ملكات السعاده 👸👰‍♀💄

❌مشكلة عدم إحترام قوامة الرجل....😔 كتير من النساء عندهم مقاومة غير واعية 👇 وده بيظهر في صور مختلفة السخرية من قرارات الزوج اتخاذ القرارات بدون ما تشاوره نبرة تحدي أو استعلاء وقت الخلاف شعور دفين إن أنا مش محتاجاه دي كلها أنماط دفاعية بتحميها من الإحساس بالضعف لكنها في الحقيقة بتفقد العلاقة توازنها الطبيعي 👌 بقابل في الإستشارات فئة كبيرة من النساء عاش حالة انتقالية مربكة بين جيل الأمهات اللي كانت العلاقة فيه قايمة على الطاعة المطلقة والخضوع، وجيل البنات اللي بيرفع شعار المساواة والاستقلال بس الجيل اللي في المنتصف دا حاصل عنده تشوش داخلي في معنى القوامة، والاحتياج، والتوازن بين أنا ليا كياني بس كمان هو ليه مكانته اللي لازم تحترم وده خلق نوع من الصراع الداخلي بين الجزء اللي عايز يحترم الرجل وبين الجزء اللي بيخاف من فقد السيطرة أو يحس بالخضوع الموضوع كمان له جزء نفسي من خلال النماذج الذكورية الأولى في حياة البنت الأب، الأخ، العم لو الأب كان قاسي أو متسلط البنت بتربط السلطة بالأذى فبتقاومها طول حياتها لو الأب كان غايب أو ضعيف بتفقد الأمان، فبتحاول تسيطر بنفسها وتعوض النقص لو الأب كان عادل ومحترم بتتعلم تلقائيًا احترام الرجل دون خوف أو تحدي. إذن المشكلة مش في الرجل بل في الصور النفسية القديمة اللي جوانا عنه وده اللي بيخلي العلاقة بالزوج أو الشريك دايما فيها شد وجذب مش مفهوم السبب الحقيقي وراه القوامة في الإسلام مش سلطة ذكورية هي دور تكاملي مبني على المسؤولية والرعاية لكن الأجيال الحديثة بتشوفها بمعنى تحكم لأن التجارب اللي اتشافت حواليهم كانت مليانة تسلط أو خضوع زائد وهنا بيظهر دور النضج النفسي الأنثوي الأنثى الناضجة بتقدر تستوعب إن القوامة مش انتقاص من قيمتها بل توزيع أدوار بيحافظ على التوازن داخل العلاقة الفئة دى محتاجة تعترف بالمشكلة ويكون عندها شجاعة إنها تشوف سبب رفض قوامة الرجل تدور جواها بصدق تسأل نفسها أول صورة رجل في حياتي كانت إيه؟ أنا شايفة القوامة بمعنى إيه؟ تعيد تعريف مفهوم القوامة وتبقي عارفة ان دور الرجل مسؤولية + أمان + قيادة رحيمة دا مش تحكم تدرب على التقدير وتجرب تعمل أفعال صغيرة فيها تقدير أو طلب دعم. مش ضعف… دا نضج والراجل يحبه جدا توازن بين الاستقلال والاحتياج مافيش واحد بيلغي التاني تمارس اليقظة الذهنية في كل المواقف وتحاول تكتب المشاهد اللي بتمر بيها ويحصل فيها تحدى للزوج ورفض وترجع الشريط وتلاحظ نفسها بدون احكام لازم تعرف كويس ان إحترام وجود الرجل مش رجعية أو تنازل عن كيانها هو عودة للتوازن الطبيعي بين الأنوثة والذكورة اللي من غيره مفيش علاقة تستقر وكل امرأة محتاجة تبص جواها وتشوف هل أنا فعلا بحترم وجود الرجل؟ ولا باخد انا القيادة منه و لسه في جوايا تفاصيل من الماضي بتتحكم في ردودي وأنا مش واخدة بالي؟