تۆرکجه شاه بیت‌لر

دیلیم دیلسیزلییه بایاتی، آغی گؤزوم گؤزسوزلویون قاندان چاناغی اۆزوم وارلیغمین سولغون یاناغی منی آسماق اۆچون دار گرک دییل. #علی_جوادپور @sahbeyt

قفسده قالیب سسیم دیلیمده یارام درین دۆشونجه‌م‌سه آچیبدیر آزادلیغا قانادین. #لیلا_قلیزاده #آخاغا_وئریلن_پای @sahbeyt

من دوغولمامیشدان یتیم اولموشام اؤزوم اؤز یارامی باغلایاجاغام هامی آناسینا آغلایان یئرده من آنا دیلیمه آغلایاجاغام #حمید_عیوضی @sahbeyt

وَ قاپساییب شَهَری قاپ- قارا کوبود گئجه‌لر سحر آچیلماغینا قالماییب گومان قوشلار اوچوش مرامینی بیزلر اوچون سیز اؤیرتدیز قاناد- قاناد یولونوب حالیمیز یامان قوشلار دیلیم- دیلیم د...ی...دیلیم، آخ، آنا دیلیم توتولور دیلینده تۆرکو گتیر بوردا وار اومان قوشلار #سحر_خیاوی @sahbeyt

یانیر باغریمین باشی دا آخیر گؤزومون یاشی دا آنامین مزار داشی دا آنامین دیلینده دییل. #نادر_الهی @sahbeyt

طالعیمه سن باخ دۆشونجه لریم یاساق دویغولاریم یاساق کئچمیشیمدن سؤز آچماغیم یاساق گله‌جه‌گیمدن دانیشماغیم یاساق آتا بابامین آدین چکمه‌ییم یاساق بیلیرسن؟ آنادان دوغولاندان بئله اؤزوم بیلمه‌یه-بیلمه‌یه دیل آچیب دانیشدیغیم دیلده دانیشماغیم یاساق ایمیش، یاساق #بولود_قاراچؤرلو_سهند @sahbeyt

داغ باشیندا لالا وار شلاله وار ،... لالا وار اوخول بیزه یاساقدیر آمما دیلی ... لالا ، وار #شیخی @sahbeyt

یوخلوغون عمرومو اودلارا یاخیر حسرتین هر آخشام گؤزومدن آخیر آدینی توتاندا قلبیم داریخیر دردیمی دئمه‌دیم سنسیز بیرینه سئومه‌دیم هئچ کیمی سنین یئرینه #حسین_اسدی @sahbeyt

سئودامیزی تویا- یاسا بؤلموشوک مین آرزی‌یا مین دیله‌یه بؤل گؤروم دنیا سنی گۆلدورنده گۆلوبسن هنرین وار آغلاداندا گۆل گؤروم. #بختیار_واهابزاده @sahbeyt

بئزدیم بولانماقدان دورولماق اوچون ایسته دیم ان دوغرو یولا آند ایچیم اگر یول ایری سه، دۆز اولماق اوچون بو ایری یوللاردان نئجه دۆز کئچیم؟ #بختیار_وهابزاده @sahbeyt

بیر طرح‌ ایله قویما آیاغین تورپاغا دۆشسون! باغریم یاریلیر، تورپاق اؤپنده آیاغیندان. #اکبر_شفیعی #یاشار @sahbeyt

■□■ #ائلوین_ایلقار_اوغلو (سومقاییت 1994-0000) سنین حیاتیندا عشقین یئری نه؟ حئییف کی، ایناندیم سن‌تک بیرینه سن منیم دردیمی بؤلمک یئرینه قلبیمی ایکییه بؤلَن آدامسان... #ماوی_دویغولار @MaviDuygular

📘💙 «ماوی دویغولار ۱» کیتابی یولدادیر. دونیا ادبیاتیندان و کیتاب‌لاردان سئچیلمیش قیسا یازی‌لار و شئعیرلرین بیر آرایا گتیریلدییی بیر توپلودور. بو جمله‌لر اوزون زامان‌دیر کانالیمیزدا اوخوجولارلا پایلاشیلیب، اورک‌لره توخونوردو. ایندی ایسه داها قالیجی بیر فورمادا، کیتاب اولاراق تقدیم اولونور. بو اثر دویغولارا، دوشونجه‌لره اوخشاماق و پایلاشماق مقصدی ایله «آردا خانی» طرفیندن توپلانیب و سؤزلرده اؤزونو آختارا‌ن‌لارا و ماوی‌نی حیس ائدن‌لره تقدیم اولونور. 📖 کیتاب حاضیردا چاپ مرحله‌سینده‌دیر. بیزه دستک اولماق اومودونوزلا... #ماوی_دویغولار @MaviDuygular

بیلینمه‌ین بیر حزن وار ایچیمده، بیر غریبه‌لیک. آنلامیرام، یا من آرتیغام بو شهرده، یا دا بیری اسگیک. #جان_یوجل @sahbeyt

عشقین اؤزونده‌دیر غریبه سرّلر مگر شیرین سؤزدن کۆسرمی انسان؟! «آرتار کۆسه‌یه‌نین پایی» دئییرلر سنه سئوگیم آرتیر سن کۆسن زامان. عینی اۆرک وورور ایکی سینه‌ده منیم بیر سئویملی کۆسه‌یه‌نیم وار سحر آیریلیریق، آخشام یئنه‌ ده، کۆسه‌ین آدیندا گؤزله‌یه‌نیم وار... #نبی_خزری @sahbeyt

📆📆📆  مین دؤردیوز بئشینجی گونش ایلی (۱۴۰۵) 🔹 تـــورکـــــجه ایــل‌ســــایــــــار 🔴 میزاوستو ١٣ ورق ٢۶ صفحه ٢٢×١٢ سانتیمتر ۱۵۰۰۰۰ تومن آذربایجان فولکلوروندان مینیاتورلار دیجیتال رسّام: مهدی صادقی جم تاسارلایان: مهدی میمندی یاییم مرکزی: تبریز، امام خمینی خیابانی، طالقانی اوچ‌یولو آیریمی، شهریار پاساژی، آلت قات،  ۴۶ نؤمره‌لی دوکان آذرتوران و نباتی نشریاتی تلفن: ۰۴١٣۵۵۴٧۵١۰ @azerturan_nebati

🟦🟦 مین دؤردیوز بئشینجی گونش ایلی (۱۴۰۵) 🔹 تـــورکـــــجه ایــل‌ســــایــــــار 🔴 دیوارلــیق ٧ ورق ١٣ صفحه ۴۹×٢٣ سانتیمتر ۱۵۰۰۰۰ تومن آذربایجان فولکلوروندان مینیاتورلار دیجیتال رسّام: مهدی صادقی جم تاسارلایان: مهدی میمندی یاییم مرکزی: تبریز، امام خمینی خیابانی، طالقانی اوچ‌یولو آیریمی، شهریار پاساژی، آلت قات،  ۴۶ نؤمره‌لی دوکان آذرتوران و نباتی نشریاتی تلفن: ۰۴١٣۵۵۴٧۵١۰ @azerturan_nebati