𝐅𝐞𝐞𝐥𝐢𝐧𝐠❤🌹

‎"ဆယ်ကျော်သက်ဆိုတာ ‎ဘဝရဲ့ အလှပဆုံးနဲ့ ‎အမိုက်မဲဆုံးဖယ်ရီတေးတစ်ခု" ‎ ‎ဆေးထည့်မှ ပိုဆိုးတတ်တဲ့ ‎ဒဏ်ရာဆိုတာရှိတယ် ကလေးငယ် ‎အလွမ်းဆိုတာ အနာစိမ်းပေါ်အရက်ပြန်လောင်းခြင်းပဲ ‎အတိတ်ကို အတိတ်လိုမထားရင် ‎သာယာမှုဟာအတိုက်စားခံကမ်းပါးပေါ့ ‎ကလေးငယ် ‎ ‎ကိုယ်တို့ရဲ့ ကတိတွေဟာ ကုန်းကျော်တံတားကိုမကျော်န်ိုင်တဲ့  ခြေကျိုးတစ်ကောင်လို ‎နှစ်ယောက်တဘဝဆိုတာ ‎ဆယ်ကျော်သက်ခုနှစ်ရဲ့ ‎တထောင့်တညပုံပြင်‌သက်သက်ပါ ‎ကလေးငယ် ‎ ‎စိတ်ကူးနဲ့ သွားဖူးတဲ့ခရီးတွေ ‎သက်စွန့်ဆံဖျားအဖိုးတန်ညနေတွေကို ‎မင်းစေတိသိက်မှာ မြေမြှုပ်ပါ။ ‎ ‎ပြန်မလည်တော့မယ့် နာရီတစ်လုံးရယ် ‎ပြန်မလာတော့မယ့် ရထားတစ်စင်းရယ် ‎ကိုယ့်ဟင်းခွက်ကိုယ်အဆိပ်ခတ်မိတဲ့ရက်တွေရယ် ‎ဝေးဝေးကိုပြေးပါ ‎ဝေးဝေးကိုငေးပါ ‎ ‎ဖိနပ်မပါတဲ့ဘဝမှာ ‎ခြေဗလာနဲ့မခုန်ချင်စမ်းပါနဲ့ ‎ကလေးခြေဖျား နုလှတယ် ‎ ‎မမိုက်မဲပါနဲ့ ကလေးငယ် ‎ဖြစ်ချင်တိုင်းဖြစ်ခွင့်မရှိတာတွေဟာ ‎တကယ်ရှိခဲ့ပါတယ် ‎ ‎စီးကရက်သောက်ဖို့မီးခြစ်မရှိတဲ့အခါ ‎ကိုယ်တ်ိုင်မီးပုံထဲဆင်းညှိနေသလို ‎မင်းဟာ သိပ်မိုက်မဲတယ် ကလေးငယ် ‎မမိုက်မဲပါနဲ့ ‎ဖြစ်ချင်တိုင်းဖြစ်ခွင့်မရှိတာတွေရှိတယ် ‎ဒါကိုဘဝနဲ့ရင်းပြီး ကိုယ်ငိုပြောမယ် ‎ ‎မိုက်မဲမိတိုင်း အရင်လိုဆူမယ့်ကိုယ် ‎မရှိတဲ့အခါ ကိုယ့်ကိုမေ့ပါ ‎မဟုတ်သေးဘူး ‎ကိုယ့်ကိုမုန်းပါ။ ‎ ‎ဆယ်ကျော်သက်ဆိုတာ ‎ဘဝရဲ့ အလှပဆုံး ‎အမိုက်မဲဆုံးဖယ်ရီတေးတစ်ခုပါ ‎ ‎မင်းကိုရည်ညွှန်းတဲ့ကဗျာတွေကို ‎မဖတ်မိပါစေနဲ့ ကလေးငယ် ‎ ‎အမိုက်ရိုင်းဆုံးကျမ်းစာတစ်စောင်၊ ‎‌မျက်နှာပြောင်အတိုက်ဆုံးကံကြမ္မာနဲ့ ‎ကြွေမွသွားတဲ့ မင်းနှလုံးသားအတွက် ‎ရည်ညွှန်းပါတယ် ‎မဖတ်မိပါစေနဲ့ ကလေးငယ် ‎ ‎-မြတ်နွယ် ‎-၈ရက်၈လ၈နာရီမှာ ‎မင်းအတွက်ရေးတဲ့ကဗျာ

တချို့ သူခိုးတွေက သိက္ခာရှိတယ်... စောရနက္ခတ်ပါလာလို့သာ မနေနိုင် မထိုင်နိုင် ခိုးကြည့် ငေးကြည့်ရုံလေးပဲ... ဘာဆိုဘာမှ ယူမသွားရှာဘူး...။ - ရေဇက်

ဘုရားသခင်ဟာ အလိုက်သိရှာတယ် မိုးခေါင်တဲ့ကျွန်တော့်ဘဝထဲ မျက်ရည်မခမ်းအောင်ဖန်တီးပေးတယ် -မြတ်နွယ်

