3 secondary

جو زنقة ليلة الامتحان مش عايزينوا تم تجربته ف المواد اللي قبل كده كتيير ف نلم نفسنا ع اخر مادة بالذات ان كان معانا اسبوع كامل بس دماغنا عطت اجازة من نفسها وشغل خلاص فاضل تكة وآخر مادة مش بتتذاكر الأحياء هتدينا ع دماغنا ف الامتحان🤡

انتظر بفارغ الصبر 🙈

" .. عارف والله العظيم انك تعبان نفسياً قبل جسدياً وبتعد الساعات وعايزها تعدي وفي اللحظة اللي بعدها عاوزها تقف .. عارف انك خايف من النتيجة اكتر من المحاولة بس ربنا أحن وأعظم وأكرم من انه يخذلنا (حاشا لله) .. والله ستجبر وتدمع أعينكم فرحاً بما أتاكم الله عاجلاً ليس أجلاً .. والله🖤

بمناسبة الي مش قادر يكمل ياشباب وقاعد يحسبها بالدرجة مع انه ميعرفش فين كرم ربنا بس لازم تفهم الطب وسيلة والله، وليست غاية، في الچنة مفيش هناك الدكتور فلان والدكتورة فلانة، بل عبدالله وأمَةُ الله. أعيذك بالله من السخط على قضاء الله.. وتذكّر أنه "مَن رضي فله الرضا وأمر الله نافذ، ومن سخط فعليه السخط .. وأمر الله نافذ" ... في فرق بين السخط والحزن على ضياع هدف وعدم تحقق أمنية، وده طبيعي وفطري، واللي يلومك عليه بيظلمك، ولكن قُل "الحمدلله، قدّر الله وما شاء فعل" واعلم أن "الخِيرة فيما اختاره الله" ... بالمناسبة، الحكاية مبتنتهيش  لسة قدامك مادتين قادرين يغيرو كل حاجة فعلا ، بس نتفق ان النهاية إما جنة في رحمة الله، أو نارٌ والعياذ بالله.

الحمدلله علي كل حال ياجماعة ، فكرة انك خلصت من مادة كانت كابوس حرفيا مهما كنت عملت ، متعتمدش اجابات انا كل مصدر اشوف اجابات مختلفة عن التانية حرفيا الحمدلله مش احسن حاجة بس خلصت مادة ربنا اللي يعلم كانت عاملة مشكلة ازاي ، فك كدا

اللهم أصلح حالي لحالٍ تحبه يا الله، وارزقني الرضا كي ترتاح روحي، وأجبر قلبي بما أتمنى، اللهم حصّن قلبي من هموم الدنيا، وأفتح علي أبواب الفرج، والتوفيق، والسعادة، من حيث لا أحتسب، اللهم أهدني لأحسن الأخلاق، لا يهدي لأحسنها إلا انت، و أصرف عني سيئها، فلا يصرف عني سيئها إلا أنت، يارب امسح على قلبي حين ترى أن حيلتي ضعيفة، اللهم قوّني بإتكالي عليك وزد صبري، اللهم خذ همي وهم من أحب، وذنبي وذنب من أحب، وتعبي وتعب من أحب، وأسعد قلبي وقلب من أحب، اللهم احفظ لي أهلي، وأحبابي، وأصحابي، والقريبين إلى قلبي، والبعيدين عن عيني، ولا تفجعني بفقد من أحب وأنت خير الحافظين..

