Чуашстан татарлары

Кичә Чуашстан мәктәпләренең уку алдынгылары, төрле чараларда актив катнашкан 7-11 сыйныф укучылары Казанда сәяхәттә булдылар. Чара Габдулла Тукайның 140 еллыгы уңаеннан, "Якташлар" җәмгыяте һәм Чуашстан татарлары милли-мәдәни берләшмәсе белән берлектә оештырылды. 📌Сәяхәт- "Якташлар" җәмгыяте рәисе Фәнис Киаметдин улы Чабатов һәм укучыларның Габдулла Тукай һәйкәленә чәчәк салудан башланып китте. 📌Аннары укучылар Казанның иң борынгы һәм рухи яктан бай тарихи почмагы - Иске татар бистәсендә булдылар, тарихи биналар белән таныштылар. Иске Татар бистәсе – Казанның татар халкының күпгасырлы тарихын чагылдырган уникаль тарихи үзәге. Биредә борынгы мәчетләр белән беррәттән, сәүдәгәрләрнең зиннәтле йортлары, мәдрәсәләр урнашкан. Шуларның берсе, Апанай мәдрәсәсендә булдылар. Бу- Казанның Иске Татар бистәсендә урнашкан тарихи уку йорты. Ул үз эченә мәчетне, мәдрәсә бинасын һәм алар тирәсендәге бөтен тарихи-мәдәни комплексны ала. Бу эшчәнлек өчен рәхмәт! Сезнең оештырган сәяхәт Габдулла Тукай мирасын хөрмәтләү һәм яшь буынга татар тарихын таныту өчен бик мөһим. Иске татар бистәсе-Татарстанның тарихи үзәге, андагы биналар белән танышу укучыларга милли рухны, мәдәниятне һәм тамырларыбызны аңларга ярдәм итә. Тукай һәйкәленә чәчәкләр кую — олы шагыйрьгә ихтирам күрсәтүнең матур гамәле. 📌Сәяхәтнең дәвамы – укучыларның язучылар берлегендә язучылар белән очрашуы. Алар Татарстан Язучылар берлеге рәисе, Татарстан Дәүләт советы депутаты, якташыбыз Ркаил Зәйдулланың эш бүлмәсендә булдылар! Шагыйрә, Алинә Хисамиева (ул шулай ук популяр җырлар авторы буларак та билгеле) укучыларны үзенең иҗаты белән таныштырды. 💥Безнең укучыларыбыз да зур сәхнәдән Габдулла Тукай шигырьләрен сөйләделәр. Бу очрашу, шиксез, истәлекле вакыйга. Язучылар белән аралашу укучыларга әдәбият дөньясына эчке яктан күз салу, иҗат серләрен үзләре теләгән кешеләрдән ишетергә мөмкинлек бирә. 📌Сәяхәт Чуашстанда туып-үскән, хәзер Татарстанда яшәп иҗат итүче артистларның "Якташлар" исемле зур концерты белән тәмамланды. Ул Казанның «Чулпан» мәдәният үзәгендә булды. Бу чараны Чуашстан татарларының “Якташлар” җәмгыяте оештырды. Сәяхәтебез мавыктыргыч, мәгълүмати һәм эчтәлекле үтте. Укучыларның исләрендә озакка калыр! Сәяхәтне оештыручыларга зур рәхмәтебезне белдерәбез! Безнең өчен булдырган кадер-хөрмәтегез, матур автобус, тәмле ризыклар һәм күчтәнәчләр өчен оештыручыларга йөз рәхмәт! Сәяхәтебез сезнең аркада рәхәт һәм күңелле үтте!

Беренче номерлы Шыгырдан урта гомуми белем бирү мәктәбе "Татарча диктант" акциясендә катнашты.

Тукай урта гомуми белем бирү мәктәбе "Татарча диктант" акциясендә катнашты.

Бүген, 24 апрель көнне, Чуашстан мәктәпләренең татар укучылары һәм укытучылары Бөтендөнья «Татарча диктант» акциясенә кушылды. «Татарча диктант»ның быелгысы унберенче тапкыр уздырыла. Ул бөек шагыйребез Габдулла Тукайның 140 еллыгына багышлана. Диктантны — Габдулла Тукайның «Туган тел» шигырен йөзләп кеше язды. Акциядә өч көн рәттән дә катнашырга мөмкин. #татарчадиктант2026

Комсомол муниципаль округы «Шераут урта гомуми белем биру мэктэбе» укучылары "Татарча диктант" акциясендэ катнаштылар.