ကျွန်တော်က ဒိတ်အောက်နေတဲ့ လူငယ်တစ်ယောက်နဲ့ တူတယ် စိတ်ပေါက်လို့ သီချင်းထဆိုတဲ့အခါ တွံတေးသိန်းတန် သီချင်းတွေ ထွက်ချင်ထွက်လာတာမျိုးပေါ့ ပြီးတော့ ... အများကြီး ပြန်လွမ်းစရာ လူငယ်ဘ၀တွေ ရှိမနေတဲ့ ကျောင်းပြီးသွားပြီဆိုကတည်းက အလုပ်ခွင်ထဲ ရောက်ခဲ့တဲ့ လူငယ်ဘ၀ပေါ့ ကလပ်တွေ ဘားတွေ မကြိုက်တတ်ဘူး ဆူညံတဲ့ အရပ်တွေ မကြိုက်တတ်ဘူး စသည်ဖြင့် ကိုယ့်အခန်းကျဥ်းလေးက ကိုယ့်ရဲ့ နိဗ္ဗာန်ဘုံဆိုပြီး သတ်မှတ်ထားတဲ့ လူတစ်ယောက်ပါပဲ ဘာစားချင်လဲ မေးတဲ့အခါ ထမင်း နဲ့ ဟင်းကောင်းကောင်းစားရရင် အဆင်ပြေတယ် ဆိုတာမျိုး တစ်နေရာရာသွားရမယ်ဆို အေးချမ်းပြီး တိတ်ဆိတ်နေရင် အဆင်ပြေပြီ ဆိုတာမျိုး ရွေးစရာတွေရှိနေရင်တောင် ကတ္တီပါ ဖိနပ်လေးတွေကလွဲရင် တခြား အများကြီး ကြိုက်မနေတတ်တာမျိုးပေါ့ လူကြီး တစ်ယောက်မဖြစ်သေးပေမယ့် တချို့နေရာတွေမှာ သက်တူရွယ်တူချင်းတောင် ဒိတ်အောက်နေတဲ့ လူငယ်တစ်ယောက်ပေါ့ သီချင်းအဟောင်းတွေကို ထပ်တလဲလဲနားထောင်တတ်တဲ့ အကျင့်ရယ် ပြီးတော့ ... တစ်ခုခု မလုပ်မှာ အစအဆုံးပြန်တွေးနေတတ်တဲ့ အကျင့်ရယ် သေချာပြန်တွေးကြည့်မယ်ဆိုရင် လွန်ခဲ့တဲ့ ငါးနှစ်လောက်ကလေ အလုပ်ထဲမှာ ပင်ပန်းနေတဲ့ ဆယ်ကျော်သက်လေးကိုပဲ တွေ့တယ် ဘယ်လိုပျော်အောင်နေရမယ်ဆိုပြီး လောကကြီးက သင်ပေးဖို့ ပျက်ကွယ်ခဲ့တယ်ဆိုပါတော့ သင်ခန်းစာတွေတော့ သေချာပေါက်ကို အများကြီး ပေးခဲ့တယ် ။

“စည်းမရှိတဲ့မိန်းမ“ “ဒီခေတ်ကြီးထဲမှာ တစ်ယောက်ပြီးတစ်ယောက်ပြောင်းပြီးတွဲနေတဲ့သူတွေအများကြီးပါ။ဒါမယ့် အ့တာကကိစ္စမရှိဘူး။အဓိက ကသူများရည်းစားကိုမကြိုက်ဖို့ပဲ။ကိုယ်ချင်းစာကျပါ သူတို့မှာမျှော်လင့်ချက်တွေအများကြီးနဲ့တည်ဆောက်ထားတဲ့အိမ်မက်တွေအများကြီးရှိပါတယ်။ကိုယ်က သူများအတွဲကိုပျက်စေချင်လို့ဖြစ်စေ၊ရည်းစားရှိတာသိသိရက်နဲ့ကြိုက်မိတာဖြစ်စေ မလုပ်ပါနဲ့။လူဆိုတာ “ကိုယ့်စည်းနဲ့ကိုယ်“ရှိပါတယ်။ပိုဆိုးတာက အခုတလော ကိုယ့်မှာချစ်သူရှိပါရက်နဲ့တစ်ခြားကောင်နဲ့အီစကလီလုပ်နဲ့ကောင်မတွေ/ကောင်တွေပဲ မင်းတို့မစဉ်းစားကြည့်မိဘူးလားဟင် ကိုယ့်ကောင်မလေး/ ကိုယ့်ကောင်လေးများ သိရင်ဆိုပြီးတော့?။တစ်ချို့ဆိုနှစ်ဖက်လုံးမှာကောင်လေးရော ကောင်မလေးရောရှိနေတာမျိုးတွေပေါ့။ကိုယ်ကအပျော်နေနဲ့တွဲလိုက်ပေမယ့် သူတို့ကိုတကယ်ချစ်တဲ့သူတွေကနာကျင်ရတယ်။ တချို့သောသူတွေဆိုကိုယ်ချင်းစာစိတ်ရော စာနာစိတ်ရော ကျေးဇူးသိတတ်တဲ့စိတ် အရှက်တရားရောမဲ့ကြတယ်

