Bac 2025

و اقراو المواد كامل متركزوش غير على المواد الاساسية و لوخرين تخليوهم لالا مم المواد الثانوية اعطيوهم حقهم و اقراوهم هوما لي يطلعولكم المعدل❤️

و ثانيي اهم حاجة نحيو مواقع التواصل الاجتماعي ولا نقصوو منهم راهم يضيعولكم غير وقتكم !!

بداية موفقة ليكم كامل ان شاء الله العام راه يفوت ليهليه صدقوني ضك ليهليه تلقا روحو راك تفوت ف لباك مالا اقراو و ركزو مليح و خليكم من عقليك الصح ف الباك و لا تع مزال لحال رمضان و نبدا و ... حاولو تنظمو وقتكم ، اقراو في عقلكم متظغطوش على رواحكم بزااف عادي بشوي بشوي و تولو ملاح هذ الاسبوع حاولو تقراو المكتسبات القبلية وحدكم ف الدار بالنسبة للناس لي مقراوهمش و لا تبداو تشوفو الدروس تع الفصل لول تحاولو تهزو عليهم نظرة باه تعرفو وش خا تقراوو ركزو في القسم و سقسو الاستاذ اي حاجة متحشموش خلااص ليكوغ شايف روحك مكش تفهم ولا كيما تروح كيما تجي مالا حبسو احسن كلشي كاين في اليوتيوب حاولو تشرو كراريس خاصة تقراو بيها في الدار للملخصات خصوصا للمواد العلمية ، حاولو تخدمو ملخصات خاصة بيكم نظموهم باه مبعد تراجعو منهم تقدر ثاني ديرو كراس لافكار التمارين يعني تشرو كراس صغير ولا كناش كلما تحلو تمرين و تلقاو فيه فكرة حديدة اكتوبها في هذاك الكراس مبعد كي نحو تراجعو ارجعو ليه برك اخطيوكم من الصحبة الفاشلة ولي متحفزكش باه تقرا لي تقولك هيا نخرجو الباك مكان والو مزال منبداش و ..... هاذو فوتكم منهم والله قادر تلقاه اصلا يقرا و يخبي عليك مالا متامن حتى واحد يقولك مزال مبديتش و لي يقولك كملت لبروغرام و درت و درت ثاني مدورش بيهم راح ياثر عليك و تولي خايف و تقول خلاص مدرت والو و .... هيا ربي يوفقكم صلو و ادعو ربيي يوفقكم ان شاء الله يفوت عام خفيف عليكم و توصلو لواه حابيين كامل يا رب ❤️

🔴 تفهم مليح الدرس مع الاستاذ لكن بعدها لا تستطيع حل التمارين ؟ هل تعرف علاج هذا المشكل ؟ 🟢 حاول أن تقرأ نص التمرين أولا و إحصاء المعطيات و تمثيل الظاهرة الحادثة... أعط لنص التمرين حقه كما ينبغي ثم انتقل الى الأسئلة 🟢 أقرأ السؤال كاااامل و بتمعن اقرا لغاية آخر سؤال قد تجد معطيات تغير فهمك لنص التمرين. 🟢 حاول حفظ القوانين والمحاولة في التمارين... ستخطئ ثم تتعلم لكن يجب عليك المحاولة. 🟢 اقرأ الحل إذا لم تعرف ،اسأل، اسأل الأستاذ أو زميل اسأل أكثر من شخص حتى تتأكد ، ثم حاول مرة تلو الأخرى . 🟢 انطلق واكتب ، حاول مرة تلو الأخرى ، حاول باستمرار ،شاهد طريقة الحل مرة أخرى ، لخِّص القوانين والأفكار و التعريفات... عملك وان قل هو بداية العمل إذا استمر ستتمكن، حاول ثم حاول سيهون كل شيء و يصبح سهلاً......

بسم الله بدأنا و على الله توكلنا سلسلة مراجعة المكتسبات القبلية ( الدوال العددية) ل bac 2025، بالتوفيق للجميع، الحل سينشر فيما بعد.

