Diniy Testlar | Hadislar 📖📚 | Namoz vaqtlari

Шайтон унга яқинлаша олмайди Абу Зарр розияллоҳу анҳудан ривоят қилинади: Расулуллоҳ соллаллоҳу алайҳи васаллам айтдилар: «Ким бомдод намозидан сўнг бир гап гапиришидан олдин: لاَ إِلَهَ إِلاَّ اللهُ وَحْدَهُ لاَ شَرِيكَ لَهُ، لَهُ الْمُلْكُ وَلَهُ الحَمْدُ يُحْيِي وَيُمِيتُ وَهُوَ عَلَى كُلِّ شَيْءٍ قَدِيرٌ «Лаа илаҳа иллаллоҳу ваҳдаҳу лаа шарийка лаҳ, лаҳул мулку ва лаҳул ҳамду йуҳйии ва йумийту ва ҳува ъалаа кулли шай`ин қодийр», деб ўн марта айтса, у кишига ўнта яхшилик ёзилиб, ўнта ёмонлик ўчирилади ва ўнта даражага кўтарилади. Шу кунида ёмон кўрган нарсасидан сақланади. Шайтон унга яқинлаша олмайди. Шу куни бирорта ҳам гуноҳ қилишга йўлиқмайди. Фақат Аллоҳга ширк бундан мустасно». Имом Термизий ривоятлари.

Assalomu alaykum va rohmatullohi va barokatuh,  Bugun haftaning Chorshanba kuni  11-Iyun  2024-yil,   15-Zulhijja oyi 1446-Xijriy Yil. ═════☁️☁️☀️☁️☁️═════ 🍂🌹 Boshlayotgan kuningiz, xayrli-barokatli oʻtsin! 🍂🌹 Barcha duolaringizni Alloh taolo qabul qilsin! 🍂🌹 Rizqingiz keng, har bir bosgan qadamingiz tavfiq, tavbalaringiz qabul, duolaringiz ijobat boʻlsin! Allohni panohida boʻling! 🤲

لاَ إِلَهَ إِلاَّ اللهُ العَظِيمُ الحَلِيمُ، لاَ إِلَهَ إِلاَّ اللهُ رَبُّ العَرْشِ العَظِيمِ، لاَ إِلَهَ إِلاَّ اللهُ رَبُّ السَّمَوَاتِ، وَرَبُّ الأَرْضِ، رَبُّ العَرْشِ الكَرِيم Зикрнинг маъноси: «Ҳалим ва улуғ Аллоҳдан бошқа илоҳ йўқ. Улуғ аршнинг рабби бўлган Аллоҳдан бошқа илоҳ йўқ. Мукаррам аршнинг ва еру осмонларнинг рабби бўлган Аллоҳдан бошқа илоҳ йўқ». Ибн Аббосдан розияллоҳу анҳумодан ривоят қилинади: «Расулуллоҳ соллаллоҳу алайҳи васаллам маҳзунликда: «Лаа илаҳа иллаллоҳул ъазиймул ҳалийм, Лаа илаҳа иллаллоҳу роббул ъаршил ъазийм, Лаа илаҳа иллаллоҳу роббус самавати ва роббул арди роббул ъаршил карийм», деб айтардилар. Саккиз нарсага диққат қилган киши аввалгилар ва кейингиларнинг илмига эришган бўлади. Булар - тўрт пайтда тўрт нарсани қўриқламоқ, икки нарсани эсдан чиқармаслик, икки нарсани батамом унутмоқдир. Қўриқланадиган нарсалар: намозда кўнгилни, халқ орасида тилни, еб-ичаётганда томоқни, бировнинг уйига кирилганда у ёқ-бу ёққа қарамаслик (кўзни асраш)дир. Эсдан ҳеч қачон чиқарилмайдиган нарсалар: Аллоҳ таолонинг буюклиги ва ўлим ҳақ эканлигидир. Унутилиши лозим нарсалар эса: бировга қилинган яхшилик ва ўзига қилинган ёмонликдир. Луқмони Ҳаким

