Ӟырдыт мылкыд🎼

Тӥ кузьмалэ сяськаосты Припев: Тӥ кузьмалэ сяськаосты Малпаськытэк, огшоры гинэ Туж трос кулэ ӧвӧл уг-а Шудо нылъёс, кышноослы но 1. Мон кузьмало тӥлед зангари Зангари возь вылысь вань сюлмысь Мон кузьмало тӥлед дыдыксин Лызгырлы, тӧдьгырлы, сяласин Тӧдьы сяська Ашальчи но, Натӥлы но, Ориналы бон Вань сяськаез кузьмало но Сюлэмам котьку луод тон Привев: Сяська тон кузьма нылъёслы Сюлмысьтызы потоз мылкыды Шудо-буро луон понна Туж трос кулэ ӧвӧл ук тӥни 2. Мон кузьмало тыныд роза Сюлэмыд мед шумпотоз вал Мон кузьмало тани пионъёс Гажано но мусо нылашъёс Мон кузьмало быдэс тугоко Тӥ сямен пӧртэмесь уго Мон кузьмало зангариез Малпаськытэк огшоры гинэ Припев: Тӥ кузьмалэ сяськаосты Малпаськытэк, огшоры гинэ Туж трос кулэ ӧвӧл уг-а Шудо нылъёс, кышноослы но Тӥ кузьмалэ сяськаосты Мед нокин но ӧз кур, ӧз косы Уго кин сяськаез кузьма Зэмос пиосмуртъёс ук

Ой, пипу куар 1. Ой, пипу куар, пипу куар но Огазе усем пипу куар Ой, эшъёсы, эшъёсы но Огазе люкаськем эшъёсы 2. Вае али вераломе Вае али кырӟалом Та мӧзмем но сюлэмъёсмес Вае али буйгатом 3. Тӥ уд лыктэ ми доры но Ми ум мынэ тӥ доры Кытысен но, марысен но Тодматскомы асьмеос?

Али вал кадь 1. Али вал кадь, али вал кадь Дас тямысам ветлэме Али вал кадь, али вал кадь Возь вылтӥ лёгаськеме 2. Ӵукна ӝужась шундыед кадь Пинал дыры ӧй-а вал? Ӵуж уӵылэн чирдэмез кадь Мынам сюлмы ӧй-а вал? 3. Азьло кадь ик, азьло кадь ик Дас тямысам кадь али Азьло кадь ик, азьло кадь ик Возь вылэ васько али 4. Кытын меда, кытын меда Ортчем пинал аръёсы Мусо эше, малы меда Уд пуксиськы мон вӧзы?

Котырес 1. Котырес возьёс Котырес кузили муӵ Со муӵ котырын боры сяська Борыед кисьмалоз Бичасез уз лу Мӧзмем сюлэмез тодӥсь уз лу 2. Узыен-борыен Камдур сутэрез Юри ке ӧд мыны, ку бичалод Тӥ яратон эшъёсыз Юри ке ӧд лыкты Ку адӟод 3. Бибыль-бибыль Бубие но Куасам сирпу букое Дауре ортче Кадыре быре Куро уӵыс калъёсын 4. Ми вадьсысь Ву эн омыртэ Ву ӝутыса эн сылэ Ми кыдёке Ой, кошкыку Бермес учкыса эн кылле

Сяськаос 1. Бакча берысь ӵуж сяськаез Гужем шорын ик мон турнай Угось шуиз мыным песяй Люке, пе, со яратонэз Яратонэз, яратонэз Люке, пе, со яратонэз 2. Укно улысь горд сяськаез Кезьыт сӥзьыл мон шунтылӥ Ялан сюлмам мон возьылӥ Ӝуась чебер яратонэз Яратонэз, яратонэз Ӝуась чебер яратонэз 3. Тэльысь кечсин сяська керттэт Вайи дорам мӧзмеменым Мед уло вал гажанэным Быдэс даур люкиськытэк Люкиськытэк, люкиськытэк Быдэс даур люкиськытэк

Вань чебер нылаш дуннеын 1. Вань дунне вылын туж чебер но йӧно нылаш Муспотон со но пальпотэ мыным кытӥяз Музъемез солы, дуннеез солы кузьмало Но малы мыным, но малы мыным со дуно 2. Та нылаш уг ул куашетӥсь бадӟым каръёсын Кылзэмез уг пот шулдыр но мӧзмыт гуръёсыз Но малы меда, но малы меда со оген Но малы учке, но малы учке кезьытэн 3. Куке но одно со нылаш монэ валалоз Шыпытак гинэ со пелям мыным шыпыртоз Яратско тонэ, яратско тонэ, мусое Чупа, чупа ни, курисько тонэ, дуное

Мӧзмон Кошкиськод сюлэмме сӧрыса Кожаськод, вунэто шуыса Кожаськод, вунэто куарадэ Сомында шунытэсь кылъёстэ Кин тодэ, ку выльысь пумиськом Кудпалан луозы сюресъёс Кожаськод, вунэто тусбуйдэ Чылкыд ин кадь чагыр синъёстэ Шат, зэмзэ валантэм та улон Чаклатэк, туж секыт яратон Кожаськод, вунэто киостэ Кошкыкуд вешаса кельтэмдэ Оло нош кусыпмы тупалоз Кӧсытэсь нуналъёс ортчозы Кожаськод, туж капчи та мӧзмон Викышъясь сюлэмме нуллыны

Яратӥ тонэ 1. Эшеным потай клубе Пумитай отын тонэ Матэгес луид вӧзам Тылгизи пазьгиз сюлмам Припев: Малы тонэ пумитай Яратӥ тонэ валай Табере тон кыдёкын Туж секыт мыным татын 2. Со ӝытэ ӵошен ветлӥм Уӵыез садын кылзӥм Тон монэ дорам келяд Шуныт кыл мыным верад 3. Вӧтъёсам тон лыктӥськод Яратӥсько тон шуиськод Бен, со вӧт гинэ уг-а Тон ноку уд лу вӧзам

Шыдон куй 1. Векчи, векчи бадьпу пӧлтӥ Каллен гинэ ветломе, Ум макталэ, ум курлалэ Валче гынэ ш(ы)доме. Али но Орина на Али но Орина на на Али но Орина на Али но Орина на на 2. Шундыберган модосо Шундыберган модосо, Милям эшъёс шыдон пӧлын Атаё но сузэро. 3. Эктай, пичи, эктай, пичи Тон ук чебер эктӥськод Млесьтым ӝуась сюлэмъессмес Тон ик каллен кариськод. 4. Милям дормы выль али но Липетэз ӧвӧл али, Милям туган ӧвӧл али Куке но луоз али. 5. Улмопулэн улмоъёсыз Куарлы быдэ лусал ке Тӥ яратоно эшъёсы Гуртлы быдэ лусал ке 6. Льӧмпу сяська усьтӥське но Улмо сяська усьтӥське Тиляд мылкыд усьтӥськемъя Милям мылкыд усьтӥське

Гужем 1. Кыӵе умой вакыт - гужем Асьмеос выльысь ӵошен Соку ик мон оски солы Шӧдӥз яратонэ сюлэмы Припев: Бен, малы, малы пумиським Огазьын ик нош ик луим Пӧяса тон весь улӥд Сереме монэ уськытӥд 2. Оло яратонэ мынам пӧй шуд Тайзэ валаса но ӧй ву Яратонэд, мыным шуид, ортчиз Пушкам пӧсьвуаськем кадь луиз 3. Тани гужем нош ортчиз Сюлмам ӝожыт усиз Вунэтыны тонэ уг быгаткы Мынам егиты мугоры