تحفيز🕊❤ # صحاب الباك 🔴🎓2024 راك حاب تجيب الباك بالمعدل لي راكي باغيه و دير التخصص لي يعجبك و تلقا فيه راحتك و تنجح فيه ! 🔴 اذا تبع هذو النصائح نوعدك الباك تاعك راه فالجيب ⚫(1) شفت هذاك البنادم لي مين تلقاه و تحكيلو واش راك حاب تدير بعد الباك و التخصص لي راه عاجبك و متمنيه و يستهزا بيك و ينوض يضحك ! هذا ليكيديه و اجبد عليه لأنو رايح يؤثر عليك سلبيا ديرها في بالك مليح لازم تكون إيجابي 💪 ⚪(2) جامي تستهزا و تقول خلي هذا الدرس غدوا نديروا خلي برك يكفي الوقت هذي غلطة كبيرة ✋ لانك هكذا راك رايح تولف روحك متكونش سيريو و تمشي بلا نظام 🗯 ⚫(3) الحفاظة أفضل وقت ليها بعد الفجر كي تنوض تصلي 📋 أي حاجة تترسخلك في مخك و ما تنساهاش بإذن الله ❤ ⚪(4) نظم وقتك مليح 😊✌ و خصص وقت كبير للمواد الأساسية و بعدها المواد الثانوية 2️⃣ ⚫(5) و ما توفيقك إلا بيد الله 👆 انت تعب و دير لي عليك و تشوف النتيجة 👌 ما تسمعش لهدرة الناس و بعد على هدرة نااس السلبية 👎 ⚪(6) ما تعتمدش غير على القسم بالنسبة للنظاميين ( كاين اليوتيوب فيه اساتذة روعة 🙄✌ ⚫(9) دير في بالك مليح فرحة الباك 😻 تنسيك في تعبو و ليام لي فوتها و نتا ساهر 😗 و تريفيزي 😊 🌟 في الأخير ربي يوفقكم بإذن الله و كي اليوم تنجحوا و تحرقوا هذوك العباد لي حابين يستشفاو فيكم و حابين يشوفوكم ما تجيبوهش ديروا الكوراج و ما تسمعوا لحتا واحد عن تجربة 🙈🕊 و ربي راه يشوف التعب كل واحد 😍

🔴يجب أن يعرف التلميذ أنه هو من يجتاز البكالوريا وليس أستاذه المتميز والأسطورة والعبقري والأيقونة وغيرها من الألقاب التجارية لذلك درب نفسك أكثر على إعداد ملخصات وحل التمارين بعيدا عن أستاذك ☺️💪

🔴الدخول الجامعي يوم الثلاثاء 2️⃣4️⃣ سبتمبر 2024

🔴رسميا: رزنامة الدخول المدرسي 2024-2025: ⬅️الإداريين: الأربعاء 28 أوت 2024. ⬅️الأساتذة: الثلاثاء 10 سبتمبر 2024. ⬅️التلاميذ: الأحد 22 سبتمبر 2024

🔴غدًا الأحد فتح موقع التحويلات الجامعية، الطالب الذي يريد عمل تحويل خارجي يجب تحضير مبرر التحويل وهو إلزامي...

سيوو ثان تنقصو من مواقع التواصل مليحة ليكم ! تنقصو منهم ضك و مبعد تولو متخدموش بيهم خلاص (يدييرلكم وقتكم برك والله مفيهمش فايدة)!!

15 اوت اظن هذا هو الوقت المناسب باه تبداو تشوفو المصادر لي تقراو منها (كاين لي بداو ليكوغ ديجا) ، تشوفو المقررات تع كل مادة(المواد الاساسية) تقراو ثان المكتسبات القبلية باه ديرو لاباز في المواد الاساسية ، اقراو تجارب المتفوقين تع السنوات الماضية شوفو طريقة الدراسة تاعهم هاذو لخرايج يساعدوكم مبعد تولو تعرفو كيفاه تقراو كيفاه تتحكمو في الوقت تاعكم كي تخير منين حا تقرا ضك مبعد متتلفلكش منين و كيفاه و الوقت كامل يروحلك و نتا تحوس عليمن تقرا ضك اذا راكم قاعدين ديرو هذ لحوايج و العام طويل يعني صدقوني يكفيكم تقراو و ديرو كلش متزربوش رواحكم من ضك علبالي تتحمسو عام حديد و مرحلة جديدة و كذا بصح متزربوش ديرو كلشي ضك مزال لحال (نقصد متحفظوش و مكلاه تبداو تقراو في دروس الباك و ....) و لي يقولك ضك تقرا المكتسبات ولا توحد روحك للباك حا تعيا نبعد مكانش منها ذي التعب يكون يكون مم تبدا الشهر اللخر قبل الباك راح تعيا

وش مدوولكم !!! هاه فرحوني🥹

نتائج اعلان التوجيه الجامعي لطلبة بكالوريا 2024 اليوم 5 اوت على الساعة 15:00 #هام #نتائج_توجيه_حاملي_بكالوريا_2024 عبر الرابط التالي: /https://orientation-esi.dz

اللهم صل و سلم و بارك على نبينا محمد

🔴 حسب مصٓــادر مطلعة : معدل القبُــول في كليّٓـات الطِب 🩺🧑‍⚕️ لن يتجٓـاوز 16,80 في كل الأحوال رغم إرتفاع المعدلات مقارنة بالسنة الماضية

🛑 السنة الدراسية 2024/2025 دخول المديرين يوم الأحد 01 سبتمبر دخول الأساتذة يوم الأحد 08 سبتمبر تسجيلات التلاميد يوم الأربعاء 11 سبتمبر دخول التلاميذ يوم الأحد 15 سبتمبر