انا جي اقولك كلمتين اتمني انك تقراهم كويس جدا وتحطهم حلقه في ودنك ♥️ _ مفيش حاجة بتضيع عند ربنا .. تعبك ، يأسك، مجاهدتك ، صبرك .. كل دا بيقربلك الحاجة الي انت مستنيها لو فيها خير ليك .. ربما انتهت الاسباب بس انت مع رب الاسباب .. افتكر انك لو عرفت مقاصد الاقدار لبكيت من سوء ظنك بربك .. افتكر ان الشيخ الشعراوي قال ( لا يقلق من كان له أب ، فكيف بمن كان له رب ).. افتكر ان سيدنا عمر قال ( لو عُرضت الأقدار على الانسان ، لاختار القدر الذي اختاره الله له ) .. خلي عندك يقين وان حلمك هيتحقق بإذن الله ❤️. الوقت اللى هتقرر فيه إنك تبدأ جد في المذاكره او أى شئ مهم هتلاقي الشيطان بيكسلك وتلاقي صوت من جواك (نفسك الأمّاره بالسوء) بيقولك بعد اى؟ مفيش وقت؟ اللى ذاكر ذاكر... هتعمل اى في الوقت اللى باقي ده:! =متسمعش للصوت ده، ومتتبعش الشيطان، استعيذ بالله من الشيطان وسمِّ الله وابدأ، وهقولهالك تاني المسلم يعول على البركه لا على الوقت يعني ممكن يبقى متبقي ساعه على الإمتحان وربنا يباركلك وتحفظلك كام حاجه تفيدك في الامتحان، بجد بستغرب الناس اللى بتسيب المذاكره لو باقي ليله مثلا وتقول هعمل فيها اى؟ هتعمل كتير والله انت اطلب العون من الله واسعى واعمل اللى في استطاعتك انا افتكر مره في الكليه كان عندي امتحان وباقي تلت ساعه وادخل اللجنه قلبت شويه في الشيت وبصيت لكام سؤال باجاباتهم ودخلت لقيت سؤالين بالنص منهم واعتقد لو انا مراجعتهمش قبل الامتحان كان هيبقى صعب افتكرهم! فـ انتوا متسيبوش المذاكره حتى لو باقي يوم ولا كام ساعه ع الامتحانات ومتكسلوش عن الحاجه المفيده واعرفوا إن الطالب مُعان من الله♥️

مبارك يا شباب المعركة الأولى - الأصعب - الأكثر فقدًا للدرجات بلاش أشوف حد بيتكلم عن امتحان العربي وألاقي ناس بتتفاجئ إن النصوص والقراءة المتحررة بتيجي طويلة والاجابات شبه بعضها والنحو محتاج تركيز والوقت يدوبك بيقضّي ! رغم إن كل الناس وخاصة مدرسين العربي مفهمينك كدة من بدري. لسانك يردد : الحمد لله ، اللهم أعنّا فيما هو قادم شوية نقط مهمة : -مش انت لوحدك اللي غلطت -ومش آخر مرة هتغلط.. احنا مش ف نظام قديم -محدش بيقفل عربي -أغبى حاجة هتعملها انك تراجع مع صاحبك ال زيه زيك ومحدش فيكوا عارف الصح اصلا. -تاني أغبى حاجة هي البكاء على اللبن البسكوت.. والماء المسكوب.. والشاي المدلوء... متعيطش وخلاص...ً أو عيط بعين وذاكر المادة الجاية بالعين التانية .. مفيش وقت. -ممكن أول جمهورية يكون ناقص ٥ درجات عربي -المادة الوحيدة اللي نقصت فيها ف ثانوي كانت العربي لو كنت قعدت جمبها وقضيت وقتي في الزعل مكانش زماني مقفل باقي المواد وطالع الأول. -الامتحان متسربش قبل اللجنة وطبيعي هتلاقي حد صوره في لجنة من السبعين ألف وقت الامتحان.. عادي. -٨٠درجة عربي.. فاضل ٣٣٠ غيرهم -الراسي دايما بيكسب ...متبقاش واد فرفور وكلمة توديك وكلمة تجيبك.. انشف يا بطل -النفس الطويل يكسب.. لسه في جولات كتير -كن محسنا فيما بقي.. فلربما تجزى عن الإحسان بالإحسان الجولة الأولى : DONE ✅ يلا.. اللي بعدها يا أبطال 🤝 Share الكلام ده ووصله لزمايلك ولأي حد ف ثانوية.

في حد ممكن يبدأ متأخر ويسبق اللي بدء بدري،توفيق ربنا يغير أي منطق،كن مع الله ثم اجتهد وخليك متأكد ومؤمن بأنك مش مطلوب منك غير السعي السعي وبس ف متعلقش نفسك بحاجه ولا ترسم حياتك في طريق معين النجاح مش مقتصر في المكان اللي انت راسم عليه كل خطتك النجاح في كل مكان فأسعي للنجاح وخليك مع ربنا لأن التوفيق مع و من ربنا وبس ♥️