HAQA-BAAS

Guyyaa 19/05/2017 Sa'atii 4:57 ➭HBS Kutaa 21ffaa ➾ Haqabaas team irraa Labsii Qabeenya Deebisiisuu B1ffaa

Gaaffii Labsii Qabeenya Deebisiisuu Lakk.1364/2017 Haaraa Bahee Irratti Ka'aa Jiruuf Ilaalcha HAQABAAS TEAM! Namoonni hedduun labsiin qabeenya bu'aa yakkaa deebisiisuu waliin walqabatee  bahe kana irratti gaaffiiwwan hedduu kaasaa turanii jiru. Keessa darbee namoonni tokko tokko immoo labsii kanaan walqabatee yeroo mootummaaan garee tokko miidhuuf baasee jedhanii hammeessan argaa jirra. Gaaffileen ka'an keessaa muraasni isaanii:- 1) Labsii kana baasuun maaliif barbaachisee? 2) Labsiin kuni duubatti deebi'ee hojjechuun isaa qajeeltoo heera fi seeraa biyya keenyaa seerri duubatti deebi'ee hin hojjetu jedhuu hin cabsinee? 3) Labsiin kuni mirga qabeenya horachuu waliin walqabatee mirga heeraan mirkanaa'ee kan cabsu mitii? 4) Labsiin kuni garee murtaa'ee tokko ittiin adabuuf kan kaayyeffate hin fakkaatuu? 5) Labsiin kuni yeroo hojiirra ooluu akka feeteedhaan akka qaamoleen labsii kana hojiirra oolchan nama fedhan ittiin miidhan karaa hin saaquu? 6) Sirni haqaa cimaan bilisummaa fi ittigaafatamummaa guddaadhaan karaa loogii irraa bilisa ta'een labsicha hojiirra oolchuu jiraa? 7) Labsiin kuni waggaa 10 duubatti deebi'ee akkasumas qabeenyi qarshii miliyoona 10 ol qofa akka ka'umsaatti qabatee akka hojiirra ooluuf kan murtaa'ee maal ka'umsa godhateeti? Kan jedhuu fi gaaffiiwwan biroon ka'aa turanii jiru. Anis akka ogeessa seeraa tokkootti gaaffiiwwan ka'an kana seera waliin walbira qabee ilaaluun gaarii ta'ee waan natti mul'ateef gaaffiiwwan kana irratti hanga danda'ame tokko tokkoon iftoomina uumuuf nan yaala. Gaaffii 1ffaa:-Labsii kana yeroo kana baasuun maaliif barbaachise gaaffii jedhu ilaalchisee? Namoonni gaafffii akkasii kaasan hedduun isaanii namoota hanqina hubannoo seeraa qaban ta'uun irraa mul'ata.Sababni isaa seerri qabeenya bu'aa yakkaa deebisiisuu kuni akka waan yeroo calqabaaf waanti duraan biyyicha keessa hin jirre seerri haaraan bahe tokkootti yaadaniitu gaaffii kana kaasuu. Haa ta'u malee dhimmi qabeenya maddi isaa hin beekamne qabatanii argamuu yakka ta'ee tumamuus ta'ee qabeenyi akkanaa akka dhaalamuu taasifamuun akka addunyaattis ta'ee akka biyya keenyaatti dhimma haaraa miti. Seenaa ka'umsa yakka qabeenya maddi isaa hin beekamne qabatanii argamuu yoo ilaallee sadarkaa addunyaatti calqabaaf beekamtii kan argate bara 1960 akka ta'etu himama. Biyyoonni jalqabaaf yakka taasisan Hindii fi Arjentiinaa yommuu ta'an innis bara 1964 akka ta'etti himama. Biyya keenyattis yeroo calqabaaf Seera yakkaa bara 1996 bahe keewwata 419 jalatti kan tumamee yommuu ta'uu, boodarra labsii yakkoota Malaammaltummaa tumuuf bahee labsii 881/2007,kewwata 21 jalatti tumameera.Kanarraa kaanee seenaa yakka kanaa yommuu ilaalluu sadarkaa Addunyaatti waggaa 64 oliif,sadarkaa biyya keenyaatti immoo waggaa 20 oliif yakka ta'ee hojiirra kan turee yommuu ta'uu yeroo ammaa biyyoonni addunyaa hedduun yakka taasisanii seera yakka isaanii keessatti hammachiisuun akkuma biyya keenyaa akka meeshaa qabsoo farra malaammaltummaa cimaa tokkootti ittifayyadamaa jiruu waan ta'eef akka seera haaraa amma dhalate tokkootti fudhachuun yaada sirrii natti hin fakkaatu. Erga kana jennee booda seericha yeroo ammaa baasuun maaliif akka barbaachisee ilaalchisee seerichumti mataan isaa seensa/preamble/ isaa irratti kaa'ee jira. Akkaataa ibsa seensa labsichaatti Labsiin kuni qabeenya bu'aa yakkaa deebisiisuu lakk.1364/2017 kuni  kaayyoowwan armaan gadiitiif kan tumame dha.Isaanis:- namni kamiyyuu gocha seeraan alaa/yakka/ irraa faayidaa gosa kamiyyuu argachuu akka hin qabne daangessuuf; seeraa cimaa yakkoota dinagdee dinagdee biyyaa irratti miidhaa geessisan ittisuu fi to'achuu danda'uu qabaachuun waan barbaachiseef; seerota qabeenya bu'aa yakkaa deebisiisuu hunda galeessa/comprehensive/ ta'ee qabaachuun barbaachisaa waan ta'eef; .... HAQABAAS TEAM!! ITTI FUFA...