Bugun haftaning Dushanba kuni  9-Iyun  2024-yil,   13-Zulhijja oyi 1446-Xijriy Yil. ═════☁️☁️☀️☁️☁️═════ 🍂🌹 Boshlayotgan kuningiz, xayrli-barokatli oʻtsin! 🍂🌹 Barcha duolaringizni Alloh taolo qabul qilsin! 🍂🌹 Rizqingiz keng, har bir bosgan qadamingiz tavfiq, tavbalaringiz qabul, duolaringiz ijobat boʻlsin! Allohni panohida boʻling! 🤲

Ассалому алайкум ва роҳматуллоҳи ва барокатуҳ! Тонг отаётган вақтда бир унга боқинг! Унда гўзаллик, буюклик ва ёришиш манзараси бўлиб, сизга орзу ва яхши гумон қилиш эшикларини очади. Яшаётган ҳар бир кунингиз Аллоҳнинг сизга ҳадясидир. Сиз у ҳадяни ўтган кунларга ҳасрату надомат, келажакка нисбатан безовталик билан зое қилманг! Нима бўлса ҳам “Аллоҳга таваккул қилдим” деб айтинг!

Муҳаммад (с.а.в)нинг замонавий илмда исботини топган 10 та одатлари Муқаддас Ислом дини анъаналарига кўра, пайғамбаримиз Муҳаммад алайҳиссалом Яратганнинг ҳабиби, севгилиси, яратилган бутун инсониятнинг ва бошқа махлуқотнинг ҳар тарафлама энг юксагидир. Пайғамбаримиз (алайҳиссалом)нинг одатлари, айтган сўзлари ва етказган хабарларига асрлар оша мусулмон халқлари томонидан турмуш тарзининг муҳим қоидалари, намунаси сифатида амал қилиб келинмоқда. Бу амаллар инсонларга нафақат маънавий-ахлоқий, шунингдек жисмоний наф келтирмоқдаки, уларнинг соғлик ва саломатлигимиздаги ўрни халқаро илм аҳли, замонамизнинг етук олимлари томонидан ҳайрат билан эътироф этилмоқда. Қуйида эътиборингизга Пайғамбаримиз (алайҳиссалом)нинг илм-фан эътироф этган 10 та фазилат ва одатларини баён қиламиз. 📕 Эрта турмоқлик: Пайғамбаримиз (алайҳиссалом) эрта ётиб, азонда, Бомдод намози вақтида уйғонишни одат қилганлар. Бугунги илм ҳам эрта туриш кун ва ҳаётнинг самарали ўтишини, бу инсонни руҳий ва жисмоний саломатлигига фойдали эканини эътироф этди. Ҳар куни 15 дақиқа олдин уйғониш ҳам бир ойда анча-мунча фойдали иш билан машғул бўлиш учун замин яратади. 📕 Камроқ емоқлик: "Одам фарзандлари орасида ўз ошқозонини тўлдиришдан ҳам ёмонроқ одат йўқ. Одам болаларининг тирик қолишлари учун бир неча бўлак озуқа кифоя қилади. Ўз таомининг учдан бири, ичимлигининг учдан бири ва олаётган нафасининг учдан бирига ҳам қаноат қилса бўлади." (Имом Термизий ривояти) Кам таом истеъмол қилиш касаллик ва бетобликдан халос бўлишнинг энг яхши йўл эканлиги Пайғамбаримиз (алайҳиссалом) томонидан кўп айтилган ва бунга амал қилинган. Бу қараш эса яқинда ҳам илм томонидан исботланган. Хусусан япониялик олимлар узоқ яшаш учун жуда тўйиб овқатланмаслик, тўйганлик даражаси 80 фоиздан ошмаслигини айтишади. 