YGN777 Website

ကိုယ်ပိုင်စီးပွားရေးလုပ်ငန်းတည်ထောင်နည်း #GrowUp #crd

ကြက်ဥတောင်မကြော်တက်ဘူးဂုဏ်ယူပြီးပြောနေတဲ့ မိန်းမဖျင်းတွေအတွက်😀 လူထုဒေါ်အမာ ၏ ... သဘောကျသော အမှာစကား မိန်းမဆိုတာ ထမင်းဟင်း ချက်တတ်ရမယ်။ ဒါဟာ အမျိုးသမီးဖြစ်လို့ မဟုတ်ဘူး။ ယောင်္ကျားနဲ့ ကလေးတွေကို ချက်ကျွေးဖို့ မဟုတ်ဘူး။ လူတစ်ယောက်အနေနဲ့ လောကမှာ အသက်ရှင် နေထိုင်ဖို့ တစ်ယောက်တည်း နေလည်း လုပ်ကို လုပ်တတ်ရမယ့် အရာဖြစ်လို့ပါ... မိန်းမဆိုတာ ... ကိုယ့်ကိုယ် ကိုယ် တန်ဖိုးထား တတ်ရမယ်။ လင်ကောင်းသားကောင်းရဖို့ မဟုတ်ဘူး။ ကိုယ့်ဘဝ၊ ကိုယ့် ခံယူချက်နဲ့ ကိုယ့် ယုံကြည်ချက် ရှိရှိ ဂုဏ်ယူစွာ ရပ်တည်နိုင်ဖို့ပါ... မိန်းမဆိုတာ ... အသက်မွေးဝမ်းကြောင်း ပညာ တစ်ခုခု တတ်ကို တတ်ထားရမယ် လင်ယောင်္ကျားကို ရှာကျွေးဖို့ မဟုတ်ဘူး။ မည်သူ တစ်ဦးတစ်ယောက်ကို မှ ဘဝတစ်ခုလုံး ပုံအပ်ပြီး လောက အလယ်မှာ အားငယ်စွာ မနေထိုင်ရ ဖို့ပါ... မိန်းမဆိုတာ ... အိမ်မှု့ကိစ္စ ကောင်းစွာ စီစဉ် ကိုင်တွယ် နိုင်ရမယ်။ ယောက္ခမနဲ့ ယောင်္ကျားခိုင်းတာ လုပ်နိုင်ဖို့ မဟုတ်ဘူး။ 𝗚𝗿𝗼𝘄 𝗨𝗽 ⏫ 𝗕𝗼𝗼𝗸 𝗦𝘁𝗼𝗿𝗲 𝗖𝗵𝗮𝗻𝗻𝗲𝗹 ကိုယ်နေထိုင်တဲ့ အိမ်ကိုတောင် အစီစဉ်တကျ သန့်ရှင်း သပ်ရပ်စွာ မထားနိုင်ဘဲနဲ့ မိမိ ပတ်ဝန်းကျင်၊ မိမိအလုပ်၊ မိမိ လူမျိုး တိုးတက် ပြောင်းလဲ ဖို့ ကောင်းစွာ အစီစဉ် တကျ လုပ်နိုင်စွမ်း ရှိမှာ မဟုတ် လို့ပါ... မိန်းမဆိုတာ ... လှပစွာ ပြင်ဆင် ဝတ်စား တတ်ရမယ်။ ကိုယ်ဟာ လှပစွာ တည်ရှိ နေတယ် ဆိုတဲ့ စိတ်ဟာ ကိုယ့်ကို ယုံကြည်ချက် အများကြီး ပေးနိုင် လို့ပါ... မိန်းမဆိုတာ ... မနက်စောစော ထရမယ်။ ကိုယ့် ရည်မှန်းချက် တွေဆီ မြန်မြန်ရောက် နိုင်အောင် အလုပ်တွေ ပိုမို ပြီးမြောက်အောင် ရထားတဲ့ အချိန်ကလေး ကို လုံလောက်စွာ အသုံးချ နိုင်ဖို့ပါ... မိန်းမဆိုတာ ... အလှူအတန်း ရက်ရောရမယ်။ ယောင်္ကျားလှူ သမျှကို ပါရမီ လိုက်ဖြည့်နေဖို့ မဟုတ်ဘူး။ ဘာကိုမှ မျှော်လင့်ချက် မရှိဘဲ လွတ်လပ်စွာ လှူတန်းရခြင်းဟာ ကြီးမားတဲ့ မွန်မြတ်ခြင်း တစ်ခု ဖြစ်နေလို့ပါ... ဒါတွေ အားလုံးကို ယောင်္ကျား တစ်ယောက်ကလည်း ကောင်းမွန်စွာ တတ်မြောက်ထားရ ပါမယ်။ ယောင်္ကျားမို့ ၊ မိန်းမမို့ မဟုတ်ဘူး... လူတစ်ယောက် ဖြစ်နေ လို့ပါ။ နေ့ စဉ် လုပ်နေတဲ့ အရာ တွေက အကြောင်းအရာခြင်း တူရင်တောင် ရည်ရွယ်ချက် နဲ့ ခံယူချက် မတူရင် ဘဝ တန်ဖိုးကလည်း တူမှာ မဟုတ်ဘူး... တစ်ဖက် စောင်းနင်းတဲ့ အတွေးအခေါ် မျိုးက လူ့ ပတ်ဝန်းကျင်ကို အကျိုးမပြု စေဘူး။ ကိုယ့်ကို လောင်မြိုက်နေတဲ့ အရာ တစ်ခုကို သူများလည်း လောင်မြိုက် ပါစေ ဆိုပြီး ဖြန့်ဝေ နေခြင်းက ကြီးစွာသော အကုသိုလ် ဖြစ်စေ ပါတယ်... "လူ"ဆိုတာ ... တဏှာတစ်ခုတည်းအတွက်ရှင်သန်နေတာမဟုတ်ဘူး... ကိုယ် ရှင်သန် နေတဲ့ ဘဝရဲ့ တန်ဖိုးနဲ့ ရပ်တည် ချက်တွေကို ကောင်းကောင်း နားလည် စေချင် မိတယ်... လူထုဒေါ်အမာ

"မိန်းကလေးတိုင်းဖတ်ပါ ======================== မိန်းကလေးတိုင်း လှလှပပလေးနေပါ။ ပေါ့ပါးလွှတ်လပ်စွာ ဘဝ ကိုရှင်သန်နိုင်ဖို့ ဗဟုသုတ ရှိမယ့် စာတွေ ဖတ်ရမယ်။ ပြီးတော့ ကိုယ့်အားကိုယ်ကိုးပြီး အလုပ်လုပ်ပါ။ မိန်းကလေးဆိုတာ အလှအပ မက်တယ် ခန္ဓာကိုယ် အလှအပကြောင့် ဘဝ မလှတဲ့ အဖြစ်တော့ အမြဲသတိထား ပါ။ အရာခပ်သိမ်း စည်းကမ်းရှိရှိနေထိုင်ပါ။ ရှိတာလေးနဲ့ရောင့်ရဲတတ်ပြီး သန့်ရှင်းသပ်ရပ်စွာ လှလှပပနေတတ်ပါစေ။ သပ်ရပ် သန့်ရှင်းမူတွေ နဲ့ လှလှပပနေခြင်းက ကိုယ့်ကိုကိုယ် ယုံကြည်မူတိုးစေပါတယ်။ မိန်းကလေးဆိုတာ ဒီကမ္ဘာမြေကြီးရဲ့ မိခင်တွေဖြစ်လို့ အတတ်နိူင်ဆုံး အချိန်ပေးပြီး အသိပညာရစေမယ့် ခွန်အား ရှိစေမယ့် စာပေတွေကို အမြဲ ဖတ်ရူလေ့လာနေသင့်တယ်။ 𝗚𝗿𝗼𝘄 𝗨𝗽 ⏫ 𝗕𝗼𝗼𝗸 𝗦𝘁𝗼𝗿𝗲 𝗖𝗵𝗮𝗻𝗻𝗲𝗹 စာဖတ်တဲ့ မိန်းကလေး တစ်ယောက်ဟာ အမြဲတမ်း တက်တက်ကြွကြွနဲ့ လန်းဆန်းစေတယ် တည်ငြိမ်ရင့်ကျက်မူတွေကို ဘဝမှာပိုင်ဆိုင်ရစေတယ်။ စိတ်နှလုံးသား လှပပြီး သိမ်မွေ့နူးညံ့လာ စေတယ်။ ဘဝရဲ့ လောကဓံကိုပြုံးပြုံးလေးနဲ့ ရင်ဆိုင်နိူင်စေတယ်။ ကိုယ့်ကိုကိုယ် အားနွဲ့တဲ့ မိန်းမသားတစ်ယောက်နဲ့ မတူအောင်စိတ်ဓါတ်တွေလည်း ကြံခိုင်သန်မာလာ စေတယ်။ မိန်းကလေးဆိုတာ သနားကြင်နာတတ်တဲ့စိတ် ကိုယ်ချင်းစာနာစိတ်နဲ့ ကူညီတတ်တဲ့ စေတနာ ခွင့်လွှတ်နားလည်ပေးတတ်တဲ့ စိတ်သဘောထား ရိုးသားဖြုစင်တဲ့ နှလုံးသား ပိုင်ရှင်ဖြစ်နေဖို့လည်း အလွန်အရေးကြီးပါတယ်။ တခါတစ်လေ ဘဝမှာ အားနာတတ်တဲ့ လူနဲ့ ရိုးသားတဲ့လူတွေတွက် လက်ဆောင်အဖြစ် ဆုံးရှူံးမူ တွေရတတ်တယ် အခြေနေအရ ဘာကိုပဲစွန့်လွှတ်ရ စွန့်လွှတ်ရပါစေ ရိုးသားတဲ့ အကျင့်စာရိတ္တရယ် လှပတဲ့ အပြုံးတွေရယ် ကိုယ့်ကိုကိုယ် ယုံကြည်ချက်တွေရယ် ဘယ်တော့မှ မစွန့်လွှတ်မိပါစေနဲ့ အဲဒီအရာတွေက ဘဝ ကို လှပစေဖို့ ပံံ့ပိုးပေးနေတဲ့ ကိုယ်ရည်ကိုယ်သွေးတွေချည်းပါဘဲ။ အနာဂတ် ဘဝမှာ အလှတရားတွေ ပိုရှိလာစေမှာပါ။ မိန်းကလေးဆိုတာ ဘယ်လောက်ပဲပြည့်စုံချမ်းသာနေပါစေ တချို့ တချို့သောအရာတွေမှာ သူတပါးကို အားကိုးရရင် အားကိုးရမယ် မိမိကိုယ်မိမိယုံကြည်မှုမပျောက်ပါစေနဲ့။ အကောင်းဆုံးကတော့ မိမိကိုယ်ယုံကြည်မှုရှိပြီး သိက္ခာရှိရှိနဲ့ ကိုယ့်ကိုယ်ကို အားကိုးခြင်းပါပဲ။ ခက်ခဲမူနဲ့ကြုံတိုင်း  အတွေးများမယ် အတွေးအခေါ်ကစပြီး ပြုပြင်ပြောင်းလဲနိူင်ရမယ် အလုပ်တစ်ခုကို အာရုံစူးစိုက် လုပ်သင့်တယ်။ ကိုယ့် ခြေထောက်ပေါ် ကိုယ်ရပ်တည်နိူင်ရမယ်။ လောကကြီးမှာ ခေါင်းမော့ရင်ကော့ပြီးနေနိူင်ရမယ်။ ဘဝကိုပေါ့ပျက်ပျက်နဲ့ လုံးဝ မနေပါနဲ့ ကိုယ့်ဘဝကို ပဲ့ကိုင်ထိန်းကျောင်းနိုင်တဲ့ မိန်းကလေးတစ်ယောက် ဖြစ်ကိုဖြစ်ရမယ်ဆိုတဲ့စိတ်နဲ့ ကြိုးစားပြီး နေထိုင်ပါ။ ရိုးရှင်းပြီးအိန္ဒြေရှိစွာ မိမိကိုယ်ကိုယုံကြည်မှုရှိပါစေ။ ဒါကြောင့် စာပေ ဗဟုသုတရှိဖို့ စာများများဖတ်ပါ။ 𝗚𝗿𝗼𝘄 𝗨𝗽 ⏫ စာအုပ်ကောင်းများ 𝗖𝗵𝗮𝗻𝗻𝗲𝗹 မိန်းကလေးတစ်ယောက်က ဆင်းရဲတဲ့ ဘဝကိုကြောက်တာမဟုတ်ဘူး ပိုက်ဆံတွေက လူ စကားမပြောပေမယ့် လူ တွေကတော့ ပိုက်ဆံစကားတွေပြောပြီး အဆင့်တန်းတွေ ခွဲခြား အထင်သေးတဲ့ အကြည့်တွေနဲ့ နိမ်တတ်တဲ့ လူ တွေရဲ့ အကြည့် အောက်မှာ မျက်နှာငယ်ပြီး မနေနိုင်လို့ပဲ။ အဲလိုမျိုး မျက်နှာငယ်ပြီး လုံးဝမနေလိုက်ပါနဲ့။ ဒါကြောင့် ခွန်အားဖြစ်စေဖို့ စာဖတ်ပါ။ ခေါင်းမော့ ရင်ကော့ထားပါ။ မာန်မာနတော့မထားနဲ့ မာနနဲ့ခွန်အားကွဲပြားသိပါစေ။ ဘဝကို ဘယ်တော့မှအရှုံးမပေးလိုက်ပါနဲ့။ မိန်းမတစ်ယောက်ရဲ့ အရည်အချင်း မိန်းမတစ်ယောက်ရဲ့ ကိုယ့်ကျင့်တရားနဲ့ တန်ဖိုး မိန်းမတစ်ယောက်ရဲ့ စည်းကမ်းနဲ့ သိက္ခာ ရှိခြင်း မိန်းမတစ်ယောက်ရဲ့ အလှဆုံးအပြုံးနဲ့တည်ငြိမ်မှု မိန်းမတယောက်ရဲ့ စွမ်းဆောင်ရည် ဒါတွေအားလုံး တနေ့ကျရင်အတောက်ပဆုံးနဲ့အကောင်းဆုံး ပတ္တမြားတပွင့်စိန်တစ်ပွင့် ဖြစ်လာစေရမယ် ။ ငွေရောင်လက်ပတ် နာရီတွေကြားက တောက်ပြောင်နေတဲ့ ရွှေရောင်နာရီလေး ဖြစ်လာစေရမယ်။ ရောင်စုံပန်းတွေကြားက အနံအသင်းဆုံး တော်ဝင် သဇင်ပန်းလေး ဖြစ်စေရမယ်။ ဒီလိုမျိုးယုံကြည်မူ အပြည့်ထားပြီး ကြိုးစားပါ။ လောကကြီးရဲ့ နတ်သမီးလေးတွေရေ.. မိမိတို့ရဲ့ဘဝကို စာဖတ်ခြင်းဖြင့်မိတ်ဆွေဖွဲ့ပါ ဗဟုသုတ ပညာရှာပြီး စိတ်ခွန်အားတွေ မွေးပါ စာအုပ်စာပေ တွေနဲ့ အဖော်ပြုပါ။ နူးညံ့သိမ်မွေ့ပြီး အိန္ဒြေရှင် ထက်မြက်သော ဉီးဆောင်နိုင်သော အာဂမိန်းမများဖြစ်ကြပါစေ။ ပျော်ရွှင်ချမ်းမြေ့ကြ ပါစေ

ဘွဲ့ရ နှင့် ငါးစိမ်းသည် ••••••••••••••••••••••••• ယနေ့မနက် ငါးကြော်လေးစားချင်လာသဖြင့် ဈေးထဲကို ငါးဝယ်ရန်ရောက်လာသည်။ ကျွန်တော် ဝယ်နေကျ ငါးဆိုင်ရှိသည်။ ငါးကြင်းတစ်မျိုးတည်းရောင်းပြီး ဖော်ရွေသည်။ ဝယ်သူအကြိုက် မညည်းမညူ လုပ်ပေးလေ့ရှိ သည်။ ငါးရောင်းသူကို ငါးစိမ်းသည်ဟု ခေါ်ကြသည်။ ငါးစိမ်းသည်ဆိုသည်မှာ စွာတာတာ၊ ကက်ကက်လန်၊ မိုက်ရိုင်းသည်ဟု ထင်လျှင် ကျွန်တော်ငါးဝယ်သည့်ဆိုင်မှ “မရွှေ” ကိုခေါ်ပြချင်ပါသည်။ “ဦးလေး မရောက်တာကြာပြီ ... ဘာလဲ ဆိုင်ဟင်းကိုမုန်းလို့ ရောက်လာတာလား” “မဟုတ်ပါဘူး ... ခရီးထွက်တာတွေ များနေလို့” “ငါးကြင်းဖြူ ဗိုက်သားလေးနဲ့တွဲထားတဲ့အပိုင်း ချိန်လိုက်မယ်နော်” “အစိတ်သားလောက်ပဲနော်” “၃၅ ကျပ်သားရှိတယ် ဦးလေးရယ် ... ၃၀ သားဖိုးပဲပေး” “အေး ... အေး ခုတ်လိုက်” ငါးဝယ်လျှင်အပိုဆောင်းအဖြစ် ကြော်နိုင်သည့် အတုံးလောက်ဖြစ်စေရန် ခုတ်ထစ်ပေးသည်။ အကြေးထိုးပေး သည်။ ရေဆေးပေးသည်။ အိမ်ရောက်လျှင်တန်းကြော်ရုံသာဖြစ်သည်။ ငါးဝယ်ပြီးနောက် ငါးဆိုင်ရှေ့ရှိ လက်ဖက်ရည်ဆိုင်တွင် ကျွန်တော်ထိုင်သည်။ ထိုဆိုင်တွင် ခေါက်ဆွဲသုပ်ကောင်း သည်။ အကြော်လည်းရသည်။ ခေါက်ဆွဲသုပ်မှာပြီး ရေနွေးကြမ်းသောက်နေစဉ် မရွှေဆိုင်ကို အမျိုးသမီးကြီး တစ်ယောက် ဝင်လာသည်။ သူ့နောက်တွင် ဆွဲခြင်းဆွဲသော ကလေးတစ်ယောက်လည်း ပါလာသည်။ ပထမ ငါးမေးသည် ... အထက်စီး ဒုတိယဈေးဆစ်သည် ... အကြိတ်အနယ် တတိယအပိုတောင်းသည် ... ကလေးမုန့်ဖိုးတောင်းသလို ဤအထိ ပြဿနာမရှိ။ မရွှေက စိတ်ရှည်သည် “ငါးခုတ်ပေး” “ကြော်တုံးလား ... ချက်တုံးလား" “ငါပြောတဲ့အတိုင်းခုတ်” ငါးရောင်းသူက အကြေးထိုးပေးသည်။ အူနုတ်ပေးသည်။ ခုတ်ပေးသည်။ “ဒီအတုံးကို နှစ်တုံးပြန်ခုတ်” “အမြီးပိုင်းကို ထက်ဝက်ခြမ်း” “ခေါင်းကိုထက်ခြမ်းပဲခုတ်လေ” “နေဦး ... နေဦး ... ဒီအပိုင်း မကြိုက်ဘူး ... ဟိုတစ်ပိုင်းခုတ်ပြီး လဲပေး” ကျွန်တော်က ဈေးဝယ်သူ၏ စီးပိုးလှသော အပြောနှင့် ခိုင်းစေချက်များကို ကြည့်နေမိသည်။ ကိုယ့်ရှေ့လာချသည့် ခေါက်ဆွဲကိုပင် မစားမိ။ “အစ်မရယ် ... ဒီတစ်ကောင်ဝယ်ရင် ဒီတစ်ကောင်က အပိုင်းကိုပဲရမှာပေါ့ ... ဟိုအပိုင်းသွားလဲပေးလို့ မရပါဘူး” “အတူတူပဲဟာ ... ဘာကြာလို့လဲ” “ကွာတယ်လေအစ်မ ... ဒါက ငါးကြင်းဖြူ” “ကွာကွာ ... မကွာကွာအေ ... လဲပေးမလား ... မလဲပေးဘူးလား” “အစ်မရယ် ... မဖြစ်နိုင်တာကို မပြောပါနဲ့ မရပါဘူး” “ဟိုအတုံးကို ဒီအထဲထည့် ဒီတစ်တုံးကို ဟိုပြန်ထည့် ဘာဖြစ်လို့မရတာလဲ" “အမျိုးအစား မတူဘူး အစ်မရယ် ... ဈေးလည်းမတူဘူး” “ဘာဖြစ်ဖြစ်အေ ထည့်လိုက်ပါ” “မရပါဘူးအစ်မရယ်” “ညည်းတို့ ငါးစိမ်းသည်တွေဟာလေ လက်ပေါက်ကိုကပ်တယ် ... ငါကလည်း အဆင့်မရှိတာနဲ့မှ ဖက်ပြောမိတာ မှားပါတယ်” “အဲသည်လို မပြောပါနဲ့ အစ်မကြီးရယ် ... လူတိုင်း သူ့အဆင့်နဲ့သူတော့ ရှိပါတယ်” “ညည်းအဆင့် ဘယ်လောက်ရှိလဲ ... ငါက ဘွဲ့ရပြီးပြီ” “အစ်မ ... နောက်လူတွေ ရောင်းရဦးမယ်နော် ... ဒီမှာ ၂၆၅၀ ကျပါတယ်” 𝗚𝗿𝗼𝘄 𝗨𝗽 ⏫ စာအုပ်ကောင်းများ 𝗖𝗵𝗮𝗻𝗻𝗲𝗹 𝗚𝗿𝗼𝘄 𝗨𝗽 ⏫ 𝗕𝗼𝗼𝗸 𝗦𝘁𝗼𝗿𝗲 𝗖𝗵𝗮𝗻𝗻𝗲𝗹 “ရော့ ၃၀၀၀” မရွှေက ပိုငွေကို ပြန်အမ်းလိုက်သည်။ အမျိုးသမီးက ပြန်အမ်းငွေကို လက်နှင့်မကိုင် ရွံသလို မျက်နှာထားဖြင့် “ဟဲ့ ... တူးတူး ယူလိုက်စမ်း” ဟုပြောလိုက်သည်။ သူ့နောက်က ကောင်မလေးက ပိုက်ဆံနှင့် ငါးထုပ်ကို ယူလိုက်သည်။ အမျိုးသမီးက “ရွံလိုက်တာ” ဟုပြောကာထွက်သွားသည်။ ကျွန်တော်ကထင်နေသည်မှာ မရွှေ ပွဲကြမ်းလိမ့်မည်ဟု ထင်နေသည်။ သို့သော် ငါးရောင်းသည့်မရွှေက ပြုံးနေသည်။ ကျွန်တော် အံ့ဩသွားမိသည်။ ရုပ်ရှင်တွေထဲမှာဆိုလျှင် ပွဲကြမ်းပြီ။ အပြင်တွင် အမှန်တကယ်တွေ့ နေရသည်က ပြောင်းပြန်ဖြစ်နေသည်။ ကားစီးလာသည့် ဘွဲ့ရဆိုသော အမျိုးသမီးက ကက်ကက်လန်၊ မတူမတန်သလိုအော်ဟစ် ပြောဆိုနေချိန်တွင် ငါးရောင်းသည့် ငါးစိမ်းသည် မရွှေက ယဉ်ကျေးလိမ္မာ အေးဆေးစွာ တုံ့ပြန်နေသည်။ ဘွဲ့ဆိုတာ အဆင့်လား ဘွဲ့ရထားသည်နှင့် အဆင့်တစ်ခုကိုရောက်သွားသည်တော့ မှန်ကောင်းမှန်မည်။ သို့သော် ငါးစိမ်းတန်းတွင် ဂုဏ်ထုတ်ဖော်ကာ ရိုင်းစိုင်းတင်စီးပြသည်မှာ ဘွဲ့ရအဆင့်လား။ မရွှေ ဘယ်နှတန်းအောင်သည်မသိ။ လက်ထဲတွင် လက်ကောက်တွေ နှစ်ဖက်စလုံး ပြည့်နေအောင် ဝတ်ထား သည်။ လည်ပင်းတွင်လည်း လက်မလုံးလောက်ဆွဲကြိုးကြီး ဆွဲထားသည်။ သူဂုဏ်မောက်မည်ဆိုလျှင် မောက်နိုင်သည်။ သို့သော် ကိုယ့်ဖောက်သည်ကို ရိုသေလေးစားစွာ ဆက်ဆံသည်။ ပြန်ပြီးရန်မတွေ့။ မရွှေ ရန်တွေ့တတ်ကောင်း တွေ့တတ်မည်။ သို့သော် ပညာတတ် ဘွဲ့ရဆိုသူက သူ့ကို ကက်ကက်လန်ရန်တွေ့သွားစေ သူကပြန်ပြီး ရန်မတွေ့။ မရွှေသည်တကယ့်ပညာတတ်တစ်ယောက်။ သို့သော် ငါးရောင်းနေသည်။

အဖေသူဌေး၏စီးပွားရေးလုပ်ငန်းသင်ကျောင်း #GrowUp

ကိုယ့်ကိုယ်ကိုယ်ကိုးကွယ် #GrowUp