مشعات•

أمس محتفلين بالسبعين واليوم مساربين بالستين والخمسين والاربعين والثلاثين ..!! #ازمة_غاز

فيني حمى وسعله شديده اقسم بالله من قوة السعله قد يين امسك ع الرئتين بيدي لا تطير مثل الافلاس من الجيب ..!!

ضابح اشتي تدولي افضل قناه تتابعوها بس يكون محتواها مضحك @Gi25_bot

اليوم كان عيلبجني واحد من تحت رأس الظرافه قولوا دخلت صيدلية ولقيت واحد قبيلي اشترى كمامة من صيدليه ، أو بالاصح اشتراها من صيدلانيه بتشتغل فيها ، المهم الرجال يشتي يفعل نفسه هذاك الظريف قدام اصحابه على حساب وقتها وطاقتها وقد بيقول لها كيف يركبوها هذه .. ما قدرت ؟ الموضوع عادي بالنسبه لي لو كان صيدلاني بس طلعت صيدلانيه .. الصيدلانيه وقفت امامه وبتدخل الخيوط من اذانه فنبعت انا وقلت مش هكذا قلت له قفي الرجال وراني ظهره وركبتها من وراه قلت هيا كيف .. قال تمام قلت الموضوع سهل جداً ما يحتاج الصيدلانيه تركبها لك، خلي واحد بس يركبها لك من الخلف ساع السنتيان ..!!

اليوم حصلت لي نفس القصة حق مطيرف الفرق فقط ان الشيبه ذي كان معي مابش معه عصيه🤣

اعلى مراحل الحب إنك تشتري قات وتدي للمرة شويه ‌وهي من حبها لك تحس بالذنب وتخزن بنصهن ونص تخبيهن لك للعشي الله الله والحب ممزوج بطعم العطورات والبخور والحناء، جغرتي التخزينة الله يغجر بطونش ..!!

انه الخميس ياقوم .. اليوم العظيم الذي تحدث فيه اعظم الملاحم واشرس المعارك فوق كل سرير وتحت كل طاقه وبين كل زغط انها الثامنة مساء اكملت عملي اخذت علاقية قاتي المرجوزه رجزاً وسلاحي وذخيرتي استعداداً لمعارك مابعد منتصف اليل اوقفت سيارتي وراء سيارة جارنا الصغيره كي يشعر بالحنان ولا يقول ان انا بياع ثم اتجهت للبيت، وقبل ان اصل للبيت استوقفتني غرفه صغيره بين العمارتين تعود للعصر العزوبي قبل ألف سنة قبل أن اتزوج، نعم لقد تذكرت انها ليست مجرد غرفه، انه (المقر) حقنا ذي كنت اخدر فيه أيام العزوبيه إلى الصباح انه (المقر) الذي بداخله اجود الخراطين والمشاعين اصدقائي القدامى الذين لم يتزوجوا للآن انه (المقر) الذي لم ادخله منذ فتره طويله تقريباً منذ ان تزوجت لقد اشتقت له ... اشتقت لهم انها ذكريات الصعلكه الجميله وقفت امامه لحظات افكر قائلاً في نفسي ادخل اخزن في البيت وإلا ادخل اخزن في المقر معاهم؟ وفجأة سمعت صوت من داخلي يقول ادخل خزن في المقر هو يوم يلعن عاره وفجأة سمعت صوت آخر يقول لاتصدق مرتك عتنيك عارك، خميس ادخل خزن في البيت قلت في نفسي والله انه صدق ادخل اخزن في المقر هو يوم يلعن عاره ماعيقطعوش راسي وفي تلك اللحظه توجهت إلى المقر وكسرت حاجز الخوف وصلت دقيت الباب .. فتح لي صالح افضل المشاعين الذين عرفتهم بحياتي استقبلني بحضن دافئ وبوسه عظيمه دوخت بي ثم دخلت واستقبلوني بقية الشله مثله قائلين ايش جابك عندنا، كيف لك جيت عندنا فقلت اسمعوا ياخبره اليوم انا وانتم تخزينه لوما تطلع الشمس قد انا فاقد لكم قالوا كلمة رجال؟ قلت كلمة رجال ملعون من تروح قالوا خميس عتودف قلت يلعن عاره الخميس انطلقت الزغاريد تلك اللحظه واشتعلت سماء الغرفه با الألعاب الناريه وسبكوا لي مدكى اكثروا فيه المخدات والبطانيات وبدأنا الزبج والحشوش والخرط لمدة 20 دقيقه وروحت البيت جري قلدني الله ..!!

