530
Subscribers
-224 hours
-77 days
-830 days
Posts Archive
Good Will Hunting (1997)
သင်္ချာပညာရပ်မှာ အရမ်းတော်တဲ့ လူငယ်တစ်ယောက်... ဘယ်လောက်တောင် တော်လဲဆိုရင် ပါရဂူတွေတောင် နှစ်နဲ့ချီ ဖြေရှင်းနေရတဲ့ ပုစ္ဆာတွေကို သူငယ်တန်းစာ အပေါင်းအနုတ်တွေသာသာလို ဖြေရှင်းပြသွားတာမျိုး...
ဒါပေမဲ့ လူငယ်ဆန်ဆန် မူးရူးသောက်စားပြီး ဂျစ်ကန်ကန် ဘ၀မျိုးနဲ့ ဖြတ်သန်းနေတယ်...
သူ့ရဲ့ပါရမှီပါလာတဲ့ဂျီးနီးယပ်လယ်ဗယ်ဦးနှောက် ကိုသတိထားမိသွားတဲ့ ပရော်ဖက်ဆာ တစ်ယောက်က သူ့ရဲ့ဘ၀ကို အပြောင်းအလဲ လုပ်ပေးဖို့အတွက် စိတ်ကုထုံး ဆရာနဲ့ပြတာကို ဇာတ်အိမ်တည်ထားတယ်...
ဇာတ်ကားက ကြည့်နေတဲ့ ကိုယ့် အတွေးထဲကို နှစ်၀င်သွားမှန်းမသိ ၀င်သွားလောက်တဲ့အထိကို ကြည့်လို့ကောင်းတဲ့ကားမျိုး...
စိတ်ကုထုံးဆရာနဲ့ ဂျီးနီးယပ် ဦးနှောက်ပိုင်ရှင်တို့ အချင်းချင်း သူ့အမြင် ကိုယ့်အမြင် ပြောကြတဲ့ အခန်းတွေဆို ကျွန်တော်တို့ အပြင်က အတွေးတွေကိုပါ ပြောင်းလဲပေးနိုင်တာမျိုး...
ထပ်ပြောရင် ရေးပြထားတဲ့ စာသားတွေထပ် အဆမတန်ကောင်းတော့ အဲ့လောက်လည်းဟုတ်မှာမဟုတ်ပါဘူးကွာလို့ ခံစားသွားရမှာဆိုးတာကြောင့် ကိုယ်တိုင် ကြည့်ကြည့်ကြဖို့ တိုက်တွန်းပေးလိုက်ပါတယ်...
ရုံတင်တုန်းကလည်း ရလဒ်ကောင်းတွေ positive review တွေရခဲ့သလို အတော်လေးငိုရတယ်ဆိုတဲ့ဇာတ်ကားလေးဖြစ်တာမလို့ အငိုဒရာမာတစ်လိုင်းပရိသတ်တို့ တစ်ရှူးဆောင်ရင်း...
" How To Make Millions Before Grandma Dies " (2024)
Joker 2 (2024)
2019 တုန်းက မင်းသားကြီးဝါကင်းဖီးနစ်ကို အော်စကာ ရစေခဲ့တဲ့
Joker ရုပ်ရှင်ရဲ့ နောက်ဆက်တွဲအဖြစ် ထွက်ရှိလာတဲ့ရုပ်ရှင်ဖြစ်ပါတယ်။Folie à Deux ဆိုတာကတော့ ပြင်သစ်ဘာသာဖြစ်ပြီး “နှစ်ယောက်တွဲရူးသွပ်မှု” လို့ အဓိပ္ပါယ်ရပါတယ်။ရူးသွပ်မှုတစ်ခုခုကို လူတစ်ယောက်ထက်ပိုပြီး ခံစားရတဲ့အခါ ဒီရောဂါနာမည်ကို သုံးလေ့ရှိပါတယ်။ ဒီဂျိုကာရုပ်ရှင်ကတော့ DC ရဲ့ မူရင်းစကြဝဠာမှာ မပါပါဘူး။ “DC Elseworlds” လို့ခေါ်တဲ့ အခြားစကြဝဠာတစ်ခုမှာ ဖြစ်ပျက်နေတာတွေကို ပြသထားတာ ဖြစ်ပါတယ်။မူရင်းဒါရိုက်တာ Todd Phillips ပဲ ရိုက်ကူးထားပြီး ဟာလီကွင်းနေရာမှာတော့ လေဒီဂါဂါက ပါဝင်ထားပါတယ်။ရုပ်ရှင်ကတော့ မှုခင်း ဆိုက်ကို ဒရာမာကိုမှ musical နဲ့ ရောထားတာပါ။ဒါကြောင့် Greatest Showman တို့ Les Misérables တို့လိုသီချင်းဆိုတာ ကတာတွေ ပါဝင်နေပါလိမ့်မယ်။ ဇာတ်လမ်းအကျဉ်း**အာသာဖလက် ခေါ် ဂျိုကာဟာ လူ ငါးယောက်ကို သတ်မှုနဲ့ စွဲချက်တင်ခံထားရပါတယ်။ စိတ်ရောဂါအကျဉ်းထောင်ထဲမှာ တရားခွင်အတွက်စောင့်ဆိုင်းရင်း လီဆိုတဲ့မိန်းကလေးနဲ့ ချစ်မိသွားကြပါတယ်။ဒီရုပ်ရှင်အစအဆုံးကတော့ တရားခွင်မှာ ဂျိုကာနဲ့ သူ့ကို သေဒဏ်ပေးချင်တဲ့ရှေ့နေ ဟာဗေးဒန့်တို့ အပြန်အလှန် ချေပပုံတွေရယ် ဂျိုကာနဲ့ ဟာလီကွင်းကြားထဲက စိတ္တဇအချစ်ရယ်ကိုပဲ ပုံဖော်ပေးထားပါတယ်။ စီးရီးသဘောအရဆိုရင် အဓိကဇာတ်လမ်းပါတဲ့အပိုင်းမဟုတ်ဘဲ အဖြည့်ခံအပိုင်းလောက်ပဲရှိတာမို့ အားပေးမှုနည်းပြီး rating နည်းနေတာလည်း ဖြစ်ပါလိမ့်မယ်။ဇာတ်အိမ်ကြီးကျယ်မှုဆီ မသွားဘဲ ဖျော်ဖြေရေးသက်သက်သာ ဖန်တီးထားတာမို့ ရိုက်ချက်တွေ သီချင်းတွေ ခံစားဖို့သက်သက်ပဲ ကြည့်တာအကောင်းဆုံးပါပဲ။
ဇာတ်လမ်းအစမှာတော့ တိုင်းပြည်တစ်ခုရဲ့ ဘုရင်ကြီးက အသက်ဝင်နေတဲ့ အစားအသောက်တွေပြန်ပေးဆွဲတာ
ခံလိုက်ရပါတယ်
အကယ်၍ ဘုရင်ပြန်ပေးဆွဲခံလိုက်ရတာသာ သတင်းပေါက်ကြားသွားရင် တစ်တိုင်းပြည်လုံး ကမောက်ကမ ဖြစ်ကုန်မှာပါ၊
ဒါကြောင့် ဒီကိစ္စကိုဖြေရှင်းဖို့ 𝕊𝕄ℂ𝔸 ကို တာဝန်ပေးလိုက်ပါတော့တယ်
အထူးအေးဂျင့် ဂရေတယ်နဲ့ သူ့အစ်ကို လူလိမ်ဟန်ဆယ်တို့က ဒီဇာတ်လမ်းထဲမှာတော့ မတည့်ကြတဲ့ မောင်နှမတွေအဖြစ်တွေ့ရပါတယ်
𝕊𝕄ℂ𝔸 ရဲ့ ခေါင်းဆောင်က ပြန်ပေးသမားကိုဖမ်းဖို့ လူလိမ်အကြီးစားကို သုံးရမယ်လို့ ဆုံးဖြတ်လိုက်ပြီး သူတို့နှစ်ယောက်ကို တာဝန်ပေးလိုက်ပါတော့တယ်
စုံစမ်းနေရင်း ဟန်ဆယ်ရဲ့အမှားကြောင့် သူတို့နှစ်ယောက်လုံး ကလေးပေါက်စလေးတွေ ပြန်ဖြစ်သွားကြပါတယ်၊
