Валерий Николаев, Глава Верхневилюйского района

Убаастабыллаах байыаннай дьайыы бэтэрээннэрэ! Бүгүн, от ыйын 1 күнүгэр Дойду үрдүнэн байыаннай дьайыы бэтэрээннэрин күнүн бэлиэтиибит. Бу күн биһиги махтанабыт араас кэмнэргэ дойдуларын интириэһин көмүскээбит байыаннай дьоммутун. Эһиги хорсун быһыыгыт, дойдуга тапталгыт бар дьоҥҥо үтүө холобур, эйэлээх халлаан бэлиэтэ буолар. Аҕа дойдубут араас түһүүлээх, тахсыылаах, оллур-боллур суолугар хорсун байыастар баар буоланнар ийэ сирбит харысхалламмыта. Хаһан да бэриммэккэ, дойду туһугар олохторун толук уурбут байыастары бу күн эмиэ саныыбыт-ахтабыт, кинилэр сырдык ааттарыгар сүгүрүйэбит. Билиҥҥи да кэмҥэ дойдубут көмүскүү, харыстыы сылдьар, эйэлээх халлаан туһугар саа саадах охсуһар буойун уолаттарбытын идэлээх бырааһынньыккытынан эҕэрдэлиибин! Махтал эһиэхэ Аҕа дойдуну көмүскээччилэргэ, махтал эһиэхэ байыаннай дьайыы бэтэрээннэригэр, махтал эһиэхэ хорсун буойуттарга! #ZaПобеду #ДеньВетерановБоевыхДействий T.me/ValeriNikolaev

Бииргэ төрөөбүт быраатым кыыһа, племянницам Евдокия Николаева история предметын биир кэлим эксээмэнин 100 баалга туттаран, өрөспүүбүлүкэ үрдүнэн историяҕа саамай үрдүк баалы ылбыт бастакы выпускник буолла. Балтыбын Евдокияны үрдүк ситиһиигинэн итиитик-истиҥник эҕэрдэлиибин! Евдокия төрөппүттэрин Василий Валерьевиһы уонна Лариса Семеновнаны биир кэлим эксээмэни икки төгүл 100 баалга туттарбыт дьоҕурдаах оҕону иитэн таһаарбыккытынан эҕэрдэлиибин. Балтыбар Евдокияҕа баҕарабын инники олоххор ситиһиилэри, талбыт идэҕэр үөрэнэн дойдугар, Саха Сиригэр туһалаах үлэһит киһи буола улаат! #ЕГЭ #100бальники T.me/ValeriNikolaev

Туймаада ыһыаҕар «Дыгын оонньууларыгар» ох саанан ытыыга биир дойдулаахпыт, Үөһээ Бүлүү бөҕөһө АЙСЕН БОТУЕВ 1-кы миэстэни ылла! Сытыы харахтаах, быһый уолбутун кыайыыгынан эҕэрдэлиибит! #ЫсыахТуймаады #ИгрыДыгына #АйсенБотуев #ҮөһээБүлүү T.me/ValeriNikolaev

Туймаада Үрүҥ тунах ыһыаҕар өрөспүүбүлүкэтээҕи мас уустарын күрэҕэр Үөһээ Бүлүү улууһун мас ууһа Афанасьев Степан Владимирович 1 миэстэни ылла. Ону тэҥэ улууспут мас уустара Софронов Роберт Егорович уонна Егоров Михаил Дмитриевич Анал аат хаһаайыттара буоллулар. Айылҕаттан дьоҕурдаах, талба талааннаах мас уустарын ситиһиигитинэн, кыайыыгытынан эҕэрдэлиибин! Айар-тутар үлэҕит өссө да бар дьоммутун үөрдэ турдун! #ЫсыахТуймаады #МасУустара T.me/ValeriNikolaev

