آذر بایجان

اگنینی کورک ائت یاشیل کپنگیم اوشومه‌سین آرزولارین بو گلدی- گئدر دوستلوقلارین سویوقلوغوندا اگنینی کورک ائت یاشیل کپنگیم اوشومه‌سین اؤزلرینه مئششاندا سیغناجاق دوزه‌‌لدن اومیدلرین. منطیق ناجاقلاری اؤزلرینه ساری یونان مهربانلارین محبتیندن ساری هاوا چوخ سویوق کؤکونو ایتیرمیش اولدوزلار زور گلیر گونشه علی رشتبر قاییب @azarbayjan00000

گوزل شارکی ابراهیم تاتلیس و زارا - دوستوم دوستوم @azarbayjan00000

@azarbayjan00000 دیلقم محبوب خلیلی

باشینا دؤندویوم آلا گؤز پریم آپاردین عاغلیمی آی بویاندا دور عاغیل باشدا دئییل روح دا بدن ده ائیله دین تارومار آی بویاندا دور حالالداندیر مایام بولونماز حرام قیرخلار مجلیسینده من اوردا وارام سئیراقیب آداملا هئچ اولماز آرام شیطاندی فئلیندن آی بویاندا دور! عابباسام دؤورانیم آی بئله کئچدی دولاندی روزیگار آی بئله کئچدی ساللاندی بیر پریم آی بئله کئچدی او سبب دن دئدیم آی بویاندا دور عابباس توفارقانلی @azarbayjan00000 🌷کانال 👆👆👆👆🌷

دئديلر کدر یئدیم دردی چوله وئرمه دیم دوشونمور دئدیلر قانمیر دئدیلر آلوولاندیم اؤزوم یاندیم اؤزومده سرخوشدو بوغلانیر یانمیر دئدیلر زامانین غم یوکو ایدی بئلیمی باغلادی قولومو کسدی دیلیمی گوناهسیز دولاندیم گوناهکار کیمی اوسته لیکده بیر اوتانمیر دئدیلر یولوما تور قوردو ظالیم ظولموکار دوداغیندا گولوش قلبینده زه هر اوزونه وورمادیم دئدیم دوزه لر بهمن خامدی ایش آنلامیر دئدیلر @azarbayjan00000 بهمن وطن اوغلو👆👆👆👆🌷

سنه کونول عقله قوللوق ائتسن یار اولار الله سنه حقّه سیغین اوز وئرنده کدر محنت آه سنه چوخ یئماقلیق یامان قویار آز یئمکدن اینسانی اویما نفسه تاماح ییخار اُول دئییم آگاه سنه عاریف لره عالیم لره اُول یاخین سیرداش دئییم اینسانلیقی درک ائدرسن باخ یاواش یاواش دئییم نادانلارا عمور بویو گَل اولما یولداش دئییم دوغرو یولو نیشان وئرر هر آن اشتباه سنه باشا چالما چورک وئرسن بیر محتاجا دونیادا یاشا عمور یول لاریندا باشی اوجا دونیادا هئچ بیرکیمه ظولم ائیلمه گَل بو قوجا دونیادا عمور بویو گَر وئریلسه حکم پادشاه سنه بابالار تک گوتور قلم حقیقتدن سوز توخو صدق دیلدن حق کلامین درین دوشون سن اُوخو آزا قانح اُولسان اَگر یئتیرر الله چوخو آچیلار حق کرمیندن باغلی بیر درگاه سنه گاللی موسی دَرک ائدیبدیر محبتده خالیقین بیرلیگینه کونول وئریب حقیقتده خالیقین اینسان اوغلو قدرتین گور طبیعتده خالیقین قوی اوغورلو بیر گون اولسون هر گَلن صاباح سنه ۱۳۹۲/۵/۱۸ @azarbayjan00000 شماره = ۲۵۶