ကလေးလေးတွေအဖြစ်နဲ့ပဲ ပြန်ပေးသမားကို လိုက်ရှာရင်း အလွဲလေးတွေနဲ့ စွန့်စားခန်းဖွင့်ကြပါတော့တယ်
လူငယ်ပညာပေးအိန္ဒီယဇာတ်ကားသစ်လေး
Bal Naren (2024) “ လူငယ်ရွာလူကြီးလေး ”
နာရန်ဆိုတဲ့ကောင်လေးရဲ့အဖေဗီရန်ဒရာဟာ ရွာလူကြီးရွေးကောက်ပွဲပြိုင်ပွဲမှာ အနိုင်ရပြီးတော့ ရွာလူကြီးဖြစ်လာခဲ့ပါတယ်။
ဗီရန်ဒရာဟာ ရွာလူကြီးစဖြစ်လာတာနဲ့ အရင်ဆုံး ရွာသန့်ရှင်းရေးကို အရင်လုပ်ဆောင်ခဲ့ပါတယ်။
သို့ပေမဲ့လည်း ရွာမှာက အမှိုက်ဆိုလည်း တွေ့ရာနေရာချ, ညစ်ပတ်ကြတဲ့အတွက်ကြောင့် ခြင်တွေယင်တွေ ပေါက်ဖွားမှုနှုန်းကလည်း အရမ်းကိုများပြီးတော့ သွေးလွန်တုတ်ကွေးရောဂါနဲ့သေဆုံးကြတဲ့သူတွေ များလာခဲ့ပါတယ်။
အဲဒီလိုသေဆုံးရတဲ့သူတွေအထဲမှာ ရွာလူကြီး ဗီရန်ဒရာကိုယ်တိုင်လည်း ပါဝင်သွားခဲ့ပြီးတော့ ရွာအတွက်ဆုံးရှုံးမှုကြီးဖြစ်ခဲ့ရတာပေါ့ ။
နာရန်ဟာ သူ့အဖေလိုပဲ ရွာလူကြီးဖြစ်ချင်ခဲ့ပြီးတော့ ရွာရဲ့အကျိုးကို သယ်ပိုးချင်ခဲ့သူတစ်ယောက်ဖြစ်ပါတယ်။
ဒီလိုနဲ့ နာရန်လေး ကျောင်းတတ်တဲ့အရွယ်ကိုရောက်လာတဲ့အခါမှာ သန့်ရှင်းမှုအကြောင်းကို သေချာလေသင်ကြားခဲ့ရပါတယ်။
သင်ကြားထားတဲ့ သင်ခန်းစာတွေကို အခြေခံပြီးတော့ သူ့ရွာကို သန့်ရှင်းသာယာပြီး တိုးတက်တဲ့ရွာလေးဖြစ်ဖို့ နာရန်တစ်ယောက် ကြိုးစားလုပ်ဆောင်ပါတော့တယ်။
ဒီလိုနဲ့ ကိုရိုနာရောဂါတွေဖြစ်လာတဲ့အချိန်မှာတော့ နာရန်တစ်ယောက် သူ့ရွာလေးကို ဒီရောဂါဆိုးကြီးရန်ကနေ
သူတတ်စွမ်းနိုင်သလောက်အသိဉာဏ်ကိုသုံးပြီးတော့ ဘယ်လိုတွေ ကာကွယ်လုပ်ဆောင်သွားမလဲဆိုတာကို ကြည့်ရှုရမယ့် ဇာတ်လမ်းကောင်းလေးဖြစ်ပါတယ်။
Pushpa:The Rise(2021)
Genre: Action,Crime, Adventure
IMDB:8.1/10
ကျွန်တော်သိသလောက် နှစ်ဘ၀ကလဲ့စား ကားမှာ ဇာတ်ရံအနေနဲ့ သရုပ်ဆောင်ခဲ့ပြီးနောက်
နာမည်ကြီး မင်းသားဖြစ်လာခဲ့တဲ့
Ally Arjun မင်းသားရဲ့ အမိုက်စားကားလာပါပြီ။
ဇာတ်လမ်းအကျဉ်းကတော့
ဆင်းရဲသားတစ်နေ့လုပ်တစ်နေ့စား ပွတ်ရှပါးဟာ ဆင်းရဲပေမဲ့ ဘယ်တော့မှအောက်ကျို့မခံပါဘူး။
အကြောက်တရားကင်းမဲ့ပြီး သခင်စိတ်အပြည့်ရှိသူပါ။
