រដ្ឋបាលខេត្តកំពង់ចាម

ឯកឧត្តម ខ្លូត ចិន្តា អញ្ជើញចូលរួមក្នុងកម្មវិធី «ពិព័រណ៍អាហារ និងឱកាសស្វែងយល់អំពីការអប់រំបច្ចេកទេសវិជ្ជាជីវៈ សតវត្សទី២១» លើកទី៣ នៅសាលាក្តីញញឹម របស់អង្គការ BSDA ខេត្តកំពង់ចាម៖ នាព្រឹកថ្ងៃទី២៨ ខែកុម្ភៈ ឆ្នាំ២០២៦ ឯកឧត្តម ខ្លូត ចិន្តា អភិបាលរងខេត្តកំពង់ចាម តំណាងដ៏ខ្ពង់ខ្ពស់របស់ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញជាអធិបតីដ៏ខ្ពង់ខ្ពស់ក្នុងកម្មវិធី «ពិព័រណ៍អាហារ និងឱកាសស្វែងយល់អំពីការអប់រំបច្ចេកទេសវិជ្ជាជីវៈ សតវត្សទី២១» លើកទី៣ ដែលរៀបចំឡើងដោយអង្គការសកម្មភាពព្រះពុទ្ធសាសនាដើម្បីអភិវឌ្ឍន៍សង្គម (BSDA) ស្ថិតនៅសាលាក្តីញញឹម ភូមិនគរបាជ័យ ឃុំអំពិល ស្រុកកំពង់សៀម ខេត្តកំពង់ចាម។ កម្មវិធីដ៏មានសារៈសំខាន់នេះ ក៏មានការអញ្ជើញចូលរួមផងដែរពី លោកជំទាវ សមាជិកក្រុមប្រឹក្សាខេត្ត លោក លោកស្រី តំណាងមន្ទីរ/អង្គភាពជុំវិញខេត្ត អាជ្ញាធរមូលដ្ឋាន ថ្នាក់ដឹកនាំអង្គការ BSDA ដៃគូសហការ វិស័យឯកជន លោកគ្រូ អ្នកគ្រូ អាណាព្យាបាល និងប្អូនៗសិស្សានុសិស្ស-និស្សិត សរុបប្រមាណជាង ៥០០នាក់។ ជាបឋម លោកស្រី ឆុន ស្រស់ នាយិកាប្រតិបត្តិអង្គការ BSDA បានឡើងលើកឡើងពីសាវតារបស់អង្គការ ដែលត្រូវបានបង្កើតឡើងតាំងពីថ្ងៃទី០៥ ខែមករា ឆ្នាំ២០០៥ ដោយព្រះសង្ឃ ៧អង្គ គង់នៅវត្តនគរបាជ័យ និងទទួលបានការចុះបញ្ជីផ្លូវការជាមួយក្រសួងមហាផ្ទៃ។ ជាង២០ឆ្នាំមកនេះ អង្គការ BSDA បានអនុវត្តកម្មវិធី និងគម្រោងជាច្រើន (រួមទាំងគម្រោងកុមារមេគង្គកម្ពុជា MKK និងសាលាក្តីញញឹម) ដោយផ្តោតលើវិស័យអប់រំ ការបណ្តុះបណ្តាលវិជ្ជាជីវៈ (TVET) សុខភាព អភិបាលកិច្ចល្អ និងសហគ្រាសសង្គម ដើម្បីជួយដល់ប្រជាពលរដ្ឋងាយរងគ្រោះ ស្ត្រី និងយុវជន ឱ្យមានមុខរបរ និងជីវភាពរស់នៅល្អប្រសើរ។ ក្នុងឱកាសនោះ ឯកឧត្តម ខ្លូត ចិន្តា អភិបាលរងខេត្ត បានសម្តែងនូវការកោតសរសើរ និងវាយតម្លៃខ្ពស់ចំពោះសមិទ្ធផលដ៏ត្រចះត្រចង់របស់អង្គការ BSDA សម្រេចបានក្នុងរយៈពេលជាងពីរទសវត្សរ៍កន្លងមកនេះ ក្នុងការរួមចំណែកជាមួយរាជរដ្ឋាភិបាល និងរដ្ឋបាលខេត្តកំពង់ចាម លើការបណ្តុះបណ្តាលធនធានមនុស្ស ការអភិវឌ្ឍជំនាញបច្ចេកទេស (TVET) និងការកាត់បន្ថយភាពក្រីក្រ។ ឯកឧត្តមអភិបាលរងខេត្ត បានគូសបញ្ជាក់ថា រដ្ឋបាលខេត្តកំពង់ចាម តែងតែគាំទ្រ និងជំរុញកិច្ចសហការជាមួយអង្គការមិនមែនរដ្ឋាភិបាល និងវិស័យឯកជននានា ដែលមានឆន្ទៈជួយអភិវឌ្ឍន៍សង្គមជាតិ ព្រមទាំងបានស្នើឱ្យមន្ទីរ-អង្គភាព និងអាជ្ញាធរពាក់ព័ន្ធទាំងអស់ បន្តសហការ និងផ្តល់ការគាំទ្រដល់សាលាក្តីញញឹម និងអង្គការ BSDA ឱ្យកាន់តែខ្លាំងក្លាថែមទៀត ដោយមិនត្រូវទុកការងារនេះជាភារកិច្ចដាច់ដោយឡែករបស់អង្គការឡើយ។ កម្មវិធីនេះក៏មានសកម្មភាពដ៏សប្បាយរីករាយ និងមានអត្ថន័យជាច្រើនទៀត ដូចជាការចែករំលែកបទពិសោធពីអតីតសិស្សនិងដៃគូអាជីវកម្ម ការពិព័រណ៍បង្ហាញផលិតផល និងស្នាដៃសិស្ស ការប្រកួតប្រជែងជំនាញវិជ្ជាជីវៈ (បដិសណ្ឋារកិច្ច សាឡន និងជួសជុលម៉ូតូ) និងការតាំងស្តង់ភ្លក់ម្ហូបអាហារ បង្អែម និងភេសជ្ជៈ ដែលរៀបចំឡើងក្រោមជំនួយឧបត្ថម្ភពីអង្គការ EcoSolidar ប្រទេសស្វីស។

