We Talk A Lot

ကံကခွဲမှဝေးရတာမဟုတ်ဘူး နှစ်ယောက်ကြားထဲအခြားတစ်ယောက်က ဝင်လာရင်လဲဝေးရတာပါပဲ ။ ။ #Crd

တချို့ပန်းတွေက ဥယျာဉ်မှုးပြောင်းလို့ လှသွားတာမဟုတ်ဘူး၊ ဥယျာဉ်မှူးအဟောင်းက လှအောင်ပျိုးပေးပီးမှ အဲ့ပန်းကိုယ်တိုင်ကလူရွေးပီး တခြားဥယျာဉ်မှုးဆီ ပြောင်းသွားတာ ။ -ထွဋ်ခေါင်

ရုက်တရက်စွံ့အသွားခဲ့တယ် အနွေးထည်လက်ရှည်အနက်ရောင် ဟုတ်ကိုဟုတ်တယ် ငါမြင်ဖူးတယ် ငါရင်းရင်းနီးနီးကိုမြင်ဖူးတယ် ဟော..ဆံပင်ကလဲဂုတ်ဝဲလေး စိတ်ထဲကတွေးလိုက်မိတယ် ငါ့ကောင်မလေးနဲ့တော်တော်တူတာပဲ ဘေးမှာလဲသူ့ကောင်လေးထင်ပါရဲ့ လက်ချင်းချိတ်ထားကြတယ် စိတ်ထဲမှာတွေဝေသွားတယ် ငါ့ကောင်မလေးမဟုတ်ပါစေနဲ့လို့ ဆုတောင်းနေတဲ့ကြားက ငါ့ကောင်မလေးဖြစ်နေခဲ့တယ်။ မင်းဝတ်ထားတဲ့အနွေးထည်လေးက ငါပထမဆုံးရတဲ့လစာလေးနဲ့ အမြတ်တနိုးဝယ်ပေးထားခဲ့တာလေ။ ။ -ထွဋ်‌ခေါင်

ဆိုရှယ်ကျကျ မနေထိုင်တတ်တဲ့လူတစ်ယောက် လူမှုရေးကို လူလိုသိခဲ့ပါတယ်..။ ကိုယ်အဆင်ပြေတာကို မလိုလားတဲ့ လူမှုရပ်ဝန်းမှာ ရှင်သန်နေထိုင်ဖူးသလို..!!! ကိုယ့်ကိုယ်ခလုတ်တစ်ခုလိုသဘောထားပြီး တမင်ဝင်တိုက်တတ်တဲ့ ဝန်းကျင်မှာလည်း ကျင်လည်ဖူးတယ်..။ မည်သို့ပင်ဖြစ်စေကာမူ..!!! ငါက အေးဆေးပဲဆိုတဲ့အထာမျိုးနဲ့ ခပ်ပြုံးပြုံးသာတုန့်ပြန်ခဲ့ပါတယ်..။ -ရိုးတံ #wetalkalot

လူငယ်ဘဝရဲ့ လွတ်လပ်ခွင့်ဆိုတာ အသက်30ကျော်ဦးလေးတစ်ယောက် ပြောပြလို့သိခဲ့ရတာ။ ။ -ထွဋ်ခေါင် #wetalkalot

သီချင်းတစ်ပုဒ်ကိုငြီးတယ် တိမ်တွေကိုငေးတယ် သတိရနေတဲ့ပုံမပေါက်အောင် နေထိုင်ခဲ့ပါတယ် ။ -ဂန္ဓမာ #wetalkalot

ဘဝမှာ.... မင်းအသက် နဲ့ ရင်းပြီး ဆွဲထားရင်တောင် လွှတ်ချခဲ့မယ့် လက်တွေက ရှိတယ် လူတွေကို မယုံကြည်နဲ့ -နွေသစ်ငြိမ်း မင်းရဲ့ အခန်းကျဉ်းလေးလောက် လူတွေကို ယုံကြည်လို့မရကြောင်း ငါပြောပြချင်တယ် ။ -ဂန္ဓမာ #wetalkalot

