كادي

‏تعبت اتذكر وقتنا الاول اللي زل ‏أنا الماضي اللي فيه فرحه يبكيني ‏أبا املّ من حبك ولكن عجزت املّ ‏وعجزت آخذك والعجز ماهوب مرضيني

__فهد قطنان

والله لو تكفخ كما يكفخ الطير نصيبك يصيبك ولا لك بديله لو يوقفون الناس دونه طوابير يجي لك المكتوب ولا تجي له

أمرك و انا مستبعد فكرة المعواد و يغلب علي وجه الشبه بينك و بينه يا غاية مراد اللي يشوفك احق مراد و الاحق في بسمة شفاته وماء عينه ملكني غرامك لين صرت املك استعداد اناصر ضحايا الحب و افهم مجانينه ادور لجرحك من يدين الطبيب ضماد و اثر ما يضمد جرحك الا سكاكينه انا قبل اعرفك كان قلبي عيوف و صاد و بعدك ما صرت اعرف غير الله يعينه لكن الله مكنك والله اللي راد تخلينه يحب الحياه .. و تخلينه

__عويد النجود

يا رب جعل العوض في مقبلات السنين لأحلامي اللي تعدتني ما حققتها لا زال عندي رجاء بالله و عندي يقين ان كل حاجة بتاتيني على وقتها الله تعالى يقول و بشر الصابرين و الامال بالله عز وجل علقتها ارجيه بالراحه اللي غادرت قبل حين من شهرين او ثلاث شهور ما ذقتها

سعد بن جدلان مُتحدثًا عن الونس لا صرت بجانب محبوبك، و ان لحظةٍ معه تسوى الدنيا بأهلها طراه أيضًا الشاعر : شفت حياة الملوك و عيشة البطره؟ تسوى نهار .. شبكة أيديك بيديني

والله إني ما أسفهل بونس غيرك.. لو عطوني قصر في حي المصيف و قصر في حي العليا

الله يصبّحك بأشواق الصباح الجديد ياللي لك الشوق لا يهدى ولا ينتهي غيرك من الناس علمناه يلعب بعيد و لا أنت فالقلب تلعب مثل ما تشتهي

__علي الدعيّه

ما أبيك تسأل عن مقادير حبي بكره مع الأيام .. تطلع علومه

وين أنت؟ ياقبلة هوى روحي، و روحي تفتديه يا من همومي تنجلي لا شفت ضحكة مبسمه

‏يا حلم الحياة أنا بدونك بدون أحلام ‏يا ويلك من الله كيف تصبر على فراقي أنا معك مثل الطفل ابو خمس ست أعوام على ادناة حاجة تقدر تزيّن أخلاقي ‏كرهت الظروف وسالفة للظروف أحكام ‏أقدر ظروفك وأنت ماتقدر أشواقي ‏يجيني على شوفك مشاعر وله وهيّام ‏وأنا فيك والله مدري ويش انا لاقي

__حزمي بن سعد

ما قد تطرقت الطواري عنك، و العالم تشوف لكنك أكثر من تربّع وسط عيني و إتضح

«إنني لا أخبر احدًا عنك، لكنك تفيضين من عيناي»

«إنني لا أخبر أحدًا عنك، لكنك تفيضين من عيناي»

__كافكا

مرحبا والصبح لو له شبيه من البشر كان وش الفرق بينك وبين إشراقته؟

ودي أتبع نداء .. قلبي و أدور لطبه بس عقلي يقول إن تبعة القلب ضيعة

همومي بحر و أشوف قربك فريق إنقاذ أربك مع الأيام .. بتحاول إنقاذي

__صالح النشيرا

‏أنا يا بعد وجهٍ ثبت و الزمن دوّار ‏الى الحين أحنّ لضحكتك ‏و أنت ما تدري

تبادل نشر:@wyeii0 https://t.me/rucvw

تبادل نشر:@wyeii0 https://t.me/rucvw