هوى .

‏وش عاد أبي بالناس واللي ورا الناس ‏وانتِ مليتيني .. جمال وجمايل

‏لاتمارس في حضوري حركات الكبير ‏وأنا آشوفك كل ما امرك نهاية ممر ‏أتجاهل وأتغاضى وسيرها تسير ‏الليالي البيض ماودي تعود سمر ‏شىء عادي مايحس الصغير انه صغير ‏لين تحقره النشاما ويقتنع بالامر ‏انتهىّ الموضوع وانا نظامي من الاخير ‏من تجاهلني ثواني تجاهلتهّ عمر .

حنّا تعلينا على راس قرناس ‏ياعزتي لهل النفوس الضعيفه

‏ثقل في صدري ورعشه في يدي ‏بضحكتي حسره وبأحساسي فتور ‏منقبض قلبي عسى مافيك شي ‏يا بعيد العين وقريب الشعور .. ‏ما قدرت اجيك و اتطمن عليّ ‏بين كسرة خاطر و رهبه غرور ‏لو عرفت الدرب ما خنت المجيّ ‏ولو لقيت العذر ما خنت الحضور ‏ليت لك اشباه دام ان لك سميّ ‏و ليت منْك ما لقى قلبي قصور ‏ ‏كل حسً ما هو لك مليان غي ‏عقب ظلك ما بقى بالناس نور ‏حي حبك بالصدر ما دمت حي ‏يا دعاء القلب فخشوع الصدور ‏علَ ضحكك واجد و حزنك شوي ‏دام دولاب البخَت لازم يدور ‏فدوتك عمري لو ان الشور ليّ ‏ما يمسك فالحياه الا السرور .

البدو امن الجوير من العدو ‏عهدهم موثوق لا يمكن يبور

‏يَثقل أساله مآ أقدر أسألها على جاهي ‏كثر ما يود القلب يسمع اجابتها ‏أحبه محبه نادره تشبه أشباهي ‏قليل النفوس اللي على الارض حبتها ‏رجيته حياة أفراح قلبي و موت آهي ‏يقاسمني دروب الليالي وضحكتها ‏ثقيله بدونه كنها هرج متباهي ‏ولكن معه الايام يا خف طينتها ‏أنا كن قلبي لا عبر وجهه الساهي ‏قلوب البدو من عقب رشة سحابتها ‏شعوري يطير من الفرح ، خاطري راهي ‏أجامل طُغاة القاع وارحم غلابتها ‏يسولف بذكره صوت بالي و أنا لاهي ‏طواريه مثل أمرً أميري مهابتها ‏لهالحين رجفات الـ احبك على شفاهي ‏تمنى يزل الصوت و اخاف زلتها ‏طموحات قلبي كاهم و لهفتي كاهي ‏عجزت أتجاوز جرح روحي و لهفتها ‏اذا ما انتهى بُعده عسى الشوق متناهي ‏قبل ما تضيع صبر روحي صبابتها .

‏أنت مثل الضيف بعيون البدو ‏مكرمينك والخطأ منك معذور .

يا صبري تمسك .. بـ العزيمة وبـ الالحاح ‏يبا الله يجيب اللي مجيه ، ماهوب شوي ‏احس الفرج قرب واحس ان عزمي طاح ‏واقول انتهض بتطيح اجل ما بقا الا هي ‏الابواب . . ( واجد ) ولا عندي ولا مفتاح ‏يا ربي بـ حظٍ شلعته . . فوق ، مثل دبي ‏ابا احارب ( ظروف الليالي ) بدون سلاح ‏واقول البلا . . فيها وانا ( داري ) انه في ‏وبارضي ضميرٍ من عذاب المعاصي صاح ‏انا غاويٍ ما عاد اداني . . ( طريق الغي ) ‏من ابسط حقوق الشخص يندم على اللي الراح ‏لو انّا نعرف ان . . ( الندم ) ما يرجع شي ‏يقولون لي .. بكره تزين وعجزت ارتاح ‏تبا تزين بكره بس من يضمن اني حي

‏كبار الهموم .. اللي تجينا بلا ميعاد ‏عساها تكفّر عن خطا العبد وذنوبه

‏طاوعت نفسي ، و رغبتها لـ ماله مدى ‏و النفس خسران رجالٍ خذا رايها ‏و دسّيت جرحي لجل مايفرحون العدى ‏يالله بوجهك من عداي ، و تزرّايها ‏مسافتي جمر ، و الخطوة ضلال ، و هُدى ‏و النار ماتحرق الّا رجل وطّايها ‏حبيبتي ليت لك صوتٍ يرد الصدى ‏يوم اصقه الناس ماهو مثل وحّايها ‏خَليَت يديني من يدينك ..، و قلبي غدى ‏بضاعةٍ بين بايعها ، و شرّايها ‏ماعاد باقي لك بصدري بقايا .. عدى ‏قصايدٍ تستحق اعجاب قرّايها ‏كتبتها في حَور عينك ، و راحت سُدى ‏و الحين بلّي ورقها ..، و اشربي مايها