တစ်နည်းအားဖြင့် လူ့ဂလန့်ပေါ့။
သူဟာ တစ်နေ့တော့ အလွန်ရှားပါးတဲ့ အနီရောင် စန္ဒကူးပင်ခုတ်ပြီး မှောင်ခိုလုပ်တဲ့ ဂိုဏ်းတစ်ခုမှာအလုပ်သွားလုပ်ရတယ်။
ထုံးစံအတိုင်း မှောင်ခိုသမားတွေကို ရဲလိုက်ဖမ်း၊သူ့ကိုမိတော့ ရိုက်ပြီး စစ်မေးတာတောင် ရိုက်တဲ့ရဲကို မောမှာစိုးလို့ ရေတိုက်ခိုင်းလောက်အောင် ဘုဂလန့်ပါပဲ။
နောက်ထပ် ဘာတွေဆက်ဖြစ်မလဲဆိုတာကိုတော့ အက်ရှင်အကြမ်းစားတွေနဲ့၊တကယ့်အမိုက်စား ပြောဆိုချက်တွေအနဲ့ကြည့်ရှုရမှာပါ။
ဒီဇာတ်ကားဟာ ပရိသတ်တွေကြားအားပေးမှုအများအပြားရရှိထားပြီး
Rating ကလည်းရှယ်မို့ လုံး၀လက်မလွှတ်သင့်တဲ့ ဇာတ်ကားပါလို့ ညွှန်းလိုက်ပါရစေ
Pet Sematary (2019)
စတီဖန်ကင်းရဲ့ နာမည်ကျော်ဝတ္ထုတစ်ပုဒ်ကို ပြန်လည်ရိုက်ကူးထားတဲ့ ရုပ်ရှင်ပဲ ဖြစ်ပါတယ်။၁၉၈၉ တုန်းက တစ်ခေါက်ရိုက်ကူးဖူးခဲ့ပြီး အခုကတော့ ဇာတ်ညွှန်းအနည်းငယ်ပြောင်းပြီး ထပ်မံရိုက်ကူးထားတာမို့ အရသာအသစ်ခံစားရမှာပါပဲ..ဒီဝတ္ထုဟာ စာရေးဆရာကိုယ်တိုင် ကြောက်မိတယ်ဆိုတဲ့ ဝတ္ထုပဲ ဖြစ်ပါတယ်
စာရေးဆရာကိုယ်တိုင်က ဇာတ်လမ်းထဲက အိမ်မျိုးမှာနေမိပြီး သူ့ရဲ့ ကလေးတွေသာ ဒီလိုဖြစ်သွားရင်ဆိုတဲ့ အတွေးနဲ့ ရေးခဲ့တာမို့ တွေးကြည့်ပြီး စိမ့်ကြောက်ရမယ့် ဇာတ်လမ်းမျိုးပါပဲ
မြို့လေးကို အသစ်ပြောင်းလာတဲ့ ဆရာဝန်မိသားစုမှာ သမီးတစ်ယောက်၊ သားတစ်ယောက် နဲ့ ကြောင်လေးတစ်ကောင် ပါလာပါတယ်
သူတို့ ပြောင်းလာရတဲ့အိမ်က ကားတွေမပြတ်သွားနေတဲ့ အဝေးပြေးလမ်းမရဲ့ လမ်းဘေးလေးတင်ဖြစ်တဲ့အတွက် ကလေးတွေအတွက်ရော ကြောင်လေးအတွက်ပါ အန္တရာယ်များတဲ့ နေရာတစ်ခု ဖြစ်နေပါတယ်
သူတို့အိမ်နားက လမ်းသွယ်လေးမှာတော့ အဲဒီမြို့လေးရဲ့ အိမ်မွေးတိရစ္ဆာန်လေးတွေကို သင်္ဂြိုလ်တဲ့ နေရာလေးတစ်ခု ရှိနေပါတယ်..အဲဒီနေရာရဲ့ ကြောက်စရာကောင်းတဲ့ ထူးခြားမှုကို မူတည်ပြီး ဒီဇာတ်လမ်းဖြစ်ပေါ်လာတာမို့ နောက် ဘာတွေဆက်ဖြစ်မလဲဆိုတာကိုတော့
#Credit
My Penguin Friend (2024)
IMDb Rating (6.9) / Rotten Tomatoes (85%)
၂၀၁၈ ဝန်းကျင်က အွန်လိုင်းမှာပြန့်ခဲ့တဲ့ ဗီဒီယိုလေးတစ်ပုဒ်ရှိပါတယ်။
