SHERALI HIKMAT KUTUBXONASI

ШЕРАЛИ ҲИКМАТ                  Соғинчим Соғинчим сўйладим субҳда сабога, Севгим   саҳифасин   солиб садога. Само  сафо   сўзларимни  сақлагай, Соф садафдек сийратига сирлагай. Сабо   силаб  секин  сулув  сочини, Сўйлагай  садпора севгим  сирини. Сарин  сарвқомати сипо суманбар, Савдосида    сармастман   саросар.  Суюкли  сурати  сийнамда саржин, Севаман   сулувни севганим сайин. Самимий   сайъим   саёқ  сабабкор, Сангбўрон    садоқи   сари сазовор. Сангдил  санам  саркашу ситамгар, Солса  солсин  саримга садқаи сар.             "Қайс саҳроси"  китоби

Зомин семинаридамиз

ШЕРАЛИ ҲИКМАТ                        ЎХШАЙДИ Бу умрда билмадим  савоб кўпми,  гуноҳ кўп, Ожиз ақлим етгунча яхшиликни қилдим хўп, Сенга айбинг айтганни, тавоф этгин, изин ўп, Тавба қилмоқ фурсати оз қолганга ўхшайди. Умрим кўпи ўтган сўнг ошиб борар надомат, Ҳар кундан кун дунёнинг фитналари аломат, Кўзлардан нур йўқолиб эгилиб борар қомат, Тавба қилмоқ фурсати оз қолганга ўхшайди. Фарзу суннат айламай ўтмиш ёшлик онлари, Ўтди давру давронлар, ўтмиш не имконлари, Фиғонимдан чиқиб дуд, оқиб бағир қонлари, Тавба қилмоқ фурсати оз қолганга ўхшайди. Умр дарё ўтибдир,  дардларимга бўлиб ғарқ, Аллақачонлар мени бахт саодат  этган тарк, Энди ночор юрибмиз,  яхшиликка кўп илҳақ, Тавба қилмоқ фурсати оз қилганга ўхшайди. Ё  Ҳикмато,  дунёнинг  синовлари  бисёрдир, Кимга омад боққайдир кимга ёвлари ёрдир, Кўзинг   очсанг бу очун гўё қафасдек тордир, Тавба қилмоқ фурсати оз қолганга ўхшайди.                    03.07.2024 йил                    Жиззах шаҳри

ШЕРАЛИ ҲИКМАТ                     ЮРАК Ғам ташвишда тинмадинг юрак, Вужуд  дардга  тўлганча   тўлди. Энди қисгай  оғриқдан   кўкрак, Юрак  портлаб кетмасанг бўлди. Тоғлар  фақат  эврилар тошдан, Тошдан қаттиқ бу  азиз бошдан. Гар  тинмаса  кўзлар қон ёшдан, Юрак портлаб  кетмасанг бўлди. Ҳа, шундайдир синовлар бисёр, Ҳар  ситамлар   жонингга  жабр. Тиғлар урса кимлардир кимдир, Юрак портлаб кетмасанг бўлди. Олис  тушлар кўргандай ҳайхот, Шошган  селдай   ўтмоқда ҳаёт. Ўқтин ўқтин санчиб санчиб бот, Юрак портлаб кетмасанг бўлди. Миттигина    жонингга    тўзим, Сени  хаста,  қон  қилган  ўзим, Босим  ичра  қон  тўлиб  кўзим, Юрак портлаб кетмасанг бўлди.                   01.07.2024 йил                   Жиззах шаҳри

ШЕРАЛИ ҲИКМАТ                      БОҚСАЙДИМ Ишқ шавқи бирла ойдек юзингларингга боқсайдим, Муҳаббатнинг дарёсинда  ғарқ  тушубон оқсайдим. Сенсиз  умрим  нотовондай   ўтар    ғамда нетайин, Дилимни  ишқ   оташида   ўтин  қилиб     ёқсайдим. Гулшан ичра   андалиб   гул  васли   деб   куйлагай, Ишқдин  ўзга  ошёним йўқ  шул  ошёнла ёнсайдим. Бошима     ишқ     бахорида    юзингдек   ол лолани, Чанбарига қалб   торимни   қўшиб  яна   тақсайдим. Ҳижрон қафас жонимга анга тутқин бўлган банди қуш, Қафас синиб ишқ кўкида бир бор қанот  қоқсайдим. Ишқ майидан нўш айласам сармаст бўлса бу кўнгул, Шу ҳолимда умрим  бўйи   сени   тинмай севсайдим. Эй Ҳикмат   ишқ  эли аро  қачон бўлур  шодмонлик, Шодмонликка   етолмайин  шу  ишқ  ила  ўлсайдим.

