တက္ကသိုလ်ဘုန်းနိုင်

ပြဿနာအား ဖြေရှင်းရန်အတွက် နားလည်မှု၌ အခြေခံစတင်ရန်ထက် သာသောဆေးသည်မရှိ။ #ညီမလေးရယ်စိုးရိမ်မိတယ်

ဒုက္ခကို ဒုက္ခမှန်းသိလို့ဆက်ပြီးဒုက္ခမခံစတမ်းဆိုရင် လူတိုင်းနိဗ္ဗာန်ရောက်ပြီး လောကကြီးဆိတ်သုဉ်းသွားမှာပေါ့ #ကမ္ဘာကုန်ကျယ်သရွေ့ဝယ်

အသည်းနှလုံးဆိုတာမျိုးက ချစ်သူနှစ်ဦးကို ခွဲဝေပေးလို့ ရတာမျိုး မဟုတ်ဘူး။ တစ်ယောက်သော သူအတွက် နှလုံးကို ပုံအပ်ပြီးပြီဆိုရင်.….. အဲဒီတစ်ယောက်သောသူထံက ဆုလာဘ်ရသည် ဖြစ်စေ မရသည် ဖြစ်စေ ဒီအသည်းနှလုံးကို သူ ပြန်မပိုင်နိုင်တော့ဘူး" #မောင့်ဘ၀ညအလားကွယ်

တစုံတယောက်မှ မပိုင်သေးတဲ့ အရာကို လူတိုင်းဟာ ကိုယ်နဲ့ ဆိုင်တယ်လို့ ယူဆနိုင်ခွင့်ရှိပါတယ် ကိုကျော်စွာ... #နွယ်ဦးမွန်မို့ချစ်ထွဋ်တင်သည်

စကတည်းက မျက်ရည်ဝဲဝဲနဲ့ ချစ်ခဲ့ရတော့ တစ်သက်လုံးပဲ မျက်ရည်ဝဲဝဲနဲ့ပဲ မောင်ဆက်ချစ်နေရဦးမည်….။ #ပိတောက်ပွင့်ဆဲလသာဆဲဝယ်

ပြဿနာအား ဖြေရှင်းရန်အတွက် နားလည်မှု၌ အခြေခံစတင်ရန်ထက် သာသောဆေးသည်မရှိ။ #ညီမလေးရယ်စိုးရိမ်မိတယ်

တခါတရံ ကျွန်တော့်ဘဝ၏အဓိပ္ပါယ်ကို ပြန်ဆန်းစစ်မိသည်၊ ထိုအခါတွင် မရေရာ မသေချာသောအဖြစ်ကို မြင်မိသည်။ မလွယ်သည်ကိုမှ မှန်း၍ မရနိုင်သည်ကို လွမ်းနေသူတဦးအဖြစ် မြင်သည်။ သို့ရာတွင် ကျွန်တော့်၌လုံလောက်သော ဆင်ခြင်ရှိပြန်၏၊ မလွယ်သည်မို့ မမှန်းရတော့ဘူးလား မရနိုင်သည်မို့ မလွမ်းရတော့ဘူးလား။ #မောင့်ဘဝညအလားကွယ်

နှလုံးသားကိစ္စ ဆိုတာ ပိတောက် တစ်ခါ ပွင့်တဲ့ရက်လောက်ပဲ ရှိမယ်လို့ ထင်တယ် #မေတ္တာများနှင့်စိန်ပန်းနီနီ

ထားက ငိုရစ်ဟု ဆိုခဲ့သည့်အတိုင်း ငိုဖြစ်အောင် ကျွန်တော်ငိုရစ်ပါသည် ဪ..…ထားရယ် မငိုလို့ကော ဖြစ်မတဲ့လား ကိုယ်က ချစ်မိပြီကိုး၊ ငယ်ငယ်ရွယ်ရွယ်နှင့် ကိုယ်က ထားကို စချစ်မိပြီကိုး…။ #တပြည်သူမရွှေထား

ကိုယ်ရွေးထားတဲ့တာဝန် ကိုယ်ကျေအောင်လုပ်။ ဘယ်သူ့ကိုမှမဝေဖန်နဲ့ သမိုင်းဆိုတာအရှည်ကြီး၊ တော်လှန်ရေးဆိုတာမှာလည်း အဆုံးမရှိ။ အချိန်တန်တော့ အမှန်တရား ပေါ်လာလိမ့်မယ်။ အဲဒီအချိန် ကျတော့သာ မောင်ဟာ အမှန်တရားဘက်မှာ ရှိနေနိုင်ပါစေ။ #သူငယ်ချင်းလို့ပဲဆက်၍ခေါ်မည်ခိုင်