📕 Секин овқатланмоқлик: Бугунги илм инсон миясига тўйганлиги ҳақида хабар овқатлангач 20 дақиқадан сўнг келишини айтади. Пайғамбаримиз (алайҳиссалом) ҳам шошмасдан овқатланишни одат қилганлар. Бу эса танага овқатни яхши ҳазм қилиш, камроқ таом истеъмол қилиб, ортиқча бадҳазмликларнинг олдини олишга хизмат қилган. Пайғамбаримиз (алайҳиссалом) бу одатни бошқаларга ҳам кўп маротаба тавсия қилганлар. 📕 Таомни бошқаларга ҳам илинмоқлик Бу одат фазилатларнинг энг гўзали экани, шубҳасиздир. "Якка-ёлғиз эмас, жам бўлиб, биргаликда овқатланишни одат қилинг." (Имом Термизий) Пайғамбаримиз (алайҳиссалом) барчани таомни бошқаларга ҳам илинишга чақирганлар. Бугунги илмнинг эътироф этишича, қўни-қўшни ва атрофдагиларга таом улашмоқлик инсонни тушкунлик ҳолатидан фориғ қилар, оилавий ҳамда ўзаро муносабатларни мустаҳкамлар экан. Айниқса, ота-оналарнинг фарзандлари билан бир дастурхон атрофида ўтириб овқатланиши жуда фойдали тарбия воситаси экан. 📕 Сувни кам-кам ичмоқлик: "Туя мисоли сувнинг борини бир ҳўплашда ичманг. Сувни шошмасдан, 2-3 қултумда ичинг. Сувни ичишдан аввал бисмиллоҳ деб, ичаётган чоғингизда Аллоҳга шукур қилинг. Сувни ичиб бўлгач, Алҳамдулиллаҳ дейишга одатланинг." (Имом Термизий ривояти) Бугунги илмнинг айтишича, бир вақтнинг ёки қисқа вақт ичида кўп сув ичиш танада бош оғриғи, қон босими мувозанатининг бузилиши, бош айланишини келтириб чиқаради. Шу сабабли, сувни шошмасдан ва кам-кам ичишга одатланинг. 📕 Анор истеъмол қилмоқлик: "Анор ва унинг пўстлоғи овқат ҳазм қилишни яхшилайди." (Абу Нуайм ривояти) Анорнинг фойдали хусусиятлари Пайғамбаримиз (алайҳиссалом)нинг тавсияларидан сўнг бир неча асрлар ўтиб илмда ҳам исботини топди. Бир муддат аввал замона олимлари анорни сайёрамиздаги энг фойдали мева дея эътироф этишди. Айниқса, юрак фаолиятида унинг нафи жуда кўп. Анор таркибида 15 турдаги аминокислота учрайди ва шундан 5 таси бошқа жойда учрамайдиган аминокислоталар ҳисобланади. Шунингдек ушбу мева К, C, Б9 ва Б6 витаминларига ҳамда калий, асал, марганетс ва фосфор минералларига жуда бой.