Бүген, 24 апрель көнне, Чуашстан мәктәпләренең татар укучылары һәм укытучылары Бөтендөнья «Татарча диктант» акциясенә кушылды. «Татарча диктант»ның быелгысы унберенче тапкыр уздырыла. Ул бөек шагыйребез Габдулла Тукайның 140 еллыгына багышлана. Диктантны — Габдулла Тукайның «Туган тел» шигырен йөзләп кеше язды. Акциядә өч көн рәттән дә катнашырга мөмкин. #татарчадиктант2026

Бүген сигезенче «Җиңү диктанты» халыкара патриотик акциясе старт алды Быел акция аерым әһәмияткә ия. Ул сугыш башлануга 85 ел тулуга һәм Советлар Союзы маршалы Георгий Константинович Жуковка багышланган, аның тууына 130 ел тулу 2026 елда билгеләп үтелә, шулай ук юбилей даталары 2026 елга туры килә торган Бөек Ватан сугышы вакыйгаларына багышланган. Чувашия халыклары дуслыгы йортында традицион рәвештә диктантны төрле милләт, буын һәм һөнәр вәкилләре язды. Патриотик чара Чабаксарның 49 нчы урта мәктәбе укучыларын, төбәкнең милли-мәдәни берләшмәләре җитәкчеләрен, Чувашия халыклары дуслыгы йорты һәм Чувашия Мәдәният министрлыгының финанс һәм хуҗалык тәэмин итү үзәге хезмәткәрләрен берләштерде. Чувашия Республикасында акциядә катнашу өчен 600дән артык мәйданчык җәелдерелде, алар арасында 140тан артык мәдәният учреждениесе бар иде. Әлеге чарада Чуашстан татарлары милли-мәдәни берләшмәсенең совет әгъзасы Раилә Емдиханова катнашты. Акциядә катнашучылар Бөек Ватан сугышы тарихы буенча белемнәрен тикшерделәр, 25 сорауга җавап бирделәр. Биремнәр мөһим вакыйгаларга, сугыш чоры даталарына һәм шәхесләренә багышланган иде.

  “Тукай безнең йөрәкләрдә” республикакүләм  шигырь укучылар конкурсының 8-11 сыйныфлар арасында: ҖИҢҮЧЕ – Хабибуллина Алсу, Тукай урта мәктәбенең 11 нче сыйныф укучысы  (Җитәкчесе Гималтдинова Д.М.) ПРИЗЕРлар : Айнетдинова Эльвина, Чичкан  урта мәктәбенең 8 нче сыйныф укучысы  (Җитәкчесе Мәҗитова Р.Р.) Сабирзянова Эльвина, Урмай   урта мәктәбенең 9 нчы сыйныф укучысы  (Җитәкчесе Галеева А.М.) Хуснутдинова Тамчыгөл, Тукай урта мәктәбенең 9 нчы сыйныф укучысы  (Җитәкчесе Гималтдинова Д.М.) Шарипова Чулпан, беренче номерлы Шыгырдан урта мәктәбенең 11 нче сыйныф укучысы (Җитәкчесе Айзатуллова Р.Р.) Алеева Динара, Озын Куак урта мәктәбенең 11 нче сыйныф укучысы (Җитәкчесе Тазетдинова З.Ш.)

  “Тукай безнең йөрәкләрдә” республикакүләм  шигырь укучылар конкурсының 5-7 сыйныфлар арасында: ҖИҢҮЧЕ – Сөләйманова Самира, Ә.З. Фәизов ис. Шыгырдан урта мәктәбенең 8 нче сыйныф укучысы  (Җитәкчесе Янтыкова А.М.) ПРИЗЕРлар : Салихова Самира, Ә.З. Фәизов ис. Шыгырдан урта мәктәбенең 8 нче сыйныф укучысы  (Җитәкчесе Салихов  А.М.) Такаева Асыльяр, Кыр Бикшиге урта мәктәбенең 8 нче сыйныф укучысы  (Җитәкчесе Камалетдинова Р.) Алтынбаева Сөмбел, Өчбалтай урта мәктәбенең 7 нче сыйныф укучысы (Җитәкчесе Тарамасова Й.И.)

 “Тукай безнең йөрәкләрдә” республикакүләм  шигырь укучылар конкурсының 1-4 нче сыйныфлар арасында: ҖИҢҮЧЕ – Куликова Айсылу, Татар Согыты мәктәбенең 1 нче сыйныф укучысы  (Җитәкчесе Куликова Р.А ) ПРИЗЕРлар : Салеева Зилә, беренче номерлы Комсомол  урта мәктәбенең 1нче сыйныф укучысы  (Җитәкчесе Волкова Г.А.) Салихов Кәрим, пр.Ә.З. Фәизов ис. Шыгырдан урта мәктәбенең 4нче сыйныф укучысы  (Җит. Мухаметнурова Г.М.) Исхакова Алия, Ә.З. Фәизов ис. Шыгырдан урта мәктәбенең 2 нче сыйныф укучысы  (Җит. Масяева Г.М.)