Guyyaa 18/05/2017 Sa'atii 5:06 HB ➭ YAADACHIISA

''Jaarmiyaalee haqaa fi nageenyaa gahumsaa fi bilisummaa qaban qabaachuun ijaarsa biyyaaf murteessaadha. Hojiin ijoon mootummaa qonna qotuu, daldaluu ykn warshaa ijaaruu miti. Hojiiwwan kun qaama kamiinuu raawwatamuu danda'u. Hojiin mootummaa kanaaf haala mijeessuudha. Haala kan mijeessu immoo seera kabachiisuudhani. Olaantummaa seeraa mirkaneessuudhani. Nageenya lammiilee eeguudhani. Hojiiwwan kun aangoo mootummaati. Qaama biraatiin raawwatamuu hin danda'an. Kanaaf mootummaan gara hojii ijoo isaatti xiyyeeffachuu qaba. Qaamolee mootummaa nageenya eegan, seera kabachiisanii fi olaantummaa seeraa mirkaneessan gahumsaa fi naamusaan cimsuu qaba. Bilisa ta'anii akka hojjatan taasisuu qaba. Deeggarsi olaanaan qaamolee kanaaf taasifamuuf qaba.'' ✍️  Sultan Abdo Ute😍

Murtiiwwan MMWFDHI HBS Seeraa:- 006 LAFA BAADIYYAA

Qabiyyee/Lafa baadiyyaa irratti wal falmii ka’u qaamni mootummaa Federaalaa keessatti hirmaatus ykn qabeenya mootummaa federaalaa ta’us yookiin wal falmitoonni jiraattota naannolee garagaraa yoo ta’anis dhimmicha sadarkaa jalqabaan ofitti simatee ilaaluun murtii kennuuf  Aangoo hundee dubbii kan qabu Mana Murtii Aanaa qabiyyeen sun keessatti argamudha jechuun Manni Murtii Waliigalaa Federaalaa Dhaddachi Ijibbaataa galmee lakk 246305  ta’e dhaddacha gaafa Mudde 25/2016 ooleen (kan hin maxanfamne) irratti murtii fi hiikoo seeraa dirqisiisaa kenneera. Akkaataa Labsii 1234/2013 kewt.5(1)(f,g,h) jalatti tumamee jiruun, falmii dhimmoota qaamni mootummaa federaalaa keessatti hirmaate yookiin qabeenya mootummaa federaalaa ta’e yookiin qaama Mootummaa Federaalaatti galmaa'e, yookiin dhimmoota jiraattota Naannolee adda addaa jiraatan gidduutti wal falmii ka’u yookiin wal falmii jiraattota naannolee fi Magaalaa Finfinnee jiraatan gidduutti falmii ka’u ilaaluuf  aangoo kan qabu Manneen Murtii Federaalaa akka ta'e tumamee jira. Dhimmi kun keessaawuu, dhimmi wal falmii jiraattota Naannoo Oromiyaa fi magaalaa Finfinnee gidduutti wal falmii ka’u ilaalchisee hiikkoo Heeraatiif qajeelfamee kan jiru fi murtii /fala xumuraa kan hin arganne ta’uun ni beekkama. Haata’u malee, Dhimma MMWF/Dh/Ijibbaataa Galmee Lakk. 246305  ta’e dhaddacha gaafa 25/4/2016 ooleen murtii fi hiikkoo seeraa dirqisiisaa kenname kanaan immoo dhimma wal falmii qabiyyee lafa baadiyyaa irratti ka’u ilaalchisee Manni Murtii dhimmicha sadarkaa jalqabaatiin ilaalee murtii kennuu danda’u (Aangoo hundee dubbii kan qabu) Mana murtii Aanaa qabiyyee/lafti sun keessatti argamudha jechuun murtii kennee jira. Dhimmichi falmii lafa baadiyaa naannoo Amaaraatii ka'e ilaalchisee murtii kenname yoo ta’u, akkaataa Heera Mootummaa kewt. 51(5) tiin Lafaa fi qabeenya uumamaa irratti seera baasuun aangoo Mootummaa Federaalaa akka ta’e tumus, akkaataa Heericha kewt.52(2d) tiin Lafaa fi qabeenya uumamaa bulchuun aangoo naannoleef kenname akka ta'e, naannon immoo seera mootummaa federaalaan bahe irratti hundaa'uun seera lafaa fi qabeenya uumamaa ittiin bulchu baasee, seera ofii baaseen wal dhabbiin yeroo uumamu qaama dhimmicha ilaalee furmaata kennu hanga kaa'etti aangoon kan qaama seera naannotiin aangeffame ta'a malee sababa teesson wal falmitootaa naannoo gara garaa ta'eef ykn galmaa'aa ykn qaama mootummaa federaalaa ta'eef dhimmichi dhimma federaalaa kan ta'uu miti jechuun murtii kenneera. Credit to ELIYAAS KAASAA

Murtiiwwan MMWFDHI HBS Hiikkoo Seeraa 005

☞𝐃𝐡𝐚𝐝𝐝𝐚𝐜𝐡𝐢 𝐈𝐣𝐢𝐛𝐛𝐚𝐚𝐭𝐚𝐚 𝐌𝐚𝐧𝐚 𝐌𝐮𝐫𝐭𝐢𝐢 𝐖𝐚𝐥𝐢𝐢𝗴𝗮𝐥𝗮𝗮 𝐅𝐞𝐝𝐞𝐫𝐚𝐚𝐥𝐚𝐚 𝐋𝐚𝐤𝐤𝐨𝐨𝐟𝐬𝐚 𝐆𝐚𝐥𝐦𝐞𝐞 𝟐𝟑𝟐𝟒𝟕𝟒 ta'e irratti "himannaan jeequmsi sagalee uumame haa dhaabatu yookiin fooliin badaa ollaa irraa na dhaqqabe jedhamee dhiyaatu,mirga abbaa qabeenyummaa seeraan ala fayyadamuu seera hariiroo hawaasaa keewwattoota 1225 fi 1226 kan ilaallatu waan ta'eef;iyyanni himannoos ta'e ibsi murtii keessatti kennamu yaad-rimee seera hariiroo hawaasaa keewwata 1149 jalatti tumamaniin osoo hin taane,tumaa rogummaa qabu adda baasuun ta'uu akka qabu" hiikoo kenneera.Haala kanaan miidhaan yoo dhaqqabe yookaan miidhaan dhaqqabuuf kan sodaachisu yoo ta'e,kisaaraa gaafachuu,bakka duraan turetti akka deebi'u yookiin tarkaanfiin of eeggannoo barbaachisaan akka taasifamu bu'uura shh keewwata 1225 fi 1226 himannaan dhiyeessuun akka danda'amu hiikoo Seeraa kana keessatti ibsameera.(𝐇𝐢𝐢𝐤𝐨𝐨 𝐇𝐚𝐚𝐫𝐚𝐰𝐚 Jildiidhaan Hin Maxxanfamne).

OOLMAA DHADDACHAA Guyyaa 13/5/2017 L/O/Dh/Haqabaas:- 08 Himatamaan Yakka Gowwomsuu Raawwate Hidhaa fi Maallaqaan Adabame

Himatamaan maqaan isaa Ismaail Abdallaa jedhamu badhaadhina isaaf hin malle argachuuf ta'e jedhee itti yaadee gaafa guyyaa 20/04/2017 tilmaamaan sa'aatii 05:00 yeroo ta'u G/I/A/Boor Aanaa yaayyoo Ganda Iluu Abbaa dinkaa iddoo addaa Geddaa jedhamuun beekamutti midhamtuu Dhunfaa maqaan Ishee Guddaayee Abdisaa jedhamtuuti jecha dogongorsaa itti dubachuun, qarshii Kuma kudha saddeet (18,000) osoo abbaan manaa Ishee isaaf hin Hayyamiin akka abbaan manaa hayyamee fakkeesse akkasumas Barsisa Amantii of fakkeessun Yakka gowwomsuu Raawwate Galmee Abbaan Alangaa fi qorataan poolisii waliin qulqullessanii Abbaan Alangaa Aanaa Yaayyoo himata Seera yakkaa kwt 692(1) jalatti mana murtii Aanaa yaayyoo dhiyeessee manni murtii Aanaa yaayyoo erga ragaa Abbaa Alangaa dhagahee booda ragaan Abbaa Alangaa guutumaatti waan irratti mirkaneesseef akka Himatamaan ofi irraa ittisu ajajus Himatamaan ragaa ittisaa waan hin dhiheeffanneef manni murtii keewwatuma Abbaan Alangaa dhiyeessee jalatti balleessaa qaba jechuun dhaddacha gaafa guyyaa 05/05/2017 oleen Himatamaa kana ni barsiisa kan jedhe Adabbii hidhaa salphaa waggaa lammaa fi baatii shanii fi Adabbii Maallaqaan qarshii dhibba shaniin Adabeera. Irraa haa baranuun ergaa waajjira Abbaa Alangaa Aanaa Yaayyoo

OOLMAA DHADDACHAA Guyyaa 10/05/2017 L/O/Dh/Haqabaas:- 07 Guyyaa-10/05/2017 Himatamaan Yakka Imaanaa Hir’isuu Cimaatiin Himatame,Hidhaa Cimaa fi Qarshiin Adabame.

Himatamaan Miftaahii A/Zinaab A/Saambii jedhamu Godina Jimmaa Aanaa Qarsaatti Itti Gaafatamaa Mana Kuusaa Waldaa Hojii Gamtaa (WHG) Qonna Maraa Xuqur Abbulluu ta’ee Waliigalteen (Kontiraatan) Qacaramee Yommuu hojjechaa turetti Imaanaa isatti kenname cinaatti dhiisuun Badhaadhina isaaf hin malle argachuuf yookiin nama biroof argamsiisuuf yaadee, Gurgurtaa xaa’oo fi callaa guddistuu taasisaa ture irratti, Odiitii marsaa lamaan Daangaa odiitii gaafa 11/02/2011 hanga 17/03/2015 giddutti taasifaameen Xaa’oo Gosa NPSB kuntaala 4306 galii ta’ee keessaa hir’inni Kuntaala 141, qarshiidhaan 363,551.275, Xaa’oo Gosa UREA(Yuuriyaa) Kuntaala 1037 galii ta’e keessaa hir’inni Kuntaala 20, qarshiidhaan 56,416.2 fi Sanyii Boqqolloo BH-661 kuntaala 170.5 galii ta’e keessaa hir’inni Kuntaala 4.5, qarshiidhaan 19,973.13, Walumaagalatti Xaa'oo fi callaa guddistuu tilmaama qarshii 439,940.605 hir’isuun faayidaa dhuunfaa isaatiif oolfateera jedhamuun Labsii Yakkoota Malaammaltummaa Lakk. 881/2007, Keew.31(2) jalatti Abbaan Alangaa Godina Jimmaa Yakka Imaanaa hir’isuu Cimaatiin Himannaa Mana Murtii Ol’aanaa Godina Jimmaatiif dhiyeessuun falmiin gaggeeffamaa kan ture ta’ee, Dhaddacha Gaafa Guyyaa 08/05/2017 ooleen Himatamaan Addabbii Hidhaa Cimaa Waggaa 4(Afurii) fi qarshii 1000 (Kuma tokkoo)’n adabameera. Imaanaa Namatti kenname cinaatti dhiisuun Faayidaa ofiif ykn Nama biroof hojjechuun Aad-Male! WAAJIRA A/A GODINA JIMMAA! Haqabaas Team

