MBLBRAIN 🧠

📢 MUHIMMIN BAYANI GAME DA DANGOTE REFINERY STOCK Ga waɗanda suke yawan jin ana cewa Dangote zai buɗe shares na matatar mai, amma ba su fahimci yadda Stock Market yake aiki ba, ga bayanin a hanya mafi sauƙi. 👇 Da farko, ku fahimci abu ɗaya: Wannan ba mining bane, ba crypto token bane, kuma ba tsarin da za ka saka kuɗi yau ka cire riba gobe ba. Abin da Dangote zai buɗe shi ne shares na Dangote Petroleum Refinery, wato idan ka sayi shares, kana mallakar wani ƙaramin kaso daga cikin kamfanin. 💰 Farashin share ɗaya: ₦525 Mafi ƙarancin saye: Shares 10 = ₦5,250 Misali, idan kana da ₦52,500, za ka iya neman shares 100. Amma ku kula sosai ⚠️ Sayen share ba yana nufin riba ta tabbata ba. Idan bayan an fara trading farashin ya tashi, misali daga ₦525 zuwa ₦700, darajar shares ɗinka za ta ƙaru. Idan ka sayar a lokacin, za ka iya samun riba. Amma idan farashin ya sauka zuwa ₦400, darajar shares ɗinka ma za ta ragu. Saboda haka stock market yana da riba kuma yana da haɗarin asara. 📌 Kada ka saka kuɗin da ba za ka iya jure ganin darajarsa ta ragu ba. 📌 Kada ka ciwo bashi domin ka sayi shares. 📌 Kada ka sayi saboda kawai ka ji ana cewa “Dangote ne, dole zai tashi.” 📌 Kuma kada ka aika kuɗinka ga wani mutum saboda ya ce zai yi maka Dangote shares. Ka tabbatar kana amfani da ingantacciyar hanya da aka amince da ita. Abu mafi kyau shi ne ka fara fahimtar yadda stock market yake aiki, sannan ka yanke shawarar adadin da ya dace da kai. A yanzu ana sa ran offer ɗin zai buɗe 14 ga Satumba 2026, kuma ya rufe 13 ga Oktoba 2026. Ku yi hankali, ku fahimta kafin ku saka kuɗi. Ba duk abin da ake cewa investment ba ne yake nufin riba tabbatacciya. ❤️ Ubangiji ya tsare mu ya tsare muna dukiyar mu