2M Repair

السلام عليكم ورحمة الله وبركاته دا اولا ثانيا الكلام ده عميق نتفق اتفاق الصور الملفات الويدجات كلها متخزنه علي النتيرنال ميموري او بمعني اخر ذاكرة التخزين الداخلية الهاردوير لواحده حتة حديده لابد من سوفتوير يشغله السوفت وير هو الي هيديله الروح عشان تقدر تتفاعل مع الهاردوير ده السوفت وير ده بنخزنه علي الذاكرة وناخد الملفات الي احنا محتاجينها تفتحها علي الرام فدايما في نقل بيانات بين الذاكرة عشان يعرض الخلفيه مثلا للمعالج ومن المعالج للرام عشان يكون الفايل مفتوح بمجرد ما تفتح الجهاز ومن الرام للمعالج عشان يعالج المعلومات دي ومن المعالج تحديدا قطاع gpu يخرجها علي الرام تاني عشان يحفظ العمليات الي عملها اما حس بلمس او ملحق الخ الخ ومن الرام للمعالج لقطاع dsi ex ومنه للشاشه ففي عدد كبير من مسارات نقل البيانات موجوده داخل الجهاز ومستخدمة خلال عمليه العرض سوء اتصال خط منهم يعمل مشكله في البيانات وبكدا الرام شغاله ٣ وظايف الاولي fram بمعني file random access memory بعدين apram بمعني application process random memory بعدين gram بمعني graphics random access memory اتمني اكون وفيت

Ad guard ابلكيشن رائع باشتراك سنوي لكن ميزته القوية انه بيمنع الاعلانات عن طريق dns اصلا ودا الي بيوفر معاك في استهلاك البيانات واستهلاك البطارية واداء الجهاز بيعطل الاعلانات عن يوتيوب وبيديك vpn سريع ومستقر القناة مش مسروقة لا انا الي بكتب 😂 ودي حاجه كانت مضايقاني ولقيتلها حل

https://t.me/+FOLxGc5sLF41ZjJk رابط مجموعه المناقشات

بالنسبه للاندرويد فدول ملوك نتكلم عنهم مرة تانيه

الي حصل ان حصل مشاكل بسبب المكثات دي لان المعالج درجه حرارته بتزيد فبالتالي قدرة المكثفات علي الاحتفاظ بالطاقه بتقل مهندسين ابل خدوا بالهم من المشكله دي فقرروا انهم يغيروا نوع المكثفات بمكثفات تانيه اسمها deep tranch capacitor المكثفات دي حلت المشكله السابقه وبقت بتخزن الطاقه حتي في درجات حراره اعلي طيب ده هندسيا عمليا عمليا المكثفات دي بتتكسر مننا وبتشرط بكل بساطه شيلها واعزل مكانها سحبه التشغيل هتتغير شويه بس في مكثفات تانيه بتقوم بدورها خارج الايسي لذالك لا تقلق

نتفق اتفاق المعالج بيستهلك ٩٠% من الطاقه الموجوده في الجهاز وكل مرة بنحتاج فيها اداء عالي البطاريه بتقل بسرعه دا بسبب الترانزستورات الموجوده جوة المعالج الي بتقوم بالعمليات المنطقية فاحيانا المعالج بيعمل عمليه ويحتاج يخزنها بسرعه فامر التخزين بيحتاج طاقه فبيستهلك بزياده من خطوط التغذيه التغذيه دي بتكون overload علي ايسي الباور او وحده الطاقه فقولنا بما ان العمليات دي بتكون لحظيه ممكن نحط مخزن طاقه صغير عند القطاعات الي بتحتاج اوفر كرنت مفاجئ وعليه حطوا المكثفات علي اجهزه a10 علي الcpu مع وجود مكثفات تانيه بجوار كويلات ال buck converter

الناس الي شغاله في اجهزه apple بداية من a10 بقي في مكونات تاتيه موجوده علي المعالج من تحت والي كان ملاحظ هي المكثفات الموجوده بعدين في a11 بقي في ايسيهات فاي هي الايسيهات دي وايه وظيفتها

سلام عليكم مفيش في دماغي اي حاجه ممكن نتكلم عنها لو حد عنده اقتراحات ممكن ندور عليها ونحاول نبسطها

﴿وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَابًا وَخَيْرٌ مَّرَدًّا﴾. «سُبْحَانَ اللهِ ، وَالحَمْدُ للهِ ، وَلَا إلَهَ إلَّا اللهُ ، وَاللهُ أكْبَرُ ، وَلَا حَوْلَ وَلَا قُوَّةَ إلَّا بِاللهِ».

Mwi دي بقا حفله هو زيه زي الي فات بس بدال مكان خط واحد لنقل البيانات بقا كتير واول حاحه هي بروتوكول sd وبروتوكول mipi dsi Mipi csi Mipi phy Ufs interface Spi وبس يا سيدي

بيحصل تصادم في البيانات رايحه جايه فلازم اننا ننسق البيانات ودا دور الماستر والواجهه دي بتنقل انالوج وديجتال وتحت منها بروتوكولات كتيره الي بيكون افتراضيا ٠ والي بيكون افتراضيا ١ بعد فتره اكتشفنا ان الحوار ده تضيع وقت قالك نعمل حاجه اسمها dwi ايه يعم ال dwi ده قالك انا بدل ما هخلي الماستر كل شويه يعملي فاصل بين الارسال والاستقبال واضيع وقت وطاقه انا هعمل مسار نقل وهعمل مسار زمن واخلي الماستر برضوا يبنظم الارسال والاستقبال بس المرادي اقدر اسرع العمليه واقللها قولناله ماشي يا سيدي الي انت عايزه وحته طب ايه هيندرج تحت الواجهه دي I2c اختصارا ل inter intgrated cercut قولنا ماشي قالك بس البروتوكول ده قالك اني اقدر اوفر طاقه اكتر لو خليك الرفع من برا بمعني الحاله بتاعه البروتوكول تكون ١ دايما والماستر والسليف يخلوها ٠ قولنا ماشي طب هترفع منين قال من برا بمقاومه تزيد مع زياده سرعه البروتوكول قولنا ماشي في حاجه تاني ؟ قالي معرفش بس انا شغال علي طرفين اي بروتوكول فيه طرفين اعرف انه تبعي زي ايه زي rffe زي uart بس دول من جوا الايسي وال u art الطبيعي بتاعه ٠ قالك هو بيتكون من طرفين يبقا تبعي ولقيته هيشد قولتله يعم ماشي روح للي بعده

السلام عليكم هتكلم انهاردا عن البروتوكولات والبروتوكول بكل بساطه هو نظام متفق عليه محدد وواضح وصريح يتم نقل البيانات من خلاله يعتبر زي لغه تخاطب بين الدوائر سواء كانت دوائر بسيطه شبه ايسيهات العمليات زي ايسيهات الاضائه والاوديو امبليفاير والتغذيات في الغالب او ايسيهات معقده زي المعالج والذاكره واابروتوكولات هتنقسم من حيث تكوينها الي Swi بمعني single wire interface Dwi بمعني dull wire interface Mwi بمعني multi wire interface الاول بيقولك والله يغالي انا هنقلك البيانات من الماستر الي هو المتحكم للسليف الي هو المتحكم فيه عن طريق خط واحد الخط الواحد دة هينقل البيانات من والي

بثالي فترة منزلتش حاجه نتكلم عن حاجه ؟