تۆرکجه شاه بیت‌لر

دل چکر جانی سر کویونا ذبح ائتمک اۆچون سان کی حجّاج منا داغینا قوربان آپاریر #شیروانلی_سید_عظیم @sahbeyt https://t.me/turkmilleti/6155

غایتِ شوقیمی گؤر یاره که هنگامِ وِداع رشک‌دن من دئیه بیلمم که خُدا یار اۏلسون #شیروانی_سید_عظیم @uctelli_durna @sahbeyt

آه کیم اۏل چشمِ سیاهین قصدِ جان ائتمک دیلر بن غریب اُفتاده‌نین باغرینی قان ائتمک دیلر #دیار_بکرلی_خلیلی @sahbeyt

بوراخ بو انسانلارى سئوگيليم؛ اونلار، سنى گؤرن داغلارين- آچيق قالان آغيزلارينا كؤهول دئييرلر... #رحیم_اصغرزاده @sahbeyt

مئشه ده گؤزل دیر، دنیز ده گؤزل ایکیسی بیر یئرده، قیامت گؤزل گؤرۆن نه چکیرم اَلیندن اونون! ساچ‌لاری حیران دیر، گؤزلری خزر ... #ائلمان_موغانلی @sahbeyt

آتیر اول شوخ اوخون کؤکسومه، ای اشک دایان! گیرمه میدانه تماشانی خراب ائیلرسن! غمزه پیکان لاری چوخ آنی کئچرلر کؤنلوم، قاچیرارسان او بیر آنی خراب ائیلرسن! #cavid_hüsami @sahbeyt

آلدانیب قالما کؤنول، سانما بو دوران دورولور دوغرولار سوسدورولور، حقلی یه قان قوسدورولور... گۆوه نیب کیمسه یه، اسرارینی آنلاتما ساقین هر ایگیت، سیرتینی یاسلاندیغی یئردن وورولور! #خلیل_چنگیز @sahbeyt

شب یلدادا اوزار فجره قدر قصه عشق تا کی مجنون بیتیریر نطقونو لیلی سؤیلر #یحیی_کمال @sahbeyt

ای بابکی-ستاری بئجرمیش قوجاغیندا تاریخ بویو اولساندا آزادلیق سوراغیندا یوخ ایندی آدین ائللرین عصیان واراغیندا ای، ترک ائله ییب ارکی اوچانلار ای، باش گؤتوروب هر بیری بیر سمته قاچانلار دؤنسز وطنه، محو اولاجاقدیر بو دومانلار سئل تک آخیشین، بیرگه گلین دوغما دیاره تنها آنانین بلکه ائدک دردینه چاره ایللر بویو زنجیرده قالسام دا، وارام من! قلبیمده منیم سارسیمامیش ذره‌جه ایمان بیر گۆن قارا زنجیریمی آخر قیرارام من! ارکین باشینا قانلا قیزارمیش قانادیمدان بایراق وورارام من! شاهین یئنه زنجیرینی دارتیر! قوپ-قوپ ! –دئییر، آخر قیرارام من سنی، زنجیر! چون قیرمالیام من سنی آخر رحمت‌لیک دکتر زهتابی دوغوم گۆنون قوتلو اولسون کیشی @turkmilleti

کؤرپه ده اولسایدیق، ایگیدلر کیمی اؤلومون اۆزونه دیک باخیب گۆلدوک ییرمی بیر آذرده بیز گۆنش ایدیک سحری دوغولوب آخشامی اؤلدوک #حمید_عیوضی @sahbeyt

قلملر ، آسیلی بیر شهید کیمی اوخشاییر ، سیزلاییر آغ واراقلاری کؤرپه اوشاقلارین اۆرکک خیالی اویادیر ایچیمده اؤتن چاغلاری کؤهنه یارالاریم آذر آییندا سیخیر اۆره‌ییمی یئنی درد اولور ۱۳۲۴ اولایلاریندا بیری نامرد اولور بیری مرد اولور #معصومه_جبارپور @sahbeyt

دیل دئییرم… منی آنمیر سسله‌ییرم، او دایانمیر نوه‌لریم_منی_قانمیر دیلیمی قایتارین منه! باخ اورمودان گؤی خزره اوخشار سنی هر منظره بو آذردن او آذره ائلیمی قایتارین منه! #هاشم_ترلان @sahbeyt