Салавот айтишнинг фазилати Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи васаллам: «Ким менга битта салавот айтса, Аллоҳ таоло унга ўнта салавот айтади», дедилар. Имом Муслим ривоятлари.

Бахт-саодат эшигининг энг улуғи ота-онанинг қилган дуоси ва уларнинг сиздан розилигидир. Уларнинг дуолари сизга етадиган бало-офатлардан сақловчи қўрғон бўлса, розилиги жаннатингиздир. Уларга яхшилик қилишни ғанимат билинг. •┈┈┈┈•❈••✾••❈•┈┈┈┈•

Бу дунёда жаннат эшиклари очиладиган вақтлар Абу Ҳурайра розийаллоҳу анҳу ривоят қилади: «Расулуллоҳ дедилар: “Душанба ва пайшанба кунлари жаннат эшиклари очилади. Аллоҳга бирор нарсани шерик қилмаган ҳамма банданинг гуноҳи кечирилади. Факдт ораларида ғазаб ва нафрат бўлган кишилар қолади. Фаришталарга: “Бу иккисини уч кунгача ярашишларини кутиб туринглар!” деб айтилади (Муслим ривояти).Шунинг учун шариатимизда уч кундан ортиқ аразлашиб юриш тақиқланган. Абу Айюб Ансорий ривоят қилган ҳадиси шарифда Расулуллоҳ (алайҳиссалом): «Мусулмон ўз биродари билан уч кундан ортиқ алоқани узиши ҳалол бўлмайди. Учрашиб қолишса, бир-бирларидан юз ўгиришади. (Ҳолбуки) Уларнинг яхшилари олдин салом берганларидир», деганлар (Муттафақун алайҳ). Бошқа ҳадисда Расулуллоҳ (алайҳиссалом): “Садақа қилиш билан мол камаймайди, ким кечиримли бўлса, Аллоҳ уни азиз қилади, ким Аллоҳ учун камтар бўлса, Аллоҳ унинг даражасини юқори қилади”, деганлар (Муслим ривояти). Турли сабабларга кўра оралари бузилган одамларни яраштириш учун ҳатто ёлғон гапиришга ҳам динимизда рухсат берилиши кечиримли ва бир-биримизга муҳаббатли бўлишимиз лозимлигини билдиради. Абу Ҳурайра (розийаллоҳу анҳу) ривоят қилади: «Расулуллоҳ (алайҳиссалом) дедилар: “Агар рамазон ойи келса, жаннат эшиклари очилади, жаҳаннам эшиклари беркитилиб, шайтонлар занжирбанд қилинади” (Муттафақун алайҳ). Умар ибн Хаттоб (розийаллоҳу анҳу) ривоят қилади: Расулуллоҳ (алайҳиссалом): «Сизлардан қайси бирингиз таҳоратни мукаммал қилиб, сўнгра: “Ашҳаду алла илаҳа иллаллоҳу ва ашҳаду анна Муҳаммадан ъабдуҳу ва росулуҳу” деса, унинг учун жаннатнинг саккиз эшиги очилади ва у хоҳлаганидан киради”, дедилар (Муслим ривояти).

Бир дақиқада гуноҳлар тоғини савоблар тоғига алмаштириш. Билингки, инсоннинг ширк, куфр ва бошқа гуноҳи кабиралардан тавба қилиши учун бир дақиқа ёки бир лаҳза кифоя қилади. Лекин бу Аллоҳ таоло тавфиқ берганларга насиб этади. Ким гуноҳларига чин дилдан тавба қилса, гарчи улар осмон қадар етса ҳам Аллоҳ таоло унинг гуноҳларини кечиради. Астойдил тавба қилган инсоннинг ёмонликлари яхшиликка айлантирилиши ҳам мумкин. Уламолар айтадилар: “Тавба совунга ўхшайди. Совун кирларни кетказгандек, тавба ҳам ботиний кирлар, яъни гуноҳларни кетказади”. Ибн Касир роҳимаҳуллоҳ айтади: “Албатта, ўтган гуноҳлар насуҳ (ҳақиқий) тавба ила яхшиликларга айланади. Бу шундай бўладики, ҳар сафар ўтган ишларини эсласа, надомат қилиб, истиржоъ (мусибат пайтида айтиладиган - “Инна лиллааҳи ва иннаа илайҳи рожиъун (Албатта, биз Аллоҳникимиз ва, албатта, Унинг ҳузурига қайтгувчилармиз) дейиш ва истиғфор айтиши лозим. (Агар шундай қилса,) ушбу эътибордан гуноҳ тоатга айланади". Имом Қуртубий роҳимаҳуллоҳ: "Агар банданинг тавбаси саҳиҳ (тўғри, ҳақиқий) бўлса, ҳар бир ёмонлик ўрнига яхшилик қўйиб  қуйиш Аллоҳ таоло карамидан йироқ эмас", деган. Далил: Аллоҳ таоло айтади: “Улар Аллоҳга қўшиб, бошқа “илоҳ”га илтижо қилмаслар ва Аллоҳ ўлдиришни ман этган жонни ноҳақ ўлдирмаслар ҳамда зино қилмаслар. Ким мана шу (гуноҳлар)ни (иймонсиз ҳолда) қилса, гуноҳга (уқубатга) учрар, қиёмат кунида унга азоб бир неча баробар зиёда қилинур ва у жойда хорланган ҳолида мангу қолур. Илло, кимки (шу дунёда) тавба қилса ва иймон келтириб, яхши амал қилса, бас, Аллоҳ ана ўшаларнинг ёмонлик (гуноҳ)ларини яхшилик (савоб)ларга айлантириб қуяр. Аллоҳ мағфиратли ва раҳмли Зотдир” (Фурқон сураси, 68-70-оятлар), Имом Ғаззолий айтади: “Айбларни ёпувчи, ғайбларни билувчи Зотга қайтиш орқали гуноҳлардан тавба қилиш солиҳлар йўлининг ибтидоси, ҳақ йўлни ирода қилганларнинг илк  қадамлари бўлиб, бобомиз Одам алайҳиссалом бу йўлга дастлаб  қадам қўйганлардандир. Ота-боболарга эргашиш фарзандларга нақадар муносиб иш!” «Фазилатли амаллар» китобидан.