အိမ်ဟူသည် တစ်လောကလုံး၌ ပျော်ရွှင်ဖွယ် အသာယာဆုံးနေရာ ဖြစ်၏။ အိမ်သူသက်ထားနှင့် ရင်သွေးဟူသည် ရင်ကို အအေးမြစေဆုံးသော ရတနာများဖြစ်ကြ၏။ #မိုးတွေရွာမှဖြင့်လျှင်ကွယ်

သူစမ်းတယ် ကိုစိမ်းတယ်ဆိုရင် မေတ္တာဆိုတဲ့ စကားကို….. ဘယ်သွားထားရမလဲ #တပြည်သူမရွှေထား

ချစ်ခြင်း ဆိုသည်မှာလည်း ကွဲကွာခြင်းနှင့်ဆုံမှ သရုပ်သကန် အကုန်ကို အဟုန်ပြည့်နှင့် ဖော်လေ့ရှိသည်လား မပြောတတ် #လွမ်း

အလိုလိုက်မှ စရိုက်တူမှ အကြိုက်ညီမှ ချစ်တယ်ဆိုတဲ့ သဘောကို နွဲ့ လက်မခံနိုင်ဘူး။ မတူတာတွေ မညီတာတွေ ကွဲလွဲချက် အထွေထွေဟာ ချစ်ခြင်းမေတ္တာစစ်ကို လွှမ်းပစ်လို့မရပါဘူး။ #ညီမလေးရယ်စိုးရိမ်မိတယ်

လူ့ဘဝတွင် လူငယ်ဘဝသည် ပျော်ရွှင်ဖွယ်အကောင်းဆုံးဖြစ်သည်။ လူငယ်ဘဝတွင် ကျောင်းသားဘဝသည် ပျော်ဖွယ်အကောင်းဆုံးဖြစ်၏။ ကျောင်းသားဘဝတွင် တက္ကသိုလ်ကျောင်းသားဘဝကား ပျော်ဖွယ်အကောင်းဆုံးပေတည်း။ #သူငယ်ချင်းလို့ပဲဆက်၍ခေါ်မည်ခိုင်

လူသာ အိုမည် နှလုံးသားက အိုချင်မှအိုမည်၊ အိုလေသည့်တိုင်အောင် နှလုံးသားသည် နုပျိုစဉ်က တွယ်တာခဲ့ရသော… သံယောဇဉ်များကို ထိန်းသိမ်းထားမည်။ #ဝသန်လေချိန်မှန်ကူး

လောကမှာ လူကိုနှိပ်စက်တတ်တဲ့ နောင်တ နှစ်မျိုးရှိတယ်။ တစ်မျိုးက မလုပ်သင့်သည်ကို လုပ်မိလို့ရခဲ့တဲ့နောင်တ၊ တစ်မျိုးက လုပ်သင့်သည်ကို မလုပ်ခဲ့မိလို့ရတဲ့နောင်တ။ #မိုးတွေရွာမှဖြင့်လျှင်ကွယ်

အချစ်တို့ ... အချစ်နှင့်ပတ်သက်သော သစ္စာတို့ ဆိုသည်မှာ ဝမ်းမပူရသူတို့၏ နှလုံးသားဆိုင်ရာ ဇိမ်ခံပစ္စည်း တစ်မျိုးပေလော #နှင်းငွေ့တစ်ထောင့်မိုးတစ်မှောင့်

မရှိဘူး၊ ဘာမှမရှိဘူး၊ ကျုပ်တစ်ယောက်တည်း၊ ဒါပေမဲ့ ဒါကိုလည်း ဝမ်းမနည်းတော့ပါဘူး #စွန့်ခွာရသည့်နွေညများ

ခွဲခွာရမည်ဆိုတော့ အသည်းက နာမည်။ ချစ်တော့ အသည်းက နာမည်။ ဪ ... ချစ်လျှင် ခွဲခွာရက အသည်းဆိုသည် အမှန်ပင် နာတတ်ပါသလော။ အသည်းနာ အသည်းနင့်လောက်အောင် ချစ်ရပါသည်ဆိုသော အချစ်ဟူသည် ဘယ်လိုပါနည်း။ အကယ်ပင် ရှိရောရှိပါသလား။ #နွယ်ဦးမွန်မို့ ချစ်ထွဋ်တင်သည်