آنامی چوخ سئوه رم، بئله دۆشونورم ائله بۆتون انسانلار آنالارین چوخ سئور، داها دوغروسو آنانین آتادان داها چوخ سئویملی اولدوغونو دۆشونه رم. بو دۆشونجه اوشاقلیقدا آنامین هر آن گؤزومون اؤنونده اولدوغوندان، کئفسیزله دیگیم آنلار باشیمین اۆستونده دوردوغوندان، یاشام بویو آجیلی شیرینلی کئچیردیگیم اولایلاردا آنامین یانیمدا اولدوغوندان دا آسیلی اولا بیلر، سؤزسۆز آتالار دا قایغی چکن انسانلاردیر اؤزلیک له بیر یاشامین مادی دورومون قارشیلادیغی نین چتینلیگین گؤردوکده بلکه آتالارین چکدیگی چتین لیک لری  داها یاخشی باشا دۆشمک اولار، آنجاق منیم گؤزومده هابئله اۆره گیمده هر آن آنام اؤزونو گؤسته ریب. سئومک اوچون ایلده بیر گۆنو آییرماغی خوشلامارام، ایستر سئوگیلی لر گۆنو اولا، ایستر اوشاقلار، آتالار یوخسا آنالار گۆنو اولا منجه انسان ائله هر گۆن، هر آن چئوره سینه اولان سئوگینی گؤسترمه لی دیر. اوشاقلیغیمدان بو یاشیما گلیب چاتدیغیم گۆنلره باخاندا، آنامین عایله یه هابئله اوشاقلارینا گؤره چوخ چوخلو ایستکلرینه گؤز یومدوغونو گؤرورم، دئیرلر بهشت آنالارین آیاغی آلتیندا دیر، آنجاق من آنامین آیاغی آلتیندا اونون سینمیش غرورونو، آیاقلانمیش دیلک لرینی، الیندن آلینمیش اؤزگورلوگونو بیرده دویولمامیش دویغولارینی گؤرورم. دیرلی یولداشیم اکبر پاشاپور بیر بیت ده بئله یازیر: سلطان ساوالان، شانلی سهند زیروه لی داغلار سیزلرمی بؤیوک سۆز آنامین چکدیگی داغلار؟ بو بیر بیت هر زمان دیلیمین اوجوندا گزر، اوندان آنامین ساوالان بویدا بؤیوکلوگونو، سهند کیمی قوتسال لیغینی دویارام. آناجان اۆره گیمده هر گۆن سنین گۆنوندور. آنالار گۆنو قوتلو اولسون. فرخ جرایدی، یورغون @turkmilleti

هر درده علاج اولدو، بیزیم درده علاج یوخ بیز درده دۆشندن، بیزه درمان محال اولدو. جان دردی  اؤلومله گئده‌جک سنگره بیزله یالنیز بو وطن دردی بیزه قالماقال اولدو... #حسن_قبادزاده_آلقان @sahbeyt

ایچیمده بیر غریب دویغو مَله ییر باغریمدا تونقالیم، کؤزوم آغلاییر اینجیدیر کؤنلومو اؤتن چاغلاریم اۆرک آلوولانیر گؤزوم آغلاییر.... #آغری @sahbeyt

دَردیمی دانیشیب ساحیل‌ده گئجه دَنیزه او قَدَر داش آتمیشام مَن عشقیمی هامیدان توتوب گیزلیجه سَنی شئعیرلرده یاشاتمیشام مَن #فامیل_رسول @sahbeyt

من سنین ان چوخ سسینی سئودیم، بوغلودور چوخ زامان، تزه بیر چؤرک کیمی. اؤنجه عشقه چاغیران، سونرا دینلَندیرن، منه هر زامان دوست، هر زامان سئوگیلی #اومید_یاشار_اوغوزجان @sahbeyt

گئجه باخماق نه قَدَر آیینه‌یه شوم ایسه ده تَک اۆزون آیینه‌سین زلفِ شَب‌آساده گؤروم #شیروانلی_سید_عظیم @sahbeyt

کؤنول کنج-ونده گنج عارضین وِرد زبانیم دور خزینه تاپسا بیر مفلس، اونو تئز-تئز حساب ائیلر #یدالله @sahbeyt https://t.me/turkmilleti/7122

گۆنو گؤرمکدن عالمده، یاشار خلقین گؤزو اما سنین مهر جمالین گؤرمه مک چشمی پُر آب ائیلر #یدالله @sahbeyt