ខេត្តកំពង់ចាម៖ នាព្រឹកថ្ងៃទី២៨ ខែកុម្ភៈ ឆ្នាំ២០២៦ ឯកឧត្តម ខ្លូត ចិន្តា អភិបាលរងខេត្តកំពង់ចាម តំណាងដ៏ខ្ពង់ខ្ពស់របស់ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញជាគណៈអធិបតីដ៏ខ្ពង់ខ្ពស់ក្នុងកម្មវិធី «ពិព័រណ៍អាហារ និងឱកាសស្វែងយល់អំពីការអប់រំបច្ចេកទេសវិជ្ជាជីវៈ សតវត្សទី២១» លើកទី៣ ដែលរៀបចំឡើងដោយអង្គការសកម្មភាពព្រះពុទ្ធសាសនាដើម្បីអភិវឌ្ឍន៍សង្គម (BSDA) ស្ថិតនៅសាលាក្តីញញឹម ភូមិនគរបាជ័យ ឃុំអំពិល ស្រុកកំពង់សៀម ខេត្តកំពង់ចាម។ កម្មវិធីដ៏មានសារៈសំខាន់នេះ ក៏មានការអញ្ជើញចូលរួមផងដែរពី លោកជំទាវ សមាជិកក្រុមប្រឹក្សាខេត្ត លោក លោកស្រី តំណាងមន្ទីរ/អង្គភាពជុំវិញខេត្ត អាជ្ញាធរមូលដ្ឋាន ថ្នាក់ដឹកនាំអង្គការ BSDA ដៃគូសហការ វិស័យឯកជន លោកគ្រូ អ្នកគ្រូ អាណាព្យាបាល និងប្អូនៗ

