مشعات•

مره واحد نصحني عشان اكافح النامس قال اقطع حبة ليم واحطها للنامس مادريت الا وقد النامس جنب اذني بيقلي ياريت لو تقوم تعصرها ..!!

على مايبدو أن الحياة بتتعمد الوقوف كعائق بيني وبين السعادة والراحة النفسية اليوم حصلت هدية عبارة عن علاقية قات هااي أبو ريشة صفراء تللت لشوفتها لاحقاً وصلت البيت على غداء مطيط، مطوها لايدي ذلحين انا مخزن القات قارح وطعمه خيال لكن بنفس الوقت جاوع وبطني بتغني جرح تاني ساع لما تتزوج مراهقة غنية بيضاء، جميلة الوجه والأنف، تعرف ترقص وتترمسس خفيفة دم طيوبه واخلاق .. كلهن فيها قريبة للكمال لكن عيبها الوحيد مابش معاها ابزاز بالمستوى المطلوب ترجع تجلغص المخدات وامرك لله وانا قد رزمت بواحد فلافل وامري لله ..!!

ياخي اتزوج محد منعك جلغصها .. لحوسها .. مصمصها قحوصها ... شقلبها ! حقك الله يهنيكم حتى ألف سنة لكن تخلف سبعة ثمانية جهال وانت وضعك في الحضيض ليش ياغالي ليش ليش انا اشقلبك ..!!

الثانوية اللي هانا كم جبتو بصدق @Gi25_bot

عمار ابن اخي جاب في الثانوي 92‎% والولد ذكي وبلبل بالانجليزي وطموحه يروح يدرس في الخارج وبعدى سجل طب في جامعة 21 سبتمبر وبيبكر يوميٱ من الجراف لااااااا حزيز قلت ما هذا يابني قده أبعد من الخارج ما شاء الله توفقت ..!!

الظهر دورت افعل نفسي حكيم زمانه قفزت أفرع بين اثنين طلاب جهال كانوا بيتضاربوا بالطريق بيني وبين نفسي مايسبرش ادعمم لأنو قد عشت هذا الموقف زمان وكنت فيه الضحيه وصلت اول شي صيحت فوقهم وحشرت الثوب وواحد منهم المضروب شل حجر يشتي يرجم الخصم وبالغلط رجمني أنا بالجحوه الشمال ذي بين اخزن عليها لوما ورمت أقسم بالله لكن مع ذلك مارضيت افلته قلت حرام عينضرب، هذك الثاني صورته سمخ المهم فرعت بينهم .. ذيك رحله والمضروب هزرت أذنه وهمست فيها بصوت واطي اسمع يا ولدي وخذلك درس مجاني من خبير في المضرابه قال بشورغة ودموع ايش الدرس قلت الحجار مش حق الرجال ضارب بيدك يافتال ..!!

اشغلني ‏ابني محمد يشتي يبسر فيلم سبايدر مان الأخير وأنا كل فترة أقول مش وقت ذلحين وهو بيشغلني ولا رضي ينسى المهم قدله خيرات يزعجني على هذا الموضوع اليوم قلت له لو انت بتهرمني على حاجة مفيدة بدل هذه الهبالة انك رجال قال ايش تشتي وانا افعله قلت له كون ادحسني تحفظ قرآن بنفس الطريقة هذه .. قال خلاص ياباه هوذانا بين احفظ قلت مع اشتي اهتمام اكثر المهم مارضاش ييأس قلت خلاص نتفق على حاجه، اختار لك سورة تحفظها اذا حفظتها هذا الاسبوع ابشر نسير أنا وانت قال خلاص اختار قلت الكهف ... قال كبيرة قلت ياسين ... قال كبيرة قلت له ما رأيك الفاصل بيننا عمتك هي حافظة وتختار لك السورة المناسبة قال تمام ! قلنا لها اختاري له سورة يحفظها قالت معي لكم سورة مناسبة قلنا يلاه بعدك قالت هو قال يشتي يشوف سبيدرمان؟ قلنا ايوووه قالت خلاص يحفظ سورة العنكبوت ..!!

معي صاحب تاجر من تعز دخلت قلت له ايش رأيك اضحكك هانا محد يدرى وتحول بكرتون اناناس وكرتون كيك بوب اخوك مريض ياسيد الناس المهم ليتني ما دخلت .. جلس يشكي لي ساعة قد كان عيبكي والله قال عاد الجماعة بالمولد ضحكوه مبلغ وقدره لوما شورغين عيونه خيرة الله .. خاطرك ياسيد الناس ..!!

