Attack on Pediatrics (Dr.Ahmed Karwia)

#Acute_Brochiolitis

جدول أول أسبوع نزل بالسلامه الحمدلله 😂 الحمدلله بينزل الشابتر كامل علي بعضه زي ما توقعت وكده أحسن، وكمان بدأ شيست وكارديو زي ما احنا بدأنا الحمدلله، يارب يكمل جِميله بقي وينزل يعرفنا محتوي الميدتيرم بدري بدري، ويبقي كده كتر خيره والله 🚵‍♀️

#Bronchial_Asthma2

Bronchial_Asthma1

#Chest_Introduction

#INFECTION #CARDIO #CHEST #GIT #EMERGENCY #HEMATOLOGY

ان شاء الله هبدأ النهارده أشرح أول موضوع في شابتر الشيست اللي هو Bronchial Asthma موضوع سهل لكنه طويل سيكا وأنا كنت قاصد ابدأ بيه لأنه مضمون انه هيجي في الميدتيرم ان شاء الله أياً كان المحتوي اللي هيدخل، أنا بحاول أستغل الوقت ده وأشرح كام محاضره مضمونه ان شاء الله في الميدتيرم علشان ننجز وقت ومنتزنقش مع الدراسه وتحسباً للظروف محدش ضامن ايه ممكن يحصل، فاهمني؟ وعلشان مغلطش نفس غلطات الترم اللي فات، هعمل الأول مسدج مثبته هحط فيها عناوين الشباتر وعناوين المحاضرات علشان ميحصلش لخبطه زي الترم اللي فات، وبمجرد ما تدخل علي المسدج المثبته تلاقي كل اللي انت عاوزه وطبعا هتتعدل كل شويه يعني كل ما هشرح حاجه هضيفها عليها ان شاء الله. وبالنسبه لموضوع الفيدباك ده عندي فكره حلوه هتسهل عليكم انكم توصلولي فيدباك وعليا أنا كمان اني اعرف رأيكم وهي الريأكتس، يعني ياريت اللي يسمع محاضره يعمل ريأكت.

🫷 اخر حاجه هتكلم فيها بقي النهارده علشان هبطت وانت كمان زهقت. هشرح فين وازاى؟ ان شاء الله هشرح هنا في القناه مش هروح مكان تاني القناه مفتوحه لأي حد في الدنيا، وطول الوقت ان شاء الله، وهسيب اليوزر بتاعي في الديسكربشن أو هعمل جروب ديسكشن علشان لو حد حابب يسأل عن أى حاجه. ان شاء الله هشرح في اسكرين ريكورد من اللاب أو التاب بصوت وصوره واضحه ان شاء الله، مش هشرح ريكوردات الحمدلله فكيت الجِبس. ربنا يستر ومتتكسرش رقبتي المره دي 😂 يلا قوم بقي اِنزل القهوه اِلعب عشرتين طاوله ولا شوف حلقة ون بيس الجديده واِستمتع بأخر أسبوع في أجازتك قبل مدعكة الترم التاني. تصبحوا علي خير❤️

🫷 رابع حاجه هتكلم فيها هي الورق و اِزاى هنمشي؟ الحقيقه دي حاجه مقدرش أجزم فيها، لأن مش عارف الكليه هتعمل ايه؟ بس أكيد حاجه من اتنين: 1_ هتنزل الشابتر كامل علي بعضه وده الأحسن والمنطقي والمتوقع، وساعتها هيبقي كتر خير الدنيا اوي هنمسك الشابتر نخلص الميد تيرم بتاعه وبعدها ندخل علي اللي بعده واللي بعده وهكذا لحد ما نخلص منهج الميدتيرم وبعدها نشوف المتبقي نخلصه وأتمني ده يحصل علشان منتلخبطش ونتشتت أكتر. 2_ هتنزل من كل شابتر محاضره أو اتنين كل اسبوع وده هيكون شئ مقرف أوي بصراحه لأن هنكون زي اللي بياخد من كل فيلم اغنيه كده. كل ما نبدأ شابتر وندخل المود هنرجع نتفصل تاني وندخل شابتر تاني وناخد مود تاني وللأسف ده هيكون سئ أوي أتمني ميحصلش . في كل الأحوال هستني أنا وأنت ان شاء الله الكليه تقرر ونعرف النظام ماشي ازاى وهيمشي ازاى وساعتها الافضل ان شاء الله هنعمله.