سنی کونول ایسته اولو تانری سالماسین گوزدن سنی اهل کامال تانیاجاق یازدیقین سوزدن سنی طریقتده اوز گتیرسن هانسی یولا صادق اُول امتحانا چکجک لر دوتدوقون ایزدن سنی اوزون آرزو درین خیال ائدیب دوشمه نیسگیله آستا گئدن اوستا گئدر تئز یئتیشر منزیله اوزه دوشمه گوجون چاتمیر گوتورمه آغیر شَله اِئنیش یوخوش یولدا سالار یوخسا یوک دیزدن سنی دوغرو دانیش اورکلرده یئر آچ صداقت قازان یاناش قوهوم قارداشینان حورمت محبت قازان ائل ایچینده سن اوزونه ساغلیقدا رحمت قازان سوروشاندا رحمت دئسین اَیری دن دوزدن سنی حاق یولوندا اُلفت تاپدیم بیر محترم شاهیله اوندان آیری دوشسم اَگر کونلوم یانار آهیله بویوروب توت حقیقتدن چیخارداجاق ساحیله یقین ائیله بو حیاتدا غملی دنیزدن سنی عشق اُودوندان آلیشمیشام یامان سینه داغلی یام بیرلیگینه اینانمیشام یارادانا باغلی یام گاللی موسی فخر ائیله یاز آذربایجان اُوغلویام بیر گون ائللر آختاراجاق قوجا تبریزدن سنی @azarbayjan00000 ۱۳۹۲/۵/۱۸ شماره= ۲۵۵

بیلر کونول اورک سرّی لرین خالق اکبر بیلر اولیاءلر یول گوسترر ائلده خئیرو شر بیلر آنا وطن قیمتینی هر یئتندن سورما سن وطن قدرین اَر آنادان اَر دوغولان اَر بیلر گَل بو وطن تپراغینا بیز یاندیراق جان بئله جان قویماسا آزادلیقا چاتانماز اینسان بئله لعل وگوهر قیمتینی بیلمز هر نادان بئله آتالاردان بیر مثل وار زَر قدرین زرگر بیلر آخار سو تک نچه یول لار لیلئشب دورولموشام عمور آدلی ائنیش یوخوش یولدا چوخ یورولموشام یارادانین بیرلیگینه اَزلدن وورولموشام عاریف اولان حق کلامین ائدیب دیل اَزبر بیلر آدام وارکی باشدان کئچر حاق سوزو هر آن دئیر آدام وارکی حقیقتی تِز دانار بهتان دئیر عاقلی دایاز کامالدان آز هجویله هذیان دئیر دده بابا سوزلرینی سوز اهلی گوهر بیلر گاللی موسی الله بیلیر حیاتدا چکدیم نه لر ائل دردیله وطن دردی باغریمین باشین دَلر دالدا یئرده اوز اوزونه منم دئین کیمسه لر قوچ کور اوغلو قاچاق نبی یا اسکندر بیلر @azarbayjan00000 ۱۳۹۲/۵/۱۷ شماره = ۲۴۱

منم آچ گوزونو دئییم داها پیر حقیقت منم او گوهر جاویدانام گنج شرافت منم منده مندن آیری بیر من اولوب هویدا دوشون کُل اَفلاک منده دی گور سرّ نهایت منم ذرّ لردن یارانمیشام اولموشام آدم دئدیم من مظهر عشق حقّم جوهر عالم دئدیم ایسته دی کی ظهور ائتسین او ذات کرم دئدیم منده ائتدی حقّ تجلا گور نه قیامت منم بزم ازل بیر سس گلدی حقّ منم قیلدی ندا حقّ سسینه سس وئریبدی پیر عالم مصطفا من وادی الستی دن حقّه دئدیم مرحبا شیریزدان نوکری یم لعل معریفت منم تاپدیم عزّت بو معناده کیم تانیدیم اوزومو فانی دونیا ثروتینه باغلامادیم گوزومو بیر مجنونام عشق اوجوندان ایتیرمیشم دوزومو او یگانه لئیلایه کیم هله لیک حسرت منم @azarbayjan00000 آدیم شاعیر گاللی موسی کیم اَنَالحقّ سئویلرم بیر جانیم او جانانه قیسا قربان ائیلرم منزیلیمدن دیدرگینم هئچ بیلمیرم نئیلرم من یاقوت نهایتم اسرار حکمت منم ۱۳۹۲/۲/۱۹ شماره = ۴۹۳ Allah گروه = میم