𝖫𝗂𝗍𝖾𝗋𝖺𝗋𝗒 𝖬𝗂𝗇𝖽𝗌𝖼𝖺𝗉𝖾

ပျင်းရိနေတဲ့အချိန်မှာ ကိုယ်ဘဝတိုးတက်ရာတွေကို ဆက်လက်လေ့လာသင်ယူပါ၊ မင်းဘဝအတွက်ရလဒ်ကောင်းတွေကို မမြင်နိုင်သေးတဲ့အချိန်အထိ ဆက်ပြီးကြိုးစားပါ။ -Jim Rohn-

ကျွန်တော်တို့ရဲ့ ပတ်ဝန်းကျင်တွေထဲမှာ သာမန်လူတွေက သူတို့ဘဝကို တိုးတက်ဖို့အတွက်ဆိုရင် သူတို့ရဲ့စိတ်အားထက်သန်တဲ့ခံစားချက်တွေရှိလာတဲ့အချိန်ခဏတာ‌လောက်ဘဲ အလုပ်ကို ကြိုး"စား"လုပ်ကြတယ်။ ဒါပေမယ့် တကယ်တမ်းမှာ ထူးချွန်ပြီးပါရမီရှိတဲ့ လူတွေကသာ အလုပ်တစ်ခုကို သူတို့ရဲ့စိတ်အားထက်သန်မှု‌တွေပျောက်‌ဆုံးသွားတဲ့အချိန်ထိ ဆက်ပြီး ကြိုးစားလှုပ်ရှားရုန်းကန်ကြတယ်။ ကျွန်တော်တို့ဟာ မိမိရဲ့တစ်‌နေ့တာအချိန်‌တွေကို အကျိုးမရှိဘဲပျင်းရိနေပြီ မနက်ဖြန်မှာလည်းဒီအတိုင်းဘဲဆက်သွား‌နေမယ်ဆိုရင် ကျွန်တော်တို့မှာ ကိုယ်ဘဝအတွက်မက်ထားတဲ့ အိပ်မက်တွေကို တိုးတက်ဖို့ထက် နေ့ရက်တိုင်းမှာ ပျင်းရိမှုတွေကဘဲအခိုးယူခံဖို့ လမ်းဖွင့်ပေးနေတာသေချာသလောက်ဖြစ်နေပါလိမ့်မယ်။ ဒါကြောင့် လူတွေရဲ့ဘဝမှာ အလုပ်တစ်ခုကိုကြိုးစားနေတဲ့အခါ မိမိအတွက်ကောင်းမွန်တဲ့ရလဒ်ကောင်းတွေကို ခဏတာစိတ်အားသန်း‌နေလို့ရတာ မဟုတ်ဘဲ အလုပ်တစ်ခုကိုဘဲ တသမတ်တည်းစိတ်နှစ်ပြီး စည်းကမ်းရှိတဲ့ ရေရှည်ကြိုးစားအားထုတ်မှုတွေကနေသာ ထွက်ပေါ်လာလေ့ရှိပါတယ်။ သို့‌သော် ကျွန်တော်တို့ ဘယ်လောက်ဘဲကြိုးစားကြိုးစား ကိုယ့်ရဲ့ရုန်းကန်မှုတွေကအရာမထင်တဲ့အခါ ငါတို့လုပ်ရပ်‌တွေကမြင်သာတဲ့ပြောင်းလဲမှုမရှိဘူးလို့ စိတ်ဓါတ်မကျလိုက်ပါနဲ့။ ဧကန်မုချ ကျွန်တော်တို့ ကြိုးစားအားထုတ်လိုက်တာတွေက ဘယ်တော့မှအချည်းနှီးဖြစ်နေလိမ့်မယ်လို့ မဆိုလိုပါဘူး။ဘာလိုဆို သစ်ပင်တစ်ခုမှာပင်စည်က မကြီးထွားခင် သူရဲ့အမြစ်တွေက အရင်ကြီးထွားတတ်လို့ပါပဲ။ မင်းအနေနဲ့ မင်းရုန်းကန်နေရတာတွေကို အရမ်းကိုမှ နှေးကွေးတယ်လို့ ခံစားရရင်တောင် ဆက်ပြီးသင်ယူနေပါ။ ဘာလို့လဲဆိုတော့ မင်းစုဆောင်းထားတဲ့ အသိပညာတိုင်းဟာ မင်းရဲ့အနာဂတ်ကို တည်ဆောက်ပေးနေလို့ပါပဲ။ ကမ္ဘာကြီးက မင်းရဲ့ရုန်းကန်မှုကို မမြင်သေးလို့ဆိုပြီးလည်း လုံးဝလက်မလျှော့လိုက်ပါနဲ့ ဘာလို့လဲဆိုတော့ ဒီလုပ်ငန်းစဉ်က တသမတ်တည်းလုပ်ဆောင်သူတွေကို ဘယ်တော့မှ သစ္စာမဖောက်လို့ပါ။ မင်းအတွက် မင်းလုပ်လိုက်တဲ့အလုပ်တွေကအချည်နှီးဖြစ်ခဲ့တောင် လုံးဝနောင်တမရဘဲ ရှေ့ဆက်သွားဖို့ကိုသာ ရွေးချယ်ပါ။ ဒီလိုကြိုးစားမှုသေးသေးလေးတွေက နေ့စဉ်နဲ့အမျှ မင်းကိုခြေလှမ်းသေးသေးလေးတွေအဖြစ်ထင်ကျန်နေပေမယ့် မင်းခေါင်းထဲမှာပဲ ဒါတွေကရပ်တန့်နေတဲ့ ကြီးမားတဲ့ ရည်ရွယ်ချက်တွေကို စုဆောင်နိုင်တဲ့ ဒေတာတွေဖြစ်နေလို့ပါပဲ။ အဘယ်ကြောင့်ဆိုရလျှင်နောက်ဆုံးတွင် အောင်မြင်မှုဆိုတဲ့စကားလုံးဟာ အမြဲတမ်း စိတ်အားထက်သန်သူ‌တွေနဲ့မသက်ဆိုင်တော့ဘဲ ပျင်းရိသူ‌တွေနဲ့ ရလဒ်ကောင်းတွေက်ုမမြင်နိုင်သေးတဲ့သူ‌တွေအတွက် စိတ်ကူးယဥ်ဆန်ဆန်ဆက်လက်လုပ်ဆောင်နေရမယ်ဆိုတဲ့ တွန့်အားပေးမှုတစ်ခုဖြစ်သွားနိုင်လို့ပါပဲ။ လက်တွေ့အောင်မြင်မှုဆိုတာ ကြိုးစားရုန်းကန်နေသူတွေအတွက် လက်ရှိကာလအပိုင်အခြားကိုဆိုလိုခြင်းဖြစ်လေ၏။ ဘာလိုဆိုရင်မင်းကြိုးစားတဲ့အချိန်တိုင်းက‌ရှုံးသည်ဖြစ်စေ အောင်မြင်သည်ဖြစ်စေ ဒီရလဒ်တွေကမင်းကို ထောက်ပံ့နေတဲ့ ရင့်ကျပ်မှုဖြစ်နေကြောင်းထုတ်ဖော်ရင်းနိဂုံးချုပ်လို၏။ -RAIDEN KT Historian #RAIDEN_KT #History #KyawThet