မမြင့် - ပုံရိပ်

သတိရတယ် ပြန်မလိုချင်လောက်အောင် စိတ်နာမိတာကလွဲရင် တကယ်သတိရတယ်... -နှင်းရိုင်း🌻 #wetalkalot

တစ်ယောက်ယောက်ကိုမေ့ပစ်ဖို့အတွက် ဖြတ်လမ်းဆိုတာ မရှိပါဘူး သူ့အလိုလိုမေ့သွားတဲ့ တစ်နေ့နေ့ဆိုတာတော့ ရှိလိမ့်မယ်။ အဲ့ဒီမတိုင်ခင်ထိတော့ (ကျနော်တို့မှာ) နေ့တိုင်းသတိရနေရတာပါပဲ ။ -မိုးနေ့ #wetalkalot

တစ်ခါပျော်ဖူးရင် ဒီဂီတကို တစ်သက်မမေ့တော့ပါ ။ -အောင်ချိမ့် #wetalkalot

ယမန်နေ့ညက ခေါင်းစဉ်ပျောက်တဲ့ငါ့ကဗျာ (ကဗျာရှည်) °°°°°°°°°°°°°°°°°°°°°°°°°°°°°°°°°°°°°°°°°°°°°°°°°° ဟစ်တလာ ဒဿ ဒီလို ကာရံထပ် စာသားတွေ ငါနဲ့ကင်းဝေးပါစေ။ ဟိုထဲကနှုတ် ဒီထဲကနှုတ် နောက်ဆုံးတော့ မင်းတို့ ကဗျာ မင်းတို့သာ ကဗျာဆရာ မင်းတို့သာ စောက်ဆရာကြီး။ ငါ့ရဲ့ကြုံရာကျပန်းစကားတစ်ခွန်းက အထိနာ‌စေရင် ငါပျော်တယ် အိုးမလုံဘဲ အုံပွင့်ပြ ရှက်တက်ရင် ဆင်ခြင် ပြင်။ အရိပ်အမြုံကောင်းခဲ့လျက်နဲ့ နေပူထဲလျှောက်နေခဲ့တာ ငါ့သဘော ငါ့ခံယူချက် ခွေးတိုးပေါက်မှ နာမည်မရချင်။ အသဲကွဲရတာ စောက်ရမ်းမိုက်တယ် ဒါက၂၁ရာစု ရဲ့ ပေါ်လစီ။ သနားသလို မျက်လုံးလေးတွေ လှောင်‌ရယ် နေတာကိုလဲ မသိရေးချ မသိပါ ။ ချစ်တယ် မုန်းတယ် လွမ်းတယ် ထိုအရာတွေပဲ ထပ်လာတယ် ဒီအရပ်ဒီဇာတ်ကိုငါမပျော်တော့ဘူး ။ နံပတ်ဖိုးတွေဟာ အောက်ဆီဂျင် လို ရှုလို့ကောင်းလာတယ် ။ စီးကရက်တစ်လိပ်သောက်တိုင်း ၁၅မိနစ်‌စာ အသက်ရှင်သန်ချိန်တွေလျော့လဲ လုပ်ချင်ရာလုပ်ပြီး သေတာ နောင်တမရဘူး။ ရိုးသားမှုတွေ ဒေဝါလီခံနေရချိန် ခေါင်းပုံဖြတ်မှု နဲ့လာဘ်ထိုးလာဘ်စားမှုတွေ တန်ဖိုးမြင့်နေတက်ပါတယ်။ ဒီကဗျာမှာ ငါ ရေးချင်တာရေးမယ် လုပ်ချင်ရာလုပ်မယ် ဒီမိုကရေစီဆန်ပစ်လိုက်မယ် မူဆိုလိုနီ ကောင်တွေနဲ့ အိုစမာအာလာဒင် လိုကောင်တွေ မဖတ်နဲ့။ Respect ထားပေးလိုက်တော့ ဘ၀င်လေဟပ် အဟုတ်မှတ်သူများ က ဖင်လှန်ပြပြ သွားတယ် ခန္တီသဘောထားသာမရှိကြည့် သွားတွေပါကျွတ်ထွက်စေရမယ် ။ ပင်လယ်ဆိုတာ ဆားငန်ရေတွေပါဘဲ အငန်ဓာတ်ထဲ သကြားသွားဖြူးလို့ ချိုမလာနိုင်ပါဘူး လုပ်လို့မရတဲ့ဟာဆို မလုပ်တာပဲကောင်းပါတယ်တယ် ပင်ပန်းယုံပဲ အဖတ်တင်တယ်။ ဖိုဝါဒီ မဝါဒီ ဟိုတစ်စု ဒီတစ်စု အချင်းချင်းကိုက်ကြ ယောင်္ကျားတွေမကောင်းဘူး မိန်းမတွေမကောင်းဘူး သင်တို့ မေမေ ဖေဖေ တွေကိုပြောကြည့်။ အတောင်ညောင်းလို့လာနားတဲ့ငှက်လဲ လှောင်အိမ်ထဲထည့်မယ် သင်းကွဲငှက်လဲ လှောင်အိမ်ထဲထည့်မယ် ပိုးကိုက်နေတဲ့ ပြည့်တန်ဆာပန်းလေးလဲ လှောင်အိမ်ထဲထည့်မယ် မနုဿ ငနဲ တစ်ကောင်ရဲ့ လူသိပ်မလိုချင်တဲ့ ချစ်ခြင်းမျိုးတွေ ။ သေသော်ငရဲလားမဲ့ကောင်တွေကြည်း ဘဒ္ဒ မှာ သေမှာလား သေမှာလား ကြိုက်ရာနှစ်ခုရွေးပြီး အေးဆေးသေနိုင်ပါသည်။ ငါ့၏ ခန္ဓာ စိတ်ဝိညာဉ်ကင်းမဲ့လျက် ကူးတို့ခ မပါဘဲ ၃၁ဘုံကို ‌လမ်းလျှောက်သွားနေတာ ဖိနပ်လေးတောင်ပါးရောပြီ။ အလွမ်းနာကျ ပြဇာတ်က ငါနဲ့မကိုက်လို့ မရေးဖစ်တော့ဘူး မျက်‌ရည်မကျရ ။ ငါဒီနေ့ရေးတာရှည်တယ် အသင်တို့မကြိုက်ရင်တောင် ကျုပ်ကြိုက်ပါတယ်။ -လေပြေဆောင်း #wetalkalot

