تاڵ و شیرین

کە چووی بۆ ئەوێ قژەکانت نەختێک تۆزاوی خۆشت مانگێک بووی خەرمانەت گرتبوو لە شەقامێکی خۆڵەمژدا ئەدرۆشایەوە کە چووی بۆ ئەوێ تەنیا بووی کە گەڕایەوە بەهەزاران چاو و مێشک و بیر بە پیلتەوە هاتن کە چووی بۆ ئەوێ درەختێک بووی لە ڕەنگی پاییز کە هاتییەوە دارستانێک بووی سەوز لە بەڕووی چیاوە بگرە هەتا بەهێ کە چووی بۆ ئەوێ هەسارەیەک بووی تەنیا مشتێک تیشکە بە کۆڵتەوە بوو کە گەڕایەوە خۆرێک بووی لە کەشکەڵانی هەموو ئاسمانەکان داگەڕای بۆ هەموو شار و دێیەکان پەنجەرەی هەموو ماڵەکانت داگیر کرد کە چووی بۆ ئەوێ پەپوولەیەک بووی لە پاییز دوای گەڕانەوەت بۆ هەڵفڕینی ئەبەدی ئاسمان پڕ بوو لە فڕین کە چووی بۆ ئەوێ تەنیا چەند قومێک ئاوت پێ بوو بۆ سانەوەی ماندوویەتیی کە گەڕایەوە چاوی هەورەکان پڕ بوو لە باران کە چووی بۆ ئەوێ لەم پێتەختە پێکەنین تۆرا بوو شایی هەرنەبوو کە گەڕایەوە بەکراسە سوورەکەت هەزاران ژن گۆڤەندیان گرتبوو دار سوور مەزار سوور هەور سوور و ئاسمان سوور دەسرەی چۆپییەکەشت بە دەست هەزاران پیاو سەمای دەکرد سەمایەکی شێتانەو خۆت چۆپیگر ئێستا هەموو وەرزەکان سەوزن هەموو ڕۆژەکان ژنن

سڵاو و ڕێز لە ئەندامانیی کاناڵ بەداخەوە، ئەو شەو لەبەر خەرابوونی هێڵ نەمانتوانی بابەتەکە بەو شێوەیە کە هەیە پێشکەش بکەین، هیوادارم، بتوانین لە کاتێکی باش و هێڵی نەپچڕاو، مژارەکە ئاراستە بکەین.

کاکە دوو سێ خولەک وەسڵ بووم، هەڵپچڕا

سڵاو هاوڕێیان هەر ئێستا دەتوانن بفەرموون بۆ بەرنامەی وەیسکاڵ

✍ شڕۆڤەی تایبەت و زانستی لاوکی دەروێشی عەبدی و گەنج خەلیل بەراوەردکاری دەق و فۆڕم (ئەو دەقانە لە زمانی دوو کەسایەتیی ژن،، حەفسەت،، لە لاوکی گەنج خەلێل و ،، عەدیلە،، لە لاوکی ،، دەروێشی عەبدی،، باس و وەسفی مێرخاسی و  ئازایەتیی دوو پاڵەوانی مێژووی ستڕانی کوردی دەکا. ============================ شەوی یەک شەممە کاتژمێر 10 بۆ 12 لە بەرنامەی ڤویسکاڵ 🔻میواندار: کاناڵی تاڵ و شیرین ☀️شڕۆڤەکار : عومەر محەممەدی ،، شکۆدار،، ☀️پێشکەشکار: مەحموود ئاقازادە - عەلی هادیزادە تکایە میوانمان بن https://t.me/T_H2723/1044

پەنجەرە شکۆمەندانە زار دەپچڕێ کە زەوی پرسەدەگرێ لە جەستەی خاکا فڕین لە  هیلانەی ڕووناکی دەتارێ زەمان لە خەونی ڕۆژهەڵاتدا پەپوولە بانگ دەهێڵێ بۆ کوشتنێکی لە ناکاو لە حەزێکی بێ کۆتاییدا شووشه ڕەنگ دەگۆڕێ ڕۆژێ سەت جار هێشووی فرمێسک بەڕوومەتی گەڵایەکی شەرمنەوە شۆڕدەبێتەوە لە توولەمێو برینێکی سارد دادەچۆڕێ لە خوێن دیواری ماڵ لە جێ پێی مناڵ بۆنی هەتیوانی گرتووە لە بەیانییەوە هەتا ئێوارێ هەژاری لە هاتوچۆیەکی بێ وچاندا هەراسانە و شەوانە برسییەتی و تووڕەبوون لە خوا تەنگی بەئاسمان هەڵچنیوە لەدیواری درزبردوو ئەولاتر باڵەخانە بەرەو هەورەکان سینگ ئەکوتێ لەو خەورە جەورەدا حەسانەوە لە چاو دەزڕێ و هەناسە سارد هەموو ڕۆژێ زڕە کۆترێک بەگوێسوانەوە لە مەرگ گمەی دێ ئێرە ماڵەکاولبووەکەمانە نیشتیمان! عومەر محەممەدی ،، شکۆدار،،

شڕۆڤەی تایبەت و زانستی لاوکی دەروێشی عەبدی و گەنج خەلیل بەراوەردکاری دەق و فۆڕم شەوی یەک شەممە کاتژمێر 10 بۆ 12 لە بەرنامەی ڤویسکاڵ میواندار: کاناڵی تاڵ و شیرین شڕۆڤەکار : عومەر محەممەدی ،، شکۆدار،، پێشکەشکار: مەحموود ئاقازادە - عەلی هادیزادە

👁‍🗨کەسێک شارەزای ناسینی درۆ بێت، هەوڵ دەدا ڕاستییەکان وەک خۆی نیشان بداتەوە، بۆیە درۆ ناتوانێ راستییەکان بگۆڕێت.✔️ 🔺کسی تخصص شناخت دروغ را داشتە باشد، تلاش می نماید واقعیت ها را چنانکە هست، نشان دهد، چنین است کە دروغ نمی تواند واقعیت ها را وارونە نشان دهد🔻

شیعر: عومەر محەممەدی ،، شکۆدار،، خوێندنەوەی: خدر خەیات ✍ لە ئاسۆی سووری مێژوودا برینەکانمان هەسارەکانی ڕەنگ پەڕیوی ئێوارەژانن کە ڕقی تۆڵەی خوێنیان تێ دەزێ بەرۆکی ئاسمان بەرنادەن هەتا هەورەکانی سەرەڕۆ دەستەمۆ نەکەن کە لێزمەی بارانێکی سوور دایکرد ڕووباری خوێن درێژ درێژ بەسەر دڵی زاماری زەویدا ئەچێ و گابەردی دەمهەراش هەتا لێواری هەراسان ڕاپێچ ئەکا چیاکان! دۆستمانن بەهیبەتەوە سێبەر بە سەر دار و بەردا شۆڕ دەکەنەوە ئەشکەوتەکان هێمنانە دەرگە بۆ برینە سەرهەڵگرتووەکانمان دەکەنەوە هەتا ئارەقی،،ماندووی،، و ،، ناتەبایی،، بسڕینەوە کە ناهومێد بووین دەسمان دەخەینە سەر شانی ورە بۆنی باوەڕ بەخاکمانەوە دەکەین ئەوکاتەی دەکوژرێین ئاسمان برین و خوێنمان لە سەر باڵی هەڵۆ دەهۆنیتەوە پێناسەمان خۆرە لەناو دڵی تێشکەدا خۆمان دەبینینەوە شکۆدار https://t.me/T_H2723/1044