Шерали Ҳикмат шеъри "Бизни соғинмадингми"

Бўлгай жудо... ✍Шерали Ҳикмат. 🎤Дильшод Умаров. 👉https://t.me/Qalbgavhar ✨ 𝐓𝐞𝐥𝐞𝐠𝐫𝐚𝐦 | Калбимда Сенсан

ШЕРАЛИ ҲИКМАТ                      Умр ўтиб бородир Умримизнинг  манзили,  икки   эшик  ародир, Бу дунёда ҳар жонки,  асло  ўлмай қолмагай. Ҳар дами, хуш маҳали, бир бир ўтиб бородир, Ўша хуш чоғ дамларга энди қайтиб бўлмагай. Қадрдон эди мактаб, йўлим эди  сойноқ сой, Энг бокира  туйғулар  ичра  эдим  ҳотам  той, Ҳали топа олмадим мактаб каби кўркам жой, Ўша хуш чоғ дамларга энди қайтиб бўлмагай. Фариштадек эдилар таълим берган устозлар, Илм  сирларин очган ҳар сўзлари мумтозлар, Саодатдек бир замон билинмасди кам озлар, Ўша хуш чоғ дамларга энди қайтиб бўлмагай. Ўспиринлик даврдан ўнғайсиздир бироз сўз, Қалбни мафтун этган бир жуфтгина қора кўз, Кўнгил узиб кетмадим ўша пайтдан то ҳануз, Ўша хуш чоғ дамларга энди қайтиб бўлмагай. Ҳар сўзлари қиличдек ботир бобом  бор эди, Малоикалар  мисоли мунис момом  бор эди, Менинг ўксик юрагим меҳрларига  зор энди, Ўша хуш чоғ дамларга энди қайтиб бўлмагай. Юз шукурким бошимда бор азиз  отам онам, Улардир суянч  таянчим  бор ҳаётим ягонам, Бола   бўлиб  қолсайди,  яна  вужудим танам, Ўша хуш чоғ дамларга энди қайтиб бўлмагай. Йўна бошлайман яна ўтмаслашган қаламни, Менга  меҳрини   эслаб,   ёлғизгина   акамни, Бир зум   аритай дебон бошдаги ғам аламни, Ўша хуш чоғ дамларга энди қайтиб бўлмагай. Аё дўстлар,  дарё каби  умрим  ўтиб  бородир, Ортимга  қараб боқсам, юрак  ютиб  бородир, Хотиралар  қалбимда,  бир  тузалмас  яродир, Ўша хуш чоғ дамларга энди қайтиб бўлмагай.                        07.06.2024 йил                    Жиззах шаҳри https://t.me/sherali_hikmat

ШЕРАЛИ ҲИКМАТ                      Умр ўтиб бородир Аё  дўстлар,  дарёдек  умрим  ўтиб  бородир, Кўз ўнгимда куну тун бир бир кетиб бородир. Хотиралар қалбимда қолдирган бир яродир, Аё   дўстлар,  дарёдек  умрим ўтиб   бородир. Қадрдон эди мактаб, йўлим эди  сойноқ сой, Энг бокира  туйғулар  ичра  эдим  ҳотам  той, Ҳали топа олмадим мактаб каби кўркам жой, Аё  дўстлар,  дарёдек   умрим  ўтиб  бородир. Фариштадек эдилар таълим берган устозлар, Илм  сирларин очган ҳар сўзлари мумтозлар, Саодатдек бир замон билинмасди кам озлар, Аё  дўстлар,   дарёдек  умрим  ўтиб   бородир. Ўспиринлик даврдан ўнғайсиздир бироз сўз, Қалбни мафтун этган бир жуфтгина қора кўз, Кўнгил узиб кетмадим ўша пайтдан то ҳануз, Аё   дўстлар, дарёдек  умрим  ўтиб   бородир. Ҳар сўзлари қиличдек ботир бобом бор эди, Малоикалар  мисоли мунис момом бор эди, Менинг ўксик юрагим меҳрларига зор энди, Аё дўстлар,   дарёдек  умрим  ўтиб  бородир. Юз шукурким бошимда бор азиз отам онам, Улардир суянч  таянчим бор ҳаётим ягонам, Жонларига садқадир бутун вужудим танам, Аё дўстлар,  дарёдек  умрим  ўтиб  бородир. Яна шукур қиламан сингилларим  соғ омон, Ҳақдан сўраганим фарзандларим жонажон, Етмасин ситам дея ҳалакдир  жоним ҳамон, Аё дўстлар,  дарёдек   умрим   ўтиб бородир. Бир зум аритай  дебон бошдаги ғам аламни, Йўна бошлайман яна ўтмаслашган қаламни, Ҳали ҳолини  сўрамасдан ёлғизгина акамни, Аё дўстлар,   дарёдек  умрим  ўтиб   бородир. Аё дўстлар дарё каби  умрим ўтиб  бородир, Ортимга қараб боқсам юрак ютиб  бородир, Хотиралар қалбимда бир тузалмас  яродир, Аё дўстлар, дарёдек  умрим  ўтиб   бородир.                        06.06.2024 йил                    Жиззах шаҳри