Mu_Med 41

وحابين نبلغكم بالنسبة للفاينل اننا تواصلنا مع القسم وطلبنا اسئلة تدريبية على محتوى المقالي في الفاينل ووافقوا وبإذن الله الدكتور هتأكد علينا بس ولما نيجي للفاينل هينزلنا اسئلة تدريبية مهمة للمقالي بالتوفيق لينا جميعاً ❤️

مساء الفل عليكم يا شباب❤️ حابين نقولكم كام حاجة بخصوص الميد: • تواصلنا مع د مايسة ربنا يكرمها بخصوص ال٣ محاضرات بتاعتها وهي وافقت تعملنا ريكوردات مراجعة لأهم نقاط الأسئلة في ١٠ دقايق مهمين جدا • وكمان جزئية blood transfusion and blood products من محاضرة ال Aplastic anemia محذوفة مش هيجي عليها اسئلة • وبالنسبة لمحاضرات د منى ابو المكارم ود علياء بصوا ف الزيادات بتاعتهم عشان لو جه منهم وإن شاء الله هتكون حاجات بسيطة وال٣ ريكوردات هنبعتهم تحت الرسالة دي 👇،وكل الشكر ل د.مايسة على تعبها معانا رينا يجزيها عنا كل خير❤️

فورماتيڤ النفرو مفتوح شويه كمان يشباب عشان اللي ملحقش يحله يستعجل

ورا كل صورة، وكل فيديو، وكل ديزاين بينزل على صفحاتنا، دايمًا في فنانين شافوا اللحظة بشكل مختلف، عرفوا يوثقوا تفاصيلها، ويحوّلوا لحظاتنا المميزة لذكريات متتنسيش. 🎥📸 الحقيقة إن الطب مش الحاجة الوحيدة اللي طلابه بيعرفوا يعملوها… جوا كتير من طلابه فنانين ومبدعين ومواهب مستخبية، مستنية الفرصة إنها تظهر. 🤍 وعلشان كده، إحنا بندور النهارده على الناس اللي بتعرف تشوف التفاصيل، وتكون هي المحطة اللي بمجرد ما تعدّي عليها اللحظة، تتحول لفن يقدر يوصلنا ، يصيغ ذكرياتنا ، ويكون الصورة اللي بتعبر عننا والشكل اللي بنظهر بيه لكل حد بيعرف يصوّر 📸 لكل حد بيعرف يصمم 🎨 لكل حد بيحب الـVideo Editing 🎬 لأي حد بيكتب واكتر من كده كتير إحنا بندور على فنانين يكونوا جزء من ال Media Team بتاع الكلية. لو شايف إن عندك عين مختلفة، فكرة، أو حتى شغف نفسك تطوره… مستنينك وسطنا ❤️ : https://forms.gle/FH17MTfUhaw8D48G8

الرجاء ملء الاستبيان للضرورة القصوى

ياريت تملوا الاستبيان ده يشباب مهم

انا لله وانا اليه راجعون توفى الى رحمة الله تعالى زميلنا في الدفعة من الوافدين مصطفى حمد النيل كان لسه بيمتحن معانا امبارح والنهاردة توفى ربنا يرحمه ويغفر له ويسكنه الفردوس الأعلى من الجنة يارب اللهمّ أبدله داراً خيراً من داره، وأهلاً خيراً من أهله، وأدخله الجنّة، وأعذه من عذاب القبر، ومن عذاب النّار. اللهمّ عامله بما أنت أهله، ولا تعامله بما هو أهله. اللهمّ اجزه عن الإحسان إحساناً، وعن الإساءة عفواً وغفراناً. اللهمّ إن كان محسناً فزد من حسناته، وإن كان مسيئاً فتجاوز عن سيّئاته. اللهمّ أدخله الجنّة من غير حساب، ولا سابقة عذاب. اللهمّ آنسه في وحدته، وفي وحشته، وفي غربته.

ازيكم يشباب الف مبروك على انتهاء الجراحة وعقبال الترم والسنة كلها😍 •نخش على الباطنة علطول بنأكد عليكم محتوى الميد هيكون الهيم والفاينل الكارديو والنفرو والمنسقة بلغتنا ان الفترة اللي فاتت البنك كان بيتحدث زي ما قالوا والأسئلة اتغيرت وبالنسبة للميد نذاكر من الكتاب ماعدا محاضرة د.منى ابو المكارم myeloproliferative disorders من الفايل القديم، الفاينل هنأكد كل حاجة قريب برضو •بالنسبة للاوسبي يشباب د.إيمان بعتتلنا فايل وده هييجي منه الامتحان بالصور بتاعته كمان إن شاء الله وهنبعته دلوقتي • الفورماتيفز الباقية هيتحدد معادنا وتنزل متقلقوش اي حاجة تاني هنبلغكم علطول يشباب المنسقين والقسم متعاونين جدا ومعانا في اي حاجة كل الشكر ليهم❤️❤️

صباح الفل شباب الفترة التانية ممكن يجوا من دلوقتي عشان الفترة الأولى بتخلص دلوقتي ف متأخروش ومتقلقوش كله طالع مبسوط مفيش حاجة صعبه ❤️

فترة صباحي ٨ ونص فترة مسائي ١١ ونص

مساء الفل يشباب تغيير بسيط خالص حصل في تقسيمة بكرا وهنمشي تبع الفايلات دي الدكتور عملها لو في اي حد اسمه مش موجود او حد امتحن النهاردة واسمه متكرر او اي مشكلة يبلغنا عشان نعدلها كله يبص عليها وابعتوعها لبعض🙏

سلام عليكم يشباب الف مبروك لكل اللي خلصوا النهاردة وعقبال النص التاني من الدفعة❤️ تقسيمة اليوم كالتالي 👇 -فترة اولى الساعة 8 ونص B3-C1-C2-C3-D1 -فترة تانية الساعة 11 ونص D2-D3-E1-E2-E3 اليوم هيمشي بشكل اسرع لأن احنا بس اللي هنمتحن بكرا بالتوفيق ✨

قائمة بكرا والخط فاصل بين فترة صباحية ومسائية