Калимаи тамжид (улуғлаш калимаси) سُبْحَانَ اللهِ، وَالْحَمْدُ لِلَّهِ، وَلَا إِلَهَ إِلَّا اللهُ، وَاللهُ أَكْبَرُ، وَلَا حَوْلَ وَلَا قُوَّةَ إِلَّا بِاللهِ الْعَلِيِّ الْعَظِيمِ، مَا شَاءَ اللهُ كَانَ، وَمَا لَمْ يَشَأْ لَمْ يَكُنْ Калиманинг маъноси: «Аллоҳнинг айбу нуқсони йўқ ва мақтов Аллоҳгадир. Аллоҳдан ўзга илоҳ йўқдир. Аллоҳ улуғдир, мутлоқ куч-қувват қудратли ва буюк Аллоҳдан ўзгада йўқдир. Аллоҳ нимани хоҳласа – бўлади, нимани хоҳламаса – бўлмайди». Ҳужурот сурасида одамлар билан муомала қилиш хусусида тўққиз насиҳат келган: 1. «Агар бир фосиқ бирор хабар келтирса, аниқлаб кўринглар» (6-оят). 2. «Мўминларнинг икки тоифаси урушиб кетса, ўрталарини ислоҳ қилинг» (9-оят). 3. «Адолат қилинг, албатта, Аллоҳ адолат қилувчиларни суяди» (9-оят). 4. «Бир қавм бошқасини масхара қилмасин, эҳтимол, улар булардан яхшироқдир» (11-оят). 5. «Ва ўзингизни ўзингиз мазах қилманг, бир-бирингизга лақаб қўйманг» (11-оят). 6. «Кўп гумонлардан четда бўлинглар, чунки баъзи гумонлар гуноҳдир» (12-оят). 7. «Жосуслик қилманглар» (12-оят). 8. «Бир-бирингизни ғийбат қилманг» (12-оят). Бу насиҳатларга қатъий амал қилиб, уларни ҳаётингизга татбиқ этинг!

Буни биласизми? 1. Инсоннинг кўзида шундай тўсиқ – парда борки, уни фаришта ва жинларни кўришдан сақлайди. Ўлим вақтида бу парда кўтарилади. 2. Қўшиқ, ашула эшитаётган инсоннинг олдига шайтон ва жинлар бир лаҳзада етиб келади. Ва у одамнинг атрофида рақсга тушишади. Агар инсоннинг кўзидаги парда очилганда эди, манзаранинг даҳшатидан юраги ёрилиб кетарди. 3. Ҳар жума кунининг тонгида оламдаги барча жонзотлар Сур чалинишини кутиб қулоқ солиб турадилар... Эй Роббим! Хотимамизни гўзал қил! 4. 1997 йили Тинч океанининг тубида қаттиқ, шиддатли овоз пайдо бўлди. Унинг акс-садоси 5000 кмгача эшитилди. Бу овознинг келиб чиқиши, сабаби ҳозирги кунгача аниқланмади. 5. Оёғингиз увишиб қолган бўлса юрманг, қўлингиз увишган бўлса, унга тиранманг. Чунки ўзингиз билмаган ҳолда синиб қолиши мумкин. 6. Уялган ва ғазабланган вақтда юз қизаришининг сабаби - тинч, меъёрда турган асаб толаларининг вақтинча фалаж, шол бўлиши – томирларда одатдагидан кўп миқдорда қоннинг ҳайдалишидир. 7. Инсон зим - зиё, зулматда 3 кундан кўп қолиб кетса, бир умрга кўр бўлиб қолади. 8. Уйқуда йиқилиб тушиб, сесканиб кетсангиз, билингки: бу сизни уйғотиш учун ақлингизнинг ўйлаб топган тушдир. Чунки аъзоларнинг функцияси тўхтаб қолиш ва ўлиб қолиш ҳеч гап эмас. 9. Инсон вафот этган пайтда бош миянинг чап қисми яна 7 дақиқагачаактив бўлади, бу ҳолатда барча хотиралари бирма-бир кўз олдига келади. Лекин худди тушда бўлганидек уларни кетма- кетлигини бошқара олмайди. 10. Шундай ҳаётий тажриба бор агар эшитишни истасангиз ичингиз сўйлайди (гапиради)... Қулоқларингизни ёпинг, диққат қилинг! Ичингиздан сас келади... 11. Инсон организмидаги тириклик тизими, ҳар куни камида биттадан хужайрани йўқ қилади. Агар бу хужайралар яшаса, саратонга айланиб кетади.