ថ្នាក់ដឹកនាំខេត្តកំពង់ចាម អញ្ជើញដឹកនាំកិច្ចប្រជុំពេញអង្គគណៈរដ្ឋមន្ត្រី (រាជធានីភ្នំពេញ)៖ នាព្រឹកថ្ងៃទី២៨ ខែសីហា ឆ្នាំ២០២៦ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម និងជាប្រធានគណៈបញ្ជាការឯកភាពខេត្ត និង ឯកឧត្តម ខ្លូត ផន ប្រធានក្រុមប្រឹក្សាខេត្ត បានដឹកនាំអភិបាលរងខេត្ត នាយក នាយករងរដ្ឋបាល កងកម្លាំងប្រដាប់អាវុធទាំងបីប្រភេទ និងមន្ទីរ-អង្គភាពពាក់ព័ន្ធ អញ្ជើញចូលរួមកិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ស្ថិតនៅសាលប្រជុំវិមានសន្តិភាព រាជធានីភ្នំពេញ និងតាមរយៈប្រព័ន្ធវីដេអូ (ZOOM)។ កិច្ចប្រជុំបានពិភាក្សា និងអនុម័ត លើរបៀបវារៈចំនួន៥៖ ១-សេចក្តីព្រាងរបាយការណ៍វឌ្ឍនភាពពាក់កណ្តាលអាណត្តិ នៃការអនុវត្ត គោលនយោបាយជាតិប្រជាជន ២០១៦-២០៣០។ ២-របាយការណ៍វឌ្ឍនភាពនៃការអនុវត្តវិធានការគន្លឹះក្នុងការកែទម្រង់ រដ្ឋបាលសាធារណៈរបស់រាជរដ្ឋាភិបាលនីតិកាលទី៧ នៃរដ្ឋសភា។ ៣-របាយការណ៍វឌ្ឍនភាពនៃការអនុវត្តកម្មវិធីគោលនយោបាយ អាទិភាព និងវិធានការគន្លឹះក្នុងវិស័យសុខាភិបាល។ ៤-សេចក្តីព្រាងច្បាប់ស្តីពីការអនុម័តយល់ព្រមលើពិធីសាសេប៊ូស្តីពី វិសោធនកម្មធម្មនុញ្ញអាស៊ាន។ ៥-សេចក្តីព្រាងច្បាប់ស្តីពីការអនុម័តយល់ព្រមលើអនុសញ្ញាស្តីពីបុព្វសិទ្ធិ និងអភ័យឯកសិទ្ធិនៃលេខាធិការដ្ឋាន បុគ្គលិក និងតំណាងរបស់ សមាជិកនៃសន្និសីទអន្តរសកម្មភាព និងវិធានការកសាងទំនុកចិត្ត នៅអាស៊ី (CICA)។

ថ្នាក់ដឹកនាំខេត្តកំពង់ចាម អញ្ជើញដឹកនាំកិច្ចប្រជុំពេញអង្គគណៈរដ្ឋមន្ត្រី (រាជធានីភ្នំពេញ)៖ នាព្រឹកថ្ងៃទី២៨ ខែសីហា ឆ្នាំ២០២៦ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម និងជាប្រធានគណៈបញ្ជាការឯកភាពខេត្ត និង ឯកឧត្តម ខ្លូត ផន ប្រធានក្រុមប្រឹក្សាខេត្ត បានដឹកនាំអភិបាលរងខេត្ត នាយក នាយករងរដ្ឋបាល កងកម្លាំងប្រដាប់អាវុធទាំងបីប្រភេទ និងមន្ទីរ-អង្គភាពពាក់ព័ន្ធ អញ្ជើញចូលរួមកិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ស្ថិតនៅសាលប្រជុំវិមានសន្តិភាព រាជធានីភ្នំពេញ និងតាមរយៈប្រព័ន្ធវីដេអូ (ZOOM)។ កិច្ចប្រជុំបានពិភាក្សា និងអនុម័ត លើរបៀបវារៈចំនួន៥៖ ១-សេចក្តីព្រាងរបាយការណ៍វឌ្ឍនភាពពាក់កណ្តាលអាណត្តិ នៃការអនុវត្ត គោលនយោបាយជាតិប្រជាជន ២០១៦-២០៣០។ ២-របាយការណ៍វឌ្ឍនភាពនៃការអនុវត្តវិធានការគន្លឹះក្នុងការកែទម្រង់ រដ្ឋបាលសាធារណៈរបស់រាជរដ្ឋាភិបាលនីតិកាលទី៧ នៃរដ្ឋសភា។ ៣-របាយការណ៍វឌ្ឍនភាពនៃការអនុវត្តកម្មវិធីគោលនយោបាយ អាទិភាព និងវិធានការគន្លឹះក្នុងវិស័យសុខាភិបាល។ ៤-សេចក្តីព្រាងច្បាប់ស្តីពីការអនុម័តយល់ព្រមលើពិធីសាសេប៊ូស្តីពី វិសោធនកម្មធម្មនុញ្ញអាស៊ាន។ ៥-សេចក្តីព្រាងច្បាប់ស្តីពីការអនុម័តយល់ព្រមលើអនុសញ្ញាស្តីពីបុព្វសិទ្ធិ និងអភ័យឯកសិទ្ធិនៃលេខាធិការដ្ឋាន បុគ្គលិក និងតំណាងរបស់ សមាជិកនៃសន្និសីទអន្តរសកម្មភាព និងវិធានការកសាងទំនុកចិត្ត នៅអាស៊ី (CICA)។