လွတ်လပ်ရေးနေ့တဲ့ အညာမြေတော့ အခုထိမလွတ်လပ်သေးပါဘူးဗျာ -လွန်းနောင် #wetalkalot

တချို့က အမှတ်တရဟောင်းတွေ ပြန်သတိရနေချိန် တချို့က အမှတ်တရသစ်တွေ အတူဖန်တီးနေကြတယ် ။ -ဂန္ဓမာ #wetalkalot

ဒီတစ်ခေါက်မတော်တဆများ ကောင်မလေးရခဲ့ရင်

တစ်ယောက်ယောက်ကို စောင့်နေရတာထက်စာရင် တစ်ယောက်ယောက်ဆီ သွားလိုက်ရတာပိုအဓိပ္ပါယ်ရှိတယ်။ ။ -စိုင်းဝင်းမြင့် #wetalkalot

လွတ်လပ်ရေးနေတဲ့ ဘယ်သူတွေများလွတ်လပ်ရေးရနေပါသလဲ ကျုပ်တို့ဒေသမှာတော့အိမ်အပြင်တောင်မထွက်ရဲကြဘူးဗျ -ထွဋ်ခေါင် #wetalkalot

သမိုင်းရှိလို့သာယုံရတယ် ဒီ‌နိုင်ငံလွတ်လပ်ရေးတကယ်ရခဲ့တာလား။ -သူဇာ #wetalkalot