ايش الذي مجلسك في القناة؟ @Gi25_bot

اليوم وصلت عند المقوت ادالي القات وقال هات حبه شقاره ، اديت له حبه شقاره وجلس يسولف مع مولعي ثاني وانا مشيت نسيت ما احاسبه وصلت الحاره حصلني جاري قال كيف السوق بوره ، قلت امانه بوره طاحنه خزنت بحبه شقاره صيح لابنه يامحمد ادخل ادي الباكت الشملان من طاقة المجلس ..!!

امس نطل عليا التلفون لوسط الماء نشفته بين الشمس وسبر، أخي الصغير قلي سعليك هو اتروش من الذنوب بس ..!!

ياخي ايش الشتات السياسي هذا حتى الحرب صعبوها على أيامنا ماعاديش سع زمان أمريكا تضرب إيران وإيران تضرب السعودية والسعودية تضرب العراق والعراق تضرب اليمن بميرا صدام حسين واليمن تضرب اللقاحات ومفلته للمبيدات والمبيدات تضربنا هذه أحلام العصر والله مشي حياتنا محد فاهم شي ..!!

ابسرني أبي بين اتفحرر حين ماخزنتش قال سهل سهل ذلحين حين عادهو اول يوم وبعدين عتتعود معك معك ساع الحريوه ..!!

الخارجية اليمنية: الحكومة تسعى إلى حل سلمي للنزاع مع الحوثيين الخارجية اليمنية: إذا واصل الحوثيون الضغط علينا فنحن مستعدون للتصعيد الخارجية اليمنية: لا توجد محادثات مباشرة مع الحوثيين وهناك دور عماني الخارجية اليمنية: يوه كم قد الساعة يلا خاطركم فين عبايتي ..!!

▪️صارحني لتلقي النقد البناء بسرية تامة ▫️ هنا يمكنك ارسال اي رسالة لي , انا مستعد لمواجهة الصراحة 😅 . - تبرع لإستمرار عمل بوت صارحني 🎁 -

وقعت لي ساعة حالية هدية من واحد صاحب جنبي مخزنين فالبيت، المهم مشعها من وسط الدعاية ومدها لي فجأة وأنا مديت يدي وشليتها بين اضحك مقشنن فرح، شليتها وقلت أسلم جبر روحك مادريت إلا حين مشع من الدعاية مضرب عطر بالكرتون وكالة من هولاك حق البرجوازيين ذي يظهرين بالتلفزيون، ومد يده وهذا عطر حالي يارشاد أمسك أنت تستاهل شليت لكم العطر وقدنا محرج منههه هذا شكلك ناوي تجلطني الصدق يا قلبي حبه حبه كمانا بعدين شادوخ والله إلا وفجأة ابسرته يمشع خازن كهرب من نفس الدعاية خازن أبيض كبير يشحن تلفونات حق حارة قمت صيحت بالصوت ماهذا حرام مايدخلني قدهو خزى وزرا لأنا عتشله منك هيا رجعه رجعه قال ايش من خزى مالك هذا خازني وتلفوني قد عيطفى ماعدبلا من الخزى سنبت لبست الساعة وقلت تشتي قلص بن المرة بتفعل بن جنان وخرجت المطبخ جري ..!!

المهم ياخبره فعلت لي قناة تشتوا تجوا جيتوا اهلاً وسهلاً @YO_YSP

المحتوى عاجبكم ولا تشتو اغيره @Gi25_bot

مرة خزنت عند واحد صاحب حبوب وكنت مصدع ! ادالي حبة بندول نوع ما اعرفهش وبعدين جلس يمكني كل دقيقة ها كيف ؟ ها نفعت ؟ ها في تحسن ؟ ها خف الصداع ؟ قلت ايوه ! بدأ يشرح لي التاريخ المعاصر للحبة البندول شوف هذا نوع سويسري جابه لي اخو المدام بيشتغل بشركة أدوية تصدق جاب لي شريطين جلسين معي شهرين مابقيين فيه إلا حبتين حبة مع خالتي اخت امي جت عندنا من البلاد كانت مصدعة ذلحين هي بالقرية وكل مره تتصل ارسلها ان شاء الله اذكر واكلم النسب واقوله يدي لك منه تصدق اسم الشركة هذي مشهور في أوروبا ها كيف راسك ؟ ولا اديلك مشدة لا لا شكرٱ .. هات لي سيارة اسعاف ولا هات المشدة انتحر الآن أنا مصدع، اشتقت له ..!!

أجمل أيام عشتها معكم وبينكم وتعرفت على ناس فيكم كانوا لنا جنّة يشهد الله لكن الواحد لازم يشوف نفسه اذا بيحس حاله مش بخير وحتى في الواقع اشتي العزلة مش بس في المواقع ... دعواتكم لنا بالشفاء ! واستودعناكم الله 💙