Ӏилманан Аманат

Мил-милла ца хуьлуьйту АллахIа шен дин дуьйцуш верг, я шен динан гIоьнча а, цундела ойла е, хьан къинош дуй те оццула болчу аьттонах хьо юхатоьхнарг алий!

Мил-милла ца хуьлуьйту АллахIа шен дин дуьйцуш верг, я шен динан гIоьнча а, цундела ойла е, хьан къинош дуй те оццула болчу аьттонах хьо юхатоьхнарг алий!

Дин даржорехь къахьоьгуш болчу наха дина долу гIуллакх цкъа а эрна довра долуш дац, АллахIа шена гергахь мискъал-зарратал вай дина долуш долу хIума, Дин дуьхьа динарг муххале а, зен дойтур долуш дац. АллахIа Шена гергахь дIадуьллур долуш ду иза, Къемат дийнахь вайна бекхам бан. ©Леид

Сингаттамаш хӏехула кхоьлина белахь а, царна чохь совгӏаташ хуьлу. Цундела, дог ма дилла сингаттам бахбеллера аьлла! Аллахӏаца синтем лаха ахьа!

Варийлахь, ларлолахь Цунах! Ларлолахь И оьгӏаз вахийтарха, хьо ӏеха ма лолахь, и кӏеда-мерза хиларан, сих ӏазап ца луш, хьой цхьана ханна ӏаддавуьташ вара але! Хӏунда аьлча, баккъалла а Аллахӏа зуламаш деш волу стаг, цхьа еххачу хан чохь ӏаддавуьта, Ша цунах катоьхча, иза карар ца валийта! Тухучу хенахь цунах луьр тохархьам! Луш хенахь цуна чӏогӏа ӏазап далархьам! [ Цундела Аллахӏа шена тӏе ӏазап ца доуьйьуш, шена тӏе бала ца боуьйтуш, ша летош къинош доллушехь, шен ӏеса хӏуманаш доллушехь, шена Дала рицкъа луш, могшалла латтош, ша иштта вуьтуш хилча, стаг ӏехавала ца веза, иза вуьг-вуьггуш гурам тӏе вуьгуш хира ву, цуна ӏазап доккха далархьамма. Цундела Делан лай, цхьана хан чохь ша харцонаш лелочу хенахь шена ӏазап ца даларха ӏехвала ца веза! ]

Аллахӏан Элчано (соллаллохӏу ӏалайхӏи ва саллам) аьлла хьуна: «Баккъалла а, Аллахӏа Шена хаьржина ду Ислам-дин, шу дин тодира дац шуна, комаьршалло бен, хазачу гӏиллакхаш бен!» Ладогӏалаш, сем хиллаш, шай дин хаз делаш оц шина амалцани, хьалхар амал - комаьрша хилар ду шуна; шологӏ амал - хаза гӏиллакх хилар ду шуна! [ Хӏунда аьлча адам хаза гӏиллакх долуш хилча, хаза амал йолуш хилча, адам комаьрша хилча, нах тӏаьхьабоза цуна, наха ладугӏа цунга, наха пайда оьцу цунах, наха масал оьцу цунах, ша дуьйцуш долу дин, шай леларцани лелош вукх иза оле нах тӏехьабоза цуна, сий хуьлу цунах, ларам хуьлу. Амма нагахь санна и стаг, хаза амал йолуш вацахь, хаза гӏиллакх долуш вацахь, комаьрша вацахь, тӏаккха наха цунцани лелош йолу юкъаметтиг гӏийла лелайо, дӏатосу цара иза, хӏунда аьлча хаза гӏиллакх ца хилча, хаза амал ца хилча, ша лелош ду бохуш долу дин, оц дино уггаре коьрта ду аьлла долу хӏума шен амалехь иза лелош ца го нахана, ткъа иза - хаза гӏиллакх ду! Цундела аьлла: «Хӏай нах! Шай дин хаз дойла аша, комаьршаллица, хазачу гӏиллакхаца!» ]

И самукъа соввадаккхуш дӏагӏура дукх, кху тӏехь сан са дуз ма ца дуза, хӏара хьостанаш, хӏора бусулба стага дан дезаш ду, дин даржош, хӏораммо, амма даӏват бахахь, иза хӏораммо дан дезаш дац, и майда хӏораммо дӏа ца лоцу, и даӏватан майда дӏалаьцнарг хуьлийла со а, сан тӏехье а!

Даӏватан некъ хьан самукъа ма ду, самукъа а доцуш дахар дӀа дахьалур дуй-те?)