Ахсыс норуоттар икки ардыларынааҕы «Азия оҕолоро» оонньууларга мас тардыһыы күрэҕэр Боотулуу орто оскуолатын үөрэнээччитэ Захаров Александр — 60 кг ыйааһыҥҥа 1 миэстэни ылла. (Тириэньэр Харбаев Семен Семенович.) И.Н.Барахов аатынан 1 нүөмэрдээх орто оскуола үөрэнээччитэ Саввинов Саян, 70 кг ыйааһыҥҥа 2 миэстэҕэ таҕыста. (Тириэньэр Охотин Геннадий Михайлович.) Үөһээ Бүлүү улууһун оҕото, билигин Майаҕа 9-с кылааһы бүтэрбит Габышев Харысхан, 80 кг үөһээ ыйааһыннаахтарга 1 миэстэни ылла. (Тириэньэр Охотин Геннадий Михайлович.) Оҕолорбутугар уонна кинилэр тириэньэрдэригэр үрдүк ситиһиилэринэн, кыайыыларынан эҕэрдэлиибит! Норуоттар икки ардыларынааҕы Азия оҕолорун оонньууларыгар бүтүн Саха Сирин, Россия аатын үрдүк таһымҥа ааттаппыттарыттан киэн туттабыт! Бу үрдүк ситиһии тириэньэрдэр, төрөппүттэр, оҕолор өр сыллаах түмсүүлээх үлэлэрин түмүгэ буолар. Өссө үрдүк чыпчааллары дабайан, элбэх кыайыылары ситиһин, дойдугут, Үөһээ Бүлүү, Саха Сирин аатын өрө күөрэтэ туруҥ! #ДетиАзии #АзияОҕолоро #ҮөһээБүлүү T.me/ValeriNikolaev

Алена Татариноваҕа Уруй-Айхал!!! #ҮөһээБүлүү #АленаТатаринова #БелыеНочи T.me/ValeriNikolaev

Туймаада Үрүҥ тунах ыһыаҕар Үөһээ Бүлүү улууһун делегацията ыалдьыттаатыбыт. Ыһыахха РФ госдуматын депутатын Николай Сергеевич Валуевы уонна биир дойдулаахпытын РФ Совет Федерации сенаторын Сахамин Миланович Афанасьевы көрсөн ыһыаҕынан эҕэрдэлээтим. Икки күннээх ыһыахха сахабыт култууратын, төрүт оонньууларын, ат сүүрүүтүн көрдүбүт. Ыһыахха бары улуустар түһүлгэ тэринэн биир дойдулаахтарын кытта көрсөр-кэпсэтэр үтүө үгэһи тутуһаллар. Ол курдук, Үөһээ Бүлүү улууһун түөлбэ түһүлгэтигэр Дьокуускай куоракка олорор биир дойдулаахтарбытын кытта көрсөн үөрүүбүтүн үллэһиннибит. Туймаада Үрүҥ тунах ыһыаҕын ат сүүрүүтүгэр тыҥааһыннаах киирсии түмүгэр Үөһээ Бүлүү улууһун сүүрүк аттара бириистээх миэстэҕэ тигистилэр. Ол курдук, 2400 м. дистанцияҕа 3 саастарыттан үөһээ саастаах ЧВП (чистокровнай верховой порода) аттарга Бумеранг 3-с көрдөрүүлээх сүүрэн кэллэ. 4800 м. дистанцияҕа саха породатын аттарыгар 2008 сыллааҕы төрүөх Астык 2-с миэстэни ылла. Туймаада ыһыаҕар ыытыллар күрэхтэргэ кыттар биир дойдулаахтарбытын ситиһиигитинэн эҕэрдэлиибит! #ҮөһээБүлүү #ТуймаадаЫһыаҕа #АтСүүрүтэ T.me/ValeriNikolaev

