عبدالرحمن صلاح

هتحكي..! طب هتحكي لمين هتهرب..! مش هتلقى مكان وكيف هتعيش بدون مأوى يكونلك ف الليالي أمان بتدمن وحدتك إدمان وشمس الصبح بتعريك هتفضل صاحي طول الليل مفيش ولا حد يسأل فيك..🥀 #عبدالرحمن_صلاح

ساحرة الخلايق بس أنا حاوي قلبي مريض وعنيها بتداوي لونِك سحاب الليلة يا سماوي سحراني سحر الحب يا حبايب بلمح خيالها ف روحي بترفرف تنده وجودك رجع الغايب #عبدالرحمن_صلاح

في جوا عقلي حد بيعيط مهزوم وكل الخلق بتصور جرحه القديم أول ما يتخيط يفتح كإنه لسه متعور #عبدالرحمن_صلاح

الليلة دي .. ظاهرة الهزيمة بشكل باهت ع المكان مهزوم وخايف حد يلمحني ودي عاشر مرة الدنيا تديني الأمان وألاقيها تغدر بيا تدبحني #عبدالرحمن_صلاح

إنتي عارفه أنا خوفت كام مرة إنتي عارفه أنا توهت كام مرة إنتي عارفه عملت إيه ف نفسي وقولت عادي اهو كله بالمرة #عبدالرحمن_صلاح

كانت جميلة وحُسنها ساحر قادر يخلي العاصي بيه تايب تنده صباح الخير بصوت هادي ف انده وجودك رَجَع الغايب #عبدالرحمن_صلاح

كل واحد فينا لازمُه حد جنبه يكون ملازمُه كل حلم وكل كرب حد يبقى بجد جيشنا لو لقينا الدنيا حرب #عبدالرحمن_صلاح

الخوف ملعبك كل شيء بخيوط وأنا كل ليلة جوا اوضتي بموت .. وترد فيا الروح صباحي الجاي لو شوفتي روحي بس بقسملك لتشكي إني لا يمكن أصبح حي #عبدالرحمن_صلاح

تشهد عليا الذكريات كلها سيدي بشر ويا القهوة ف الفنجان .. مع ضحكة تطلع ويا مسكة ايد تشهد عليا الدنيا لما بتوه وأسرح معاكي حتى وإنتي بعيد تشهد عليا الوحده إني وحيد رغم إن كل الخلق ويايا عودت قلبي خلاص على وجودك ايد مين هتمسح دمعي ف بُكايا يشهد عليا العمر لو ناسيه ويقول ب إن البُعد كبرني تشهد عليا ردودك القاسية من يومها ببكي ، مين يصبرني..؟! #عبدالرحمن_صلاح

الدنيا خلاص نتفت ريشي والليل ف البُعد معريني مستني سنين ومبتجيشي طب أمته ي سُكر هتجيني لو وقتك يسمح نتقابل ف أنا مستنيكي تقابليني .. وف هذا الوقت هتلقيني بقدر ع الدنيا وألاعِبها بغلبها وأكسر مخالبها وأجبرها تخرج محاسنها .. واقدر علشانك أتحول إيه رأيك نقلب موازينها .. ونتقابل تاني من الأول #عبدالرحمن_صلاح

ف بكيت لقيتني بتنفض وعنيا باشت م البُكا .. وعجزت أكمل ف المسير كان نفسي يبقى الرد غير .. معلش علشان گت رصاص كان صعب كل اللي اتحكى يخلص ب معلش وخلاص #عبدالرحمن_صلاح

وف وقتها .. مات الحمام من شدة الصورايخ والدنيا بتعيد التاريخ .. عماله بتمطر رصاص كان نفسي أقولك إن بكرا هننتصر .. لكن خلاص الحرب هتشيل كل شيء عيشناه هنا قولتلها وأنا مهزوم بشكل ملوش وصيف الحرب هدت كل شيء يوم اتبنى الحرب هدت كل شيء .. حتى أنا #عبدالرحمن_صلاح

كل حلو لازِمله كَسرَه والكسور عايزه مُناصره عيني جت ف عنيكي بصره .. وكل بصره بألف نصر #عبدالرحمن_صلاح

وف وقتها .. مات الحمام من شدة الصورايخ والدنيا بتعيد التاريخ .. عماله بتمطر رصاص كان نفسي أقولك إن بكرا هننتصر .. لكن خلاص الحرب هتشيل كل شيء عيشناه هنا قولتلها وأنا مهزوم بشكل ملوش وصيف الحرب هدت كل شيء يوم اتبنى الحرب هدت كل شيء .. حتى أنا #عبدالرحمن_صلاح

ف الوقت ده .. ألفين سيناريو ف عقلي عملوا عليه طواف وأنا كنت بجهَز لجل أقرب ف المسافة .. حتى سنتي كل شيء ف الدنيا لسه مكانش كامل كل شيء ملهوش كمال من غيرك إنتي #عبدالرحمن_صلاح

بلاش تمشي عشان من غيرك الدنيا بيبهت لونها وسماها وتدبل روحي وياها .. كإنك أكسجين الروح بلاش تمشي عشان واللهِ من غيرك هكون مكسور وكلي جروح #عبدالرحمن_صلاح

يومها وحدي فضلت أعيط بس بكتم صوت بُكايا قولت مش عيزاني ليها..؟! ولا خايفة تكون معايا #عبدالرحمن_صلاح

جاي أقولك إني عصبي .. وإني ساذج وإني تايه والحياة .. زي امتحان مليان نماذج وإني فاشل ف المذاكرة وإني خايف ييجي بكرا وإن باب الحظ مخفي مش لاقيله حتى اوكره وإن عندي ألف فكرة بس مرعوب م النهاية وإن أحزن شيء ف قلبي إنكم غيبتوا ومعايا #عبدالرحمن_صلاح

ف يلمح شخص ف مرايه يقول لا يجوز أكون هو يشوف الدمعه جوا عينيه تقطع روحه من جوا يعيط تاني ويلملم بقايا روحه من حواليه يحاول مهما هيحاول هيخسر .. طب يحاول ليه #عبدالرحمن_صلاح

صورة طايرة .. بوست عايم كام هزيمة من الهزايم حزنك اللي تملي دايم وانت وحدك ف الفضا مش بقولك تبقى جنبي دي مجرد فضفضة #عبدالرحمن_صلاح