Olaantummaan Seeraa wabii hunda keenyaati! Haqaan hojjannee haqaan ha jiraannu! Lafa Nagaa Oolaa😍

OOLMAA DHADDACHAA Guyyaa 05/05/2017 L/O/Dh/haqabaas:- 06 Himatamaan Lafa Magaalaa Qabiyyee Mootummaa ta'e seeraan ala qabate Adabbii Hidhaa cimaa waggaa1 fi Adabbii Maallaqaa Qarshii 5,000niin adabame.

Himatamaan Ramadaan Alii jedhamu, Lafa Magaalaa Qabiyyee Mootummaa ta'e Seeraan ala Lafa Qabiyyee isaatti Makuun lafa Kaaree Meetiraa kuma kudha saddeetiif dhibba torbaa fi afurtama(18,740M²) ta'e, Qabiyyee bara1984 irraa eegalee hanga bara 2007 tti Aadde Zeeynabaa H/Ahimed fi ijoollee ishee turuun, ergasii Mootummaan Faayidaa ummataa fi Misooma Ummataaf jecha Gaafa Guyyaa 25/10/2007 Addee Zeeyinabaa H/Ahimad fi Ijoollee ishee Namoota 10 ( kudhaan) taahaaniif beenyaa tokkon tokkon isaaniif Qarshii kuma 62,575.95 (Kuma jaatamii lamaaf dhibba shaniif torbaatamii shanii fi santima sagaltamii shan) kaffaluun, Waliigalaa beenyaa Namoota 11 (kudha tokkoof) qarshii 688,335.45 (Kuma dhibba jahaa fi kuma saddeettamii saddeetii fi dhibba sadii fi soddomii shanii fi santimaa afurtamii shan) ta'e erga kaffalee booda Baankii lafatti Galchee bulchaa jiru, Himatamaan kun karaa faallaa seeraa ta'een Lafa Mootummaan beenyaa itti kaffalee kaaree Meetirii 18,740M² keessaa, Lafa Kaaree kuma kudha Lamaaf dhibba tokkoo fi Saddeettamii torba (12,187M2) ta'e, Osoo waajjirri lafaa seeraan dhorkuu diduun, Gaafa Guyyaa 19/11/2014 irraa eegalee karaa kibbaatiin itti seenuun lafa Qabiyyee isaatti Makuun itti Fayyadamaa waan jiruuf seeraan akka gaafatamuu jechuun eeruun kan dhiyaate yommuu ta'u, Abbaan alangaa himannaa Bu'uura Labsii Liizii lafa Magaalaa lakk.721/2004 kew 5(2)fi kew 35(1) (B) jalatti hundeessuun Ragaan namaa fi kan barreeffamaa akkasumas Ragaan Ogeessaa dhiyaatee mana murtiitti erga dhaga'amee booda, Manni murtii himatamaa kana akka ofirraa ittisu ajajuun, Himatamaan ragaaa ittisaa dhiyeeffatus Ragoonni dhiyaatan kan irraa hin ittisne waan ta'eef, bu'uuramaa himannaa Abbaa Alangaatiin Manni murtii Dhaddacha Gaafa Guyyaa 22/04/2017 ooleen Adabbii hidhaa cimaa waggaa1 fi Adabbii Maallaqaa Qr 5,000 itti murteessee jira. Haqabaas Team

Paarlaamaan labsii qabeenya deebisiisuu hanga waggaa 10 duubatti deebi’ee hojjetu raggaasise Manni Maree Bakka Bu’oota Ummataa walga’ii idilee 14ffaa kaleessa gaggeesseen labsii qabeenya deebisiisuu raggaasiseera. Labsiin kaleessa Amajjii 09, 2025 raggaasifame kun mootummaan qabeenya madda isaanii hin ibsamne akka to’atuufi deebisiisuuf aangoo kenna. Seerri haaraan kun liqii baankii, aksiyoonaa, boondii fi qabiinsa diinagdee qaban biroo dabalatee qabeenya waggoota kurnan darban keessatti argaman tilmaani isaanii Birrii miiliyoona 10 ol ta’an irratti xiyyeeffata. Odeefannoo fi barnoota dhimmoota seeraa itti fufinsaan argachuuf liinkii fuula teligiraamii keenyaa join gochun hordafaa. ➭Haqabaas/ሐቀባስ✔ HAQABAAS TEAM

Labsii Boba'aa Haaraa ====================

Gatii gurgurtaa mootummaan kaa’een ala oomisha boba’aa daldaluu, akkasumas oomishaalee boba’aa wantoota badaa waliin walitti makuun hidhaa cimaa waggaa 3 hanga 5fi maallaqa birrii kuma 300 hanga kuma 500 akka adabsiisu labsicha keessatti eerame. Akkasumas namni oomishaalee boba’aa bakka hayyamameen alatti kuuse, bakkaafi sirna daldalaa itti gurguramuu qabun alatti gurgure, ykn meeshaa balaa qaba jedhameen kan gurgure kamiyyuu qabeenya boba’aa irraa dhaalamuun hidhaa waggaa 3 hin caalleeniifi adabbii birrii kuma 350 hanga kuma 500 ni adabama.

