𝘽𝘼𝘾 📚𝙒𝙄𝙏𝙃 ☕️‌𝙃𝙀𝙇𝙋𝙀𝙍𝙎🥳🧠🎓

🎀سؤال من زميلتكم 🎀

ني حاسة روحي مراحش نلحق هذاوين باش راح نبدا فكامل المواد راني شادة شوي بصح مبديتش نقرا كل يوم يعني كاش نصيحة و لا بروقرام نمشي عليه باش نلحق ؟

الاجابة:

🌸مادام مالحقش الباك سما مزال عندك الوقت 🌸دوك أتوكلي على ربي و أبداي تقراي، لازم عليك تقراي بإستمرارية كل يوم ديري و لو تقدم طفيف المهم راكي تستفادي و كيفاه تبداي الا راكي قارية مكتسبات تسما مليح . درتلكم فالقناة خكة اكمال تركيب لبروتين في 4 ايام ودرتلكم تع الدوال العددية في 5 ايام. تلقايوكل يوم فيه مهمات وحطيتلكم بلتي ليست شاملة هايلة راهم مثبتين درتلكم خطة تع منهجيات الفلسفة و درتلكم خطة تع مصطلحات وشخصيات و تواريخ تع اجتماعيات باش تنحيهم مطريق و تروحي للحفظ دك شوفيهم و حاولي تديري لروحك مهام أسبوعية و مهام يومية حاولي تكمليهم في كل مادة الخطط تلقايهم في الرسائل المثبتة في القناة 🌸بالنسبة للمواد الادبية والثانوية راني دايرتلكم سلسلة خاصة بيهم فيها تخدبات تاوعهم و رانا دك فالفرنسي تقدري تلتحقي بينا سلسلة همة طالبة الخاصة بتحديات المواد الادبية للفصل الاول 🌸بالنسبة لتقسيم الوقت بين المواد قسميه حسب شعبتك و المواد الأساسية لي عندك و باينة المواد الأساسية راح تعطيها وقت أكبر، حاولي كل يوم تنوضي مبكرا بساعة باه تحفظي، بعد الليسي كي ترتاحي حاولي تقراي مادة أو مادتين أساسيتين و زيدي مادة ثانوية #الاجابة_عن_تساؤلاتكم @bac_with_lyna

🎀سؤال من زميلتكم 🎀

راني ضايعة في الوحدات الأولى، تبانلي نفوت للوحدة الثانية والأولى نخليها للعطلة؟

الإجابة:

😳😳😳😳😳😳😳😳😳😳 🌸 لا و ألف لا، لأنك بهذه الطريقة راح تزيدي الضغط على روحك بطريقة كبيرة.

علاش ما لازمكش تفوتي الوحدات الأولى؟

الوحدات مترابطةفي المواد العلميةالرياضيات و العلوم الدروس تعتمد على بعضها 🌸مثلاً: إذا ما فهمتيش الدوال العددية، راح تلقايصعوبة في الدوال الأسية واللوغاريتمية الا مفهمتيش تركيب لبروتين مستحيل تفهمي الوحدة الزاوجة لي العلاقة بين البنية والوظيفة في المواد الأدبية مثل الأدب القواعد النحوية لي تقرايها في الأول راح تحتاجيها في كل الوحدات القادمة تخيلي روحك في العطلة تحاولي تراجعي الوحدات الأولى والمواد الجديدة لي درستها كامل الفصل راح تدخلي في دوامة تاع تراكم الدروس وهذا الشي يسبب قلق كبير ويأثر على مردودك حبيبتي إذا فوتتي الوحدات الأولى راح تبقى ثغرات في فهمك، وراح تصعب عليك الأسئلة لي تجمع بين الوحدات #نصائح @bac_with_lyna

🌸كيفاش تكون المراجعة اليومية بالنسبة للمواد الأساسية 🌸

👛 مراجعة ما درستوه في الثانوية أو في دروس الدعم أو في اليوتيوب، يعني أبداو بالدرس ولا بواش درتو مع الأستاذ، أفهموا مليح وماتفوتو حتى جزئية فيه، قادر هاذاك التفصيل يجيكم عليه تمرين في الباااك فحذاري💅 👛 لازم يكون عندكم ملخص، صدقوني راح يفيدكم بزاااااف، طبعا ميش أي حاجة تديريلها ملخص وماشي كل درس تديريلو ملخص وحدو، ولكن حاولي كل وحدة تديرلها ملخص تاعها لي تقدري ترجعيلو في مارس وتفهمي منو الدرس عادي 👛 حاولي ثبتي واحفظي ما يحتاج للحفظ، هناك في العلوم وحتى الفيزياء ما يحتاج للحفظ من تعاريف نظرية وبروتوكلات تجريبية وعبارات علمية، يعني أتأكدو أنو ماتهملوش مثل هذه الجزئيات لي تجيكم في الباك ويكون عليها نقطة ونقطتين وحتى ثلاث نقاط في بعض الحالات🦋 👛 إبداو بحل التمارين من السهلة للصعبة، من الأسئلة البسيطة ذات المستوى المتوسط إلى المستوى الصعب، تقدري تستعيني بالكثير من المراجع، إبتداءا من دروس الدعم والكتاب المدرسي، في العلوم تقدرو تستعينو بكتب الأستاذة كتفي، في الرياضيات عندك الكثير من الخيارات مثل كتب الأستاذ نورالدين أو عبد الباسط أو سلسلة المغني وغيرها، في الفيزياء هناك تأشيرة النجاح وغيرها، لكن تأكدو أنو ماتستعملوش الكثير من المراجع، يعني إختارو مرجع وأبقاو معاه💞 #نصائح @bac_with_lyna