ឯកឧត្តម អ៊ុន ចាន់ដា នាំអំណោយមនុស្សធម៌របស់សម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា ផ្តល់ជូនពលរដ្ឋរងគ្រោះដោយទឹកជំនន់ជម្លៀសមកទួលសុវត្ថិភាពសរុប ១៥៨ គ្រួសារ នៅ ៣ ទ៏តាំងក្នុង ស្រុកកំពង់សៀម និងស្រុក ស្ទឹងត្រង់

ក្រសួងកិច្ចការនារី សហការជាមួយអាជ្ញាធរខេត្តកំពង់ចាម បើកសិក្ខាសាលាលើកកម្ពស់ការយល់ដឹងស្តីពី «ស្រ្តី សន្តិភាព និងសន្តិសុខ» នៅថ្នាក់ក្រោមជាតិ

អភិបាលខេត្តកំពង់ចាម អមដំណើររដ្ឋមន្ត្រីក្រសួងធនធានទឹក ចុះពិនិត្យជាក់ស្តែងស្ថានភាពទឹកជំនន់ទន្លេមេគង្គ និងផលប៉ះពាល់ដល់ប្រជាពលរដ្ឋ

ព្យាករណ៍អាកាសធាតុ និងកម្ពស់ទឹកក្នុងខេត្តកំពង់ចាមសម្រាប់ថ្ងៃទី២៨ ខែសីហា ឆ្នាំ២០២៦

ទឹកទន្លេខេត្តកំពង់ចាមថ្ងៃនេះ ស្រកចុះ០,៣៣ម៉ែត្រ មកត្រឹមកម្ពស់ ១៣,៣៣ម៉ែត្រប៉ុណ្ណោះ

រដ្ឋបាលខេត្តកំពង់ចាម ទទួលស្វាគមន៍គណៈប្រតិភូ ៥ ខេត្ត ផ្លាស់ប្តូរបទពិសោធន៍ការងារគណនេយ្យភាពសង្គម

អនុវត្តតាមបទបញ្ជារដ៏មុឺងម៉ាត់បស់ ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈបញ្ជាការឯកភាពខេត្ត ក្នុងការពង្រឹង និងអនុវត្តនូវគោលនយោបាយភូមិ ឃុំ សង្កាត់ មានសុវត្ថិភាពឱ្យមានប្រសិទ្ធភាពខ្ពស់ កងកម្លាំងនៃស្នងការដ្ឋាននគរបាលខេត្ត សហការជាមួយកម្លាំងកងរាជអាវុធហត្ថខេត្ត អាជ្ញាធរមូលដ្ឋាន និងប្រជាការពារ បានចុះធ្វើរដ្ឋបាលចំហរជាប់ជាប្រចាំ នៅតាមបណ្តាក្រុង-ស្រុកគោលដៅ ស្របតាមសរាចរណ៍ណែនាំរបស់រាជរដ្ឋាភិបាលកម្ពុជា ដើម្បីរក្សាបាននូវសុខសុវត្ថិភាព និងភាពសុខដុមរមនាជូនប្រជាពលរដ្ឋ។

ប្រធានគណៈកម្មាធិការអតីតយុទ្ធជន និងនិវត្តន៍ជនកម្ពុជា ស្រុកស្ទឹងត្រង់ ដឹកនាំក្រុមការងារ នាំយកថវិកាបេឡាមរណៈសង្គ្រោះ ប្រគល់ជូនគ្រួសារសព ០១គ្រួសារ នៅឃុំអារក្សត្នោត