OOLMAA DHADDACHAA Guyyaa 30/4/2017 L/O/Dh/haqabaas:- 05 Himatamtuun yakka namaan daldaluu fi seeraan ala nama daangaa Ceesisuu raawwatte hidhaa cimaa waggaa 11 fi qarshii 3000n adabamtee jirti.

Himannaa Abbaan Alangaa Bulchiinsa Magaalaa Shaashamannee gaafa guyyaa 20/10/2016 dhiyeesseen himatamtuu * jedhamtu labsii namaan daldaluu fi seeraan ala daangaa ceesisuu to'achuu fi dhoorkuuf bahe lakk. 1178/2012 kewt.4(2c) irra darbuudhaan ta'e jettee gaafa guyyaa 06/08/2016 halkan keessaa tilmaamaan sa'aati 3:00 yoo ta'u Bulchiinsa Magaalaa Shaashamanneetti kutaa Magaalaa M/Sirbaa Aanaa B/Fillichaa iddoo addaa Nook jedhamee beekkamutti Midhamtuu * jedhamtuu umriin isii waggaa 10 taate hojjattuu mana gootee fudhattee hojjachisaa osoo jirtu sababa Warqii mormaa najalaa dhoksite jedhuun Maankaa ibidda keessa gootee oo'isuudhaan qaama isii iddoo adda gubuudhaani fi mukaan dhooftee ilkaan tokko irra kan cabsiten miidhaa irran geetten eeruu kennameen to'atamtee yakka seeraan ala namaan daldaluu fi daangaa nama ceesisuu raawwatte jechuun Mana Murtii Ol'aanaa Magaalaa Shaashamanneetti himatamtee. Himanni idileedhaan banamuun himatamtuu erga dhaqqabeen booda dhaddachatti erga dhihaatees mirgi isiin qabdu itti himamuun himanni irra deebiin himatamtuuf dubbifamee naaf galeera erga jetteen booda mormii sadarkaa duraa ni qaba jedhamee dhihaate kufaa gochuudhaan jecha amantaa fi waakkii isii irratti himatamtuun tun gocha kiyyaa miti sobaan narratti qindaa’e jechuun guutummaa guutuutti waan haalteef ragoota qabna nuuf yaa dhagahaman jechuun ijoo dubbii ragooleen keenyaa nuuf beekan qabsiifannee ragooleenis dhaddachatti dhihachuun eenyuummaan isaanii erga adda baheen booda bu’uura amantaa isaaniin kakuu raawwatanii jecha ragummaa isaanii kennanii jiru. Manni Murtiis ragaa A/A erga dhaggeeffatee booda bu’uura himannaa fi ijoo isaan beeku jedhamee qabsiifamee osoo hin faallessin ragaa bahanii jiru. Kanaanis Manni Murtii jecha ragummaa ragoota A/Alangaa erga xinxaleen booda galmee qoratee himatamtuun keewwatuma labsii ittiin himatamte jalatti ofirraa yaa ittistuu jedhamuun himatamtunis ragaa ittisaa ni qaba jechuun ragoota ittisaa nama 3 dhiheefatee jecha isaanii kennaniin jecha gara gara kan kennaniif jecha Himatamtoonni gaafa jecha amantaafi waakki kennanii faalla kan ta’e waan ta’eefi Manni murtii ragaa Abbaa Alangaa kan namaa fi barreefamaa dhihaate himatamaan yakka ittiin himatame kana raawwachuu isaa haala shakkiin ala ta’een kan irratti mirakaneesse yoo ta’u himatamtuun raga ittisaa dhiheefatteen kan irra hin ittifne waan ta’eef Himannaa keewwatuma himannaan dhihaate jalatti balleessa jedhamteerti. manni murtii sababa adabbii salphisu lama waan isaaniif fudhateef Himatamtuu fi Fakkaatota isaanii ni barsiisa jedhee guyyaa too’anna jala ooltee kaasee adabbii hidhaa cimaa waggaa Kudha tokkootiin (11)tiin fi adabbii qarshii kuma sadii (3000)tiin akka adabamtu bu’uura s/d/f/y keewwata 149(5) tiin Murtii Adabbii kennee jira. DHAAMSA KEENYA ---------------------------- Yakki daa'imman irratti raawwatamu yakka xiyyeeffannaan itti kennamuu qabu keessaa isa tokko akka ta’e yeroo adda addaatti maxxansaa turree jirra. Yakkootni safuu hawaasaa cabsuudhaan raawwataman kanneen miseensota maatii, keessumaayyuu namoota miidhamtootaaf eegumsa taasisu jadhamanii abdatamaniin yeroo raawwatamu garajabummaan isaa baay’ee olaanaadha. Hawaasni keenya kunis jiraachuu beekee of eeggannoo akka taasisu dhaamsa keenya dabarsina. ---- “Haqaan haqaaf Hojjenna!” WAABMSH/NNEE Shaashamannee HAQABAAS TEAM

