شِغاف

أهرب لك لإنك كل وجهاتي .

لا أنشد الأشعار إلا تداوياً .

" عاطفيه جدااً .. وكليّ شااعِريّه "

ياوجود الي عشق له فلانيه في صلات الرحم ماهوب وياها من تحبه لو تحبه على النيّه بركت بأقصى ضلوعه مطاياها ذوقتني هجرها ثاني ضحيّه واصطلت روحي على حر فرقاها طيّرت من غصن الأشواق قمريّه ورهنتني في هواها ولا ماها حايل من دونها حول وشويه مير مالله حايلٍ دون ذكراها كل حاجه باقيه مثل ما هيّه ماسرا معها على درب مسراها غير عضو في جهتي الشماليه فاع من عوج الحنايا وخاواها ودمعةٍ نطحتها راحة ايديّه اف ياماحرّها واح مقساها

هلّ العيد والضحكات حولي كثيره. لكن مكانك بالفرح صار خالي يا عزيز تحت الطين جعلك بخيره في جنة الفردوس عالي وتعالي أشتاق صوتك لا تعالت بشيره وأشتاق وجهٍ بالغلا ما يبالي العيد عقبك ما به النفس غيره كنّه بدونك ما اكتمل له هلالي أدعي عسى الرحمن يجعل مصيره نورٍ ورحمة عند ربٍ جلالي تبقى بقلبي لو تغيّرت ديره وتبقى أعز الناس في كل حالي