ကလေးမလေးကို ကလေးဆန်လိုက်တာလို့ တွေးမိတိုင်း ဒုက္ခရဲ့အစဟာ ကလေးမစိတ်ကောက်သွားတဲ့ညတွေ။ -ကြည်စိုး -အစ်ကို့ရဲ့ဇီဇဝါ(၂)

‎မျက်ရည်ဟာ ပင့်သက်ကိုတိုးဝှေ့မယ့် ‎ရုံတင်ကားအတွက် မှောင်ခိုလက်မှတ်ပေါ့ ‎ ‎-မြတ်နွယ် ‎

"နှစ်တွေ အကြာကြီး  ဘယ်လိုများ မြဲအောင်တွဲခဲ့သလဲ"တဲ့ သူက စချစ်တယ် ကိုယ်က ဆက်ချစ်တယ် ဒီလိုပဲပေါ့။ -သွယ်မြိတ်

‎မရွာဖြစ်တော့မယ့်မိုး‌ကို ‎သယ်ထားရတဲ့ တိမ်တိုက်ဟာ ‎အလေးလံဆုံးပါ အချစ်ရယ်။ ‎ ‎-မြတ်နွယ် ‎

မောင် ၃၆ မောင်ဆေးလိပ်သောက်ရင် ကျွန်မ ချောင်းဆိုးတယ် မောင်ရေချိုးမှားရင် ကျွန်မအအေးမိတယ် မောင်ထိခိုက်ရှနာဖြစ်ရင် ကျွန်မဒဏ်ရာရတယ် မောင်မပျော်ရင် ကျွန်မဝမ်းနည်းတယ် အဲ့ကြောင့်မောင့်ကို ခဏခဏ ပြောတာပေါ့ အစစအရာရာ ဂရုစိုက်ပါလို့...။ ▪️စာတိုငဖြူ

နှလုံးသားမှာ.... ဦးနှောက်လို အသိဉာဏ်ရှိရင် မင်းကို နှစ်ခါပြန် မချစ်ဘူး ။

လောင်ချိတ်

နမ်းရှိုက်ခဲ့ဖူးတဲ့ ဆံနွယ်ဟာ ခု‌တော့ မာနပန်တစ်ကုံးနဲ့ ဣန္ဒြေရရဆံထုံးထုံးလို့ -မြတ်နွယ်

ချစ်ခြင်းမေတ္တာ ဆိုတာ ရုပ်ရည်၊ဂုဏ်ပကာသနတွေမှမဟုတ်ဘဲအချစ်ရယ်။ နွေးထွေးလုံခြုံမှုရှိတဲ့ ရပ်ဝန်းမှာသာ ရနိုင်တဲ့အဖိုးတန်ပစ္စည်းမျိုး။ -ခင်ချောမေ

ပြေးလာလို့မရတော့လည်း လွမ်းတာလောက်နဲ့ပဲ ကျေနပ်လိုက်ပါတယ် စိတ်နဲ့ချည်တဲ့ ကြိုးတွေမှာ ငါတို့ အကွာအဝေးတွေမှ မလိုပဲကွယ် ။ ။ - အိုဇုန်း  

တစ်ခါက ရခဲ့ပြီးသား ချစ်သူတစ်ဦးဆီက ချစ်ခြင်းမေတ္တာတို့ဟာ တစ်သက်စာ နေထိုင်ဖို့ လုံလောက်ခဲ့ရပါတယ်...။ ။ ။ - လောင်ချိတ်

ချစ်ရတယ်ဆိုတာ နှာစီးလို့ဆေးသောက်ပြီး နှာစီးတဲ့ထိထိုင်ငိုရသလို -မြတ်နွယ်

မိဘကို မသိတတ်တဲ့ကောင်က သူနဲ့ကျမှ ရေမရောတဲ့ ဝိသုဒ္ဓိနတ်ကြီးကို ဖြစ်လို့။ -မြတ်နွယ်

ကုတဲ့ ဆရာဝန်ဟာ မင်း မဟုတ်သရွေ့ ဒီလူနာ အသက်တကယ် ရှင်မနေဘူး အချစ်ရဲ့ -မြတ်နွယ်

ဘယ်လောက်ပဲ အဆင်မပြေမှုတွေရှိရှိ “ချစ်လား”လို့မေးလိုက်တိုင်း “သိပ်ချစ်တာ မသိဘူးလား”လို့ ပြောမယ့်သူတစ်ယောက်သာရှိရင် ကျွန်တော်တို့ဟာ နာကျင်စရာတွေ ရှိနေရင်တောင် ရယ်မောနိုင်ကြဦးမှာ။ crd