VACANCY POSTS For Law graduates(with experience) Hagbes Private Limited Company ▪️ Job Position 1 - Foreign Procurement and Logistics Manager   ▪️Job Position 2 - Senior Attorney    ▪️Job Position 3 - Factory Manager   ▪️Find More Details here           💧💧💧💧 https://kebenajobs.com/job/hagbes-private-limited-company-jan-4-25/ ➮Deadline: Different

Guyyaa 26/4/2017 Sa'atii 4:25 ➮HBS Kutaa 20ffaa ➾ Haqabaas team irraa Dhimmoota malaammaltummaa fi Aangoo mirga wabii ilaaluu Kutaa darberraa kan itti fufe...

  Sababni kun barbaachisummaa ragaa sana waliinis kan deemudha. Himaatamaan hidhamu malee ragaa sana sirnaan argachuu kan hin danda’amne ta’uu hubachisuun barbaachisaadha. Himatamaan dandeetti ragaa sana balleessu qabaachu isaas adda baasuun barbaachisaadha. Fakkeenyaaf Aangoo, dandeetti maallaqaa, ragoonnis sodaachuu kan danda’an ta’uu.. Ummama yakkicha ilaaluu.   Yakkoota ragaa balleessuuf carraa uuman fknf ragaa sanada qofan mirkanaa’uu fi mirkanaa’uu dhabuu isaa Ragaa balleessuuf carraan shakkamaan/himatamaan qabu.   MM himatamaan ragaa jedhame akka hin balleessine furmaata biroo yoo jiraate ilaaluu qaba. Fakkeenyaf ragaa sanadaa mana galmee keessa jiru baasuu danda’a yoo jedhame garuu mana galmee sana cufuu ykn himatamaan biiroo sana akka hin deemne dhoorkuun yoo danda’ame mirga wabii dhoorkuun sirrii hin ta’u.(sy kwt 141) Kaayyoon guddaa tumaa kanaa ragaa sanaaf ofeeggannoo gochuudha.   Dhimma qabatamaa Himatamaan S/Y kwt 580 jalatti himatame. Mirga wabii gaafatee jira. A/A yaada kenneen himatamaan ragaa balleessuu danda’a jechuun morme.   MMA: Ragaa balleessuu danda’a waan ta’eef mirgi wabii kufaadha jechuun ajaja kennee jira.   MMO: Ragaa balleessuu danda’a kan jedhu amansiisaa miti jechuun mirga wabii heyyameera. Issue AA mana murtii jalaatti yeroo mirga wabii falmuu bu’uura sdfy kwt 63(1) tiin mormaa turee, sadarkaa ol’iyyannoottii dabalataan bu’uura sdfy kwt 67 tiin yoo mormee MMO sababa kana fudhatee murtii kennuu qabaa? Sadarkaa MMO tii sababa haaraa dhiyeessee mormuu danda’aa? Like SDFHH 329(1) not allowed to raise new argument and facts at appeal (dhimmoota HH) Remark Ergamni MMO hir’ina yookiin doggongora seeraa yookiin ijoo dubbii, walumatti hir’ina murtiin Mana Murtii jalaa qabu ol’iyyannoodhaan ilaalee sirreessuufiidha.(Labsii 216/2011 kwt 23(2)) Mirgii wabii haala addaatiin qofa dhoorkama. Narrowly interpreted. Falmii haarawaa sadarkaa ol’iyyanootiin kaasuun mirga himatamaa daangeessuudha. Jildii 24 L.G 182266- dhimma haaraa sadarkaa ol’iyyannootti kaasuun hin danda’aamu jedheera.    Dabalataan L.G 199786(gaafa 28/5/2013) sababni mirga wabii dhoorkuu mana murtii jalatti hin dhiyaanne sadarkaa ol’iyyannootti AA dhiyeessuu hin danda’u. Final Remark: SDFY kwt 67 –ni bada ragaa balleessa kan jedhu qofti gahaa miti.    Dhimmoota kan dhugoomsuu danda’an hubachisuuf AA dirqama qaba. Cass.Vol 7 file 31734- tilmaama kana dhugoomsuu danda’u haalli gahaan jiraachuu qaba. SDFY kwt 67 bali’ifame hiikamuu kan hin qabnee fi yeroo wabiin hayyamamu dirqamoota biroo waliin walfaana murteessuun ni danda’ama.   Fknf biyya alaa bahu taanaan akka hin baanee dhoorkuu,sanada balleessuu taanaan iddoo sanadni jiru akka hin geenye gochuu,cheekii gogaa kennuun yoo ta’e yoo bahan ajaja akkanaa akka hin kennine dhoorkuun etc –dirqamootni akkasii filatamaadha. Haqabaas team

Mata duree biraa qindeessinee wabannee deebina. Nagayaan nuuf turaa

  AA mirga wabii sana yeroo ilaaluu mirga wabii sana irratti qaama rogummaa qabu ajaju qaba. Qaamni rogummaa sun yakkicha himachuu fi qorachuuf aangoo qabuudha... itti fufa.... HAQABAAS TEAM