الروح سلَّم وجبار السماء صلى عليك يامن بذكرك زانت أحوالي في مولدك نحتفل وأيامنا تحلى يامن على الخلق شرّف قدرك العالي 💚 #صلوااات_صلوااات

الظهر دورت افعل نفسي حكيم زمانه قفزت أفرع بين اثنين طلاب جهال كانوا بيتضاربوا بالطريق بيني وبين نفسي مايسبرش ادعمم لأنو قد عشت هذا الموقف زمان وكنت فيه الضحيه وصلت اول شي صيحت فوقهم وحشرت الثوب وواحد منهم المضروب شل حجر يشتي يرجم الخصم وبالغلط رجمني أنا بالجحوه الشمال ذي بين اخزن عليها لوما ورمت أقسم بالله لكن مع ذلك مارضيت افلته قلت حرام عينضرب، هذك الثاني صورته سمخ المهم فرعت بينهم ذيك رحله والمضروب هزرت أذنه وهمست فيها بصوت واطي اسمع يا ولدي وخذلك درس مجاني من خبير في المضرابه قال بشورغة ودموع ايش الدرس قلت الحجار مش حق الرجال ضارب بيدك يافتال ..!!

معي مقوت لا يقرأ ولا يكتب ويجلس يرسل رسائل ولا تفهم منها كلمه وأرد عليه : تمام واصل .. وخلاص واحيان يرسل رسالة مفهومة واضحة ولا غلطة واقول هذا شكله ابنه بيلعب بالتلفون وما أرد أمس رسل رسالة أحول للجملي مبلغ قلت تمام وانشغلت ونسيت واليوم اتصل قال مالك ما حولت قلت ياخي رسل اسم الجملي كامل ورقم الحساب قام رسل رقم حسابه هوه ! وبعد الرجوع إلى الرسائل السابقة لمحاولة فك الشفرات طلع ان الجملي يعني الإجمالي ..!!

اقتباسات، خواطر، نكت، انتقاد اي شي منكم مقبول » @lI26_bot

به واحد فعل مسابقة على ألف دولار لـ اثنين فائزين .. كل فائز يستلم خمسمية دولار سؤال‌ المسابقة: من هو أول يمني دخل الإسلام ؟ دخل واحد من الحديدة قال : انت أول واحد دخل الإسلام، هبلي ميه اقسم بالله ان جهالي بلا عشاء هههههههههههههههههههههههههههههههههههههههه ياعيباااااه حرام إني ضحكت لاما نقزت الكلاب ذي راقدات بالشارع​​​​​​​🤣

لمسه من الانثى تمسح مشاكلك وهمومك واوجاعك ... أنا قدنا اشتي واحده إن شاء الله حتى تمسح بي الارض ..!!

فقدان شغف فقدان اصحاب واحباب حياه صعبه ظروف صعبه اهلك مش متقبلين لك وطموحك يتبخر مع الأيام ايش هذا اللي بيحصل أنا مش انا والله 💔

كم جهدي حياه في شميله بين اخرج السوق بعد الغداء ونص الجهال في الحارة بيلعبوا بغر سراويل لا حول لهم ولا قوه ! اليوم خرجت وبه جاهل بيمط السنيني حقه ساع لوفي، بعدين قلي اتحداك ياعم تفعلها ..!! #لعنبو_استمك

اشتي اتخارج من شميله بأي ثمن أنا قدنا شيبة على مغامرات الاكشن مانش فاندام ولا بروس لي، هذي المنطقة الفوضوية في صنعاء أتعبتني جداً اتعبت ركبي واعصابي وكملتني فجايع وحالياً كشخص ضايع بنص عمرة اشتي اكمل عيشتي في سلام اسكن حتى بخيمة مش مهم الساعة عشر ونص ليل شليت متر من دار سلم مروح البيت ماشيين في أمان الله طبيعي حتى دخلنا شميلة .. دخلنا ودخل الدبور الطريق فرعي طبعاً، حفر ومطبات بالجملة ناهيك عن الإضاءة ذي هي صفرا، لمبة وحيدة فقط عرض دكان شكلة نسي يطفيها صاحب المتر قلي يمين ولا شمال قلتله يمين وعلى الله، يمين مالي علم بس هكذا تخمين دخلنا يمين ودعسنا سبلت كلب بين الظلمي الكلب صاح مال عاركم، والكلاب الثواني استيقظين حرام ما نفلت صاحبنا تفاهم لك مع كلاب أقسم بالله انحنا ارتعبنا .. إني ليلة جن الادمي بيسوق والكلاب بعدنا وانا قدنا راكب فوق رقبته ماسك له بالشال ساع الحصان كان يقلي يازنوة عادنا عريس حرام ماقد حفظت إسمها سوا  سهر مدري سمر مدري سحر المهم واحد منهن قلت إذا أنت عريس أنا معي ألفين متابع بالتليجرام وإذا مانجوت الليلة ونشرت لهم هذي القصة فأي صانع محتوى شاكون الحمد لله نجونا الأثنين نجونا بأعجوبة .. ومحد خسر حاجة أنا نشرت القصة وهو روح البيت عند سحر مدري سمر ..!!

وعليكم السلام نوووورت

هيااا .. السلام عليكم @lI26_bot