Wateen BAC

بما انو راني صايمة ليوم حبيت نقولللكم🌷💗 حفظكم الله بعينك التي لا تنام، ويسّر أموركم وشرح صدوركم، رزقكم الله راحة البال والطمأنينة، اللهم إن تعبتم فخفّف عنكم، وإن ضاقت بكم ففتح لكم أبواب الفرج حقّق الله أمانيكم، وكتب لكم الخير حيث كان وابعِد عنكم كل حزن وهمّ وشر، وجعل أيامكم فرحًا وقلوبكم مطمئنّة بذكره 🤲🏻 ادعولي ربي يستجيب دعائي ويحققلي ما في قلبي و يعوضني خير ما اضعت ولكم بالمثل 💗🥺🫶🏻

لي عندو سؤال او سحق ملخص يخليلي هنا و كي نقعد راني نجاوب عليه وربي يوفقكم جميعا 💗🫶🏻

و لي يحبو خطة تع المقترحات سبق وين قلتهالكم تع تقرو المقترحات و زيدو المقدمة و الخاتمة والتركيب تع المقالات لي بقاو و تكونو ضمنتو باذن الله على الاقل 10نقاط الخطة

دك الا تقراي المقترحات ولا قاع الدروس ذاك شي نتي مسؤولة عليه انا منقلكش ؤوحي اقراي مقترحات امبعد ميطيحوش ومنقلكش اقراي قاع لبروغرام واهملي المواد لوخرين انتي شوفي شا يخرح عليك وعلى ضميرك 💗

وهذه الطريقة لي قتلكم ديروها بهذا الشكل يكون المخطط 🫶🏻🩷

بعدها كي تجو تقراو المقالة تفهموها قبل من بعدها تحاولو تديرو مقالة وحدكم وحبذا لو تفهموها على استاذ هواري هو يفهم بطريقة هايلة وبسيطة ويدخل المعلومة بشكل افضل 💗 علابالي تقولولي وين حنعرفو نديرو مقالة وحدنا ومنا 🥲😂 بصح لا علينا دوك نفهمكم كفاه تولو تتفلسفو بشكل رائع 😍 اول حاجة بعدما تفهمو المقالة وتكونو مع الوقت تدونو المعلومات لي يمدهملكم في فيديو ومام اذا كتبلكم الاقوال والفلاسفة اكتبوهم لانهم هوما الصح بلا بيهم المقالة متقدوش تدو العلامة ومام كن متلقاوهمش حوسو عليهم من كتب او مصادر كاين كتب بزاف هايلين (كتاب التلميذة هبة جبايرية/ كتاب خليل سعيداني) وغيرهم واذا تلفتلكم وملقيتوش منين شوفوهم من مقالة واجدة تلقاوهم فيها اكتبوهم وتحفضوهم عن ضهر قلب 😂 لانو تحتاجو تحطوهم من بعدا المهم لا علينا بعد هذا الشيء تديرو مخطط خاص بهذيك المقالة وتدونو فيه كامل المعلومات عليها كيما الانصار(الفلاسفة) تاع هذيك المقالة ،الحجج والبراهين ، اقوال الفلاسفة وما الى ذلك .

🌸اولا وقبل كل شيء روحو تقراو منهجيات راهم ربعة وساهلين (الجدلية/المقارنة/الاستقصاء بالوضع/تحليل نص) هذي بالنسبة لي ميعرفهمش وميفهم والو في الفلسفة اني قتلكم وش فيها منهجيات . 🌸ثانيا شوفو بروف مليح وتفهمو عليه كاين بزاف لي بروف وهايلين (عادل مقرود/هواري/خليل سعيداني/الاستاذة ضيف/ عفيف) بعد متقراو المنهجيات وتفهموهم مليح تروحو تكتبوهم في ورقة كبيرة تقسموها على اثنين من الجهتين يخي قلنا ربع منهجيات يعني في جهة الامامية فيها زوج منهجيات والجهة الخلفية زوج منهجيات وقبل كل هذا المرة لولة تتفرجو فيديو باش تفهمو والمرة ثانية باش تدونو المنهجيات (هذي الطريقة اعتمدوها في جميع المواد هكا تترسخ المعلومة بشكل افضل ) 🩷.

نبعتلكم ملخص شامل لكل انواع تع الشعر او النثر وتان ملخص لكل القواعد احتفظو بيهم

زيدو كاشما تسحقو

حالات دراسة حركة القذائف

حالات القذيفة

الثورة الجزائرية

نبعتلكم ملخص للثورة الجزائرية معا حالات القذيفة

الا سحقيتو كاش ملخصات ولا قولولي نحاول نوفرهالكم باذن الله 🫶🏻

يتغلق السيت 10فيفري ولاكن نتوم ديرو حسابكم ف9 متخلوش اموركم لليوم الاخير

نورمالمو هدا مكان لي سحق اي حاجة يكتبلي ملتحت 💗🫶🏻 وفقكم الله وسدد خطاكم 🥰

بالنسبة للبعض لقاو بلي رقم شهادة الميلاد ناقص ب رقم ولي هو 0 فنقوللكم عادي هاديك ينحو الفر اما الا كان ناقص اكثر فيحسب خطا كاين تان لي مضهرتلوش شعبة فالترشح عادي لمهم مكاش خطا فيها