حزّة قصّيد

يامصلي الفجر ابشرك بالخير الكثير ‏صل وابشر بالفرج والسعاده والنجاه ‏وست ولا سبع في ثلث الليل ‏نور في وجه الفتى بين ربعه وزملاه مصلح بن عياد

‏لاتحسف لعنبو جد الحسايف ‏الزمان بخير و الدنيا مديه ‏دامك معافى وجو اليوم كايف ‏لا تضيع بغبة النفس الشقيه ‏لو منت بكفو ماجتك الكلايف ‏القوي دايم صواديفه قويه

لا يأخذك كثر الحسايف على شي ‏الرزق بيد الله مثل ما انت شايف ‏دامك بخيـر وتاكل وتشرب وحي ‏ ما في شي يستـحق الحسايـف بن جدلان .

فيـه امور مايجـوز العـذر فيها والتغاضي ‏لا وصلنا عندها حطيت قلبي تحت رجلي ‏ عناد الشيباني

الشمس ما عاد تذكر حبنا زين من بعد ما كان يبدا فيك يومي كان الصباح افضل الاوقات والحين خربت طبعك وانا خربت نوميي -مزيد الوسمي-

-

‏ياجميله قام يطوي الحال طاوي ‏والله إن كبدي على شوفك غليله ‏سجّليني في علم حبك فداوي ‏أنا مجنونك عقب مجنون ليلى ‏يارقبة الخشف ياعين النداوي ‏ياسراجيف الذلول المستحيله ‏يامناة تنقصر عنها المناوي ‏ياخيار الدهم يالقبّ الأصيله

‏اقبل يحرك خطوة الرِجل برفوق ‏والقاع لمصافح خطاه يتشوّق ‏مخلوق لكنّه ماهوب اي مخلوق ‏على بنات آدم وحووى تفوّق ‏عليه لبس ٍ يجمع الوسع والضوق ‏موسع ٍ بعضه وبعضه مضوّق ‏مر وتعدا مابدا منه منطوق ‏الا انه بجيش المفاتن مطوق ‏مدام لامعوق ولاصايبه عوق ‏وراه يمشي مثل مشي المعوق لافي الغيداني .

‏أنت سر . . من أسرار الحيـاه الجميـله ‏ما يسولف به العاقل على أغلى اخوانه ‏وأنت غايـه ولا لي غيـر وصلك وسيـله ‏ وحلمٍ أرجيه وأصبر عمر كامل عشانه ‏ سلطان بن بتلاء

انا من كثر ما احبها ما استخرت الله اخاف استخير وخيرتي ما هيب معها -مبارك المطرباني-

@ta_183 امتعونا بذائقتكم الشعرية .

-

انتهت فقرتنا لهذا اليوم شكرا لكم على تفاعلكم ❣️

واعلـم بـأن العمـر ينقـص ما يـزود ‏ واللي يفوتك منه صعب ترجعه ‏لا تنـظر لماضيـك . . لانـه ما يعـود ‏ فكر بحاضرك الجديد وسنعه ‏ سعد بن جدلان

انظر لها نظـرة اللي .. ما يواطنها ‏ماكنها أول طموحي وآخر أمالي ‏ فلاح القرقاح

الربـا في الحـب ماهـوب عيـب ولا حـرام ‏ لا عطيتك حب وإحساس رجعها دبل ‏ عناد الشيباني

يبين لك انه هادي وخاطره مسرور ‏وهو والله انه يزعجه صوت مسباحه ‏شجاعٍ حذف لك بندقه والرصــاص يثور ‏ولا تذبـحينه عقب ما سلم سلاحه . صالح النشيرا

اقبـلي مثـل التبـاشر . . في وجـه الكريـم ‏ وارحلي مثل التعازي على موت الشجاع ‏ ضيدان بن قضعان

في معزلٍ عن جميع الخلق وإزعاجه ‏ما اسمع من الناس لو تكثر لجالجها ‏ماغير اهوجس تقول مضيعٍ حاجة ‏واخذ واسند على روحي واهرجها عبدالله بن عون

‏لا تزعـل الدنيـا ولا تزعـلك يالظـبي العفـر ‏ ان كان ماجازت لك الدنيا ندور غيرها ‏ مدغم ابوشيبه