Үөһээ Бүлүү кыыһа Алена Татаринова Санкт-Петербурга ыытыллыбыт "Белые ночи" марафоҥҥа 2 чаас 32 мүнүүтэ 46 сөкүүндэ көрдөрүүлээх марафон ЧЕМПИОНУН үрдүк аатын ылла. Биир дойдулаахпытын Алена Татаринованы кыайыыгынан эҕэрдэлиибит уонна киэн туттабыт! #Марафон #БелыеНочи #АленаТатаринова T.me/ValeriNikolaev

Күндү Үөһээ Бүлүү улууһун эдэр ыччата! Эһигини "Үөһээ Бүлүү улууһа (оройона)" муниципальнай оройуон аатыттан уонна тус бэйэм Россияҕа эдэр ыччат күнүнэн итиитик-истиҥник эҕэрдэлиибин! Үөһээ Бүлүү улууһа дьоҕурдаах, инникигэ көрүүлээх, көхтөөх, эрэллээх ыччаттардааҕынан киэн туттабыт. Биһиги ыччаттарбыт Өрөспүүбүлүкэ, Россия таһымыгар ыытыллар күрэхтэргэ, фестивальларга өрүү инники күөҥҥэ сылдьаллар. Ол курдук, билигин ыытылла турар "Дети Азии" 8-с спортивнай оонньууларга ыччаттарбыт волонтерскай хамсааһынтан саҕалаан, култуурунай тэрээһиннэргэ көхтөөхтүк кытталлар. Үөһээ Бүлүү улууһун ыччатын улахан болҕомтоҕо улуус салалтата ылан, сотору кэминэн, улуус дьаһалтатын иһинэн ыччат сэбиэтин тэрийиэхпит. Ыччат сэбиэтэ - биһиги ыччаппытын салайар үлэҕэ угуйар олох-дьаһах, политика оскуолата буоларын былаанныыбыт. Ыччат сэбиэтигэр киирбит оҕолорбут улуус сайдыытыгар бэйэлэрин көрүүлэрин, этиилэрин этинэн, олоххо киллэрсэр кыахтаныахтара. Ыччаттары кытта көрүстэрбин, өрүү кинилэр бэрт тыҥааһыннаах ыйытыылары көтөҕөллөр. Ис сүрэхтэриттэн төрөөбүт улуустарын таптыыллара, кини сайдарын туһугар үлэлииллэрэ, ыалдьаллара көстөр. Кинилэри көрдөхпүнэ, Үөһээ Бүлүү кэскилэ эрэллээх илиигэ тиксэригэр эрэллээхпин. Күндү ыччаттар! Бүгүҥҥү бэлиэ күҥҥэ баҕарабын эһиэхэ – сайдыыны, кыайыыны уонна олоххо үтүө санааны! Үөһээ Бүлүү улууһа сайдыытын туһугар бииргэ буолуоҕуҥ! Эҕэрдэни кытта, Үөһээ Бүлүү улууһун баһылыга Валерий Николаев. #ЭдэрЫччат #ҮөһээБүлүү T.me/ValeriNikolaev

Дьокуускай куоракка "Квартал труда" диэн креативнай кластер үлэтин билистибит. Үөһээ Бүлүү улууһугар инниникитин ыччаттарбыт идэлээх, дьарыктаах буолалларыгар сыалламмыт креативнай индустрия кластера Култуура дыбарыаһын иһинэн үлэҕэ киирэрэ былааҥҥа баарынан сибээстээн, Дьокуускай куоракка тэриллибит кластер үлэтин, ис туругун, резиденнар ситиһиилэрин билсэн уопут атастастыбыт. Билиҥҥи туругунан "Квартал труда" 128 резидент үлэлиир. Олус бэрткэ тэриллибит, аныгы үйэ таһымыгар эппиэттиир технологиялардаах, култуура, наука эйгэтин сайыннарар креативнай кластерга эскурсиялаан, бэйэбит улууспутугар бу таһымтан хаалсыбакка бу хайысханы сайыннарарга, ыччаттарбытын эмиэ креативнай индустрияҕа угуйарга сананныбыт. #КварталТруда #ҮөһээБүлүү T.me/ValeriNikolaev