عبدالرحمن صلاح

إياك تزور إسكندرية ف عِز برد الشتا علشان حقيقي الذِكرَى هتأدِبَك هتلاقي موج البحر صوته نايات والدمعه وسط الذكريات تغلِبَك ف يعدي واد وحبيبته يقولها بحبك ف المطره تنزل وقتها و تسلِبَك كامل معاني العقلانية المُفرِطَة بالحُسن يرجع شريط الوقت من تاني ف يعود خيالك قبل عام الحزن كان يوم غريب .. والليل مغَطِيه السحاب والمطره نازله بتحضُن الشارع كانت إيديها الحلوة على گفي الجسم كان بردان والقلب متدَفي قولتلها مهما حكيت والله مَيگفي .. شيء م اللي جوايا بصيت ف عينها الحلوه سحرتني ف لقيتني ليها بميل وكإنها مرايا .. عكست جمال الدنيا وتغطيه قالت في موجة عدت الشارع .. قولتلها عادي يولع العالم .. إيه أحلى من رمشك يجبرني أسرح فيه #عبدالرحمن_صلاح

أصعب حرب ممكن تمر على الإنسان طول حياته، اللي بتكون بينه وبين نفسه بتبقى حرب من غير سلاح.. من غير صوت.. من غير أي شيء بيدل أن فيه هنا حرب من الأساس حرب ملهاش وقت ومتقدرش تحدد فيها حجم الهزايم والخساير، لأن ف كل الحالات الإنسان بيطلع منها خسران

كل واحد فينا لازمُه حد جنبه يكون ملازمُه كل حلم وكل كرب حد يبقى بجد جيشنا لو لقينا الدنيا حرب #عبدالرحمن_صلاح

رد الأصم ب إيده قام شاور كان في أمل تصرخ بما جواك ده أنا كل ما أصرخ م اللي فيا أشوف الناس تقول الدنيا حلوة معاك ف بكيت لقيتني بتنفض وعنيا باشت م البُكا .. وعجزت أكمل ف المسير كان نفسي يبقى الرد غير .. معلش علشان گت رصاص كان صعب كل اللي اتحكى يخلص ب معلش وخلاص #عبدالرحمن_صلاح

أنا مش أيوب .. وصبرت لحد الصبر ما فاض برزع أراضيكي وبراضيكي .. وألاقيكي بترمي ف أرضي جراد .. يقتل زرعي .. ياكل خيري عيشت بوفرلك راحة البال واتمنيتي الراحة لغيري #عبدالرحمن_صلاح

نص جديد💜 https://www.facebook.com/share/p/xcURM12YpjXo6Vje/?mibextid=oFDknk

وهعيش بخاف م القرب أكتر م الفراق وتفوت سنين وأنا كلي عجز ومش جميل وأفضل أواجه خوفي وعيونك نهار ف يزورها ليل اتهز واتوجع وأمِيل.. #عبدالرحمن_صلاح

وف يوم غريب مش سهل كلمتك أتطمن وتكدبي المكتوب كان جوا مني حروب .. من كتر ما مريت قولتيلي أنا بحبك .. سيبت اللي كان وجريت قولتيلي متسبنيش خليك هنا قريب بعدك لا يمكن أعيش سبتيني ليه طيب..! #عبدالرحمن_صلاح

كان حُزنه خام والجو فيه لسعه هوا وقلبه شارد ف الطريق ودموعه نازله بتغسِله تعبان وعَجَز الطب يلاقيله الدوا وكإنه مشهد ف الحياة .. ومفيش لغيره يمثله #عبدالرحمن_صلاح

لم أكُن أُطيلُ النظرَ في عينيكِ عبثًا، في كلِ مرة أنظرُ فيها، أشعرُ أن جُزءًا بداخلي يترَمم. #عبدالرحمن_صلاح

المرة دي مش جاي أقولك إن قلبي أتهد ولا جاي أقولك تاني ف كوم كلام يوجعك أنا عارف إنك ف الشدايد كنت أجدع حد ف المرة دي فضفض .. وأنا اللي جاي أسمعك♥️ #عبدالرحمن_صلاح

هلكان ومن كتر المعافرة بقيت تايه لوحدي ف شارع التايهين موجوع أوي ومن الحياة استكفيت وحزين بشكل متوصفوش كلمة حزين #عبدالرحمن_صلاح

هتحكي..! طب هتحكي لمين هتهرب..! مش هتلقى مكان وكيف هتعيش بدون مأوى يكونلك ف الليالي أمان بتدمن وحدتك إدمان وشمس الصبح بتعريك هتفضل صاحي طول الليل مفيش ولا حد يسأل فيك..🥀 #عبدالرحمن_صلاح

ومسلسل سارة الساعة اتنين والدمعة اللي بتخرج م العين .. أول ما تعيط من خوفها في حاجات كنا بنهجرها زمان دلوقتي بنتمنى نشوفها #عبدالرحمن_صلاح

كان نفسي أقولك قبل ما تغيبي إن الحياه مش حلوة يا حبيبي وإن الوجع كان قدري ونصيبي وإن إنتي لحن الأمل .. وقت أما يبكي الناي #عبدالرحمن_صلاح

زي رسمة ب إيد دافنشي حلوة فعلاً مش بجامل زي نور بيهل ليا ك انتصار وقت الحروب أغلى عندي من حياتي أو حياتي بشكل كامل لما تضحك غمازتها .. عيني بتطلع قلوب #عبدالرحمن_صلاح

زي اللي زيي ومَر بالتجربة خايف يوماتي الناس تقربله كان كل ليلة يقول لنفسه إزاي مش لاقي شخص ف خوفي اهربله #عبدالرحمن_صلاح