Ӟырдыт мылкыд🎼

Анайлэн яратонэз Анайлэн яратэмез котьмарлэсь дуно, Анайлэн серекъямез котькинлэсь мусо. Киосыз нош, киосыз кыӵе небытэсь! Синъёсыз нош, синъёсыз кыӵе сайкытэсь! Анайлэн пӧраськемез котькинлэсь ческыт, Анайлэн тыршеменыз дорамы чылкыт. Улонмы пеймыт, мӧзмыт луэ анайтэк, Одиг час но чидаммы уг луы сотэк. Со бертэ - потэ шунды пилемъёс сьӧрысь, Ма, кызьы ни вунэтоз анай ми сярысь?! Анай котыртӥ берга ачиз музъем шар, Анайтэк улон ӧвӧл, коть нош мар тон кар! Анай ке вань, улон шулдыр, Шӧдтэк шорысь ортче кузь дыр. Анай вӧзын ми - нылпиос, Анай вӧзын ми - пичиос.

Мертаны маин яратонэз 1. Луылэ-а мертаны яратонэз Кӧня кулэ ортчыны иськемъёс Луэ-а мертаны нуналъёсын Кӧня кулэ часъёс но минутъёс П-в: Мертаны маин яратонэз Инбамын ӝутскись гурезьёсын Борддор выллем сылӥсь вож тэльёсын Но паськыт вӧлскись зарезьёсын 2. Кулэ-а мертаны яратонэз Я, кин тодэ кинлэн кыӵе шудэз Ӵошен гинэ юнгес кутӥськыса Вунэтоно дыр ӝог ортче шуса 3. Ӵукна нуныяса сайкатэме Ӝыт вуытозь чидантэм мӧзмонэн Нырысь ик учкыса валатскеме Мертаны луонтэм быдӟалаен

Уӵыед кырӟалоз 1. Дуннее... Дунне вылэ вордӥськи Кырӟаны но дышетски Сюлэм ӝожез вераме потэ Малпасько пичи дырме Гольык пыдын быземе Ӟег бусые пегӟеме П-в: Уӵы, уӵыед кырӟалоз Сюлэм, сюлэме буйгалоз Атай-анай, эн утчалэ, утчалэ Бызьы, бызьыса кошкисько Шупуд сьӧры мон ветлӥсько Атай-анай, эн бӧрдылэ, бӧрдылэ Со улон... 2. Нылкышно, анай луи Гур дорын табань пыжко Пичи дырме малпаса, серекъясько Али нош пие будэ Гольык пыдын бызьылэ Сюлэм ӝоже нош кошкылэ

Мусо мемие 1. Мемие, ой, мусо мемие Вай огпол чупало на бамдэ Маялто пурысьтам йырсидэ Верало шунытэсь кылъёсме 2. Тон вордӥд но монэ будэтӥд Вань сюлэм шунытдэ сётылӥд Быгато-а меда мон тыныд Сётыны аслэсьтым сюлэмме 3. Тон али но мынам улонам Котькинлэсь но чебер но мусо Чурытэсь сюрмылэн киосыд Котьмалэсь но небыт но дуно 4. Мемие, яратон мемие Вань меда мынэсьтым шудоез Куке тон пальпотӥсь синъёсын Учкиськод на мынам синъёсам

КУНО ПУМИТАН Тӥ уд лыктэ ми доры, Ми ум мынэ тӥ доры, Ку адӟомы одӥгмес, ой, одӥгмы. Зарни кулэ вылымтэ но, Азвесь кулэ вылымтэ. Кулэ вылэм тӥ, яратон, ой, эшъёсы. Тӥ уд лыктэ ми доры, Ми ум мынэ тӥ доры, Ку адӟомы одӥгмес, ой, одӥгмы.

Вай кырӟалом Вай кырӟалом, туганъёсы, Вай вералом, туганэ, Ваньмы огинен дыръя но Сюлэммы каньыл дыръя. Вай кырзалом, туганъёсы, Вай вералом, туганэ, Вай шулдыртом, вай шулдыртом Ӟеч муртъёслэсь корказэс. Шундыё но, ой, куазьёсын Улылыны туж шулдыр. Тӥ, яратон туганъёсын, Улылыны туж каньыл.

Тон гинэ 1. Шӧдӥсько мон, шӧдӥсько юн яратэмдэ Кыӵе мон шумпотӥсько - усьтӥд сюлэмдэ Тон гинэ, тон гинэ, мусое, сюлмам Тон гинэ, тон гинэ кулэ улонам 2. Шур дуре мон васькыса, возьмалляй тонэ Пукылӥм чупаськыса, мусо-гажанэ Тон гинэ, тон гинэ, мусое, сюлмам Тон гинэ, тон гинэ кулэ улонам 3. Шур дурын кыкнамылы чирдӥз уӵымы Шуд сӥзиз ик ваньмылы вань улонамы Тон гинэ, тон гинэ, мусое, сюлмам Тон гинэ, тон гинэ кулэ улонам 4. Малы ке но улонын кылдэм яратон Тодӥсько, со сюлэмлы кыӵе шумпотон Тон гинэ, тон гинэ, мусое, сюлмам Тон гинэ, тон гинэ кулэ улонам

ЯРАТОН 1. Вань меда улонын яратонлэсь мусогес? Вань меда вӧзысьтым адями дуногес? Мон тынад синъёсад, мусое, выйисько, Мон тынад киосад, дуное, сылмисько. Припев: Яратон, яратон, яратон сюлэмам, Тон гинэ, тон гинэ, тон гинэ малпанам. Яратон, яратон, яратон сюлэмад, Мон гинэ, мон гинэ, мон гинэ малпанад. 2. Ми чошен быгатом шудбурмес утыны, Ми чошен быгатом кусыпмес шулдыртыны. Ог-оглы оскыса, тупаса ми улом. Ог-оглы оскыса гажалом, яратом.

Кырӟалом, эшъёс 1. Кылзэ, эшъёс, кылзэ, дуноос, Кылзэ шулдыр кырӟан. Кузьмалозы капчи мылкыд Арганчиен арган. Припев: Кырӟалом, эшъёс, кырӟалом. Ваче ки кутӥськом, эктом! Тазалык но шудбур сӥзьыса, Та ӝытмес шулдыр ортчытом! 2. Эктэ, эшъёс, эктэ, дуноос, Эктэ, ӵукна вуытозь. Шуд, арганчи, арганэныд Жингрес удмурт гуръёс. 3. Чузъяськозы но вӧлскозы Сюлме пырись гуръёс. Мед луозы ӵемысь-ӵемысь Таӵе пумиськонъёс.

Тон котьку малпанам 1. Ог ӝытэ пумиськонэз ӧд сёты оскон Мылкыддэ ик ӧй ву валаны Но одӥг куронэ - чик эн шуды монэн Эн, эн малпа монэ пӧяны Припев: Тон котьку малпанам Улӥськод сюлэмам Оло шуд со, оло куректон Я, бен, мар-о каром Ӝуаса, шат, быром Ведь ӵушка ук ӵемысь яратон 2. Тон усьтӥд ке зэмзэ мон понна сюлэмдэ Котькинлэсь, дыр, шудо луысал Лобысал толэзе, выжысал зарезез Гурезез йырчукин кымасал