᷂صويبّ .

من الابيات اللي تحزنني وتفرحني وتلخبط مشاعري لا تذكرتها ، بيتين كتبتها في جدي يوم مرض وتنوم جعل ربي يطول عمره ، كان يسئل عن أبله وأحوالها وأبله كانت تحت رعايتي ، استهاض خاطري بـ بيتين : ليت المرض ياخذ ضلوعي بدالك واشل حملك واتقاوى عزومك من حشمتي لك حافظٍ لك حلالك يوم ان ابلك كانت اقصى همومك .

اللحظات اللي كنت أعبّر فيها عن ضيقي وحزني وأوجاعي بالقصيّد ونضم القوافي هي اللي تخفف علي ، المصيبه اني ماعاد عرفت اكتب ماعاد عرفت أعبّر ، لا نضمت لي بيت شفته أضعف مما انه يشرح ضيقي وحزني وضعفي ، اللي مطمني ومخليني اكتب ، ان محد منكم يعرفني اللي يعرفني موب شايف غير الجناب السمح والحجاج الضحوك ، مثل ما قلت عثرة حصان والخير في قبال .

والله ماهوب عيب لا طحت ، أنا أعيب الطيحه وأكابر واقول بخير ، في ذمتي اني عكس الهقاوي ولا عينت الخير ، والله اني طايح وعاثر ومدحدرّ ، لكن والله انها بالغصيبه ماهيب طيحة ضعف ، عاثر عثرة حصان ومقامي من العثره مقام الجمل .

والله ماهوب عيب لا طحت أنا أعيب الطيحه وأكابر واقول بخير ، في ذمتي اني عكس الهقاوي ولا عينت الخير ، والله اني طايح وعاثر ومدحدرّ ، لكن والله انها بالغصيبه ماهيب طيحة ضعف ، عاثر عثرة حصان ومقامي من العثره مقام الجمل .

ابراجكم مالي وراها مطامع وارسالكم مابغيه وانا وسطها ᷂صويبّ .

وأخر بيت رديت وقلت : حب الهوى والله شوف الركاب نكوف بعد ما درع نبت الحيا بالنباتي .

ورد علي يقول : ان كان خلك صدّ تلقى بداله نوف ترا الهوى له لذتٍ بالمداراتي

وقلت : لا والله خلّه نازحاً ماوراه حسوف لقيت المعزه في غيابه مع ذاتي

ورجع رد : أشوف الخلل بيّن عليك وبدا بك خوف واشوف ان خفوقك يحرقك عادك تحاتي

ورديت عليه : ياجد لا يلحق ضميرك زعل وكسوف خله مع المقفين مقفي ولا ياتي

إلى صار هذي جيتك والعيون تشوف أخذ راحتك يا تايه الرأي لا تاتي

في ضلّ هالليل فيه ابيات صارت بيني وبين جدي بسمعكم اياها ، يشوف قصايدي كاثره وعايف الغزل ، وبدا بـ بيت يتنقد فيه على احد الأطراف في بيته ، وانا رديت عليه ، للأمانه مبطي من المجاراه لكن جازت لي ، وهو يقول :

المدقل هو الطفل المدلّل ومحد يرفض له طلب ، والوالي هو ولي أمره في بيته يوم يقول شاف واليه نهاه ، أي بمعنى الشخص اللي معودّه على الدلّع نهاه عن شي او رفض له طلب .

عيني اللي من سببهم حضايبها قريب مثل عين مدقلاً شاف واليّه نهاه

من الابيات اللي تشدني من زمن الاوليين هو بيت مجهول صاحبه ويقول :

تجيني طيوفك واسولّف وارحّب ترحيبة الطيب لشيخ القبيله واليوم كلٍ في طريقه يبي الطب كرهتني والوصل قدهو فشيله عطيتك فوادي تقلّط به وشب ضواً سناها فوق ضوّ الفتيله ياحي عاما كل ما غبت تكتب اشتقت لك والقرب ترفض بديله النار تاكل من ضلوعي وتشتب كرهك ما خلا لي طريقٍ أجي له انت النصيب اللي ورثته من الحب لو ان حظي ماجمعنا بليله ᷂صويبّ .

تفسير المعنى : البيت الاول : يقصد بعيره وسرعته وقو عزمه إذا نوى جدي مجي دارها . البيت الثاني : يوصف بعيره وشكله ويشبه لونه بلون فرخ الشاهين الصغير . البيت الرابع : يشبه دقات قلبه بعد الصدمه والفراق ، مثل عود النخل المغروس فالتراب والهوا يزعزعه يمين ويسار ولا يخليه ثابت في مكانه ، وايضاً شبهه بالحضر قديماً كانوا في سوق اسمه سوق الاثنين لهم ضجه وازعاج وان دقات قلبه يضج مثل ضجيجهم . البيت الخامس : شبه الوصلّ بحوض الماء وان الماء تلوث بسبب فعلتها وماعاد يصلح للشرب أي بمعنى ماعاد وصلها مثل قبل طاهر ، وانه من المستحيل ان القلب يستقبل شخصين في قلب واحد . قد تكون الابيات غليضة المصطلحات الا ان مصطلحات الاوليين البحر اللي احب اخوضه واتعلم فنونه .

ياراكب اللي يقرب البعد لا من هج غرام المشقوى لا نوا بالمحبيني جليل المعذر اسمر اللي عضوده فج يشادي على الأوصاف فرخ الشياهيني وقلبي ليا منه سمع طاري المفارق ضج كمى ضجة المفجوع في علمه الشيني وقلبي يشادي مثل خوص النخل في عج كمى لجة الحضران في سوق الاثنيني ويا صاحبي الحوض بيني وبينك رج ولا يمكن انك بالهوا تخشر اثنيني

بقولكم قصه اعجبتني لجدي من الزمن القديم وقصيده له ، مع تفسير الابيات : كان في شبابه يحب له وحده حب طاهر وعفيف وفق سلوم الهوى وخارج سلوم القبيله ، حب ما يخالطه العيب والمنقود ، كان يمر دارها من بعيد يسلم ويردون عليه السلام لا اكثر ولا أقل ، مجيه لدارها عنوةً لها رغم انهم في شده ولا به سيارات تجيبهم وتوديهم كل اللي يملكه بعيره اللي يوديه ويجيبه .. الا ان الشي ذا ماكان عائق في طريقه من مجيها ، يسلّي خاطره بمجيهم وشوف حلالهم ويتطمن انها بخير ويمشي ، مره من المرات راح مقصده شوفها وشاف اللي ما كان فالحسبان .. شافها بعينه تسولف مع غيره ، واقفى وهو معتريه الحزن وخيبة الهقوه ، ويردد له ابيات تشرح مشاعره وقال :