🫷 تالت حاجه عاوزك تعرفها هو محتوي الترم ده ان شاء الله. الترم ده زي اللي فات عندك 6 شباتر واِجمالاً مش هضحك عليك هو أصعب من الترم اللي فات. الشباتر أصعب، والكميه أكبر، والمده أقصر، وكمان المذاكره في رمضان بتكون أصعب، لكن متقلقش والله ربك بيسهل الدنيا خالص، أنت بس اِسعي وسيبها لله. كل شابتر ليه قصه وحكايه مختلفه عن التاني، الكميه بتختلف من شابتر للتاني، والأهميه، والمحتوى، وطريقة المذاكره، وطريقة الاسئله كمان بتختلف بين كل شابتر والتاني. علشان كده قبل بدايه كل شابتر هعمل فيديو صغنطوط كده اديلك فكره عامه عن الشابتر، وعدد محاضراته، وأهم محاضراته، وإيه هيدخل ميد تيرم، وإيه هيدخل فاينل، وكل حاجه علشان متكونش متلخبط، وبشكل عام الترم ده عندك: 🫸 Infection: عدد المحاضرات: 14 محاضره. أطول شابتر لكن مش الأصعب, عيوبه انه طويل و معظمه معتمد علي الحفظ بشكل كبير. لكن فيه ميزه وهو ان اسئلته بتكون واضحه في الامتحان وملوش عملي. 🫸 Cardio: عدد المحاضرات: 10 محاضرات. الشابتر الأصعب والأهم. عيوبه انه حقيقي صعب مش هكدب عليك واسئلته بتكون غلسه والعملي بتاعه أغلس للأسف. لكن فيه ميزه وهو انه ممتع وبيشبه الباطنه الي حد كبير ومهم بعدين للي هيتخصص كارديو او اطفال. 🫸 Chest: عدد المحاضرات: 7 محاضرات. شابتر عسول. ملوش عيوب يخربيت حلاوته صغير وسهل وسريع واسئلته واضحه. لكن للأسف العملي بتاع غلس شويه بس مش أغلس من الكارديو. 🫸 GIT: عدد المحاضرات: 7 محاضرات. شابتر جميل . شابتر صغير وسهل وسريع وبسيط ومعظمه متكرر من الباطنه والعملي بتاعه معظمه متكرر من الباطنه كمان. بصراحه الـ GIT في أي مكان سواء باطنه او اطفال او جراحه او حتي طوارئ ملوش عيوب خالص، بحبه اوي أنا لو ربنا رزقني ببنت هسميها GIT 🫸 Emergency: عدد المحاضرات: 7 محاضرات. شابتر النص نص . الكميه نص نص، المحتوي نص نص، المواضيع نص نص، الاسئله نص نص، الشابتر ده كان أيامنا كابوس كان مكتوب وحش أوي وملوش مصادر ويعتبر كان أطول و أصعب شابتر لكن دلوقتي اتغير كتير عن الاول لان فيه جزء Emergency كامل في سنه خامسه وعلشان كده هو شابتر نص نص هيضايقك شويه علشان معندكش فكره عن خامسه لكن معظمه باطنه والعملي بتاعه عادي بردو نص نص. 🫸 Hematology: عدد المحاضرات: 6 محاضرات. صغير بس يحير حقيقي يعني. هو اه 6 محاضرات بس نينجا الصراحه، كل محاضره طويله لكن سهله اوي وبيجي دايما هيستوري في امتحان العملي ولازم تركز فيه كويس جدا لانه هيتكرر بالكلمه في منهج الـ Blood في باطنه خامسه. ويبقي كده توتال عدد المحاضرات حوالي 50 محاضره في الاغلب هيجي منهم 30 ميدتيرم وده كويس تخلص منهم في الامتحان الاسهل وهو امتحان الـMCQ وبعدين لا مؤاخذه يعني تتزنق في الـ20 التانين في الفاينل بقي وبنسبة كبيره اوي لو ركزت في النظري هيكون العملي بالنسبالك سهل اوي ان شاء الله.