Ассалому алайкум ва роҳматуллоҳи ва барокатуҳ! Роббимнинг марҳамати ила берилган яна бир янги тонг, янги кун барчамизга муборак, хайрли бўлсин! Илохим ҳар бирингизнинг Кўнглингиз ХОТИРЖАМЛИКни, Юзингиз ТАБАССУМни, Хонадонингиз БАРАКАни, Ҳамёнингиз ДАРОМАДни, Қалбингиз ИЙМОНни, Танингиз САЛОМАТЛИКни, Юрагингиз МЕҲРни йўқотмасин! Кунингиз эзгу амаллар ила мазмунли ва файзли ўтсин!🤲 🕊️🕊️🕊️🕊️

Odamlar quyoshga har qancha muhtoj boʻlsalar ham u har kuni botadi. Lekin undan ajralayotganiga hech kim dod-voy qilmaydi. Chunki biz uning yana qaytib kelishiga aniq ishonamiz. Mana shuning nomi ishonchdir. Quyoshning qaytishiga ishonasizlar-u, Alloh taoloning: “Albatta har bir ogʻirlik bilan birga bir yengillik ham bordir”, degan gapiga ishonmaysizlarmi? Modomiki, Allohning vaʼdasiga aniq ishonar ekanmiz, U Zotning qaygʻularni aritib, yorugʻ kunlarni nasib etishi muqarrar. “Albatta, Alloh Oʻz ishiga yetguvchidir”.

🕰🕰 asr namozi vaqti Abu Bakr roziyallohu anhudan rivoyat qilinadi: Rasululloh sollallohu alayhi vasallam namoz soʻngida: «Allohumma inniy a’uzu bika minal kufri val faqri va ’azabil qobr», deb aytar edilar. Ma’nosi: Allohim, kufrdan, kambagʻallikdan va qabr azobidan Sendan panoh tilayman. Ibn Sunniy rivoyatlari. Dunyo va undagi ishlar namoz vaqtlariga moshlashadi, ammo namoz vaqtlari biror ishga moslashmaydi. Ya'ni boshqa ishlar sababli namoz vaqti kechiktirilmaydi. Ushbu qoida har bir muvaffaqiyatga erishgan musulmon amal qiladigan qoidadir.