Barreeffama gabaabaa hubannoof akka tolutti Kabajamoo A/A Keenboon Dhugumaa tiin qophaa'e keessaa kan fudhatamedha! Haqabaas irraa

Guyyaa 24/04/2017 Sa'atii 3:22 ➮HBS Kutaa 19ffaa ➾Haqabaas team irraa Dhimmoota Malaammaltummaa fi Aangoo Mirga Wabii ilaaluu

Dhimma Qabatamaa  MMA: dhimma malaammaltummaa qaamni roggummaa qabu yeroo beellama akka kennuuf dhiyyeesse ture erga ilaalee booda, yeroo beellama ilaalchisee gahaadha jedhe cufe jira.   Haa ta’u malee sana booda waa’ee mirga shakkamaa ilaaluuf aangoo hin qabu jedheera. MMO: MMA dhimma yeroo beellamaa erga ilaalee booda mirga wabii ilaaluu hin danda’u jechuun isaa sirrii miti. Mirgi wabii mana murtii dhiyoo jirutti ilaalamu kan qabu waan ta’eef ilaaluuf aangoo qaba jechuun diigeera.   Labsiin lakk.434/97 (kan fooyya’e) kwt.7 jalatti qaamolee aangoo abbaa seerummaa qaban kaa’eera. Kunis dhimma Yakka Malaammaltummaa Naannoo ilaaluuf aangoon Hundee Dubbii kan eegaluu MMO irra akka ta’e kaa’ameera.   Dhimmoonni ajaja Qabiinsaa, Sakata’iinsaa,Yeroo Beellamaa,Buufata Poolisii tursiisuu,mirga wabii, dhoorkaa ykn uggurri akkasumas, dhimmoonni biroo qorannaan wal qabatan kan ilaalaman M/Murtii yakka malaammaltummaa dhagahuuf aangoon kennameef Mana Murtii ol’aanaa akka ta’e labsiin lakk.434/97 kwt 9(4) jalatti tumeera   Manneen Murtii Aanaa yookiin Manni Murtii Federaalaa Sadarkaa jalqabaa dhimmoota kanneen ilaaluuf aangoo hin qaban.   Kun dhaqqabamummaa waliin gaaffii kaasaa ture. MMWN tii dhimma ilaalamu yoo ta’e Magaala Finfinnee ykn dhaddachoota dhaabbii deemuun akka gaafatan taasifamaa ture.   Haa ta’u malee Labsiin haaraan lakk.882/2007 labsii lakk.434/97 kwt. 7 fooyyessuun citaa xiqqaa tokko dabaluun kwt.7/5/ jalatti fala kaa’eera.   Kuniis qaamni rogummaa qabu falmiilee adeemsaa Yakka Malaammaltummaa Mana Murtii aangoo qabutti dhiyaachuun isaa mirga himatamaa kan hubu, ragaan kan baduu fi dhamaatii hin malleef kan saaxilu ta’uu yoo itti amane Mana Murtii Sadarkaa duraatti dhiyeessuu ni danda’a jechuun tumeera.   Qaamni rogummaa qabus qaama aangoo yakka Malaammaltummaa qorachuu ykn himachuu danda’u akka ta’e 434/97 kwt.2/3/ jalatti hiikkoon kennameera.   Gaaffiin asitti ka’uu danda’u aangoo maneen murtii dhimma tokko ilaaluu fi dhabuu qaama dhimmi ilaallatuuf kennuu hin ta’uu? Kun dhimma labsiin murtaa’u ykn seera baaftuun murtaa’u ta’uu hin qabu turee? A/A f kennuun mirga himatamaa waliin akkamitti ilaalama? Qaamni dhimmicha qoratu akka murteessu hayyamuun himatamaa irratti dhiibbaa hin fiduu?   Kanaafuu, falmiilee adeemsaa yakka Malaammaltummaa fi dhimmoonni qorannaan walqabatan ilaalchisee aangoon M/M Aanaaf kennamee hayyama qaama rogummaa qabu irratti kan bu’uureffatee fi ulaagaalee olitti tarreeffaman jiddu galeessa kan godhateedha.   Haa ta’u malee mirga wabii walqabatee Manni Murtii Aanaa ilaaluu danda’a moo? hin danda’u? yoo danda’a ta’e haala kamiin hayyama kanaan aangoo sana argataa? kan jedhu ilaaluun gaariidha. Hayyamni kun haala kamiin argama? 1ffaa Iyyannoota kaka’umsa Qaamni roggummaa qabu yeroo dhiyeessuu kanneen akka iyyannaa ajaja Qabiinsaa, Sakatta’iinsaa, Yeroo Beellamaa, dhoorkaa qabeenyaa yoo ta’an qaamni kun ofii isaa mana murtiif dhiyeessa waan ta’eef hayyama kennuu isaa achi irraa hubatama. 2ffaa Kaka’umsa Shakkamaatiin gaaffii dhiyaatu. Fknf mirga wabii ta’u danda’a.   Yeroo akkanaa hayyamni qaama rogummaa qabu argamu kan danda’u yeroo yaada mirga wabii irratti kennu aangoo hin mormine taanaan akka fudhateetti lakkaawwama. (concept of establishing jurisdiction under civil case)   Dabalataan AA yeroo beellamaa dhiyyeessuun dhimmicha ilaalchisaa ture yeroo galmeen cufamu…gaaffiin mirga wabii yeroo ilaalamu immoo aangoo hin qabdan jechu hin danda’u.

