Hovnan Shahbazyan

․ Երբ մարդը մտածում, խոսում և գործում է միատեսակ և միանման, այդ մարդը գտնվում է հարմոնիայի մեջ ինքն իր հետ։ ․ Երբ մարդը գտնվում է հարմոնիայի մեջ, այդ մարդը ապրում է ճիշտ էներգետիկ դաշտում այս աշխարհի հետ։ ․ Երբ մարդը ապրում է ճիշտ էներգետիկ դաշտում, նա հաջողակ ու երջանիկ է անկախ որևէ հանգամանքից։

ՍՊՈՐՏԸ ԵՎ ԲԻԶՆԵՍԸ Սպորտի և բիզնեսի նմանության մասին ես շատ օրինակներ ունեմ։ Նրանք իրապես շատ հարցերով նման են մեկմեկու։ Եվ թերևս ամենատիպիկ նմանությունը նա է, որ երկու դեպքում էլ արդյունքը կախված է քեզանից։ Կախված է նրանից, թե ի՞նչ նպատակ կդնես քո առաջ և ինչքանո՞վ հետևողական կլինես նրան հասնելու մեջ։ Դուք կարող եք կարդալ բազում գրքել։ Կրթվել ամենաանվանի ուսումնական հաստատություններում։ Այդ բոլոր գիտելիքները առ ոչինչ են, եթե դուք չունեք բավարար կամք ամենօրյա ռեժիմով զբաղվել նրանով, ինչը Ձեզ կմոտեցնի ձեր նպատակին։ Այս կյանքում մի կողմից ամեն ինչ շատ բարդ է, բայց մյուս կողմից ամեն ինչ շատ պարզ; Անընդհատ աշխատանքը պարգևատրվում է միանշանակ։

Գործարարի պարկեշտ լինելու հանգամանքը կարող է ծածկել նրա բյուր թվով թերությունները բիզնեսում։

Կիսվեմ իմ կարծիքը մի երևույթի մասին։ Բոլորիս շրջապատում կան մարդիկ, որոնք չափազանց նեղացկոտ են։ Հերիք է մի անզգույշ քայլ, արտահայտություն կամ շարժում, հանկարծ տեսնում ես ձեր հարաբերությունները փոխվեց։ Շատ հաճախ դա ամենաչնչին իրավիճակներից է պատահում։ Միգուցե այս երևույթին հոգեբանները ունեն իրենց բացատրությունը, որի մեջ ես չեմ խառնվի, դա իմ կոմպիտենցիաներից դուրս է։ Բայց ես նկատել եմ, որ չափից շատ նրաբանկատ լինելը նաև ցածր ինքնագնահատականի արդյունք է։ Երբ մարդու ինքնագնահատականի հետ ամեն ինչ կարգին է, դժվար է այդ մարդուն նեղացնելը։ Իսկ ե՞րբ կարելի է համարել, որ մարդու ինքնագնահատականի հետ ամեն բան կարգին է։ Երբ մարդը բոլորին, անկախ իրենց սոցիալական բարձր կամ ցածր դիրքից, վերաբերվում է հավասարը հավասարի։ Միգուցե չափազանց հասարակ նկարագրություն էր, բայց ինձ համար ամենապարզ ինդիկատրն է մարդու ինքնագնահատականի հարցում։

Գլխավոր գաղտնիքը ցանկացած տեսակի հարաբերությոուն կառուցելու մեջ հետևյալն է . Պատրաստ եղեք ավելի շատ տալ, քան վերցնել։

Կյանքի պարզագույն օրենքներից։ Հումանիստական մտքերը առանց կապիտալի չունեն իրականացման գործիքակազմ, իսկ կապիտալիստական մտքերը առանց հումանիզմի, կենսունակ չեն։

Գործարարին հարկավոր է սկզբից հասկանալ, թե ի՞նչ է պետք մարդկանց, այնուհետև ապացուցել մարդկանց, որ դա իրենց պետք է։

Եթե ինձ համար որոշվել է այն կյանքի ուղին, որը ես հիմա անցնում եմ, ուրեմն ամեն ինչ կանեմ, որ չհիասթափեցնեմ որոշում կայացնողին։

Կյանքի պարզագույն օրենքներից․ Երբ ձեր կյանքում հրդեհ է բռնկվում, հնարավորինս արագ պետք է դուրս գալ կրակի ճիրաններից, որպեսզի կարողանաս հրդեհը հանգցնես։ Ինչպես հնարավոր չէ հրդեհի մեջ գտնվելով հրդեհը հանգցնել, այնպես էլ հնարավոր չէ խնդրի մեջ լինելով խնդիրը լուծել։

Մարդու ճակատագիրը իր ձեռքերում է։ Վաղվա արդյունքը այսօրվա գործողությունների պատասխանն է։ Գործողությունների այլ ոչ թե ցանկությունների։ Աշխահը մեզ պատասխանում է մեր գործողությունների դիմաց, այլ ոչ թե ցանկությունների։ Այս միտքը գիտակցելով եկեք պատասխանատվությամբ ապրենք այս օրը։