SHYRAQ DUB | ҚАЗАҚША ДЫБЫСТАМА

Арнада 7-бөлімнің шықпау себебі — ғаламтор желісіне байланысты кеш шықты . 🥲Сондықтан алдын ала кешірім сұраймыз. ❤️

Сипаттама: Егер сүйікті заттарымызға жанымыздың бір бөлшегін салсақ, қоқысқа тасталған керексіз заттарға не болады?» Рудо тұратын жерде қоқысты — қала шетіндегі шексіз құрдымға лақтырады. Сол құрдымға тек қоқыс емес, қылмыскерлер де тасталады, ал олармен байланысы бар адамдарды кедейлердің тұратын шет аймақтарға қуып жібереді. Рудо да дәл сол жерде өмір сүрді — оған «қатыгез қылмыскердің баласы» деген таңба тағылған. Бірақ бәрі өзгере бастайды: бір күні оны асырап алған әкесі Регто өлтірілді деп айыптап, Рудоны өзі ештеңе түсінбей жатып-ақ, қоқыс құрдымына тастап жібереді. Қай жерде екендігін түсінбей, көзін ашқанда Рудо өзін көз ұшына дейін созылып жатқан алып қоқыс алаңында табады. Сол сәтте ол бұрын өзі өмір сүрген қала — аспандағы арал екенін, ал бұл қоқыс шұңқыры — шынайы жер беті екенін ұғады. Егер тірі қалар болса, уланған ауа оны бәрібір өлтіретін еді. Бірақ кенеттен оны тіріліп кеткен қоқыс үйіндісі шабуылдап, өліммен бетпе-бет келтіреді. Енді Рудо шынайы ақиқатты — өзінің кім екенін және бұл әлемнің қандай болмысқа ие екенін — білмек. Ол тірі қалса, әрине. Ал егер аман қалса, онда өлместен бұрын Регто айтқан соңғы өтінішті орындауға, яғни — бұл шірік әлемді өзгертуге бел байлайды.

Сипаттама: Халық аз қоныстанған аралда тұйық мінезді Хана Харуяма өмір сүреді. Ол әртүрлі хикаяларды оқуды ерекше жақсы көреді. Бір күні теледидардан бір қыздың әсерлі түрде шығарма оқығанын көріп, Хана дәл сол сәттен бастап жаңа әрі қызықты хобби тауып алады. Сол күннен бастап ол жағалауға барып, жергілікті балаларды жинап алып, оларға оқыған әңгімелерін шабытпен айтып беріп жүреді. Балалар болса, оны ұйып тыңдайды. Күндердің бір күнінде жағалаудағы оқиғаны мектеп радиосының жетекшісі — Мидзуки Усурай байқап қалады. Хананың кейіпкерлердің эмоцияларын соншалықты нәзік жеткізуі мен оқиғаның атмосферасын дәл беруі Мидзукиді таңғалдырды. Ол Хананы мектеп радиосына шақырып, өзінің талантын көпшілікке көрсетуге мүмкіндік ұсынады. Бірақ Хана өте ұялшақ болғандықтан, үлкен аудитория алдында сөйлеуден қатты қорқады. Сонда да Мидзуки оған бұл қорқынышын жеңуге көмектесуге бел буады, әрі шеберлігін шыңдауға қол ұшын бермек. Хана бұл ерекше ұсынысқа келіседі, себебі ол бала күнінен теледидардағы сол танымал қыз сияқты болуды армандаған еді. Уақыт өте келе Хананың арманына жету жолында тек Мидзуки ғана емес, бүкіл радио ұжымы қолдау көрсететін болады.