Kanaafuu mirga wabii irratti Manneen Murtii tacitly aangoo argatu jechuudha. Kunis Manneen Murtii hanga Aangoon isaanii hanga hin mormamneetti gaaffii mirga wabii duuchumaan malaamaltummaa waan jedhameef qofa aangoo hin qabnu jechuun dhoorkuu hin qabani. Garuu ifatti yoo morman aangoo hin qabani.



Murtiiwwan MMWFDHI HBS Gabaabaa 004

Murtii haaraa (MMWFDH L.G 269430 gaafa 29/2/2017 fi 233903(hin maxxa.)- Haala Raawwii dhoorkaa mirga wabii SdFY kwt 67(a) Lak.gal.233903 ta'erratti Sababa iddoo garaagaraa jiraachuu himatamaa/Shakkamaa ilaalchisee"Himatamaan/Shakkamaan teessoo dhaabbataa waan hin qabneef dirqama wabii kabajee hin dhiyaatu jechuun Mirga wabii dhorkachuun "Mirga lammiileen daangaa biyyatti keessatti filatanii jiraachuu Heera Mootummaa Rippaabilika Federaalaa Itoophiyaa keeyyata 32,Mirga walqixxummaa lammiilee seera fuuldurattii Keeyyata 25 fi Mirga shakkamaan wabiin to'annaa jalaa ba'ee dhimma isaa hordofachuu keeyyata 19(6) bu'uura godhachuun dhimmi teessoo mirga wabii gaafataa irraa mulquuf sababa ga'aa akka hin taane asgadajii wissaanee Kenneera! #Dabalataanis Lak.gal.269430 ta'errattis 👉Manneen Murtii bu'uura SDFY kwt 67(a) tiin himatamaan mirga wabiidhaan yoo bahan dirqama wabummaa isaanii eeganii hin dhiyaatan jechuuf sababoota seera qabeessaa fi gahaa ta'e haaloota naannoo sana jiruun hubachisuun dirqama. Haa ta'u malee manneen murtii haala raawwii yakkicha itti raawwatanii fi ulfaatina isaa caqasuuun bu'uura SdFY kwt 67(a) mirga wabii dhoorkuun sirrii miti. 👉Sababni isaas murtiin balleessummaa osoo isaan irratti hin kennamin dura akka nama qulqulluutti tilmaamamuu isaanii kan tuqu waan ta'eef tilmaamni mana murtichaa sababa seera qabeessa ta'e irratti kan hundaa'e miti jechuun mirga wabii heyyameera..👇 HAQABAAS✔

Murtii mana murtii waliigala federaalaa dhaddacha ijibbaataa akka barbaachisummaa isaatti kan afaan oromootti hiikame qabannee walitti deebina Nagayaan nuuf turaa! Team Haqabaas

Murtiiwwan MMWFDHI    HBS Gabaabaa 003

Dhaddachi Ijibbaataa MMWF Galmee Lakk.208197 (Jildii 26ffaa) ta'e irratti: "✍️Qarshii 500 ol liqeeffachuuf ykn liqeessuuf ykn nama biroodhaaf wabii ta'uuf dirqama seerri waliigaltee walfuutotaatu barbaachisa jedhu kabajuu dhabuudhaan walfuutota keessaa inni tokko waliigaltee raawwatee yoo argame, walfuutota keessaa inni biroon waliigaltichi akka diigamuuf himannaa yemmuu dhiyeessu, waliigalteen walfuutota keessaa isa tokkoon raawwatamuu isaa walfuutota keessaa inni biroon ni beeka jechuun mormii darbiinsa yeroo ji'a ja'aa bu'uura Seera Maatii kwt 69(2)tiin tumame yoo kaase, walfuutota keessaa inni himannaa dhiyeesse haala kamiin akka beekefi yoom akka beeke mirkaneessuuf dirqama qaba. ✍️Walfuutota keessaa gareen waliigalticha keessatti hin hirmaanne, himannaa waliigalteen naaf haa diigamu jedhu dhiyeessuu haala dandeessisuun waa'ee jiraachuu waliigaltichaa hubannoo guutuu qabaachuu waan qabuuf, waliigalteen liqii maallaqaa walfuutota keessaa isa tokkoon raawwatame jiraachuu ni beeka jedhamuuf yoo xiqqaate; waliigaltichi eenyu waliin akka raawwatame, waliigaltee liqii maallaqaa hagamii akka ta'e, waliigaltee liqii maallaqaa yoom raawwatame akka ta'e yoo beekuu danda'edha" jedheera. Hubachiisa: 👉Dhaddachi Ijibbaataa kun murtii kana keessatti, darbiinsi yeroo waggaa lamaa kun 'Absolute Period of Limitation' ta’uu ibseera. 👉Tumaan Seera Maatii Mootummaa Federaalaa kwt 69(2)fi Kan Seera Maatii Oromiyaa Kwt 85(2) jalatti ibsame Wal fakkaataadha. Kan Afaan Oromootti hiike DASSAALENY B., ILQSO            HAQABAAS TEAM

VACANCY POSTS 🎴Amhara Bank S.C🎴 For Law Graduates ▪️Job Position 1 - Junior Attorney   ▪️Job Position 2 - Senior Attorney   ▪️Find More Details here           💧💧💧💧 https://kebenajobs.com/job/amhara-bank-s-c-dec-30-24/ ▪️Deadline: January 3,2025