🫷 تاني حاجه عاوزك تعرفها اِن الترم ده بالنسبه لمادة الأطفال كامل ان شاء الله مجموعه (175) درجه متقسمين كالتالي: • ميد تيرم 👈 (45) درجه وطبعاً زي ما انت متعود هيكون MCQ بس. • فاينل 👈 (75) درجه ان شاء الله هيكون (35) MCQ و (40) Written. • أوسكي 👈 (50) درجه وده غالباً بيكون 4 ستيشن كل ستيشن (12.5) درجه و ربنا يسهل ان شاء الله وقتها هوضح كل حاجه. • هيكون فيه 5 درجات أى نشاط بقي علي حسب اللي هيتطلب منك ودول ان شاء الله مضمونين.

🫷 أول حاجه عاوزك تعرفها ان الترم التاني مش هيكون راوندات زي الترم الأول, ان شاء الله النظام هيكون كل الراوندات مع بعض, ماشيه مع بعض, أطفال ونسا وباطنه وجراحة, للأمانه النظام ده أصعب مش هكدب عليك لكن هيديلك فرصه أكبر تهتم بالموديول اللي بتدرسه لأنه هيسيب ليك فيه مده أكبر. اللي يهمني حالياً هي الأطفال ان شاء الله معانا لحد نص الترم يعني حوالي شهر ونص علشان تمتحن أول امتحان، امتحان الميد تيرم اللي احنا لسه منعرفش هيكون علي ايه هنستني الكليه تعرفنا في بدايه الترم ان شاء الله. غالباً هيكون علي 60% او 70% من المنهج كله. وبعدها ان شاء الله نكمل باقي المنهج كمان شهر ونص لحد أخر الترم علشان تمتحن عليه فاينال، غالباً هيكون معظمه من الـ 40%% او الـ 30% اللي مكانوش في الميد تيرم. وفي النهايه تمتحن العملي علي خير ان شاء الله. أنا عارف ان ده هيكون لود كبير عليك لكنه في نفس الوقتي هيكون سبب ان شاء الله ان المنهج كله ياخد حقه.

السلام عليكم ورحمة الله وبركاته. مساء النور، عامل ايه؟ وأخبار الأجازة ايه؟ يارب تكون بخير❤️ لو أنت أول مره تدخل القناه يعني أو متعرفنيش أنا أحمد كراويه دكتور امتياز ومش عارف بقي معنديش معلومات تانيه أقدر أقدمها عن نفسي. الترم الأول شرحت علي أد مقدرتي كميه كبيره الحمدلله في الأطفال والبيديترك سيرجري. للأسف الوقت كان ضيق والدُنيا كانت ملخبطه لأسباب كتير ومقدرتش أوصل لكل الدفعه وللأسف أكتر ظروفي كانت صعبه جداً في خلال الفتره دي توفي عمي ودراعي اتكسر وبعدها توفي عمي التاني وكل ده في شهرين، وبالتالي الموضوع كان صعب أوي بصراحه لكن والله ربنا عالِم أنا عملت كل اللي أقدر عليه وزياده علشانكم في ظِل كل الظروف الصعبه دي. المهم أنا ان شاء الله الترم ده هكمل معاكم منهج الأطفال كامل وهجيب أخري وأكتر معاكم ان شاء الله، مش هسيب سطر اِلا لما تفهمه وتحفظه كويس، صدقني هساعدك بكل الطرق تفهم أطفال وتجيب مجموع كويس ان شاء الله. ان شاء الله في المسدجات الجايه هعرفك عندك محتوي ايه الترم ده، توزيعة الدرجات، هنمشي ازاي؟ هنذاكر ازاي؟ هرتب معاك كل حاجه ان شاء الله. متقلقش من أي حاجه طول ما انا معاك متقلقش ان شاء الله. ربنا يوفقكم ويوفقني ويقدرنا ويقوينا ان شاء الله🥰

ليه الريأكتات دي هما عملوا فيكم ايه طيب ؟

عملتوا ايه في الامتحان يا شباب طمنوني