💗 مادة العلوم الطبيعية Science  💗

🎀أفكار التمارين🎀

🌸(تركيب البروتين)🌸 #علوم @bac_with_lyna

💗‏إليكُنَّ أيتُها الفتيات:💗

🌸إحرصنَّ علىٰ أن تظهرنَّ بالصورة التي كانت عليها الصديقة الطاهِرة فاطِمة الزّهراء"عليّها السّلام" واجتهدنَّ في كسب العلمِ والتقوىٰ.🌸 @bac_with_lyna

فرض جيد جدا في مادة الرياضيات

🎀 شعب العلمية 🎀 🌸 مرفق بالحل🌸 #رياضيات @bac_with_lyna

الدرس الاول في الجغرافيا

💗 اشكالية التقدم والتخلف في الوحدة الاولى 💗 🌸على شكل مخططات ذهنية تساعد في الفهم 🌸 #اجتماعيات @bac_with_lyna

💗جميع قواعد الوحدة الاولى في اللغة الانجليزية 🌸Ethics in business 🌸 #انجليزية @bac_with_lyna

👛ملخص الوحدة الأولى في الرياضيات🌸 #رياضيات

💅🫣 شكون جديدة هنا و مازالت ما سمعتش بمشروعنا الجديد؟ إلا ما تعرفيش، راكي فوتي حاجة كبيييرة سيدتي العزيزة 😌💗 👛 سلسلة همة طالبة جاية باش تنحي عليك المواد الثانوية والأدبية من طريق وتركّز معاك خطوة بخطوة باش تجهزي روحك لاختبارات الفصل الأول 💪💗 وش تستناي يا أميرة زمردة؟ 👑 ارواحي وجيبي معاك صحبتك هاديك لي متصلح لوالوو وتبقى تبعتلك الريلز لي ماينفعوك ويضيعولك وقتك 🙂‍↔️ 🌸💞 سلسلة همة طالبة لي راح تخليك تحبي القراية وتستمتعي بالتحدي خطوة بخطوة!💅🫶🏻

🎀 الانطلاقة يوم 20 أكتوبر🎀

🦋غدا يوصلكم التحدي الاول🫣 #سلسلة_همة_طالبة #تحديات_المواد_الثانوية @bac_with_lyna

سلسلة همة طالبة

♡بما انو اختبارات النظاميين بقالها شهر تقريبا و شفت بلي ملقيتوش كيفاه تبداو المواد الثانوية بحكم انكم معرفتوش تنظمو والمواد الاساسية داتلكم وقت كبير وخلاتكم تهملو المواد الثانوية ♡جيتكم بسلسة من التحديات تحت شعار همة طالبة ♡هادي السلسلة فيها سداسية تع تحديات ولي هوما:

تحدي اللغة الفرنسية

تحدي اللغة الانجليزية

تحدي الادب العربي

تحدي الاحتماعيات

تحدي الشريعة

تحدي الفلسفة

♡قسمتلكم هادو المواد على 40 يوم ♡كل مادة شحال راح تشدلنا وقت محدد يعني نبداو مادة نديرو تحدي تاعها نكملوه نبداو مادة جديدة ♡كل تحدي فيه مهام يومية تتقيدو بيها طبعا التحديات ضميتهالكم في محموعة واحدة مقسمة للتسهيل عليكم ( باش منكتروش قروبات) ♡السلسلة تخص تان الاحرار

👛ملاحظات

♕ تحدي الشريعة لي شفت بلي سهل لذالك ضميتو في فترة تحدي الانجليزية لانو مراحش يكفينا لوقت + مهام الانحليزية سهلة يعني راح تقدرو توفقو بين الانجليزية والشريعة ♕التحديات لي نديروهم هي تحديات مواد ثانوية اي تقدرو تنظمو وقتكم تقراو مادة ثانوية ومادة اساسية في اليوم ♕بحول الله راح نرافقكم انا في التحديات نبعتلكم كامل واش تسحقو باذن الله💗 @bac_with_lyna