsad halos. Bugun osh yoki qozonizdagi boshqa taomlarini qo'shnilarga tarqating faqat ular ro'zador bo'lsagina... https://t.me/multinovella

Бугун арафа   Ҳожилар учун талбия, биз учун эса такбир. Ҳожилар учун Арафотда туриш-вуқуф, биз учун арафа куни рўзасини тутиш. Ҳожилар жонлиқ етаклаб бориб, уни сўядилар, биз эса қурбонлик сўямиз. Карамли Аллоҳ барча айбу нуқсондан покдир. Аллоҳ барчамизни солиҳ амалларимизни қабул қилсин! https://t.me/multinovella

Маккада эҳромда турган бўлмасамда «Лаббайкаллоҳумма лаббайк!», –Арафотда вуқуфда бўлмасамда, «Лаббайкаллоҳумма лаббайк!», –  (Арафотдан) Муздалифага қараб юрган бўлмасамда «Лаббайкаллоҳумма лаббайк!», – Минога келиб жойлашиб, (Шайтонга) тош отувчи бўлмасамда, «Лаббайкаллоҳумма лаббайк!», – Каъба атрофида тавоф қилмаётган бўлсамда, «Лаббайкаллоҳумма лаббайк!», –Сафо ва Марва орасида саъй қилмаётган бўлсам ҳам «Лаббайкаллоҳумма лаббайк!», – Гарчи Каъба атрофида видолашув тавофини қилолмаган бўлсамда «Лаббайкаллоҳумма лаббайк, лаббайка лаа шарийка лака лаббайк», «Лаббайка фий кулли вақтин», деб айтиб қоламиз. Изоҳ:Лаббайкаллоҳумма лаббайк»нинг маъноси: «Лаббай Аллоҳим! Мана, мен сенинг Байтингга келдим, хизматингга тайёрман, бошқа нарсага чалғимайман» деганидир. Bu ulug' kunda bizga Haj amalini qilishlik, Baytullohni tavof qilishlik nasib qilmagan bo'lsada, ammo niyatlarimiz va chin Allohga muhabbatimiz sabab ibodatlarni qilsak, in shaa Alloh Makkaga bormasakda, ammo Haj qilganni savobini olamiz. Faqat chin ihlos ila qilishligimiz va har bir ibodatlarni Alloh uchun holislik bilan bajarishimizdir. Hajda yurgan minglagan insonlarning amallarida holislik va chin e'tiqod yo'qligi sabab, shunchaki ziyoratday o'tishligi mumkin ibodatlari, ammo bizning har qilgan ihlosli ibodatlarimiz ulardan afzal bo'lishi mumkin in shaa Alloh https://t.me/multinovella

ШУНДАЙ КУН КЕЛАДИ... «Эй Одам фарзанди! Албатта шайтон сизларга душмандир. Сиз уни душман тутинг. ▪️Билинглар, у кунда тўп-тўп бўлиб қайта тириласизлар. ▪️Раҳмон ҳузурида саф-саф бўлиб тизилиб турасизлар. ▪️(Номаи аъмол) китобини ҳарфма-ҳарф ўқийсизлар. ▪️Махфий ва ошкора қилган ишларингиз ҳақида сўраласизлар. ▪️Биз тақводор зотларни отлиқ ҳолларида Раҳмон ҳузурига тўплайдиган, жиноятчи кофирларни эса жаҳаннамга тушишлари учун ҳайдайдиган кунда сизларга ваъда ва ваъидлар бор. ▪️Мен ўхшаши йўқ Аллоҳдирман. ▪️Менинг султонлигим каби султонлик йўқдир. ▪️Ким ўз вақтида Мен учун рўза тутса, турли-туман (неъмат)лар билан ифтор қилдираман. ▪️Ким кечасини ибодатда бедор ўтказса, эътиборимдан бири унга бўлади. ▪️Ким кўзини ҳаром нарсалардан юмса, дўзахимдан сақлайман. ✳️ Мен Парвардигорман, Мени танинглар. ✳️ Мен неъмат берувчиман, Менга шукр қилинглар. ✳️ Мен сақловчиман, Мендан сақлашимни сўранглар. ✳️ Мен ёрдам берувчиман, Мендан ёрдам сўранглар. ✳️ Мен гуноҳларни кечирувчиман, Мендан мағфират тиланглар. ✳️ Мен мақсад қилинадиган Зотман, Мен сари юринглар. ✳️ Мен ато қилувчиман, Мендан сўранглар. ✳️ Мен Маъбудман, Менга ибодат қилинглар. ✳️ Мен ҳар нарсани билгувчи Зотман, Мендан огоҳ бўлинг». "Қирқ ҳадиси қудсий"дан. https://t.me/multinovella

Бўшлиқ Унинг болалиги жуда оғир ўтди. Камбағал бўлганликлари учун, бўш вақтларида бошқа болаларга қўшилиб ўйнай олмас, онаси ишига ёрдамлашар, баъзан одамларнинг майда ишларини қилиб бериб эвазига арзимаган бўлсада ҳақ оларди. Йиллар ўтиб улғайди. Болалигида орзу қилган ҳамма нарсасига бирма-бир эришди. Энди уни ҳамма ҳавас қиладиган ҳаёти бор эди. "Бахтсиз болалик буюк келажакнинг пойдеворидир" деган фалсафага ишонарди. Фақат тўкин ҳаётига нимадир етишмаётгандай туюлаверарди. Бир куни у тасодифан кўчада арзимаган пул учун қора ишлар қилиб юрган болакайни кўрди-ю, димоғи ачишди, тушуниб етди, уни ҳаётига айнан болалик етишмас эди. Бу бўшлиқни эса энди ҳеч нарса эвазига тўлдириб бўлмас эди. https://t.me/multinovella

Арафа кунидаги дуони эслаб қўйинглар: Набий соллаллоҳу алайҳи васаллам: “Дуоларнинг яхшиси арафа кунидаги, мен ва мендан олдинги набийларнинг “Лаа илаҳа иллаллоҳу ваҳдаҳу лаа шарийка лаҳу, лаҳул мулку ва лаҳул ҳамду ва ҳува ъала кулли шай`ин қодийр”, деб айтган дуосидир”, дедилар. Маъноси: “Якка Аллоҳдан бошқа илоҳ йўқ. Унинг шериги ҳам йўқ. Мулк Уникидир. Унга ҳамд бўлсин. У ҳар-бир нарсага Қодирдир”. Имом Термизий ривояти https://t.me/multinovella