Quantum

Бизга маълум бўлган галактикаларнинг ўлчамлари. Во дариғ! @quantum577

Хитойдаги кемасозлик заводларидан бирида круиз кемасини яратиш жараёни Ҳар неники қилди одамизод, Тафаккур бирла билди одамизод. Алишер Навоий @quantum577

Роберт Кох - немис шифокори, микробиолог, инсоният учун буюк хизмат қилган олим. 1876 йилда у куйдирги қўзғатувчисини ажратиб олишга муваффақ бўлди ва уни батафсил тасвирлаб берди. 1882 йилда у Кох таёқчаси деб ном олган сил касаллигининг қўзғатувчиси топилганлигини эълон қилди. 1883 йилда у вабо қўзғатувчисини топди. Сил касаллигини даволаш бўйича тадқиқотлари учун Кох 1905 йилда тиббиёт бўйича Нобель мукофотига сазовор бўлди. Кох томонидан амалга оширилган кашфиётлар микробиология, бактериология, гигиена ва умуман тиббиёт ривожига улкан ҳисса қўшди ва миллионлаб инсонларнинг ҳаётини сақлаб қолди! Умр мазмуни ҳақида гап кетганда Кохни эслаш жоиз деб биламан. @quantum577

Илон Маск кўришда туғма нуқсони бўлганларнинг кўриш қобилиятини тиклайдиган Blindsight импланти устида иш олиб борилаётганини маълум қилди. Унинг сўзларига кўра, имплантнинг синовлари ўтказилмоқда ва у Илон Маск томонидан асос солинган мия-компьютер интерфейслари соҳасидаги кенг кўламли тадқиқотлари билан машҳур Neuralink томонидан ишлаб чиқилади. Унинг мақсади машиналар ва инсон мияси ўртасида синтетик алоқаларни яратиш, инсон онгининг имкониятларини кенгайтириш ва одамларнинг ҳаёт сифатини яхшилашдир. Лойиҳа тиббий технологиялар соҳасида инқилоб бўлиши ваъда қилинмоқда. @quantum577

Мамнуният билан таъкидлайманки, Учинчи Ренессанс, илм-фанда аёлларнинг ўрни, гендер тенглиги масалаларига бағишланган китобимнинг қаҳрамони академик Сайёра Рашидова билан яна кўришиш насиб этди. Сайёра Шарафовна МДҲ тарихидаги биринчи Омбудсмен аёл ҳисобланади. Устоз суҳбат давомида буюк давлат арбоби Шараф Рашидовнинг қизи бўлиш феномени, илмда ижтимоий масъулият, изчиллик, меҳнатсеварлик, эътиқод, камтарлик, юксак ахлоқ ҳақида гапирдилар. Дарҳақиқат, ҳар бир инсоннинг ижтимоийлашувида оиладаги муҳит, атроф-муҳитнинг улкан таъсири бор. @quantum577

Лондон санъат галереясида ғаройиб футуристик кўргазма очилди. Классик ижод намуналари нейро-тармоқлар ёрдамида жонлантирилди. @quantum577

Табиатда ҳар сонияда чексиз метаморфозалар юз беради... @quantum577

ИНТЕЛЛЕКТНИНГ УЧ ТУРИ 1. Ақлий интеллект (Intellegence quotient, IQ) – мантиқий-когнитив тафаккур, хотира, анализ, синтез, таҳлил қилиш кўникмалари. 2. Эмоционал интеллект (Emotional quotient, EQ) - бу ўзининг ва бошқаларнинг ҳис-туйғуларини, мотивларини, истакларини тан олиш, хулқ-атворини англаш, мослашувчанлик, ижобий тафаккур, низоларни самарали ҳал этиш, чегараларни ҳурмат қилиш кўникмалари. 3. Ижтимоий интеллект (Social quotient, SQ) - ижтимоий муносабатларга кириша олиш, турли гуруҳларда ишлаш, самарали мулоқот, лидерлик, музокаралар олиб бориш, қарорлар қабул қилиш, ижтимоий вазиятларда тўғри ҳаракат қилиш кўникмалари. @andragogika_LLL