အသက်သခင်ကိုမမေ့တဲ့ပင်ဂွင်းလေးအကြောင်းဆိုတာကိုမှတ်မိကြဦးမှာပါ။
ကမ်းခြေမှာဆီတွေရွှဲပြီး သေလုနီးပါးဖြစ်နေတဲ့ ပင်ဂွင်းငှက်ကလေးကို ကယ်တင်ခဲ့တဲ့ တံငါသည်အဘိုးအိုတစ်ယောက်၊
သူကယ်တင်ခဲ့တဲ့ငှက်လေးဟာ တစ်နှစ်ကိုတစ်ကြိမ် မိုင်ပေါင်းများစွာခရီးနှင်ပြီး သူ့ဆီကိုပြန်လာလည်တတ်တဲ့အကြောင်းပါ။
ဒီဇာတ်ကားကတော့ အဲ့ဒီအဖြစ်မှန်အပေါ်မှာအခြေတည်ရိုက်ကူးထားတာဖြစ်ပါတယ်။
Inspired by ဖြစ်တဲ့အတွက် ထပ်ပြီးစိတ်ကူးကွန့်မြူးထားတာလေးတွေပါဝင်ပါတယ်။
တံငါသည်အဘိုးအို ဂျွန်အဖြစ် ပရိသတ်တွေနဲ့စိမ်းမှာမဟုတ်တဲ့ ဝါရင့်မင်းသားကြီး Jean Reno (Léon: The Professional) ကပါဝင်ထားတာပါ။
ဆက်သွယ်ပြောဆိုစရာ ဘာသာစကားကြားခံမရှိတဲ့ လူတစ်ယောက်နဲ့ပင်ဂွင်းငှက်လေးတစ်ကောင်ကြားက ချစ်ခြင်းမေတ္တာနဲ့သံယောဇဉ်ကို
ကြွတက်လာအောင် ပုံဖော်ထားတာကိုတွေ့မြင်ရမှာဖြစ်ပြီး တိချစ်သူတွေ၊ စိတ်နုသူတွေအတွက် မျက်ရည်လည်ကြည်နူးရမယ့်ချစ်စရာဇာတ်ကားလေးဖြစ်ပါတယ်။
Kali.....nga (2024) ဇာတ်ကားသစ်
အားလပ်ချိန်မှာ စိတ်အပန်းဖြေစေဖို့ တလေဂူးလ်ထိတ်လန့်သည်းဖို ရုံတင်ကားကြီးကို တင်ဆက်ပေးလိုက်ပါတယ်။
မကောင်းတဲ့စွမ်းအင်တွေနဲ့ ဝန်းရံနေတဲ့ရွာလေးတစ်ရွာ။ ညဘက်တွေ ရွာပြင်ထွက်ရင် အပမှီတာလိုလို
သရဲပဲပူးတာလိုလိုနဲ့ ကိုယ့်အသားကိုယ်ပြန်လှီးစားကြတာတွေ ကြုံတွေ့နေကြရ။
လူသေရင် အဝတ်ပတ်ပြီး ရွာပြင်မှာပဲ ယဇ်ပူဇော်တာလိုမျိုးပစ်ထားခဲ့ကြတာ
ရွာရဲ့ထုံးတမ်းအစဉ်အလာတစ်ခုလိုဖြစ်နေပါပြီ။
ဒီလိုမကောင်းတဲ့စွမ်းအင်တွေပေါများလှတဲ့ ရွာလေးထဲမှာမှ အမြတ်ကြီးစားငွေတိုးချေးတဲ့အပြင်
အကြွေးပြန်ဆပ်ပြီး အပေါင်ပစ္စည်းပြန်တောင်းတဲ့ခါ လူကိုသတ်ပြီးရွာပြင်သွားပစ်တတ်တဲ့
လူ့တိရစ္ဆာန်တွေကလည်းရှိနေပြန်ပါရော။
ပေါ့ပေါ့ပါးပါးပဲ နေတတ်ပေမဲ့ မဟုတ်မခံ ရင်ဆိုင်ဖြေရှင်းတတ်တဲ့ လင်ဂါတစ်ယောက်
ဒီလိုပြဿနာတောကြီးထဲမှာ ရှိနေတဲ့အခါမှာတော့...။
(အညွှန်းနဲ့ဘာသာပြန်ကတော့ CM BOLLYWOOD TEAMပဲဖြစ်ပါတယ်)