Qiyomatga yaqin vaqt qisqarishi haqida kelgan hadisning sharhi 1. Hadis (Imom Buxoriy rivoyati, 1036): Abu Hurayra raziyallohu anhu rivoyat qiladilar: Payg‘ambar sollallohu alayhi vasallam aytdilar: “Qiyomat qoim bo‘lmaydi, to ilm ko‘tarilmaguncha, zilzilalar ko‘paymaguncha, zamon yaqinlashmaguncha, fitnalar zohir bo‘lmaguncha, harj ko‘paymaguncha bu — qatl, (yaʼni odam oʻldirishdir) — va hattoki, orangizda mol-dunyo ko‘payib, toʻlib-toshadi”. 2. Hadis (Imom Ahmad rivoyati, 10560): Abu Hurayra raziyallohu anhu rivoyat qiladilar: Rasululloh sollallohu alayhi vasallam dedilar: “Qiyomat qoim bo‘lmaydi, to zamon yaqinlashmaguncha — yil oydek, oy haftadek, hafta bir kundek, bir kun esa soatdek, va soat esa qurigan xurmo bargining yonishi kabi bo‘lmaguncha”. Ibn Kasir aytdilar: “Bu hadis isnodi Muslim shartlariga mos”. Imom Suyutiyning “Al-Haviy lil-Fatava” (1/44) asaridan: Ushbu hadisdagi “zamon yaqinlashadi” degan ifoda haqida ulamolar bir nechta izoh bergan: 1. Haqiqiy (hissiy) ma’noda: Haqiqatan tunu kun soatlari qisqarib boradi, ya’ni vaqt jismonan kamayadi. 2. Ma’noviy ma’no: Kunlar juda tez o‘tib ketadi, har qanday ishda baraka bo‘lmaydi, vaqtning barakasi yo‘qoladi. 3. Aloqa qulayligi: Dunyo torayadi, masofa va muloqot osonlashadi. Suyutiy shunday deydi: “Bu uchta ma’no bir-biriga zid emas, hadisning ma’nosini bu uchchala ma’noga ham jamlash mumkin. Alloh bilguvchiroq”. Suyutiy yana aytadi: “Vaqtning tezlashishi haqida ulamolardan boshqa gaplar ham aytilgan, lekin yuqoridagi uchta izoh ularga nisbatan kuchliroq”.

«ТАҲАЖЖУД НАМОЗИ» #Намоз 🔸 Бу намознинг ози икки, кўпи саккиз ракъатдир.      Аллоҳ таоло: وَمِنَ اللَّيْلِ فَتَهَجَّدْ بِهِ نَافِلَةً لَّكَ عَسَى أَن يَبْعَثَكَ رَبُّكَ مَقَاماً مَّحْمُوداً      «Кечанинг баъзисида у ила бедор бўл. Сенга нофила бўлсин. Шоядки, Роббинг сени мақтовли мақомда тирилтирса», деган.    (Исро сураси, 79-оят). 🔸 Ушбу оят ила таҳажжуд намозига тарғиб қилиш Қуръонда келгани эслатилмоқда. Кечаси бир ухлаб туриб ўқиладиган намоз таҳажжуд намози деб аталади. 🔸 Шунингдек, бу намозни «қиём намози» деб ҳам айтилади. Аввал бошда бу намоз вожиб бўлган эди. Бир йилдан кейин вожиблиги насх қилинган.                    -      -     -       Абу Умома розияллоҳу анҳудан ривоят қилинади:      «Расулуллоҳ соллаллоҳу алайҳи васаллам:      «Сизларга кечанинг қиёми лозимдир. Чунки у сизлардан олдинги солиҳларнинг одатидир. У Роббингизга қурбатдир. У ёмонликларга каффоратдир. У гуноҳларни қайтарувчидир», дедилар».      Бошқа бир ривоятда:      «У жисмдан дардни қувувчидир», дейилган.      (Термизий, Аҳмад ва Ҳоким ривоят қилишган.)    «Кифоя, 1-жуз» китобидан

Aбу Саъийд Ҳудрий розияллоҳу анҳудан ривоят қилинади: «Расулуллоҳ соллаллоҳу алайҳи васаллам Фотимага: «Қурбонлигинг олдида туриб, гувоҳ бўл. Чунки қурбонлик қонининг биринчи қатраси томиши билан ўтган гуноҳларинг мағфират қилинади», дедилар. Шунда у (Фотима онамиз): «Эй Aллоҳнинг Расули, бу фақат биз — оли байт учунми ёки биз ва барча мусулмонлар учунми?» дедилар. Шунда у зот: «Биз ва барча мусулмонлар учун», дедилар». Табарони, Ҳоким, Байҳақий ва бошқалар ривоят қилган.