Turkestan (history, politics)

“Agar qonun ishlamasa, qonunlarning vazifasini korrupsiya bajarishni boshlaydi”

"Мен беҳаё поп-концертлардан чарчаган оломонни кўрганимда ва бу аҳмоқона эстрада ва қўпол ҳазилнинг қўшничилиги телевизорларда миллионлаб бор такрорланса, худди шу телевизорда уятсиз қизларнинг жинсий саргузаштларидан завқланаётган оломонни кўрганимда, менга рухсат берилган соатлар сони камайганини хис қиламан. Менда бир туйғу борки,гўё мактабда адабиётни ўргатиш учун кимдир, одамларни кўп нарсаларга қайтаришни хохлаётгандай .. "Биз кўз кўриб қулоқ эшитмаган бузуқилик, мастлик, ғийбатни тараннум этамиз, биз гўдаклик давриданоқ ҳар қандай истеъдодни даҳога чиқарамиз..."Ва одамлар — аксарият ҳолларда-бу чириган ўлжани мамнуният билан қабул қилади ." Олег Басилашвили. " Бу ҳақиқатан ҳам менми?! Худойим..."китобидан

ИККИЛАМЧИ ДИНДОРЛИК 1 Инсонни бошқа маҳлуқлардан ажратиб турадиган туб ҳусусият, унинг фикрлашидир. Фикрлашнинг уникаллиги шундаки, у онг кенгликларида тўкис шаклланган дунёларни яратади. Инсон ўз онгида яратган дунё моделлари ҳамиша ўтиш чегаралари билан боғлиқ. Масалан, болалик дунёсидан мактаб дунёсига, бўйдоқлик дунёсидан никоҳ дунёсига, дўстлар дунёсидан танҳолик дунёсига ва ҳ.к. Ҳаётий ўтишларнинг энг кутилгани ва ҳайратлантирувчиси бу – боқийлик дунёсига қадам қўйишдир. Ўлим ҳақида фикр юритмайдиган инсон бўлмайди. Демак фикрлаш ва ўз онгида дунёларни ярата олиш ҳусусияти, инсонни - ҳар қандай диндан ташқарида диндор қилади. Инсон моҳиятига кўра – табиий диндордир. 2 Табиийки дин ҳақида гап кетганда икки дунё тартиботи ҳақида фикр қилинади. Бу эса биз билмайдиган ва билиш имкониятига эга бўлмаган дунёдан келадиган илоҳий принципларни ўзида жамлаган қонунларни тақозо қилади, бусиз инсон адашади. Шунинг учун ҳам илоҳий Китоблар нозил қилинади. Илоҳий Китобларнинг нозил қилиниши инсонни икки марта диндор қилмайди у ўзининг табиий диндорлигини тўғри йўлга солади халос. Инсон ўз онги билан Ҳақни тасдиқлар экан мазкур Ҳақ унинг табиий диндорлиги марказига (сийратига) ўрнатилишини тақозо қилади, унинг суъратига эмас. 3 Ҳақ томонидан берилган диндорлик суъратига ўрнатилар экан инсонда иккиламчи “диндорлик” пайдо бўлади. Мана шу иккиламчи “диндорлик” нозик бир хавфни вужудга келтиради, чунки ҳар қандай “иккиламчилик” Тавҳидни йўққа чиқаради. 4 Иккиламчи диндорликнинг социал ҳусусияти шундан иборатки у дин соҳасидаги табақаланишни, иерархияни табиий вужудга келтиради. Чунки, табиий диндор бўлган мавжудод Ҳақни табиий эмас алоҳида мақом сифатида ўзига ёпиштиради, унда диндорлик бўртиб кўриниб туради. 5 Иккиламчилик вужудга келтирадиган диндорлик – динда алоҳида табақанинг (каста) шакилланишини тақазо қилади, бундай жараён эса вақт ўтиши билан “ҳуқуқлантирилган кастанинг” илоҳийлашига олиб келади, чунки ҳар қандай диний ахборот ва билимлар уларнинг воситасида ўтишни бошлайди. У илоҳий диндорлик ва табиий диндорлик ўртасидаги воситачига айланади. Шунинг учун ҳам бундай каста вакиллари узоқдан тақволи кўринади, яқинлашган сайин бу тақводан асар ҳам қолмайди. Улар ҳам асл даллолар кабидир. 6 Пайғамбарлар ҳаётидан кўриш мумкинки улар бу иккита диндорликни ажратмаган, оддий инсонлардан ажралиб турмаган, ўзининг атрофида “диндорлар” иерархиясини вужудга келтирмаган. 7 Агар Ҳақ дин табиий диндорлик ичига олиб кирилар экан инсоннинг ташқарисида “диндорлик” акс этмайди ва у Ҳақ динни ҳамма ўрганиши керак бўлган табиий ва енгил жараён сифатида англашни бошлайди. Бу эса бора бора диндаги монополияни йўқ қилади. Ҳамид Содиқ

Тарих 2024 йил 17 июндаги ҳолимиз. Айтишларича китоб ўқиш бўйича дунё давлатларининг топ 10 талигида дунёнинг биринчи рақамли иқтисодиёти бўлмиш Хитой биринчи ўринда экан. Кейин эса Россия, олтинчи ўринда АҚШ. Бу ўнталик орасида биронтаям мусулмон давлатлари йўқ. Биз ҳалиям хаждан келганларни дабдаба билан кутиб олиш жоизми ёки йўқми, поёндоз солиб кутиб олса савоб бўладими гуноҳми-деган масалаларни ҳал қиляпмиз. Бир биримизни кофирдан олиб салафийга солиб, намозда кимдир жаҳрий амин деб юборса оғзига уриб, итдай калтаклаяпмиз. Ўзимиз эса, тақвони ёқиб олиб Худо кимлигини билмаган Хитойнинг молларини мақтаб сотаяпмиз, машинасида минаяпмиз, кийимларини кийяпмиз... Олимга, таълимга, китобга, мактабга бир сўм беришни жон беришдан ҳам оғир биладиган, артисга 10 минг долларлаб пул сочадиган, овқат, уй, машина ва дабдабага ўч бир ажойиб, ғалати миллатимиз, ғалати элмиз, ўзлигини унутган, чегараларда қўшниларидан калтак еб юрадиган қолоқ ва қўрқоқ халқ бўлиб қолдик... К.Дусов

Urush - bu hukumat sizga kim yomon odam ekanligini aytadi, Revalutsiyada esa - siz buni o'zingiz hal qilasiz. © Benjamin Franklin

Dili tig'i sitamdin рога bo‘lg‘on xalqni ko'rdim, Tani dard-u alamdan yora bo‘lg‘on xalqni ко ‘rdim ©Boborahim Mashrab (1640-1711)