Юлдузлар эволюцияси Миллиард йиллар давомида коинотда порлаб турган юлдуз ўз энергиясини сарфлаб бўлгач, ташқи қатламидан озод бўлади, унинг ядроси совийди ва жуда зич ҳолатга келади. Юлдуз узоқ сафарининг поёнига етиб борар экан, сукунат ва зулмат қаърига сингишдан олдин ўз атрофида мафтункор туманликни яратади - коинотга улуғвор хайрлашув хабарини беради. Юлдуз эволюциясини оқ карлик сифатида якунлайди.  @quantum577

Xalqaro kosmik stantsiyadan Ona-sayyoramizning ko'rinishi.   Uzoqda Oy ham porladi. @quantum577

Фотосинтез – Ер юзидаги ҳаёт ва биосферанинг асосий жараёнларидан бири бўлиб, Қуёш энергиясини тирик организмларнинг кимёвий энергиясига айлантиришнинг энг кучли механизмидир. Фотосинтез жараёнида кимёвий энергияга айланган Қуёш энергияси Ердаги барча тирик организмларнинг фаолияти, танадаги органик молекулаларни синтез қилиш учун ишлатилади. Бу жараённинг асосий компоненти хлорофилл (юнон. χλωρός, «яшил» ва φύλλον, «барг») бўлиб, у турли тўлқин узунликдаги ёруғликни ютишга қодир. @quantum577

Фугу (японча 河豚) - Такифугу туркумига мансуб балиқ бўлиб, жигарида заҳарли тетродотоксин мавжуд. Японияда фугу деликатес ҳисобланади ва жуда машҳурдир. Нотўғри тайёрланган фугуни истеъмол қилиш ўлимга олиб келиши мумкин. Шунинг учун фугуни тайёрлаш учун япон ошпазлари махсус тайёргарликдан ўтиб, лицензия олиши керак. Имтиҳон вақтида ошпаз ўзи тайёрлаган фугу таомини ейиши керак. Шунга қарамай, ҳар йили нотўғри тайёрланган фугуни истеъмол қилган бир қанча одам заҳарланишдан вафот этади. @quantum577

Митоз Митоз (юнон. μίτος — ип, ришта) — ҳужайраларнинг бўлиниш ва кўпайиш жараёнидир. Ҳужайранинг бўлиниши Ердаги эволюция ва ҳаётнинг фундаментал категорияларидан биридир. @quantum577

Tungi osmondagi Oy, Yupiter va Venera surati. @quantum577

Asr kashfiyoti Katie Bouman - optika, astrofotografiya va fizik modellashtirishni birlashtirgan transdisiplinar tadqiqot sohasidagi olima. U 2019-yil 10 aprelda Event Horizon Telescope (EHT) yordamida M87 galaktikasi yadrosidagi supermassiv qora tuynuk tasvirini olishga muvaffaq bo‘ldi. M87 qora tuynukning birinchi vizual dalilidir. Barcha mavjud fizika qonunlarini buzuvchi mistik qora tuynuklar mavjudligi haqidagi nazariya Albert Eynshteyn tomonidan ilgari surilgan edi. M87 Yerdan 500 million trillion kilometr masofada joylashgan. @quantum577

Insoniyat raqamli va biologik olam o‘rtasidagi chegaralarning xiralashishi bilan tavsiflangan To‘rtinchi sanoat inqilobi davrida yashayapti. Sotsiolog Entoni Giddensning fikricha, raqamli inqilobning sur'ati insoniyat tarixida misli ko'rilmagan va biz uning dastlabki bosqichlarida bo'lishimiz mumkin.  Uning fikricha, sun'iy intellekt sohasidagi yangi ishlanmalar, ehtimol, o'zgarishlarning yangi bosqichiga olib keladi va mavjud ijtimoiy institutlar va turmush tarzi keskin transformasiyaga uchraydi. @quantum577

WEHI томонидан тайёрланган ушбу тасвирда ДНКнинг 3D визуализацияси, ДНК репликацияси, генетик ахборотнинг ёзилиши жараёнлари акс этган. @quantum577

Охирги дарахт кесилганда, охирги дарё заҳарланганда, охирги қуш тутилганда, пулни еб бўлмаслигини ўшандагина тушунасиз. (Америка ҳиндулари ҳикмати). @quantum577

Ҳозир ўзингда йўқ нарсалар ҳақида қайғуриш фурсати эмас. Сен ўзингда бори билан нималар қилиш мумкинлигини ўйла. Эрнест Хемингуэй, “Чол ва денгиз” @quantum577