396
Subscribers
No data24 hours
-57 days
-1430 days
Posts Archive
“အနေသာနီးခဲ့ကြရင်”
ငါတို့သာအနေနီးခဲ့ကြရင်လေ
မိငယ်ရေ ကင်းဝန်လမ်းကလေးထိပ်က
ရေမြောင်းကူးတံတားလေးဟာ
ငါကိုယ်တော်မြတ်ကြီးရဲ့ စံနန်းပေါ့မိငယ်ရယ်။
ငါတို့သာအနေနီးခဲ့ကြရင်
မင်းဖျားနာတိုင်း
ကြက်ပေါင်းခေါက်ဆွဲလေးနဲ့
ဒီကိုဂျင်ဆေးကဒ်လေးလာပို့မဲ့ ဒလီသမားလေးက အကိုပေါ့
မိငယ်ရယ်။
ငါတို့သာအနေနီးခဲ့ကြရင်လေ
“မေမေကဆူရင် ကိုကို့ရင်ခွင်ထဲတိုးလို့ငိုမှာနော်”ဆိုတဲ့
မိငယ်လေးရဲ့ စိတ်ကူးတွေလည်း ပြည့်မှာပေါ့နော်။
ငါတို့သာအနေနီးခဲ့ကြရင်
ဟိုလူကြီးရဲ့ ဂရုစိုက်မှုမှာ
သာယာသွားလို့ပါဆိုတဲ့
မင်းရဲ့ ဖောက်လွဲဖောက်ပြန် စိတ်ကူးတွေလည်း
ရှိလာမှာမဟုတ်ဘူးပေါ့ မိငယ်ရယ်။
ငါတို့သာအနေနီးခဲ့ကြရင်ကွယ်
ငါတို့လည်းဝေးပြီးရင်းမဝေးရလောက်ဘူးပေါ့နော်
အခုတော့မိငယ်ရေ
ငါဟာ ရေမရှိတဲ့ကမ္ဘာမှာပန်းတွေပျိုးမိတယ်
လေလိုင်းကြားက သံယောဇဉ်ကြိုးလေးကို
လင်းတငှက်လေးတစ်ကောင်ကိုက်ဖြတ်သွားတယ်။
ငါနာနာကြီးကြီး နဲ့အဲ့ဒီလင်းတငှက်လေးကို
ရေဆုံးမြေဆုံးကမ္ဘာဆုံးလိုက်ရှာခဲ့မိပါရဲ့။
ငါသိခဲ့တယ် ငါသိခဲ့ရတယ်...
သူဟာ မင်းကိုညို့ယူသွားတဲ့ ကဝေငှက်လေးဘဲမိငယ်။
ဆရာသန်းတင့်ရဲ့ကဗျာထဲကလိုပေါ့
ငါဟာလည်း “ကိုကိုမချစ်တော့ရင် သူများ ရေနံဆီသောက်ပြီးသေပြစ်လိုက်မှာနော်ဆိုတဲ့”ကောင်မလေးရဲ့ကိုကိုပါ
သို့သော်.....သို့သော်
ငါတို့သာအနေနီးခဲ့ကြရင်ပေါ့။
-မြူ
တစ်ယောက်ဟာ အခြားတစ်ယောက်နဲ့
သက်ဝင်နေရင်
ကိုယ်က မငြိတွယ်မိအောင်နေရမယ်
အတင်းတိုးမဝင်ရဘူးတဲ့
ချစ်ခြင်းမေတ္တာမှာလည်း ယဉ်ကျေးမှုရှိရတယ် ။
-ရိပ်ငြိမ်
#wetalkalot
အလိုလိုမှအအေးဓာတ်နဲ့
ကီးမကိုက်တဲ့ကောင်
မင်းကပါဘေးမှာမရှိတော့
ခနခနဖျားနေတာမဆန်းပါဘူး။
-ထွဋ်ခေါင်
#wetalkalot
ကမ္ဘာဟာပျော်စရာ မကောင်းတဲ့အခါ
ဆေးလိပ်ဟာ အသက်တိုစေတာသိရက်နဲ့ သောက်နေကြတယ်။
ဘယ်သူသိနိုင်မလဲ
အသက်တစ်ရက်ရှင်ခြင်းရဲ့ ဒုက္ခတွေ။
-လူပျော်
#wetalkalot
ကပ်ဖ်ကာသို့ - ၁၃
ငါဟာ "အားမနာတတ်ဘူးတဲ့" တဲ့
ပြောကြတယ်
ဒါကြောင့် ငါ စဉ်းစားကြည့်တယ်
ငါ ဘယ်ကျွန်ဈေးမှာ ကျွန်ဝယ်တုန်းက
ငါ ဘယ်ကျွန်ကို အဆစ်တောင်းဖူးလို့လဲ
ငါက "အားမနာတတ်ဘူး" ပြောရအောင်။ ။
-အောင်ချိမ့်
#wetalkalot
သမိုင်းဆိုင်ရာ ရုပ်ဝါဒ
ဒါပေမဲ့ ကျမ
'ကိုအောင်ချိမ့်ကို မေတ္တာမမျှနိုင်ပါ..' ဟု။ ။
-အောင်ချိမ့်
#wetalkalot
ခေတ်အဆက်ဆက်က
အသည်းကွဲခဲ့တဲ့လူငယ်တွေ
အော်ဟစ်ကြ၊ငိုကြ၊ပြိုလဲကြ။ ။
-ထွဋ်ခေါင်
#wetalkalot
ကတိအကောင်းစားကြီးတွေနဲ့
ငါတို့ အိုအောင်မင်းအောင်
ဝေးခဲ့ကြတယ်...။
-လွှင့်
#wetalkalot
လွမ်းရုံမှအပ
မတတ်နိုင်တဲ့ဘဝတွေ
ပြေးတွေ့မယ်ဆိုရင်တောင်အကွာအဝေးကကြားခံနေတယ်
အကွာအဝေးကို ကိုယ်ဂရုမစိုက်ပေမယ့်
လမ်းကြောင်းကခွေးသူတောင်းစာတွေကိုတော့ဂရုစိုက်ရတယ်
မင်းဆီလာတဲ့လမ်းမှာ မင်းဆီမရောက်ပဲ ရှေ့တန်းရောက်နေရင်
မင်းရင်ကျိုးရလိမ့်မယ်...။
-ထွဋ်ခေါင်
မင်းနဲ့လွဲပြီးကတည်းက
တစ်ကမ္ဘာလုံးနဲ့ လွဲချော်လာခဲ့တာ
အခုထိလည်း
တစ်ယောက်ထဲဖြစ်နေတုံး ။
-ဂန္ဓမာ
#wetalkalot
